တာကိုဆိုတာ၊ မဂ္ဂင် ၈-ပါး အစုံအလင်ရောက်တော့ "ပညာမဂ္ဂင်"က သမ္မာဒိဋ္ဌိ သမာသင်္ကပ္ပ ၂-ပါး၊"သမာဓိ
မဂ္ဂင်" သမ္မာဝါယာမ သမ္မာသတိ သမ္မာသမာဓိ ၂-ပါး၊ "သီလမဂ္ဂင်"က သမ္မာဝါစာ သမ္မာကမ္မ န္တ သမ္မာအာဇိဝ
၃-ပါး၊ ပေါင်း ၈-ပါးဖြစ်တယ်၊ ဒီမဂ္ဂင် ၈-ပါး မိမိသန္တာန်မှာ ရောက်ရှိမှသာလျှင် မိမိ၏ သီလ..သမာဓိ..ပညာတွေ
ဟာ အဓိ..အကြီးအကဲ အဆင့်သို့ရောက်ပြီး နောက်ဘဝအဆက်ဆက်မှာ မပျက်မစီး ခိုင်မြဲသွားတယ်၊ မဂ္ဂင်
၈-ပါး မစုံသေးရင်တော့ ခင်ဗျားတို့မှာရှိတဲ့ သီလ..သမာဓိ..ပညာတွေဟာ မခိုင်မြဲသေးဘူး၊ ဒီဘဝမှာပဲ ပျက်စီး
သွားနိုင်တယ်၊ နောင်ဘဝရောက်ရင် ပျက်စီးသွားနိုင်တယ်။ အခု ခင်ဗျားတို့ ဆောက်တည်ထားတဲ့ ၅-ပါး၊ ၈-
ပါး၊ ၁ဝ-ပါးစတဲ့ သီလတွေဟာ အခိုက်အတန့်ပဲ တည်နိုင်တယ်၊ အကြောင်းတိုက်ဆိုင်လို့ရှိရင် ပျက်ကြတာပဲ၊
အသက်နဲ့လဲပြီး ဒီသီလ မဖျက်ပါဘူးလို့ မလာသေးတော့ ဒီသီလဟာ သာမညသီလပဲ ရှိသေးတယ်၊ သမာဓိ
ပညာတို့လဲ ထို့အတူပဲ၊ ပျက်စီးသွားနိုင်တော့ သာမညပဲ၊ အဲ..မဂ္ဂသစ္စာဆိုက်တဲ့ သီလ..သမာဓိ..ပညာတို့ကျ
တော့ အဓိ ပါလာလို့၊ ဘယ်သူဖျက်လို့မှမရဘူး၊ တတ်နိုင်လို့ ကုပ်ပေါ် ဓားဝဲပြီး မင်းသီလဖျက်ရမယ်၊ သမာဓိ
ဖျက်ရမယ်၊ ပညာဖျက်ရမယ်လို့ တစ်ဦးဦးက အဖျက်ခိုင်းပေမယ်ံ အသက်သာအသေခ့မယ်၊ မဖျက်တော့ဘူး
အဲဒီကျမှမြဲတယ်၊ မဂ်မဆိုက်သေးတဲ့ သာမည သီလ သမာဓိ ပညာတွေကတော့ နတ်ပြည် ဗြဟ္မာပြည်တိုင်
အောင် အကျိုးပေးပါတယ်၊ နိဗ္ဗာန်အထိတော့ အကျိုးမပေးဘူး၊ မဂ်ဆိုက်တဲ့အခါကျတော့ အဓိပါလာတဲ့အ
တွက် နိဗ္ဗာန်အထိအကျိုးပေးတယ်၊ ဒီကျတော့မြဲသွားပြီ၊ ဒီတော့ ဘယ်အချိန်ကျမှ မြဲမလဲဆိုတော့ ဒုက္ခချုပ်
တာကိုမြင်မှ၊ နိဗ္ဗာန်ကိုမြင်မှ (မဂ်ဆိုက်မှ) ပဲ မြဲမယ်၊ ဒီလိုမြဲမှလဲ စိတ်ချရတယ်၊ လားရာဂတိ မြဲတယ်၊ အပါယ်
မကျတော့ဘူး၊ ချမ်းသာဟူသေရွေ့ အထက်သာတက်သွားတယ်၊ သမ္ဗောဓိပရာယနောတဲ့ အထက်မဂ်ကို
သာတက်တော့မှာပဲ၊ အောက်ပြန်မဆင်းတော့ဘူး၊ ဒီတော့ နိဗ္ဗာန်ကိုမြင်မှ နိဗ္ဗာန်တည်းဟူသော အာရုံကို အ
