ပဋိစ္စသမုပ္ပါဒ်တရားတော်သည် ခန္ဓာတို့၏အဓိပ္ပာယ်နှင့် ခန္ဓာဖြစ်ခြင်းအကြောင်း အကျိုးဆက်တို့ကို ဖော်ပြသောတရားဖြစ်ပါတယ်။ ၀ိပဿနာအလုပ်ခွင်သို့ ၀င်၍ တရားအားထုတ်ရန် စိတ်ဆုံးဖြတ်ပြီးရင် ခန္ဓာငါးပါး၏ အကြောင်းအကျိုးကို သိနားလည်ရန် လိုအပ်ပါတယ်။ ထို့အတူ မဂ်ဉာဏ် ဖိုလ်ဉာဏ်ကို ရအောင် အားထုတ်ရန် ရည်ရွယ်သော ပုဂ္ဂိုလ်တစ်ဦးသည် ပထမဦးစွာ ပဋိစ္စသမုပ္ပါဒ်တရားတော်ကို နားလည်သဘောပေါက်ဖို့ လိုအပ်ပါတယ်။ ပဋိစ္စသမုပ္ပါဒ် တရားတော်သည် အကြောင်းအကျိုးဆက်တရားပင် ဖြစ်ပါတယ်။
အရိယာသစ္စာလေးပါး တရားတော်သည် ဗုဒ္ဓ၏ သုတ္တန်ဒေသနာတော်တွင် အရေးအကြီးဆုံးနှင့် အနှစ်ချုပ်တရားတော် ဖြစ်ပါတယ်။ ထို့အတူ ပဋိစ္စသမုပ္ပါဒ်တရားတော်သည် ဗုဒ္ဓဒေသနာတို့တွင် ဒုတိယအားဖြင့် အရေးအကြီးဆုံးနှင့် အနှစ်ချုပ်တရားတော်ပဲဖြစ်ပါတယ်။
သောတာပတ္တိမဂ်ဖိုလ်၊ သကဒါဂါမိမဂ်ဖိုလ်၊ အနာဂါမိမဂ်ဖိုလ်၊ အရဟတ္တမဂ်ဖိုလ်သို့ ဆိုက်ရောက်တော် မူကြသော အရိယာ သူတော်ကောင်းတို့သည် ပထမဦးစွာ ပဋိစ္စသုမုပ္ပါဒ် သံသရာစက်၏ အဆက်အစပ်များကို ဖြတ်တောက်ခဲ့ကြပြီးနောက် အရိယာသစ္စာလေးပါးကို အပြည့်အစုံ ထိုးထွင်းသိမြင်ခဲ့ကြသူများ ဖြစ်ကြပါတယ်။
ပဋိစ္စသမုပ္ပါဒ်တရားတော်သည် သာမန် ပုထုဇဉ် လူသားများအတွက် (၁) သက္ကာယဒိဋ္ဌိ (၂) သဿတဒိဋ္ဌိ (၃) ဥစ္ဆေဒဒိဋ္ဌိ (၄) အဟေတုကဒိဋ္ဌိ စသော ဒိဋ္ဌိအမြင်မှားများကို ဖယ်ရှားသုတ်သင်ရာတွင် လွန်စွာ အရေးပါသော တရားတော် ဖြစ်ပါတယ်။ သောတာပတ္တိမဂ်ဉာဏ်ကို ရရှိရေးတွင် ဒိဋ္ဌိအမြင်မှားကို ဖယ်ရှားသုတ်သင်ရေးသည် အလွန်အရေးကြီးပါတယ်။ သောတာပတ္တိမဂ်ဉာဏ်သည် ပထမ မဂ်ဉာဏ်ဖြစ်ပြီး ထိုဉာဏ်ကို ရရှိပြီးမှသာ အထက်အဆင့်မြင့် မဂ်ဉာဏ်များသို့ တက်လှမ်းနိုင်မည်ဖြစ်ပါတယ်။
အဲတော့ ပဋိစ္စသမုပ္ပါဒ် ဆိုတာဘာလဲ ?
