မနေ့က
ဝေဒနာတွေက ၀ိသာခသူဌေးက မေးလို့ ဓမ္မဒိန္နာထေရီမက ဖြေလိုက်တယ် …။ (မှန်ပါ)၊
ဘယ်လို မေးလိုက်သတုံးဆိုတော့ သုခဝေဒနာ မရှုလို့ရှိရင် အဘယ်တရား
ကိန်းပါသတုံး …။ (မှန်ပါ)၊ ဒုက္ခဝေဒနာ မရှုလို့ရှိလို့ရှိရင် အဘယ်တရား
ကိန်းပါသတုံး …။ (မှန်ပါ)၊ ဥပေက္ခာဝေဒနာ မရှုလို့ရှိရင် အဘယ်တရား
ကိန်းပါသတုံး … လို့ မေးလိုက်တယ်၊ ဓမ္မဒိန္နာထေရီမက သုခဝေဒနာဟာ
မရှုဘဲထားလို့ရှိရင် တဏှာနုသယ လိုက်ပါတယ်တဲ့၊ ရှင်းပါပြီနော် …။ (မှန်ပါ)။
သုခဝေဒနာ
မရှုကြရင် … (တဏှာလိုက်ပါတယ်ဘုရား)၊ တဏှာလိုက်တယ်ဆိုတာ သူကတော့
တိုးတိုးဖြေထားတာ …။ (မှန်ပါ)၊ ဒီက ဒကာ ဒကာမတွေ မှတ်ဖို့ရာကတော့ တဏှာ
ဥပါဒါန် ကံ ကျအောင် လိုက်တယ်လို့ ယူလိုက် …။ (မှန်ပါ)၊ တဏှာ ဥပါဒါန်
ကံကျအောင် လိုက်လို့ရှိရင်ဖြင့် ဘ၀လဲ ဆက်တော့မှာပဲဆိုပြီး
ဇာတိကျအောင်လိုက်လိုက် …။ (မှန်ပါ)၊ ဇာတိကျအောင် လိုက်-လိုက်တော့
သုခဝေဒနာ မရှုတဲ့ ပုဂ္ဂိုလ်ဟာ တဏှာလိုက်တယ်။ တဏှာလိုက်တော့ ဥပါဒါန်က
နိယာမသဘောနဲ့ လိုက်တယ်။ တဏှာလိုက်တော့ ဥပါဒါန်က နိယာမသဘောနဲ့ လိုက်တယ်။
ကံကလည်း နိယာမသဘောနဲ့ လိုက်တယ်။ ဇာတိကလည်း လိုက်တယ်။ အဲဒီ ဇာတိဟာ
ဘယ်ဇာတိလည်းဆိုတဲ့ အခါကျလို့ရှိရင် သာယာပြီး သေသောကြောင့် များသောအားဖြင့်
ပြိတ္တာဇာတိ …။ (မှန်ပါ)။
သုခဝေဒနာ မရှုကြရင် ဘာဖြစ်ကြမယ်ထင်သတုံး …။ (ပြိတ္တာဇာတိပါဘုရား)။
ဒါဖြင့်
သုခဝေဒနာကို ပြုံးရွှင်ပြီးသကာလ သဘောကျနေတဲ့ ပုဂ္ဂိုလ်ဟာ တိုတိုပြောတော့
အာသ၀လိုပြောတော့ ကာမာသ၀လိုက်တယ် …။ (မှန်ပါ)၊ ရှင်းပလား …။ (ရှင်းပါပြီ)။
ကာမာသ၀
ဆိုတဲ့ဥစ္စာဟာ လောဘကို ဆိုပါတယ်၊ ကာမာသ၀လိုက်လို့ရှိရင် ခင်ဗျားတို့
မှတ်စရာက ဘ၀ါသ၀လဲ လိုက်တာပဲ …။ (မှန်ပါ)၊ ရှင်းပလား …။
(ရှင်းပါပြီဘုရား)၊ ဘုံဘ၀မှာလဲ ဒီလိုပဲ ပျော်ပျော်နေချင်သေးတယ် ဆိုတဲ့
ဘ၀ါသ၀ကော … (လိုက်ပါတယ်ဘုရား)၊ အဲ … ကာမာသ၀ ဘ၀ါသ၀ဟာ လိုက်တော့တာပဲ …။
(မှန်ပါ)။
အဲဒါကြောင့်
မရှုမှတ်တဲ့ ပုဂ္ဂိုလ်မှာ ပြိတ္တာလမ်းကို သွားပါတယ်လို့ဆိုတော့ ရှုမှတ်တဲ့
ပုဂ္ဂိုလ်ကတော့ မောင်သစ်တို့၊ ဦးသံဒိုင်တို့ ရှားမှရှား … (မှန်ပါ၊
ရှားပါတယ်ဘုရား)၊ မရှားဘူးလား …။ (ရှားပါတယ်ဘုရား)၊ သုခကလေးပေါ်တယ်ဆိုပြီး
ပြုံးနေတာပဲ၊ ပြုံးပြီးသကာလ ပြုံးပြုံးရွှင်ရွှင်နဲ့ပဲ စားနေတာပဲ၊
ပြုံးပြုံးရွှင်ရွှင်နဲ့ပဲ ဒီဟာမျိုး နောက်ထပ်ဝယ်ဦးမယ် ဆိုတာ ပါလာတာပဲ …။
(မှန်ပါ)၊ နောက် ၀ယ်ဦးမယ်ဆိုတာ ဥပါဒါန် …။ (မှန်ပါ)၊ ၀ယ်မယ်ဆို
အခုသွားမှ ဆိုပြီး ကာယကံနဲ့သွား၊ ၀စီကံနဲ့ ဈေးဆစ် မလာကြဘူးလား …။
(လာပါတယ်)၊ ဒါတွေက ဘာတွေတုံး …၊ ကမ္မဘ၀ …။ (မှန်ပါ)၊၊ ကာယကံနဲ့သွားတာလဲ
ကမ္မဘ၀၊ ၀စီကံနဲ့ ဆစ်တာကော … (ကမ္မဘ၀ပါဘုရား)၊ ကမ္မဘ၀တွေပဲ၊ စေတနာဟံ ကမ္မံ
ဝဒါမိ - ဆိုတာ ဒါတွေ စေတနာကံ ပေါ်လာတယ် …။ (မှန်ပါ)၊။