မှိရမှ မိမိတိုသီလ သမာဓိ ပညာဟာ အဓိပါပြီး မြဲမယ်လို့မှတ်။ အဲဒါကြောင့် မြဲတဲ့ စိတ်ချရတဲ့ သီလ သမာဓိ
ပညာမျိုးဖြစ်အောင် (၁) ဖြစ်ပျက် မြင်အောင်ကြည့်ပါ၊ (၂) ဖြစ်ပျက်မုန်းအောင် ကြည့်ပါ၊ (၃) ဖြစ်ပျက်ဆုံး
အောင် ကြည့်ပါ၊ ဖြစ်ပျက်ဆုံးရင် နိဗ္ဗာန်မြင်ပြီ၊ အဲဒီကျမှ မြဲမယ်၊ စိတ်ချရမယ်၊ အခု ခင်ဗျားတို့ဆောက်တည်
ထားတဲ့ သီလ သမာဓိ (သမထ) ပညာ (ဝိပဿနာ) တွေဟာ အထိမခံ ရွှေပန်းကန်မို့ မခိုင်မြဲသေးဘူး၊ ဘာ
ကြောင့် နိဗ္ဗာန်တည်းဟူသော အာရုံဆွဲကိုင်ရာ မရသေးလို့၊ သူတို့ကို နိဗ္ဗာန်က အာရမ္မဏာ ဓိပတိပစ္စည်းနဲ့
ကျေးဇူးမပြုသေးဘူး၊ မပြုသေးလို့ မမြဲတာ၊ ဘုရားလက်ထက်က ဒေဝဒတ်ကြီးဟာ (အဓိမပါသေးတဲ့) သမာ
ဓိရလို့ ဈာန်ရပြီး မြေလျှိုးမိုးပျံနိုင်ပြီး တော်တော်တန်ခိုးကြီးခဲ့တယ်၊ အခု အဝီစိမှာနေရတယ်၊ ဘာကြောင့် သူ
ရထားတဲ့ သမာဓိဟာ အဓိမပါလို့၊ အဓိပတိ..ကြီးစိုးနိုင်တဲ့ စွမ်းရည်သတ္တိမပါသေးလို့၊ ဘုရားလက်ထက်က
တိဿရဟန်းကြီးဟာ သေတော့ သန်းဖြစ်ခဲ့တယ်၊ ဘာပြုလို့ သူ့ သီလ သမာဓိ ပညာတွေက အဓိ...အဓိပတိ
မဖြစ်သေးလို့၊ ဒီတော့ အဓိပတိမဖြစ်သေးတဲ့..မခိုင်မြဲတဲ့..သီလ သမာဓိ ပညာတွေကိုသွားပြီးအားမကိုးကြနဲ့
မခိုင်တာတွေ သွားအားကိုးလို့ ပြုတ်ကျရင်"မျောသွားမယ်၊ မြုပ်သွားမယ်၊"။
"ကမ်းနား သစ်ပင်"ခင်ဗျားတို့ ခန္ဓာ ၅-ပါးဟာ ကမ်းနားသစ်ပင်လို့မှတ်ထား၊ ကမ်းနားသစ်ပင်ဆိုတာ ရေ
တိုက်စားလို့ အမြစ်ဟာ ခိုင်ခိုင်မြဲမြဲမရှိဘူး၊ အမြစ်တွေက ကုပ်အားမရှိလို့ ယိုင်တော့ မြစ်ထဲယိုင်နေတယ်၊
ယိုင်လို့လဲတော့ မြစ်ထဲ လဲပြီး ရေယဉ်ကြောထဲ မျောပါပြီ မြုပ်သွားမှာပဲ၊ မင်းတို့ သံသရာခရီးဟာ ဒီလိုရေ
မျောလာတာနဲ့ တူတယ်လို့ ဘုရားက ဥပမာပြလိုက်တယ်၊ သံသရာခရီးသည်ဟာ တဏှာမျှောတိုင်း မျောရ
တယ်၊ တဏှာက နတ်ပြည်တောင်းလိုက်တော့ နတ်ပြည်မျောတာပဲ၊ အင်း...တဏှာနဲ့ ပတ်သက်ပြီးအကုသို