ပဋိစ္စသမုပ္ပါဒ် ဆိုတာ ပါဠိစကားလုံး သုံးခုကို ပေါင်းစပ်ထားခြင်းဖြစ်ပါတယ်။ ၄င်းတို့မှာ ပဋိစ္စ = အကြောင်းကြောင့်၊ ကို မှီလျက်၊ သံ = ကောင်းစွာ၊ ဥပ္ပါဒ = အကြောင်းအားလျော်စွာ အကျိုး ဖြစ်ပေါ်လာရသည်လို့ အဓိပ္ပါယ်ရပါတယ်။ အကြောင်းကို စွဲ၍၊ မှီ၍ အကျိုးတရား ဖြစ်ပေါ်လာရသည်လို့ အဓိပ္ပါယ်ရပါတယ်။ အင်္ဂလိပ်ဘာသာအားဖြင့် Law of Dependent Origination ဟု ခေါ်ပါတယ်။ Cycle of Rebirth ဟုလည်း ခေါ်ပါတယ်။
ပဋိစ္စသမုပ္ပါဒ်တရားတွင် ကွင်းဆက် ဆယ့်နှစ်ခု ပါဝင်ပါတယ်။ ထိုကွင်းဆက်များက အဆုံးမဲ့ သံသရာတွင် အဖြစ် တစ်ခုနှင့်တစ်ခု ဆက်စပ်၍ သက်ရှိသတ္တ၀ါတစ်ခု ပေါ်ပေါက်လာပုံကို ပြပါတယ်။
ဤတရား၏အစတွင် အ၀ိဇ္ဇာနှင့် စတင်ထားသော်လည်း အ၀ိဇ္ဇာသည် ပထမအကြောင်းတရား ဖြစ်သည်ဟု မမှတ်ယူအပ်ပါဘူး။ အဘယ်ကြောင့်ဆိုသော သံသရာသည် အစ မထင်သောကြောင့် ဖြစ်ပါတယ်။ ပဋိစ္စသမုပ္ပါဒ် တရားတော်က အဖန်တလဲလဲ ပဋိသန္ဓေနေရခြင်းသဘောကို သင်ကြားပေးပါတယ်။ အကြောင်းတရားတစ်ခုသည် အကျိုးတရားတစ်ခုလည်း ဖြစ်ပြီး၊ အကြောင်းက အကျိုး၊ အကျိုးကလည်း အကြောင်း အပြန်အလှန် ဖြစ်နေကြပုံကို ဆက်စပ်ပြပါတယ်။
အလွယ်တကူ သိမြင်နိုင်သောအချက်မှာ ဤပဋိစ္စသမုပ္ပါဒ်တရားတော်သည် မိမိ၏ခန္ဓာ (နာမ်ရုပ်) သဘောပင် ဖြစ်ပါတယ်။ ထိုထက်နက်နဲဖွယ်ဆောင်သော ခန္ဓာ၏ ရုပ်နာမ်ဓမ္မများ ဖြစ်နေပုံ ပျက်နေပုံကိုလည်း ပြပါတယ်။ သို့မဟုတ် တနည်းအားဖြင့် သောက ဒုက္ခများ အစဉ်အဆက် အဆုံးမရှိ ဖြစ်နေပုံကိုလည်း ပြပါတယ်။
အမှန်မှာ ပဋိစ္စသမုပ္ပါဒ်တရားတော်သည် ဓမ္မ သို့မဟုတ် ခန္ဓာများ အ၀ိုင်းလိုက် စက်လည်နေပုံ ဖြစ်ပျက်နေပုံကို ပြသပါတယ်။