အဲဒီ
ကမ္မဘ၀က နောင် သေသည်၏အခြားမဲ့၌ သူက ဇာတိကို ကျေးဇူးပြုတယ် …။ (မှန်ပါ)၊
ဇာတိဆိုတော့ များသောအားဖြင့် လောဘတဏှာက လာတော့ ပြိတ္တာဇာတိပဲ ကျေးဇူးပြုမယ်
…။ (မှန်ပါ)၊၊ များသောအားဖြင့် ဆိုပါတယ် …။ (မှန်ပါ)။
ဒါဖြင့်
ဒုက္ခဝေဒနာမရှုတဲ့ ဒကာ ဒကာမတွေကျတော့ကို ဒေါသလိုက်တယ်လို့ မှတ်ရမယ်နော် …။
(မှန်ပါ)၊ ဒေါသလိုက်လို့ရှိရင် ဒေါသ၊ သောက၊ ပရိဒေ၀၊ ဒုက္ခ၊ ဒေါမနဿ၊
ဥပါယာသ၊ အ၀ိဇ္ဇာ၊ သင်္ခါရ။ သင်္ခါရပြီးတော့ ၀ိညာဏ်ဆိုတာလဲ ပဋိသန္ဓေ၀ိညာဏ်လို့
မှတ်ထားလိုက်ကြစမ်းပါ၊ ဇာတိပဲ မှတ်ပါ …။ (မှန်ပါ)၊ ရှင်းပလား …။
(ရှင်းပါပြီ)။
အဲဒီ
ဇာတိကလဲ ဘာဇာတိတုံး မေးပြန်တော့ အ၀ိဇ္ဇာက လာသောကြောင့် များသောအားဖြင့်
တိရစ္ဆာန်ဇာတိ …။ (မှန်ပါ)၊ သူကလဲ မသေးလှဘူး …။ (မသေးပါဘုရား)၊
သဘောပါကြပလား …။ (ပါ - ပါပြီဘုရား)။
ဒါက ဘာအာသ၀လိုက်လာသတုံးဆိုရင် အ၀ိဇ္ဇာသ၀လိုက်တာတယ် …။ (မှန်ပါ)။
ဒါကြောင့်
ခင်ဗျားတို့ အာသ၀ဆိုတဲ့ ဥစ္စာသည် ဘုံအားဖြင့် ဘ၀ဂ်တိုင်အောင် လိုက်ပါတယ်၊
ဓမ္မအားဖြင့် သောတာပတ္တိမဂ်ရဲ့ ရှေးဂေါတြဘူတိုင်အောင် လိုက်တယ် …။
(မှန်ပါ)၊ ဒီတော့ အတော်ကန့်ကွက်နိုင်တဲ့ တရားပဲဆိုတာ
ထူးထူးခြားခြားမှတ်ပါ …။ (မှန်ပါ)၊ မပယ်ရင်တော့ဖြင့် လိုက်မှာပဲ၊
ပယ်ရင်တော့ဖြင့် မလိုက်ကြဘူးလို့ ဒကာ ဒကာမတွေ ဆုံးဖြတ်ချက်ချပါ …။
(မှန်ပါ)။
အဲဒါကြောင့်
ဒုက္ခပေါ်လဲ ခင်ဗျားတို့သည် ဖြစ်ပျက်ကို ရှုမိအောင် ရှုပါ။ သဘောပါပလား …။
(ပါ-ပါပြီ)၊ သုခပေါ်လဲ … (ရှုမိအောင် ရှုရပါမယ်)၊ ရှုမိအောင် ရှုရမှာပဲ၊
မရှုလို့ရှိရင် တိရစ္ဆာန်လမ်း၊ ပြိတ္တာလမ်း၊ အပါယ်လမ်းပဲဆိုတာ ငြင်းစရာ
မလိုဘူး …။ (မှန်ပါ)၊ သဘောပါကြပလား …။ (ပါ-ပါပြီ)။
ဥပေက္ခာဝေဒနာကို
မရှုမိပြန်ဘူး။ အ၀ိဇ္ဇာဘ၀ပဲ ပြန်လိုက်တယ် …။ (မှန်ပါ)၊ ဥပေက္ခာဆိုတာ
အင်မတန် နူးညံ့သိမ်မွေ့တယ်၊ ဥာဏ်ရှိတဲ့ ပုဂ္ဂိုလ်မှ သိနိုင်တာ။
ဥာဏ်မရှိတဲ့ ပုဂ္ဂိုလ် မသိဘူး …။ (မှန်ပါ)။
ဥပေက္ခာဝေဒနာပေါ်တာကို
ဥာဏ်ရှိတဲ့ ပုဂ္ဂိုလ်မှ သိတယ်။ ဥာဏ်မရှိတဲ့ ပုဂ္ဂိုလ် မသိပါဘူး၊
ဥာဏ်ရှိတဲ့ ပုဂ္ဂိုလ်ကျတော့လဲ အခု ဆရာသမားက ဟောထားတယ်။ မျက်စိ၊ နှာခေါင်း၊
လျှာ၊ ၀မ်းထဲမှာပေါ် တဲ့ ဥပေက္ခာဝေဒနာတွေ၊ ဒါတွေဟာ
ဥပေက္ခာဝေဒနာတွေချည်းပဲလို့ မှတ်ကြပါ …။ (မှန်ပါ)။
ကောင်းပြီ၊
ဒါဖြင့် ဥပေက္ခဝေဒနာ မရှုမိလို့ရှိရင်လဲ အ၀ိဇ္ဇာသ၀လိုက်တယ် …။ (မှန်ပါ)၊
အ၀ိဇ္ဇာသ၀လိုက်တဲ့အခါ ကျလို့ရှိရင်ဖြင့် အ၀ိဇ္ဇာပစ္စယာ သင်္ခါရာ၊ သင်္ခါရာပစ္စယာ
ဝိညာဏံဆိုတာက တရိစ္ဆာန်ဘုံမှာ ဖြစ်တတ်ပါတယ် …။ (မှန်ပါ)၊
ကြောက်စရာမကောင်းဘူးလား …။ (ကောင်းပါတယ် ဘုရား)။
လှူတဲ့တန်းတဲ့နေရာတောင်မှ
သြော် … ဒါဟာ ကိုယ်ခန္ဓာဖြစ်စေ၊ လှူဖွယ်ဝတ္ထုဖြစ်စေ၊ အနိစ္စ၊ ဒုက္ခ၊
