ပဋိစ္စသမုပ္ပာဒ် စက်ဝိုင်းကြီးသည် မိမိခန္ဓာ၏ ဖြစ်စဉ်ဖြစ်သည်။ အတိတ်က ဖြစ်ခဲ့ပုံ ယခု ဖြစ်နေပုံ ယခု အနေမတတ်၍ သုံးအကွက်သို့ ကူး၍ ထိုသို့ ကူးသောကြောင့် သေသည်၏ အခြားမဲ့၌ စိတ်မချရပုံ ဤလေးမျိုးကို စက်ဝိုင်းက ပြသည်။ နှစ်အကွက်သည် ခန္ဓာရသော အကွက်ဖြစ်သည်။ ဒုက္ခသစ္စာကို ရခြင်းဖြစ်၏။ အတိတ်က မသိမှု အဝိဇ္ဇာကြောင့် မိုက်မှားမှုတွေ ပြုခဲ့သည်။ အကျိုးဒုက္ခသစ္စာ ရနေခြင်း ဖြစ်၏။ အတိတ်အကြောင်း မကောင်းခဲ့ဟု ဆိုသည်။ ရှေးဘဝက စုံလုံးကန်း လမ်းသွားခဲ့သည်။ ယခုဘဝ ရထားသော ခန္ဓာဒုက္ခသစ္စာကြီးကို နွေမှာတစ်မျိုး ဆောင်းမှာတစ်မျိုး မိုးမှာတစ်ဖုံ ပူဇော်ပသ နေရသည်။ ဘုရားထက်ပင် ပိုပြီး အလေးအမြတ် ပြုနေကြရသည်ဟု မိန့်သည်။
ဒီဘဝ တရားနာနေကြတာ ရှေးဘဝက မိုက်ပြစ်သင်ခဲ့တာတွေကို သိလို့ဖြစ်သည်။ မိုက်ပြစ်သင့်နေမှန်း မသိသူတွေမှာ တရားလည်း မနာ တရားအားထုတ်ရကောင်းမှန်းလည်း မသိဟု ဆုံးမသည်။ ကိုယ့်ကိုယ်ကိုယ် ခန္ဓာအကြောင်း မသိသဖြင့် မိုက်ထွန့်တက်နေပုံများကို ချဲ့ထွင်၍ ဟောသည်။ ဒကာ ဒကာမများ ခန္ဓာဒုက္ခသစ္စာကို မသိဘဲ ကံမကောင်းဘူး ဂြိုလ်ဝင်တယ် ဆိုပြီး ဂြိုလ်ပြေနံပြေ လုပ်မနေသင့် ဖြစ်ပျက် ဒုက္ခသစ္စာကို မြင်အောင် ကြည့်ရမည်ဟု ဆုံးမသည်။
အနိစ္စမြင်လျှင် ဒုက္ခသစ္စာမြင်မှ ဒုက္ခ ဇာတ်သိမ်းသည်။ မကောင်းကျိုး ဇာတ်သိမ်းသည်။ နည်းနှစ်နည်း ရှိသည်။ မကောင်းတာ မြင်အောင်ကြည့်လျှင် မကောင်းကျိုး ဇာတ်သိမ်းသည်က တစ်နည်းဖြစ်သည်။ ဖြစ်ပျက်ကို မုန်းအောင်လုပ် ဝိပဿနာနှင့် သိမ်းရမည်ဟု မိန့်သည်။ စိတ္တာနုပဿနာ ဝေဒနာနုပဿနာ ကြိုက်ရာလုပ်ဟု တိုက်တွန်းသည်။
ဝေဒနာနိရောဓာ တဏှာနိရောဓော ဖြစ်အောင် လုပ်ရမည်။ ဒါမှ ဝဋ်ကျွတ်သည်။ ပဋိစ္စသမုပ္ပာဒ် နှစ်အကွက်က သုံးအကွက်ကို မကူးအောင် လုပ်ရင်ပြီးကြောင်း ဟောတော်မူသည်။ ဤတရားတွင် ဆရာတော်ကြီးက နိဗ္ဗာန်သည် မဝေးကြောင်း နီးကြောင်း တစ်အကွက်မှာ မိုက်ခဲ့သော်လည်း နှစ်အကွက်မှာ ထပ်မံ မိုက်မဲခြင်း မရှိလျှင် နှစ်အကွက်ထဲမှာ နိဗ္ဗာန်ရနိုင်ကြောင်း ရှင်းရှင်းဟောထားသည်။ ဝိပဿနာရှုမှ ဝေဒနာနှင့်တဏှာ ကြားက အဆက်ပြတ်သည်။ ဘဝမကူးတော့ဘူး။ ဒီကနေ တစ်ခါတည်း နိဗ္ဗာန်ဝင်သည်။ ဃရာဝါသောဗဟုကိစ္စော ဆိုပြီး ဆင်ခြေတက်မနေသင့်ကြောင်း ပြောဆိုသည်။ သောတာပတ္တိမဂ်ဉာဏ် ရအောင်လုပ်ဖို့ အရေးကြီးကြောင်း ပြောပြီး ထိုဉာဏ်ရလျှင် အပါယ်လေးပါး တံခါးပိတ်ပြီဖြစ်ကြောင်း ပြောသည်။ အပါယ် စိတ်ချရပြီးမှ ရောင်းကြဝယ်ကြပါဟုလည်း တိုက်တွန်းထားသည်။ အဓိကမှာ တရားရရေးကို ရှေ့ထားပါ။ စီးပွားရေး လူမှုရေးတွေကို နောက်ထားပါဟု ပြောလိုရင်း ဖြစ်သည်။ ရှေ့နှင့်နောက် မလွဲသင့်ဟု ဆုံးမသည်။
~ မိုးကုတ်ဆရာတော် ~