အဖြစ်ဟောင်းက အဖြစ်သစ်တစ်ခုကို ဖြစ်ပေါ်ပြီးနောက် ချုပ်သွားပုံသည် အဆုံးမရှိ ဆက်စပ်၍ ဖြစ်ပေါ်နေပုံသဘောကို ပြပါတယ်။ ထိုကဲ့သို့ ဖြစ်ပြီး ပျက်နေခြင်းသဘောကိုပင် ပဋိစ္စသမုပ္ပါဒနှင့် ပဋိစ္စသမုပ္ပန္နဟု ခေါ်ပါတယ်။
တရားအားထုတ်မည့် ပုဂ္ဂိုလ်များအနေဖြင့် ခန္ဓာပဋိစ္စသမုပ္ပါဒ်ကို နားလည်ဖို့လိုပါတယ်။ ခန္ဓာပဋိစ္စသမုပ္ပါဒ်သည် ၀ိပဿနာတရားထုတ်ရာတွင် ဖြတ်လမ်းဖြစ်သည်ဟု ဆိုနိုင်ပါတယ်။ အဘယ်ကြောင့်ဆိုသော ဤတရားသည် ပဋိစ္စသမုပ္ပါဒ်တရားတော်၏ ပစ္စုပ္ပန်ဖြစ်ပေါ်ပုံကို သင်ကြားပြသပေးသောကြောင့်ပင် ဖြစ်ပါတယ်။ တစ်နည်းအားဖြင့် ဤတရားသည် ယောဂီအား ခန္ဓာငါးပါး၏ စတင်ဖြစ်ပေါ်ပုံ၊ ၄င်းတို့၏ အကြောင်းနှင့် ချုပ်ဆုံးပုံသဘောတို့ကို သိမြင်နားလည်စေပါတယ်။
ပါဠိတော်က -
စက္ခုံစ ပဋိစ္စ ရူပေစ ဥပ္ပဇ္ဇတိ၊ စက္ခုဝိညာဏံ၊ တိဏ္ဏံသင်္ဂတိ ဖေဿာ၊ ဖဿပစ္စယာ ဝေဒနာ၊ ဝေဒနာပစ္စယာ တဏှာ၊ တဏှာ ပစ္စယာ ဥပါဒါနံ၊ ဥပါဒါန ပစ္စယာ ဘဝေါ၊ ဘ၀ပစ္စယာ ဇာတိ၊ ဇာတိပစ္စယာ ဇရာမရဏ သောက ပရိဒေ၀ ဒုက္ခ ဒေါမနဿ ဥပါယာသ သမ္ဘ၀န္တိ၊ ဧ၀မေတဿ ကေ၀လဿ ဒုက္ခခန္ဓဿ သမုဒယော ဟောတိ ..
လို့ဆိုပါတယ်။
သောတ၊ ဃာန၊ ဇိဝှါ၊ ကာယ ၊ မန တို့ကိုလည်း ထိုအတိုင်း သိမြင်နိုင်ပါတယ်။
စက္ခုံစ ဆိုတာ မျက်စိကိုဆိုလိုတာသိပြီးဖြစ်မှာပါ၊ ရူပေစ ဆိုတာကတော့ အဆင်း (မြင်ရသောအရာ) ပါ။ စက္ခု (မျက်စိ) နှင့် အဆင်း တိုက်ဆိုင်သော အခါ မြင်သိစိတ် (စက္ခုဝိညာဏ်) ပေါ်ပေါက်လာပါတယ်။ ဤကိစ္စတွင် မျက်စိနှင့်အဆင်း တိုက်၍ ပေါ်ပေါက်လာသောအရာသည် မြင်သိစိတ်သာလျှင် ဖြစ်ပါတယ်။ မြင်ခြင်းကိစ္စ၌ မြင်သောသူ မရှိပါ။ ငါမဟုတ်၊ သူမဟုတ်၊ ယောကျာ်းမဟုတ်၊ မိန်းမမဟုတ်၊ မျက်စိ၌ ပေါ်သော မြင်သိစိတ်သည် မြင်သိစိတ်သာလျှင် ဖြစ်ပါတယ်။