အနတ္တမခြံရံလို့ရှိရင် ဘုန်းကြီးတို့ ဒကာ ဒကာမတွေတဲ့၊ အ၀ိဇ္ဇာသ၀ လိုက်သေးတာပဲ
…။ (မှန်ပါ)၊ လှူတာ တန်းတာတောင်မှ ဘုံဘ၀ကို လိုချင်တာများကြတော့
အ၀ိဇ္ဇာသ၀ပါတယ် …။ (ပါ-ပါတယ်ဘုရား)။
ဒါကြောင့်
မနေ့ကပြောခဲ့တယ်၊ အ၀ိဇ္ဇာသ၀က ဆုတောင်းခိုင်းတာ၊ လူ့ပြည်၊ နတ်ပြည်၊
ဗြဟ္မာ့ပြည် ရောက်ရပါလို၏ ဆိုတော့ လူ့ပြည်၊ နတ်ပြည်၊ ဗြဟ္မာ့ပြည်ဟာ
ဒုက္ခသစ္စာ၊ ဒုက္ခသစ္စာမှန်း မသိတာက အ၀ိဇ္ဇာ၊ အ၀ိဇ္ဇာက ဆုတောင်းခိုင်းတာ …။
(မှန်ပါ)၊ ဒါကြောင့် အ၀ိဇ္ဇာသည် တဏှာကိုလဲ ဖြစ်စေနိုင်တယ်၊ ရှင်းပလား …။
(ရှင်းပါပြီ)၊ မသိတော့ ဆုတောင်းတယ်။ မသိတာက ဘာတုံး …။ (အ၀ိဇ္ဇာပါ)၊
ဆုတောင်းတာ က … (တဏှာပါ)၊ တဏှာဆိုတော့ ကာမာသ၀ရော၊ သ၀ါသ၀ရောလိုက်တယ်။
အ၀ိဇ္ဇာသ၀လဲ လိုက်တယ် …။ (မှန်ပါ)၊ ရှင်းကြပလား …။ (ရှင်းပါပြီဘုရား)။
အဲဒီတော့ကို
အလှူတစ်လှူမှာ လွတ်ကျွတ်အောင် လှူတဲ့အလှူဟာ ဒကာ ဒကာမတွေ ရှားမှရှားတယ်
…။ (မှန်ပါ)၊ ၀ဋ်လည်တဲ့အလှူများတယ် …။ (မှန်ပါ)၊ ၀ဋ်လည်တာက ဒါနကလည်တာလား၊
ဒါနနောက်က အသိမရှိလို့ လည်တာလား ဆိုတာကိုလဲ ဦးသံဒိုင်တို့က အကဲခတ်ရမယ်
…။ (ဒါနနောက် အသိမရှိလို့ လည်တာပါဘုရား)၊ အသိမရှိလို့လည်တာ၊ ဒါနကတော့
မလည်အောင်လှူရင် မလည်ပါဘူး၊ ဒါနကတော့ ဒါနံ ဥပနိဿာယ ဈာနံ ဥပ္ပါဒေတိ
မဂ္ဂံဥပ္ပါဒေတိ အဘိညံ ဥပ္ပါဒေတိ မဂ်အဘိဥာဏ်တောင် ကျေးဇူးပြုနိုင်တယ်လို့
ဘုရားက ဟောတော်မူတာပဲ …။ (မှန်ပါ)၊ ဟောပင်ဟောငြားသော်လဲ ဒကာ ဒကာမတွေ
အဲဒီကျအောင် မလုပ်ကြဘူးတဲ့။ ဈာန်ကို ဖြစ်စေတယ်လို့ ဆိုလို့ရှိရင်
ဈာန်ရစေတဲ့တရားကို ရှုပေးရမယ်၊ မဂ္ဂံဥပ္ပါဒေတိ ဆိုလို့ရှိရင်
မဂ်လိုက်ပေးရမယ် …။ (မှန်ပါ)၊ ခင်ဗျားတို့က ဈာန်လဲ မလိုက်
မဂ်လဲမလိုက်တော့ကို နောက်ဆုံးပိတ်မှာ ၀ိပဿနံဥပ္ပါဒေတိ … ၀ိပဿနာလေးလဲ
လုပ်ပါဦး …။ မပါဘူးလား …။ (ပါ - ပါတယ်)၊ မဂ္ဂံဥပ္ပါဒေတိ … စသည်နဲ့
ဟောတော်မူတော့ သူက လည်စေနိုင်တာ မဟုတ်ပါဘူး သူက ဒီလိုထိအောင်
အကျိုးအကြောင်း ဆက်နိုင်ပါတယ်လို့ ပြောတာကို ဒကာ ဒကာမတွေက သူ ဆက်တဲ့ဆီကို
မသွားဘဲနဲ့ ကိုယ်ဆက်ချင်တဲ့ဆီကို ဆက်ပစ်လိုက်ကြတယ် …။ (မှန်ပါ)၊
ရှင်းပလား …။ (ရှင်းပါပြီ) ကိုယ်ဆက်ချင်တာ ဆက်ပစ်လိုက်တော့ အ၀ိဇ္ဇာတို့၊
တဏှာတို့ ရောက်လာတယ် …။ (မှန်ပါ)၊ သဘောပါပလား …။ (ပါ-ပါပြီ)၊
ဘာလိုက်လာသတုံး …။ (အ၀ိဇ္ဇာတဏှာလိုက်ပါတယ်)။
အ၀ိဇ္ဇာတို့၊
တဏှာတို့ လိုက်တာတော့ အ၀ိဇ္ဇာက အ၀ိဇ္ဇာ ဘ၀၊ တဏှာက ကာမာဘ၀၊ ဘ၀ါသ၀။
အဲဒါတွေလိုက် လာတဲ့အခါ ဟို ပဋိစ္စသမုပ္ပါဒ် အ၀ိုင်းကြီးကနေပြီး
မျက်စောင်းထိုးကြည့်တဲ့အခါ ကာမာသ၀ဟာ သုညာဘိ သင်္ခါရ သွားဖြစ်တာပဲ …။
(မှန်ပါ)၊ သဘောကျပလား …။ (ကျပါပြီ)။
ကာမာသ၀ဟာ
ဘာဖြစ်သတုံး …။ (ပုညာဘိသင်္ခါရသွားပြီးဖြစ်ပါတယ်)၊ ပုညာဘိသင်္ခါရဆိုတော့