လ်မှုတွေ လုပ်ပြန်တော့လဲအပါယ်မျောတာပဲ၊ မြုပ်သွားတာပဲ၊ အဲဒီတော့ သံသရာ ခရီးသည်ဟာ တဏှာရေ
ယဉ်ကြောထဲမှာ မျောမှာပဲ၊ ဟိုဘဝ ဒီဘဝဆိုတာက တဏှာပို့မှရောက်မှာပဲ၊ တဏှာရေယဉ်ကြော မျောမှာပဲ
ရောက်မှာပဲ၊ တဏှာ ရေယဉ်က မျောမပေးဘူးဆိုရင်၊ တစ်ဘဝနဲ့တစ်ဘဝ မရောက်နိုင်ဘူး၊ အဲဒီတော့ သံသ
ရာခရီးသည် ဟူသရွေ့ဟာ တဏှာရေယဉ်ထဲမှာ တဏှာမျောသလို မျောရတာပဲ၊ ခင်ဗျားတို့ အပါယ်ရောက်
လိုက်..လူပြည်ရောက်လိုက်..နတ်ပြည်ရောက်လိုက်..ဗြဟ္မာ့ပြည်ရောက်လိုက်နဲ့၊ ၃၁-ဘုံအတွင်း လှည့်ပတ်
မျောနေတာဟာ ဘာကြောင့်...တဏှာရေယဉ်က မျှောလို့ မျောနေတာ၊ ခင်ဗျားတို့လဲ တဏှာကမျှောလိုက်
လို့ အခု လူ့ပြည်ရောက်လာတာပဲ၊ ခန္ဓာ ၅-ပါးဟာ ကမ်းနားသစ်ပင်ပဲ၊ သံသရာခရီးသည်ကဒါကိုသွားဆွဲ
တယ်၊ ကိုယ့်ရုပ် ကိုယ့်ခန္ဓာဆိုတဲ့"ရူပက္ခန္ဓာ"ကိုဆွဲတယ်၊ ချမ်းသာလေးဆိုတဲ့"ဝေဒနာက္ခန္ဓာ"ကိုသွားဆွဲ
တယ်၊ သားမှတ် သမီးမှတ် မယားမှတ် ပစ္စည်းမှတ်ဆိုတဲ့"သညာက္ခန္ဓာ"ကိုသွားဆွဲတယ်၊ ကိုယ့်စေတနာ
ကိုယ့်စိတ်ဆိုတဲ့"သင်္ခါရက္ခန္ဓာ""ဝိညာဏက္ခန္ဓာ"ကို ခင်တွယ်ပြီးသွားဆွဲတယ်၊ ငါ့ကိုယ် ငါ့ဟာ ငါ့ဥစ္စာဆိုပြီး
သွားဆွဲတယ်၊ သွားဆွဲတော့..ကမ်းနားသစ်ပင်လို မခိုင်တဲ့ခန္ဓာ ၅-ပါးဟာ ပြုတ်ကျတာပဲ၊ ဆွဲတဲ့ပုဂ္ဂိုလ်ကလဲ
တအားဆွဲ၊ ကမ်းနားသစ်ပင် (ခန္ဓာ ၅-ပါး) ကလဲ ရေတိုက်စားလို့ (ဇရာ ဗျာဓိ မရဏ..အိုနာသေကြောင့်) မခိုင်
ဆိုတော့၊ တစ်ခါတည်းပြုတ်ကျတာပဲ၊ ခန္ဓာ ၅-ပါးက အနိစ္စဖြစ်တော့ပြုတ်ကျတယ်၊ ပြုတ်ကျတော့ ဆွဲတဲ့လူ
(ခင်တဲ့လူ) အပေါ်ပြုတ်ကျတာပဲ၊ ပိကျတာပဲ၊ ပိကျတော့ ဆွဲတဲ့လူဟာ မြုပ်ဖို့ပဲရှိတော့တယ်၊ ဒါဖြင့် ခင်ဗျားတို့
ဟာ နဂိုက"အမျောသမား"နော်၊ ဟိုဘဝက မျောလာတာ၊ အခုဒီဘဝကျတော့ တဏှာ..ဥပါဒါန်နဲ့ ကိုယ်စွဲတဲ့
ခန္ဓာ ၅-ပါးကလဲ ပိပြီး ခင်ဗျားတို့မြုပ်သွားတယ်၊ မြုပ်တော့ အမြုပ်သမား ဖြစ်တာပေါ့၊ အဲဒီလို ခင်ဗျားတို့ သံ