မျက်စိ၊ အဆင်းနှင့် မြင်သိစိတ်တို့သည် ထိတွေ့မှု (ဖဿ)ကို ဖြစ်ပေါ်စေပြီး၊ ဤထိတွေ့မှု ဖဿကို အကြောင်းပြု၍ ဝေဒနာ ဖြစ်ပေါ်လာရပါတယ်။ ထိုဝေဒနာထဲမှာလည်း ငါ၊ သူတစ်ပါး၊ ယောကျာ်း၊ မိန်းမ မပါဝင်ပါ။
ဝေဒနာကြောင့် တဏှာ ဖြစ်ပေါ်လာရပြန်ပါတယ်။ တစ်ဖန် တဏှာကြောင့် ဥပါဒါန် (စွဲလမ်းမှု) ဖြစ်ပေါ်လာရပြန်တယ်။ တစ်ဖန် ဥပါဒါန်ကို အကြောင်းပြု၍ ကာယကံ ၀စီကံ နှင့် မနောကံတို့ ဖြစ်ပေါ်လာကြရပါတယ်။ ဤ ကမ္မဘ၀ကို အကြောင်း (အမှီ) ပြု၍ ဇာတိ (ပဋိသန္ဓေနေခြင်း) ဖြစ်ရပါတော့တယ်။
ဇာတိကို အကြောင်းပြု၍ (မှီ၍) အိုခြင်း (ဇရာ)၊ သေခြင်း (မရဏ)၊ ၀မ်းနည်းခြင်း၊ ပူဆွေးခြင်း ဒုက္ခ၊ ပရိဒေ၀၊ ဥပါယာသ တရားတို့ ဖြစ်ကြရပါတယ်။ ဤသို့လျှင်ပင် အလုံးစုံသော ဒုက္ခတရားတို့သည် ဖြစ်ပေါ်လာကြရပါတယ်။
ဒီနေရာမှာ ၀ဋ်သုံးပါးလည်ပုံလေးကို အနည်းငယ်ရှင်းလင်းချင်ပါတယ်။
ဝဋ်သုံးပါးရဲ့ အဓိပ္ပါယ်
ဝဋ်သုံးပါးဆိုတာ ကမ္မ၀ဋ် ၀ိပါက၀ဋ် ကိလေသ၀ဋ်ပါ။ ကိလေသ၀ဋ်ဆိုတာ ကိလေသာအားဖြင့် လည်တာ၊ ကမ္မ၀ဋ်ဆိုတာက ကံအားဖြင့် လည်တာ၊ ၀ိပါက၀ဋ်ဆိုတာက အကျိုးပေးအနေအားဖြင့် လည်တာပါ။
ကမ္မ၀ဋ် ကိလေသ၀ဋ် ၀ိပါက၀ဋ် ဆိုတဲ့ ဒီဝဋ်သုံးက တစ်ခုနဲ့တစ်ခုကျေးဇူးပြုပြီးတော့ ဆက်စပ်ပြီးတော့ အကြောင်းခံပေးနေလို့ ဒီသံသရာကြီး လည်နေရတာပါ။
ပဋိစ္စသမုပ္ပါဒ်စတုန်းက ဘာအရင်စပြလဲဆို ကိလေသ၀ဋ်က စပြပါတယ်။ ကိလေသာဝဋ်က အ၀ိဇ္ဇာ တဏှာ ဥပါဒါန်ပါ။
ကမ္မ၀ဋ်က ဘ၀နဲ့သင်္ခါရပါ။ ဘ၀ဟာ နှစ်မျိုးပြပါတယ်။ ကမ္မဘ၀နဲ့ ဥပပတ္တိဘ၀ပါ။ ကမ္မဘ၀က အကြောင်းပါ။ ဥပပတ္တိဘ၀က အကျိုးပါ။ ဒါကြောင့် ဒီနေရာမှာ ဘ၀နှစ်မျိုး ထွက်နေလို့ အကြောင်းချည်း ရေတွက်တဲ့အခါမှာ အကြောင်းဘ၀ထဲ ကမ္မဘ၀သွင်းရပါတယ်။ အကျိုးချည်း ရေတွက်တဲ့အခါမှာလည်း အကျိုးဘ၀ထဲ ဥပပတ္တိဘ၀သွင်းရပါတယ်။