သွားရောပေါ့ …၊ (သင်္ခါရပစ္စယာ ၀ိညာဏံ။ ၀ိညာဏံ ဆိုတော့ ပဋိသန္ဓေ သက်သွားပြီ။
ပဋိသန္ဓေက ဇာတိ ဒုက္ခသစ္စာ …။ (မှန်ပါ)။
အဲဒီ
ဒုက္ခသစ္စာ သွားလိုက်တော့ကို ဒါနက ဇာတိလုပ်တာလား …၊ ဒကာ ဒကာမတွေ
သန္တာန်မှာရှိတဲ့ ပုညာဘိသင်္ခါရက လုပ်တာလား မေးလိုက် … (ပုညာဘိသင်္ခါရက
လုပ်တာပါ)။
အဲဒီမှာ
မယူတတ်၊ မစပ်တတ်လို့ မြတ်စွာဘုရား အလိုတော်မကျဘဲနဲ့ တဇွတ်ထိုး
ဟောလို့ရှိရင်ဖြင့် ဒါကို ဒါနဟာ သံသရာရှည်တယ်ကွ … ပြောလေ့ရှိကြတယ် …။
(မှန်ပါ)၊ ဒါက ကျမ်းဂန်ကို မညှိတတ်လို့ ဖြစ်ရတာလို့ ဦးသံဒိုင်တို့
မှတ်ကြပါ …။ (မှန်ပါ)။
ကျမ်းဂန်ကတော့
ဘုရားသခင် ကိုယ်တော်မြတ်ကြီး ဘယ်သူ့မှ မငဲ့ဘဲနဲ့ ဟောကြားတော်မူတဲ့
နိတတ္ထဒေသနာတော်မှာ ဒါနံ ဥပနိဿယ ဈာနံဥပ္ပါဒေတိ မဂ္ဂံ ဥပ္ပါဒေတိ အဘိညံ ဥပ္ပါဒေတိ
သမာပတ္တိ ဥပ္ပါဒေတိ စသည်ဖြင့် ဟောကြားထားတယ် …။ (မှန်ပါ)၊ ဒါဟာ မမြင်ဘဲနဲ့
ဟောပါမလား …။ (မဟောပါဘုရား)၊ အဲဒါတွေကို သတိထားကြလို့ရှိရင် ဒါန
လုပ်ကြတဲ့အခါ ဈာန်ကလေးလဲ ရှုပေးပါ၊ မဂ်ကလေးလဲ ရှုပေးပါ၊ ၀ိပဿနာကလေးလဲ
လုပ်ပေးပါ ဆိုတဲ့ အဓိပ္ပါယ်ပါသားပဲ မဟုတ်လား …။ (မှန်ပါ)၊ မပါဘူးလား …။
(ပါ-ပါတယ်ဘုရား)၊ ပါပင်ပါငြားသော်လဲ ဒကာ ဒကာမတွေက ဒါနနဲ့ပဲ
ကျေနပ်နေကြတယ်၊ စာဂါနုဿတိနဲ့ပဲ ၀မ်းမြောက်မှုနဲ့ ခရီးဆုံးနေကြတယ်၊
ဝိပဿနာထိအောင် … (မပါ - ပါ ဘုရား၊ ၀ိပဿနာထိအောင် မပါတော့ ဒါနကနေပြီးတော့
ဗြဟ္မာဖြစ်အောင် ကျေးဇူးပြုလိုက်တယ်၊ သမထက သဘောကျပလား …။ (ကျပါပြီ)။
အဲဒီတော့ ဒါနက လုပ်တာလား၊ တရားဟောလိုလို့ ဖြစ်ရတာလား …။ (တရားဟောလိုလို့ ဖြစ်ရတာပါ)။
အဲဒါကြောင့်
တရားနာ၊ တရားဟောပေမယ့်လဲ ဘုရားသခင်ကိုယ်တော်မြတ်ကြီး အလိုရှိတဲ့ဆီကို
ရောက်အောင် ဟောနိုင်တဲ့ ဆရာသမားကလဲ ရှားတယ်၊ နာနိုင်တဲ့ ပရိသတ်ကလဲ
ရှားတယ်၊ သဘောကျ ပလား …။ (ကျပါပြီ)၊ ဘုရားသခင်ကိုယ်တော်မြတ်ကြီး
အလိုရှိတဲ့ဆီရောက်အောင်သွားတဲ့ ပုဂ္ဂိုလ် ရှားနေ တော့ လမ်းခုလပ်လောက်တွင်
ခရီးဆုံးသောင်တင်နေတတ်တယ် …။ (မှန်ပါ)၊ ကိုယ်သန်ရာကို
ဆွဲငင်ရေးသားထားကြတဲ့ စာအုပ်ကလေးတွေ လောက်သာကြည့်ပြီး ဘုရားဟောအစစ်
လိုရင်းထိအောင် မသွားနိုင်ကြလို့ရှိရင်လဲ ခင်ဗျားတို့မှာ တိမ်းတတ်၊
စောင်းတတ်မယ်ဆိုတာ မှတ်ကြရလိမ့်မယ် …။ (မှန်ပါ)၊ မမှတ်ထိုက်ဘူးလား …။
(မှတ်ထိုက်ပါတယ်ဘုရား)၊ ဒါလဲ အခုခေတ်မှာ အရေးကြီးနေပါတယ် …။ (မှန်ပါ)။
ကိုင်း
… ဒါနဲ့ ၀ိသာခသူဌေးက မေးလို့ ဓမ္မဒိန္နာ ထေရီမက ဖြေတဲ့အခါမှာ အနုသယသုံးပါး
လိုက်တယ်တဲ့ …။ (မှန်ပါ)၊ သုခဝေဒနာနောက်က တဏှာ၊ ဒုက္ခဝေဒနာနောက်က ဒေါသ၊
ဥပေက္ခာဝေဒနာ နောက်က အ၀ိဇ္ဇာ၊ နေရာတိုင်းပဲ လိုက်သလားလို့ မေးတော့
နေရာတိုင်းတော့ မလိုက်ပါဘူးတဲ့၊ ရှင်းပလား …။ (ရှင်းပါပြီ)။
နေရာတိုင်း
မလိုက်ဘူးဆိုတဲ့ဥစ္စာက ခုနင်က ၀ိပဿနာ အုပ်ချုပ်တဲ့ ပုဂ္ဂိုလ်ကျတော့