သရာခရီးတစ်လျှောက်၊ ဘဝတိုင်း ဘဝတိုင်းမှာ မခိုင်တဲ့ ခန္ဓာကြီးကိုသွားသွားဆွဲနေတော့၊ ခန္ဓာကအနိစ္စဖြစ်
လို့ ပြုတ်ကျတာနဲ့၊ ဒီခန္ဓာကြီးပိပြီး ခင်ဗျားတို့ မြုပ်ခဲ့ရ မျောခဲ့ရတယ်၊ သံသရာမှာ အမျောသမား၊ အမြုပ်သမား
အဖြစ်နဲ့ပဲ နေခဲ့ကြရတယ်၊ ခုနက အဓိသီလ..အဓိသမာဓိ..အဓိပညာတို့ကို မရခဲ့တော့ တဏှာမျှောတိုင်း
မျောရတော့ မျောလိုက်မြုပ်လိုက်နေခဲ့ကြရတယ်၊ ဒီလိုနေ ဒီလိုသေလို့..တဏှာပြောတိုင်း ဖြစ်ခဲ့ကြရတယ်၊
အဲဒီတော့ အခုဘဝမှာ ခင်ဗျားတို့ အဆွဲမမှာဖို့အရေးကြီးတယ်၊ ခန္ဓာ ၅-ပါးကိုသွားမဆွဲနဲ့၊ အနိစ္စချည်းဖြစ်လို့
သွားမဆွဲနဲ့၊ ဆွဲရင် ဆွဲတဲ့ပုဂ္ဂိုလ်အပေါ်မှာ သူပြုတ်ကျမှာပဲ၊ အဲ ခိုင်မြဲလှတဲ့ နိဗ္ဗာန်တည်းဟူသော ကျောက်
ဆောင်ကြီးကို ဆွဲမိရင်တော့ ပြုတ်မကျလို့ မျောစရာမရှိတော့ဘူး၊ ဒီတော့ နိဗ္ဗာန်ကို အဆွဲမှန်ဖို့ အရေကြီး
တယ်၊ ခင်ဗျားတို့ အဆွဲမှားခဲ့လို့ အဆွဲမမှန်ခဲ့လို့၊ သံသရာတလျှောက် ဒီအတိုင်း မျောလာခဲ့ကြရတာနော်၊ အဲ
ဒီတော့ ခင်ဗျားတို့က ဘာတွေပဲပြောနေနေ၊ အမျောသမား အမြုပ်သမားဘဝနဲ့ပဲ ဇာတ်ဆုံးတာပဲ၊ အမျောသ
မားဆိုတာက ဟိုဘဝ ဒီဘဝမျောတာ ကူးတာ၊ အမြုပ်သမားဆိုတာက အပါယ် ၄-ဘုံရောက်သွားတာ၊ အ
ပါယ် ၄-ဘုံ ရောက်ပြီ အမြုပ်သမားဘဝက တက်လာပြန်တော့ အမျောသမားအဖြစ်နဲ့ လာပြန်တာပဲ၊ မျောပြီး
ရင်နောက် မြုပ်အုံးမှာပဲ၊ သံဝေဂရအောင် ဟောနေတာမဟုတ်ဘူး၊ ခင်ဗျားတို့ရဲ့ဖြစ်စဉ်ကို ပြောနေတာလို့
မှတ်ပါ။
ခင်ဗျားတို့ နောက်နောက်က ဒါနသီလလေး..သမထလေးလုပ်ခဲ့လို့..လူ့ပြည် နတ်ပြည် ဗြဟ္မာ့ပြည်မှာ မျော
ခဲ့ရပြီ၊ လူ့ခန္ဓာလဲ အနိစ္စပဲ၊ နတ်ခန္ဓာလဲ အနိစ္စပဲ၊ ဗြဟ္မာခန္ဓာလဲ အနိစ္စပဲ၊ သွားဆွဲရင် ပြုတ်ကျတာပဲ၊ ပြုတ်ကျ
တော့ဆွဲတဲ့လူအပေါ်ပိမှာပဲ၊ နတ်အပေါ်လဲ ပိမှာပဲ၊ ဗြဟ္မာ့အပေါ်လဲ ပိမှာပဲ၊ ပိတော့အောက်ပြန်ကျမှာပဲ၊
အောက်ပြန်ကျတော့မြုပ်တာပဲ၊ အပါယ် ၄-ပါးကျအောင်မြုပ်မှာပဲ၊ မြုပ်သွားရင် ကမ္ဘာအသင်္ချေတိုင်အောင်