ဝိပါက၀ဋ်က ၀ိညာဏ် နာမ်ရုပ် သဠာယတန ဖဿ ဝေဒနာ။
ဝိညာဏ် နာမ်ရုပ် သဠာယတန ဖဿ ဝေဒနာ ဇာတိ ဇရာမရဏ ဆိုတော့ ဒါတွေက အကျိုးတရားတွေ ဖြစ်ပါတယ်။
အဲဒီမှာ ဘာထည့်ပေးရလည်းဆိုတော့ အထက်က ဘ၀မှာပြခဲ့တဲ့ ဥပပတ္တိဘ၀ကို ထည့်ပေးရပါမယ်။ အဲဒါက အကျိုးတရားတွေဖြစ်တဲ့အတွက် ၀ိပါက၀ဋ်ပါ။
အဲဒီတော့ (၀ိညာဏ် နာမ်ရုပ် သဠာယတန ဖဿ ဝေဒနာ ဘ၀ ဇာတိ ဇရာ မရဏ) သည် ၀ိပါက၀ဋ်လို့ မှတ်ရပါမယ်။
(အ၀ိဇ္ဇာ တဏှာ ဥပါဒါန်) သည် ကိလေသ၀ဋ်ပါ။
(ကမ္မဘ၀နဲ့သင်္ခါရ) ကတော့ ကမ္မ၀ဋ်ပါ။
အဲတော့ အင်္ဂါဆယ်နှစ်ရပ်ထဲမှာ ကိလေသာ ဆိုတဲ့ တရားအစစ်က အ၀ိဇ္ဇာရယ်၊ တဏှာရယ်၊ ဥပါဒါန်ရယ်။ ကံဆိုတဲ့ တရားကတော့ ကမ္မဘ၀နဲ့သင်္ခါရပါ။ ဒါဖြင့် ဒီကိလေသာကြောင့် ကံကြောင့် ဖြစ်လာတဲ့ အကျိုးတရားတွေက ဘယ်သူတွေတုန်းဆိုယင် ၀ိညာဏ် နာမ်ရုပ် သဠာယတန ဖဿ ဝေဒနာ ဘ၀ ဇာတိ ဇရာမရဏ လို့ ဒီလို အဖြေထွက်ပါမယ်။
ဒါကြောင့် ကိလေသာဝဋ်၊ ကမ္မ၀ဋ်၊ ၀ိပါက၀ဋ် ဆိုတာ ၀ဋ္ဋ လည်ခြင်း အနက်ထွက်လို့ ဘာဖြစ်လည်းဆို သံသရာကြီးလည်နေပုံကို ပြပါတယ်။ ဘယ်လိုပြလည်း -
ကိလေသာရှိလို့လည်တယ်ပေါ့၊ ကိလေသာက စ၊ ဘာလည်းဆိုတော့ အ၀ိဇ္ဇာ တဏှာ ဥပါဒါန်။ ကိလေသာရှိတော့ ဘာဖြစ်လည်းဆိုတော့ ကမ္မ၀ဋ်တွေလုပ်ပါတယ်။ ကံတရားတွေလုပ်တာပေါ့။ မဟုတ်ဘူးလား။ ကိလေသာတွေရှိတော့ ကံတရားတွေ လုပ်ပါတယ်။ ဒါကြောင့် ကိလေသာကြောင့် ကံတွေ လုပ်တယ်တဲ့။ ဒါကြောင့် ကမ္မ၀ဋ် (ဘ၀နဲ့သင်္ခါရ)။ ကမ္မဘ၀လည်းပဲ ကုသိုလ်ကံ အကုသိုလ်ကံ စေတနာပဲရတယ်။ သင်္ခါရလည်းပဲ ကုသိုလ်ကံ အကုသိုလ်ကံ စေတနာပဲ ရတယ်။ ကိလေသာရှိလို့ ကံတွေ လုပ်တော့ ဘာဖြစ်လည်းဆိုတော့ ၀ိညာဏ် နာမ်ရုပ် သဠာယတန ဖဿ ဝေဒနာ ဘ၀ ဇာတိ ဇရာ မရဏ ဆိုတဲ့ အကျိုးကောင်ကြီး လာဖြစ်တာပေါ့။ အဲဒီလို လည်နေတာပါ။