ဘယ့်နှယ်တုံး …။ (မလိုက်ပါဘုရား)၊ သုခဝေဒနာလာလဲ ဖြစ်ပျက်ရှုမယ်၊
ကျုပ်တို့က …။ (မှန်ပါ)၊ ဒုက္ခဝေဒနာလာလဲ … (ဖြစ်ပျက်ရှုပါမယ်)၊ ဥပေက္ခာလာလဲ …
(ဖြစ်ပျက်ရှုရပါမယ်)၊ ဖြစ်ပျက်ရှုလိုက်တဲ့ အခါကျတော့ နေရာတိုင်း
လိုက်တယ်လို့ ဆိုလို့ရသေးရဲ့လား …။ (မရပါဘုရား)။
အဲဒါကိုလဲ
ခွဲခြားပြီးသကာလ သိစေချင်လို့ ဓမ္မဒိန္နာနဲ့ ၀ိသာခတို့ အမေးအဖြေကို
ဆရာသမားက ထုတ်ဆောင်ပြပြီး ဟောကြားနေပါတယ် …။ (မှန်ပါဘုရား)။
ဒါဖြင့်
ဝိပဿနာ မပါလို့ရှိရင်တော့ ခင်ဗျားတို့အတွက် လည်ရတယ်ဆိုရမှာပဲ၊ ဒါနက
လည်ရတယ်လို့ … (မဆိုရပါဘုရား)၊ ဒါက တစ်နည်းဆုံးမ ဟောကြားတာ …။ (မှန်ပါ)။
ဒုတိယနည်းကို
ဟောကြားပါဦးမယ်၊ ဒီအထဲသွင်းပြီးတော့ …။ (မှန်ပါ)၊ ဒုတိယနည်းကို သဒ္ဓံ
ဥပနိဿာယ ဒါနံ ဒေတိ ဈာနံ ဥပ္ပါဒေတိ - မဂ္ဂံ - အဘိညံ - ဥပ္ပါဒေတိ။ မဂ္ဂံ၊
အဘိဘံတွေတောင် ပါပြီးသကာလ နေတာကို သူက အဲဒါကို မလိုချင်ဘဲနဲ့ ခုနကပြောတဲ့
လူချမ်းသာ၊ နတ်ချမ်းသာ၊ ဗြဟ္မာချမ်း သာ လိုချင်ပြန်တော့ သူလိုချင်တာကို
ဒါနက ကျေးဇူးပြုလိုက်ရတယ် …။ (မှန်ပါ)၊ သဘောကျပလား …။ (ကျပါပြီ)။
ဒါဖြင့်
ဘုရားကတော့ နိဗ္ဗာန်ကျအောင် အကျိုးပေးတယ်၊ ဈာန်မဂ်ဖိုလ်ကျအောင်
အကျိုးပေးနိုင်ပါ တယ်လို့ ဟောကြားပါလျက်သားနဲ့ ဈာန်မဂ်ဖိုလ်ကို သူ
မလိုချင်ဘဲနဲ့ သူ အရွေးလွဲတာနဲ့ သံသရာလည် ကြောင်း ဖြစ်ပါတယ်။ …။
(မှန်ပါဘုရား)၊ ဒီတော့ ဒါနအတွက်ကြောင့်လား၊ အလှူရှင်မိုက်တာလား …။
(အလှူရှင်မိုက်တာပါဘုရား)၊ ဒါကိုလဲ အကဲခတ်ရလိမ့်မယ် …။ (မှန်ပါ)။
ဒါနက ဆိုးဝါးတာလား …၊ အလှူရှင်က အရွေးမတတ်လို့ ဖြစ်ရတာလား …။ (အလှူရှင်က အရွေးမ တတ်လို့ ဖြစ်ရတာပါဘုရား)။
ဒါကို
ကိုယ့်အပေါ်တော့ အပြစ်မချဘဲနဲ့၊ တဇွတ်ထိုးပြောပြီးတော့ ဒါနဟာ
သံသရာရှည်တယ်လို့ ပြောကြတော့ သြော် … ခက်ပါသေးတော့တယ်လို့
မဆိုထိုက်ဘူးလား၊ ဆိုထိုက်မလား …။ (ဆိုထိုက်ပါတယ်ဘုရား)။
ဒါဖြင့်
အလှူ့ရှင်က အရွေးလွဲတတ်လို့လဲ ဒါနသည် လောကကြီးထဲလောက်ကိုသာ အကျိုးပေး
နေတာပဲ …။ (မှန်ပါ)၊ သဘောပါကြပလား …။ (ပါ - ပါပြီဘုရား)။
အဲဒီတော့
ဒကာ ဒကာမတွေ အရွေးလွဲမှုမှာလဲ အပြစ်ရှိတယ်၊ ၀ိပဿနာရှုဆိုတဲ့ နေရာမှာလဲ
မရှုမိတဲ့ အပြစ်လဲသင့်တယ် …။ (မှန်ပါဘုရား)၊ သဘောကျပလား …။ (ကျပါပြီ
ဘုရား)။
ဒီလို ယူမှသာလျှင် သူ့ဟာက ဘုရားသခင်ကိုတော်မြတ်ကြီး အလိုကျဖြစ်မယ် …။ (မှန်ပါဘုရား)။
ဒါဖြင့်
ပြောဟောနေကြငြားသော်လဲ မောင်သစ်တို့၊ ဦးသံဒိုင်တို့ သြော် … သူက ဒီတွင်
လမ်းဆုံးနေတာကိုးလို့ သူ့ကိုပဲ ချိန်ရမယ်၊ ကိုယ်က …။ (မှန်ပါ)။
ဒါကြောင့်
ခင်ဗျားတို့ တရားနာတဲ့ ပုဂ္ဂိုလ်များကလဲ ကိုယ်က ဘာမှ အသိဥာဏ် အခံကလေး
မပါဘဲနဲ့ နာလို့ရှိရင်လဲ တရားက သူများပါးစပ် လမ်းဆုံးတာပဲ …။ (မှန်ပါ)၊
ရှင်းပလား …။ (ရှင်းပါပြီ)။
သူများပါးစပ်