မြုပ်သွားတာ၊ ပေါ်လာဖို့မလွယ်ဘူး၊ ခင်ဗျားတို့နောက်တုန်းက မျောလိုက် မြုပ်လိုက်ပဲ၊ ဘုရားတွေ အဆူဆူ
ပွင့်ပေမယ့်..ဘုရားပွင့်တုန်း ခင်ဗျားတို့က အပါယ် ၄-ပါးမြုပ်တဲ့အထိ တာရှည်နေတော့..ဘုရားကလဲ အဲဒီနေ
ရာမကြွဘူး၊ မြင်တော့မြင်တာပဲ၊ မြင်ပေမယ့်..ဒုဂ္ဂတိဘုံသားဖြစ်နေတဲ့အတွက်ကျွတ်တမ်းဝင်စရာမရှိဘူးဆို
ပြီး..ဘုရားက မကြွဘူး၊ ဘုရားက ကျွတ်တမ်းဝင်မယ့် ပုဂ္ဂိုလ်တွေဆီသာ အမြဲကြွတာ၊ ကျွတ်မယ့်လူတွေဆီ
နောက်က အမြဲတမ်းလိုက်ပြီးကယ်နေရလို့ နေ့မအိပ်ရ ညမအိပ်ရတဲ့ ဘုရားဗျ၊ ဘုရာပွင့်တာနဲ့ ကိုယ်က သုဂ
တိဘုံရောက်တာနဲ့ကြုံမှ၊ ဘုရားကလဲချွတ်မှ၊ ကိုယ်ကလဲ အဆွဲမမှားမှကျွတ်တမ်းဝင်နိုင်တာ၊ ခင်ဗျားတို့ဘာ
ကြောင့် ကျွတ်တမ်းမဝင်နိုင်ခဲ့တယ်ဆိုတာ..အကဲခတ် ကြည့်ရင် သိလောက်ပြီ၊ ဒီတစ်ခါ အဆွဲမှားရင် နှောင်
ဘဝ ဘာဖြစ်မှာတုံးဆိုတာ ခင်ဗျားတို့ ဖြေတတ်ပြီလား၊ ကဲ..အခု ဘုန်ကြီးပြောပြီလို့ ခင်ဗျားတို့က"ဒီခန္ဓာ ၅-
ပါး"ကို အားမကိုးတော့ဘူး၊ မဆွဲတော့ဘူး၊ အနိစ္စကို အနိစ္စမှန်းသိမယ်၊ ဒုက္ခကို ဒုက္ခမှန်းသိမယ်၊ အနတ္တမို့
အားကိုးစရာ အားထားစရာ မရှိဘူးလို့သိမယ်..ဆိုရင်၊ ဒီခန္ဓာကြီး ကမ်းနားသစ်ပင်ကို ဆွဲမှာမဟုတ်ဘူး၊ မဆွဲ
တော့ မခင်ဘူး၊ မခင်လို့ မဆွဲတော့ဘူး၊ (ခင်တာကတဏှာ) မခင်လို့မဆွဲတော့ ဒီခန္ဓာကြီးက ခင်ဗျားတို့အ
ပေါ် ပိကျစရာအကြောင်းမရှိတော့ဘူး၊ မခင်တော့ တဏှာရေလဲခန်းသွားတယ်၊ ပိစရာလဲမရှိ၊ မျောစရာရေ
လဲမရှိတော့၊ မျောစရာ မြုပ်စရာ အကြောင်းမရှိတော့ဘူး၊ နိဗ္ဗာန်သောင်ကမ်းသို့ ရောက်သွားပြီ၊ အဲဒီအခြေ
အနေရောက်အောင်ဆိုရင် အလုပ် လုပ်မှပဲရမယ်၊ တဏှာရေခန်းအောင်လုပ်ရမယ်၊ ခန္ဓာ ၅-ပါး ကမ်းနားသစ်
ပင်ကိုလဲ မဆွဲရဘူး၊ ဆွဲရင်မခိုင်ဘူးဆိုတာ သိရမယ်၊ ဒါကြောင့် မဆွဲမိဖို့ဆိုတာသည် တဏှာ ဥပါဒါန်မရှိ
အောင် နေပါလို့ပြောတာပဲ၊ အဲဒီတော့သံသရာ စခန်းသတ်ချင်ရင်"တဏှာရေ"ခန်းအောင်လုပ်ပါ၊ တဏှာရေ