ဝဋ်သုံးပါး လည်ပုံလည်နည်းဆိုတာ ကိလေသာ ထင်ရှားရှိနေတဲ့ ပုဂ္ဂိုလ်များသည် ကံကိုချည်း အမြဲလုပ်နေတယ်။ ကံအမြဲလုပ်သမျှ ကံ ဆိုတဲ့ အကြောင်း တရားတွေ အမြဲလုပ်သမျှ ခန္ဓာကောင် ၀ိပါက်ကောင်ဆိုတဲ့ အကျိုးတရားကြီးက အမြဲပေါ်နေတော့တာပေါ့။
ခန္ဓာကောင် ၀ိပါက်ကောင်ဆိုတဲ့ အကျိုးတရားကြီး အမြဲပေါ်တိုင်း ကိလေသာက ထင်ရှားရှိပြန်တော့ ခန္ဓာကောင်ကြီးပေါ်လာ ကိလေသာတန်းလန်းနဲ့ပေါ့။ ကိလေသာရှိပြန်တော့ ကုသိုလ်ကံ အကုသိုလ်ကံဆိုတဲ့ ကမ္မ၀ဋ်ကြီး လုပ်ပြန် ဒီလိုဖြစ်နေပါတယ်။ ကမ္မ၀ဋ်ကြီးလုပ်ခြင်းကြောင့် အကျိုးဝိပါက်ကောင် ခန္ဓာကောင်ကြီး ဖြစ်ပြန် ဒီလိုဖြစ်နေပါတယ်။
ဒါကြောင့် ကိလေသာဝဋ်ကြောင့် ကမ္မ၀ဋ်ဖြစ်၊ ကမ္မ၀ဋ်ကြောင့် ၀ိပါက၀ဋ်ဖြစ်၊ ၀ိပါက၀ဋ်ကြီးကြောင့် ကိလေသ၀ဋ်ဖြစ်၊ကိလေသ၀ဋ်ကြောင့် ကမ္မ၀ဋ်ဖြစ်၊ ကမ္မ၀ဋ်ကြောင့် ၀ိပါက၀ဋ်ကြီးဖြစ်၊ ၀ိပါက၀ဋ်ကြီးကြောင့် ကိလေသ၀ဋ်ဖြစ်၊ ကိလေသာကြောင့် ကံဖြစ်၊ ကံကြောင့် ၀ဋ်ဖြစ်၊ ၀ဋ်ကြောင့် ကိလေသာ ကိလေသာကြောင့် ကံ၊ ကံကြောင့် ၀ဋ် ဒီလို လည်သွားပါတယ်။
ဒါကြောင့် ကိလေသာမကုန်ခန်းသမျှ ကာလပတ်လုံး ဒီ လည်တယ် လည်တယ်ဆိုတဲ့ ၀ဋ်တရားကြီး ဟာ ဘယ်တော့မှ ရပ်မှာမဟုတ်ပါဘူး။
အဲတော့ ကိလေသာက ဘယ်လောက်ရှိသလဲဆိုတော့ တစ်ထောင့်ငါးရာကိလေသာရှိတယ်လို့သိပါတယ်။ ဒါဖြင့် ဒီတစ်ထောင့်ငါးရာကိလေသာအကုန်ကုန်မှ ရပ်တော့မှာလားဆိုတော့ ဒီလိုမဟုတ်ပါဘူး။ ဒိဋ္ဌိကိလေသာနဲ့ ၀ိစိကိစ္ဆာကိလေသာ နှစ်ပါးသေယင်ရပါပြီ။ သောတာပတ္တိမဂ်ဉာဏ်ရတော့ သောတာပတ္တိမဂ်ဉာဏ်သည် ဒိဋ္ဌိကိလေသာနဲ့ ၀ိစိကိစ္ဆာကိလေသာ နှစ်ပါးကိုသာလျှင် သမုစ္ဆေဒပဟာတဗ္ဗအနေအားဖြင့် ပယ်ပါတယ်။ ဒါကြောင့် ဒိဋ္ဌိကိလေသာနဲ့ဝိစိကိစ္ဆာကိလေသာ နှစ်ပါး သေဖို့ အရေးကြီးပါတယ်။