လမ်းဆုံးဆိုတာက ပညာရှိတဲ့ ပုဂ္ဂိုလ်များက ဘုရားဟော ဓမ္မက္ခန်ကျအောင်၊
လမ်းမှန်ကျအောင် နေရာဌာနအလိုက် ဆိုဆုံးမရင်လဲ ကိစ္စမရှိဘူးပေါ့ဗျာ …။
(မှန်ပါ)၊ သို့သော် ဒါကလဲ ရှားမှရှားပဲ …။ (မှန်ပါ)၊ မရှားဘူးလား …။
(ရှားပါတယ်)။
အဲဒီတော့
သူများပါးစပ် လမ်းဆုံးနေတော့ ခင်ဗျားတို့သည်ကားလို့ဆိုရင် ဒါနက
သံသရာရှည်တယ် လို့ ဟောလိုက်တဲ့ ဆရာနဲ့ တွေ့ပြန်တော့လဲ သူ
သံသရာရှည်တဲ့ဘက်ကို လမ်းဆုံးနေတာပဲ …။ (မှန်ပါ)၊ ဒါနသည် ဈာန်မဂ်ဖိုလ်ကို
ကျေးဇူးပြုတယ်၊ ဒါနဲ့ ပတ်သက်ပြီး သမထ၀ိပဿနာနဲ့ ခြံရံပြန်လို့ရှိရင်လဲ
အမြတ်ဆုံး ဒါနပဲ၊ နိဗ္ဗာန်တိုင်အောင် ကျေးဇူးပြု အကျိုးပေးတယ်လို့
ကျမ်းဂန်တွေ မတွေ့ဖူး ပြန်တော့လဲ သူများပါးစပ် လမ်းဆုံးတဲ့ ပုဂ္ဂိုလ်က
သူများ ဒါနကို ပယ်ပစ်လိုက်တယ် …။ (မှန်ပါ)၊ ပယ်ပစ်လိုက်တဲ့
အခါကျလို့ရှိရင် လမ်းဆုံးတဲ့ပုဂ္ဂိုလ်၏ စကားကို သူ ပယ်လိုက်တာလား၊
သူများပါးစပ် လမ်းဆုံးလို့ ပယ်လိုက်တာလား …။ အကုန်သိတဲ့
သဗ္ဗညုမြတ်စွာဘုရားရှင်၏ ဥာဏ်ကို လမ်းဆုံးတာလားလို့ မေးဖို့ လိုလာတယ် …။
(မှန်ပါ)။
ဒါနဟာ
စာဂလဲ …၊ ဒါကလေးလဲ မှတ်ပါဦး …။ (မှန်ပါ)၊ စာဂဆိုတာ စွန့်လိုက်တာ။
စွန့်လိုက်တယ် ဆိုရင် တဏှာသတ်တာပဲ။ ကိုယ့်ဥာဏ်သွင်း …။ (မှန်ပါ)၊ ကိုယ်က
ဥာဏ်သွင်းပါ၊ ဘယ့်နှယ်တုံး …။ (တဏှာ သတ်တာပါဘုရား)။
ကဲ
… ငါဟာ အဖြစ်မှ စွန့်လိုက်တဲ့ စာဂဖြစ်သွားတော့ ငါ့ဟာ အဖြစ်မှ
ဖြုတ်လိုက်တဲ့ ဒိဋ္ဌိဆက်ကော မဖြစ်နိုင်ဘူးလား …။ (ဖြစ်နိုင်ပါတယ်)၊
လုပ်တတ်လို့ရှိရင် တဏှာသတ်၊ ဒိဋ္ဌိသတ်ကြီး ဖြစ်နိုင်ပါတယ် …။ (မှန်ပါ)၊
ကိုယ်မလုပ်တတ်ပြန်တော့လဲ ငါရှိလို့ ငါလှူတာပဲဆိုတော့လဲ ဒိဋ္ဌိက လာပြန်လာပဲ
…။ (မှန်ပါ)၊ ငါလှူလို့ ငါခံစားရမှာပဲ ဆိုရင်လဲ သာယာတဲ့ တဏှာရော လာမှာပဲ။
မလာပေဘူးလား …။ (လာပါတယ်)။
အဲဒီတော့ ဘာအပေါ်မှာ မှီနေသတုံးဆိုတော့ ခင်ဗျားတို့ ပညာရှိ လမ်းညွှန်ကောင်းပေါ်မှာ မှီနေတယ်လို့ မှတ်လိုက်စမ်းပါ …။ (မှန်ပါ)။
ဘယ်လိုမှတ်ကြမယ်
…။ (ပညာရှိ လမ်းညွှန်ကောင်းပေါ်မှာ မှီနေပါတယ်ဘုရား)၊ ပညာရှိ
လမ်းညွှန်ကောင်းပေါ်မှာ မှီနေတယ်ဆိုတော့ တရားနာတာလဲ ရွေးရမယ် …။
(မှန်ပါဘုရား)၊ ဒါ သေသေချာချာမှာပြီနော် …။ (မှန်ပါ)။
ဘာဖြစ်လို့
ရွေးရမှာတုံးလို့ မေးတဲ့အခါ သူ ဘယ်အခြေအနေတွင် လမ်းဆုံးနေသတုံး၊ သူ
သစ္စာဆိုက်သလား၊ မဆိုက်ဘူးလား အစရှိသည်နဲ့ ဒါကိုလဲ အမြဲတမ်း စဉ်းစားရမယ် …။
(မှန်ပါ)၊ ဒါကို စဉ်းစားလိုက်တဲ့အခါကျလို့ရှိရင်ဖြင့် အဖိုးတန်တယ်လို့
ဆုံးဖြတ်ချက်ချပါ …။ (မှန်ပါ)၊ သစ္စာမသိသေးရင်တော့ …
(အဖိုးမတန်လှသေးပါဘုရား)။
ဒါကြောင့်
ဘုရားသခင်ကိုယ်တော်မြတ်ကြီးက သစ္စာမသိတော့ ငါလဲ သံသရာရှည်ခဲ့ရတယ်၊
မင်းတို့လဲ သံသရာ ရှည်ခဲ့ရတယ်ဟု ဟောကြားတော်မူတာ …။ (မှန်ပါ)၊ ဒါကြောင့်