ခန်းရင် မျောစရာ မရှိတော့ဘူး၊ ဒီတော့ ခန္ဓာ ၅-ပါးကို အနိစ္စ ဒုက္ခ အနတ္တ ရှုပေါ့ဗျာ၊ ရှုတော့ မခိုင်မှန်း (မမြဲ
မှန်း) သိမယ်၊ သိရင် မခင်တော့ဘူး၊ မခင်ဘူးဆိုရင် တဏှာခန်းပြီး ဒီတော့ (၁) မခိုင်မှန်းသိတာရယ်၊ (၂) မ
ခိုင်မှန်းသိလို့ မခင်တာရယ်၊ ဒီ ၂-ချက်အရေးကြီးတယ်၊ မခိုင်မှန်းသိရင် အနိစ္စမြင်မယ်၊ အနိစ္စမြင်ရင် မခင်ဘူး
မခင်လို့ရှိရင် တဏှာသေတယ်၊ တဏှာရေခန်းတယ်၊ မခိုင်မှန်းသိရင်"အနိစ္စ ဒုက္ခ အနတ္တ"အကုန်မြင်တယ်၊
ဒါတွေ မြင်ရင် နိဗ္ဗာန်မြင်တာပဲ၊ နိဗ္ဗာန်မြင်ရင်၊ နိဗ္ဗာန်သောင်ကမ်းရောက်ရင် မမျောတော့ဘူး၊ မမြုပ်တော့ဘူး
အဲဒီတော့ နိဗ္ဗာန်မြင်အောင်ဆိုရင် ရှေးဦးစွာ ခန္ဓာ ၅-ပါးကို ဖြစ်ပျက်ရှုရမယ်၊ ရှုတုန်းတော့ မဂ္ဂင် ၅-ပါးပဲရှိသေး
တယ်၊ ၅-လုံးတွဲ ဖောင်ကလေးရပြီပေါ့၊ ဒီဖောင်းကလေးက နည်းနည်းလောက်ပဲအားကိုးလို့ရတယ်၊ လှိုင်း
တွေ ဝဲတွေဒဏ် မခံနိုင်သေးဘူး၊ အဲဒါတွေနဲ့ တွေ့ရင် မြုပ်သွားနိုင်တယ်၊ ဒီတော့ ဆက်ရှု၊ ဆက်ရှုလို့ ဖြစ်ပျက်
ဒုက္ခသစ္စာ ခန္ဓာ ၅-ပါးကိုမခင်တော့ဘူး၊ မလိုချင်တော့ဘူးဆိုတာ လာမယ်၊ ဆက်ရှုလို့ ခန္ဓာ ၅-ပါး ဒုက္ခသစ္စာ
ကြီး ချုပ်သွားရင် မဂ္ဂင် ၈-ပါး ပြည့်သွားပြီ၊ ၈-လုံးတွဲ ဖောင်ကြီးရပြီ၊ ဒီဖောင်ကြီးကမှ အားကိုးလောက်တာ၊
လှိုင်းဒဏ် လေဒဏ် ခံနိုင်ပြီ၊ ဘယ်နည်းနဲ့မှ မမြုပ်နိုင်တော့ဘူး၊ အဲဒီ မဂ္ဂင် ၈-ပါးဆိုတဲ့ ဖောင်ကြီးရမှ နိဗ္ဗာန်
သောင်ကမ်းရောက်မယ်၊ ရောက်ရင် နိဗ္ဗာန်ကိုဆွဲကိုင်မိပြီ၊ အဆွဲမှန်ပြီ၊ ဘယ်လောက်ဆွဲဆွဲ ပြုတ်မကျတော့
ဘူး၊ ဒီကျမှ ခင်ဗျားတို့ရဲ့ သီလ..သမာဓိ..ပညာတွေဟာ"အဓိ"ပါလာပြီး၊ "အဓိပတေယျဋ္ဌော" (အဓိပတိ) ဖြစ်
တာ၊ ခိုင်မြဲတဲ့ အဆင့်ရောက်တာ။
ဤကောင်းမှုကုသိုလ်ကံ
စေတနာအပေါင်းတို့သည် အားထုတ်ဆဲဖြစ်သော
ဝိပဿနာဉာဏ်မှ မဂ်ဉာဏ်သို့ကျေးဇူးပြုခြင်းငှာ
အထောက်အပံ့ ပစ္စည်းအဖြစ်ဖြင့်
တည်ရှိပါစေသတည်း။ ။
အရှင်ဉာဏဓဇ
မိုးကုတ်ဝိပဿနာ မင်္ဂလာမဂ္ဂင်ရိပ်သာ
ပင်မသံဝေဇနိယဌာန
အမရပူရမြို့ ။ ။