အဲတော့ ၀ဋ်သုံးပါးပြထားရာမှာ ကိလေသ၀ဋ်ဆိုတဲ့နေရာလေးမှာ ကိလေသာက ဘာကောက်ထားလဲဆိုယင် အ၀ိဇ္ဇာရယ် တဏှာရယ် ဥပါဒါန်ရယ် ပြပါတယ်။ အ၀ိဇ္ဇာတရားကိုယ်ကောက်တော့ မောဟပါ။ တဏှာနဲ့ဥပါဒါန် တရားကိုယ်ကောက်တော့ လောဘပါ။ အဲဒီ မောဟနဲ့လောဘဆိုတဲ့ ကိလေသာနှစ်လုံးသာလျှင် အဓိကထား ပြပါတယ်။ ဒီကိလေသာ နှစ်လုံးကြောင့် ကမ္မ၀ဋ်တွေ ဖြစ်ပါတယ်။ ကမ္မ၀ဋ်ကြောင့် ၀ိပါက၀ဋ်၊ ၀ိပါက၀ဋ်ကြောင့် ကိလေသ၀ဋ် ဖြစ်ပါတယ်။ အဲဒီ ကိလေသ၀ဋ်ကဘယ်သူတွေလည်းဆိုယင် (အ၀ိဇ္ဇာနဲ့ တဏှာ ဥပါဒါန်) ပါ။
ဒါကြောင့် တစ်ထောင့်ငါးရာကိလေသာ အကုန်သတ်ဖို့ မလိုပါဘူး။ မောဟကိလေသာနဲ့ လောဘကိလေသာ မဖြစ်အောင် ပါးအောင်လုပ်ဖို့ အရေးကြီးပါတယ်။ ဒီကိလေသာ နှစ်လုံးကြောင့် ကမ္မ၀ဋ်တွေ ဖြစ်တယ်။ ကမ္မ၀ဋ်ကြောင့် ၀ိပါက၀ဋ်ဖြစ်တယ်၊ ၀ိပါက၀ဋ်ကြောင့် ဘာဖြစ်ပြန်လည်းဆိုတော့ ကိလေသ၀ဋ်ဖြစ်ပြန်တယ်။ ဒီကိလေသ၀ဋ်က ဘာလဲဆိုတော့ (အ၀ိဇ္ဇာနဲ့ တဏှာ ဥပါဒါန်) ပါ။
ဒါဖြင့် ဒီကိလေသ၀ဋ်ချုပ်သွားလို့ရှိရင် ဒီကမ္မ၀ဋ် ဖြစ်ပါဦးမလား (မဖြစ်တော့ပါဘူး)၊ ကမ္မ၀ဋ်ချုပ်ရင် ၀ိပါက၀ဋ် မဖြစ်တော့ပါဘူး။
ဒါကြောင့် တရားအားထုတ်တော့မည့် ယောဂီအနေနှင့် ပဋိစ္စသမုပ္ပါဒ် ဒေသနာတော်ကို အပြည့်အ၀ နားလည်သဘောပေါက်အောင် လေ့လာခြင်းအားဖြင့် ဒိဋ္ဌိကို ခွာနိုင်ပါတယ်။ အဲလို ဒိဋ္ဌိကိုခွာပြီးမှသာ မိမိတို့၏ သဒ္ဓါ၊ ပညာ၊ ၀ီရိယ အားလျော်စွာ မဂ်ဉာဏ် ဖိုလ်ဉာဏ်အဆင့်ဆင့်ကို တက်လှမ်းနိုင်ကြပါလိမ့်မယ်။
ကိုယ်စိတ်ချမ်းမြေ့တရားတွေ့ကြပါစေ။
မေတ္တာဖြင့်
tno
https://web.facebook.com/Dhamma-Notes-by-Thein-Naing-Ohn-1514787362178822/?ref=bookmarks
Posted via Blogaway