သစ္စာသိပြီးမှ လုပ်ရင် အင်မတန် ကောင်းပါတယ်၊ သီလ ဆောက်တည်တယ်၊
သီလရှိပြီးမှ ၀ိပဿာ ကြိုးစားလို့ရတယ် …။ (မှန်ပါ)၊ သီလ မရှိလို့ရှိရင် …
(ကြိုးစားလို့မရပါဘုရား)။
သီလရှိတဲ့ပုဂ္ဂိုလ်
ဘာကို နှလုံးသွင်းရမှာတုံး …၊ ဒီနေ့ပဲ ဟောခဲ့ပါသေးတယ်။ ဘာ
နှလုံးသွင်းရမှာတုံး …၊ အနိစ္စတော၊ ဒုက္ခတော၊ အနတ္တတော၊ ရောဂတော၊ သလ္လတော၊
အဃတော၊ ပရတော၊ ပရလောကတော၊ သုညတော။ အဲဒါတွေ နှလုံးသွင်းပေါ့ … တဲ့။
အရှင်မဟာကောဋ္ဌိက - က မေးလို့ ရှင်သာရိပုတ္တရာ ဖြေလိုက်တယ် …။ (မှန်ပါ)။
ဒီလို
ဒေသနာတွေရှိတော့ သီလရှိပြီးတော့ ၀ိပဿနာလုပ်ပါ၊ ဒါ သောတာပတ္တိမဂ်
ရနိုင်တယ်ဆိုတာ သေချာပလား …။ (သေချာပါပြီ)၊ ဒါကိုလဲ ဖြည့်စွက်ပြီးသကာလ
ဒကာ ဒကာမတွေ မှတ်ကြပေါ့ …။ (မှန်ပါ)။
ဒါဖြင့်
ဒကာ ဒကာမတို့ သုခကို ရှုတဲ့အခါကျလို့ရှိရင် ရှုပုံကလေးကလဲ ဓမ္မဒိန္နာထေရီမက
ဖြေကြားပါတယ်။ သုခဝေဒနာဟာ ဖြစ်ပေါ်တုန်း သုခပါ၊ ပျက်စီးသွားတော့ ဒုက္ခပါ …။
(မှန်ပါ)။
ဖြစ်ပေါ်တုန်းတော့ … (သုခပါ)၊ ပျက်စီးသွားတော့ … (ဒုက္ခပါဘုရား)။
ဒါဖြင့်
သူ့ကို ဒုက္ခသစ္စာလို့ ရှုလိုက်ရင် ပြီးသွားတာပဲ …။ (မှန်ပါ)၊ သုခဝေဒနာက
ဖြစ်ပေါ်တုန်း တော့ဖြင့် သုခ။ ပျက်စီးသွားတော့ ဒုက္ခပါဘုရား၊ ဒါကြောင့်
ဘုရားက ဒုက္ခသစ္စာလို့ ဟောတော်မူတာပေါ့ …။ (မှန်ပါ)၊ ရှင်းပလား …။
(ရှင်းပါပြီဘုရား)။
ဒါဖြင့်
သုခဝေဒနာကို ကျုပ်တို့က ဒုက္ခသစ္စာလို့
ဖြစ်ပျက်ရှုလိုက်တဲ့အခါကျလို့ရှိရင်ဖြင့် ကာမာသ၀ - ပဋိစ္စသမုပ္ပါဒ်
ဘယ့်နှယ်နေသတုံး …။ (ပြတ်သွားပါတယ်)၊ ဦးသံဒိုင် ကာမာသ၀ ပဋိစ္စသမုပ္ပါဒ်
မပြတ်ပါနဲ့ဆိုလို့ … (မရပါဘုရား)၊ မရပါဘူး။
အဲဒီလိုရှုပါ၊ ဒီလိုရှုပါတယ်လို့ ဓမ္မဒိန္နာက သင်ပေးတယ် …။ (မှန်ပါ)၊ ရှင်းပလား …။ (ရှင်းပါပြီဘုရား)။
ဒုက္ခဝေဒနာတော့
ဘယ်လိုတုန်းဆိုတော့၊ ဒုက္ခဝေဒနာဟာ ပေါ်နေတုန်းတော့ ဆင်းရဲတယ်၊
ပျောက်သွားတဲ့အခါ ချမ်းသာတယ်၊ သဘောကျပလား …။ (ကျပါပြီ)၊ အဲဒီတော့
သူ့ကိုလဲ ဒုက္ခဝေဒနာလို့ ရှုပေမယ့်လဲ ခေါ်ဆဲသာရှုပါ၊ ပျက်သွားတဲ့အခါ
ပျက်သွားတဲ့အခါကျလို့ရှိရင်၊ ဖြစ်ပျက်ပဲဆိုရင် ဒါဟာ တည့်သွားတာပဲ …။
(မှန်ပါ)၊ သဘောကျပလား …။ (ကျပါပြီ)။
နို့
… ဥပေက္ခာဝေဒနာတော့ ဘယ်လိုရှုရမှာတုံးဆိုတော့ ဥပေက္ခာဝေဒနာကိုတော့
ဥာဏ်ရှိတဲ့ ပုဂ္ဂိုလ်မှာ အနိစ္စဖြစ်တာပါပဲတဲ့၊ ဥပေက္ခာရယ်လို့
တွေ့မှာမဟုတ်ပါဘူး …။ (မှန်ပါ)၊ ဥာဏ်ရှိတဲ့ပုဂ္ဂိုလ်မှာ အနိစ္စ
တွေ့တာပါပဲဆိုတာ သေသေချာချာ ဟောတယ် …။ (မှန်ပါ)။
သုခဝေဒနံ
ဘိက္ခဝေ ဒုက္ခတော ဒဋ္ဌဗ္ဗံ။ ဒုက္ခဝေဒနံ သလ္လတော ဒဋ္ဌဗ္ဗံ - လို့ ဟောတယ်။ သလ္လတော
ဆိုကတည်းက မြားငြောင့်ဆူးလို့ရှုပြီး သြော် … ဒါဟာ ဒုက္ခသစ္စာပါကလားလို့
ရှုရတယ် …။ (မှန်ပါ)၊ ဥပေက္ခာဝေဒနာ ဘိက္ခဝေ အနိစ္စတော ဒဋ္ဌဗ္ဗံ - တဲ့။
ဥပေက္ခဝေဒနာကိုတော့ အနိစ္စလို့ ရှုရမယ်တဲ့။ ဒါဟာ ရှုနည်းကို ဘုရားက ဝေဒနာ
သံယုတ်ပါဠိတော်မှာ ဟောကြားတော်မူတယ် …။ (မှန်ပါ)၊ သဘောကျပလား …။
(ကျပါပြီ)။
ကောင်းပြီ
ဒီလို နားလည်ထားတော့၊ ရှင်းသွားပြီဆိုတော့ ၀ိသာခသူဌေးကလဲ
ဓမ္မဒိန္နာထေရီမမှာ ရဟန္တာဖြစ်တယ်၊ မဖြစ်တယ်လဲ သိချင်သေးတာကိုး၊ ဒီတော့
ဆက်မေးတယ်။ သုခဝေဒနာနဲ့ ဘယ်သူနဲ့ ဆန့်ကျင်ဘက်တုံး …။ ဒုက္ခဝေဒနာနဲ့
ဘယ်သူနဲ့ ဆန့်ကျင်ဘက်တုံးလို့ မေးမြန်တော့ ဒါယကာ သူဌေးကြီးတဲ့၊ သုခနဲ့
ဒုက္ခဟာ တကယ့်ဆန့်ကျင်ဘက် … တဲ့ …။ (မှန်ပါ)။
ဒကာ
ဒကာမတွေလဲ ဒါလောက်တော့ သိကြပါပြီ …။ သုခဝေဒနာနဲ့ ဒုက္ခဝေဒနာဟာ ဘယ်တော့မှ
မတည့်ဘူး …။ (မှန်ပါ)၊ ကြည့်ကြရဲ့လား …။ (မတည့်ပါဘုရား)၊ မတည့်ပေမယ့်လဲ
ဆန့်ကျင်ဘက်မှန်းသိပြီး ထားတော့ ကျုပ်တို့က ဥာဏ်သွင်းရမယ်၊ ဒီနေရာမှာ …။
(မှန်ပါ)၊ သြော် … ခန္ဓာကိုယ်ထဲမှာ သုခဖြစ်နေရင် ဘယ်တော့မှ ဒုက္ခမဖြစ်ပါကလား
…။ ဒုက္ခဖြစ်နေရင်လဲ … (သုခမဖြစ်ပါဘုရား)၊ ဘာကြောင့်တုံး …။ ဆန့်ကျင်ဘက်၊
တွဲလို့ကို မဖြစ်ကောင်းဘူး …။ (မှန်ပါ)၊ အဲဒီတော့ ကျုပ်တို့
တစ်ခုပဲရှုဆိုတဲ့ အဓိပ္ပါယ်ပါသွား ပြီ …။ (ပါသွားပါပြီဘုရား)။
ဘာ
ပါသွားသတုံး …။ (တစ်ခုပဲရှုဆိုတဲ့ အဓိပ္ပါယ်ပါသွားပါတယ်ဘုရား)၊ အဲဒါက
တစ်ခုပဲရှုဆိုတာ ပေါ်နေတယ်၊ ဟိုကလဲ ဘယ်သူနဲ့ဘယ်သူ ဆန့်ကျင်ဘက်တုံးဆိုတာ
မေးတယ် …။ (မှန်ပါ)၊ မေးတဲ့အတွက် သုခနဲ့ ဒုက္ခ ဆန့်ကျင်ဘက်၊
အနုလောမ-ပဋိလောမ ဆန့်ကျင်ဘက်ပဲ …။ (မှန်ပါ)။
အဲဒီတော့
ဒကာ ဒကာမတွေ ဒုက္ခရှိရင် သုခမရှိဘူး၊ သုခရှိရင် (ဒုက္ခမရှိပါဘုရား)၊
အဲဒီလို ဥာဏ်ကလေးလုပ်ပြီး သကာလ သုခ ဝေဒနာ ရှိနေခိုက် သုခကို မိအောင်ဖမ်း
…။ (မှန်ပါ)၊ ဒုက္ခဝေဒနာရှိရင် … (ဒုက္ခဝေဒနာကို မိအောင်ဖမ်းရပါမယ်)၊
ဒုက္ခကို မိအောင်ဖမ်းပြီးသကာလ ခင်ဗျားတို့က သုခရှိနေလို့ရှိရင်လဲ
ဒုက္ခသစ္စာပဲ ရှု၊ ဒုက္ခရှိနေရင်လဲ … (ဒုက္ခသစ္စာပဲ ရှုရပါမယ်)။
ဒါဖြင့်
သုခ ဒုက္ခနဲ့တော့ ဘယ်သူနဲ့ ဆန့်ကျင်ဘက် ဖြစ်ပါသတုံးလို့ မေးတဲ့အခါကျတော့
ထို့အတူပဲ ဥပေက္ခာနဲ့ ဆန့်ကျင်ဘက်ဖြစ်ပါတယ်၊ သဘောကျပလား …။ (ကျပါပြီ)၊
ဥပေက္ခာနဲ့လဲ ဆန့်ကျင်ဘက်ဖြစ်ပါ သေးတယ် ဆိုတော့ ဥပေက္ခာပေါ်နေရင် သုခနဲ့ ဒုက္ခ
မပေါ်ဘူး …။ (မှန်ပါ)၊ ရှင်းကြပလား …။ (ရှင်းပါပြီ)။
ဒါဖြင့်
မျက်စိ၊ နား၊ နှာခေါင်း၊ လျှာနဲ့ ၀မ်းထဲမှာ ဥပေက္ခာဝေဒနာတစ်ခုခု
ပေါ်နေရင်လဲ ခင်ဗျားတို့ ဘာလုပ်ကြမယ် …။ (ဖြစ်ပျက်ရှုရပါမယ်ဘုရား)၊
ရှုရမှာပဲ၊ နို့မဟုတ်ရင် ရှုစရာမရှိဘူး ဖြစ်နေဦးမယ်၊ မဟုတ်ဘူး၊
ဆန့်ကျင်ဘက် တစ်ခုခုကတော့ ပေါ်လျက်ချည်းပဲ …။ (မှန်ပါ)။
ခန္ဓာထဲမှာ ဆန့်ကျင်ဘက်ဝေဒနာတစ်ခုခုကတော့ … (ပေါ်လျက်ချည်းပါဘုရား)၊ ပေါ်လျက်ချည်းပဲ ဆိုတာ သေချာပလား …။ (သေချာပါပြီ)။