နိဗ္ဗာန်ကိုတကယ်လိုချင်တဲ့သူဟာ နိဗ္ဗာန်ရောက်ကြောင်း
လမ်းမှန်ကိုရွေးချယ်တတ်ဖို့အရေးကြီးပါတယ်။
ခန္ဓာဘာလဲ၊ ဓါတ်က ဘာလဲ၊ရုပ်ကဘာလဲ၊
နာမ်ကဘာလဲ၊ပညတ် ပရမတ်စသဖြင့် သိအောင်တော့
လေ့လာရပါလိမိ့မယ်။
သူများတွေတရားထိုင်လို့လိုက်ထိုင်တယ်။ နာရင်နာတယ်လို့သိတယ်။
အောင့်ရင်အောင့်တယ်လို့သိတယ်။ပူရင်ပူတယ်လို့သိတယ်။
ဒီလိုလေးသိပြီးနေတာလောက်ကို နိဗ္ဗာန်ရောက်ဖို့တရား
အားထုတ်တယ်လို့ အထင်ရောက်နေတတ်ကြတယ်။
နိဗ္ဗာန်ရောက်ဖို့နီးစပ်တယ်လို့ထင်တတ်ကြတယ်။
ထိုင်ရင်းနဲ့ တရားတွေ့လာမယ်လို့ယူဆတတ်ကြတယ်။
လုံးဝလွဲပါတယ်။ နာတာကျင်တာပူတာအောင့်တာလောက်
ကတော့ တိရိစ္ဆာန်တွေတောင်သိပါတယ်။
နာတာကျင်တာသိလို့ အရိယာများဖြစ်ကြမယ်ဆိုရင်
နာတာနာမှန်းသိလို့ အိုင်ခနဲ အိုင်ခနဲ ဂိန်ခနဲ ဂိန်ခနဲများ
အော်ရင်း ခွေးတွေသောတာပန်တည်ကြတော့မှာပေါ့။
နိဗ္ဗာန်ရချင်တဲ့သူဟာ ၀ိပဿနာအားထုတ်မှရမှာဖြစ်ပါတယ်။
ဝိပဿနာ အလုပ်မလုပ်ပဲနဲ့တော့ မဂ်ဉာဏ်ဖိုလ်ဉာဏ်
ရနိုင်စရာ အကြောင်းမရှိပါဘူး။ ၀ိပဿနာအားထုတ်ခြင်း
အကြောင်းကြောင့်သာလျင် မဂ်ဖိုလ်အကျိုးကို ရမှာ
ဖြစ်ပါတယ်။ ၀ိပဿနာဆိုရာမှာလည်း သူများဝိလို့ လိုက်ဝိတာမျိုး
မဟုတ်ပဲ ၀ိပဿနာ အစစ်အမှန်ဖြစ်ဖို့လိုပါတယ်။
ဝိပဿနာအစစ်အမှန်နည်းလမ်းနဲ့ ဆင်းရဲပါလားလို့
မဂ်ဉာဏ်က လာကိုလာပါတယ်။
ဝိပဿနာဆိုတာ အထူးပြုရှုမှတ်ခြင်းပါ။သာမာန်သိရိုးသိစဉ်
ကိုအသိကပ်ပေးရုံနဲ့ ၀ိပဿနာမဟုတ်သေးပါဘူး။
ခန္ဓာရဲ့သဘောအမှန်ကို သိအောင်ဆင်ခြင်ကြည့်ရမှာ
ဖြစ်ပါတယ်။ ခန္ဓာဟာ ဘယ် ခန္ဓာပဲပေါ်ပေါ် ပေါ်ပြီးတာနဲ့
ပျောက်ပါတယ်။ပေါ်ပြီးခဏမှာ ပျောက်ပျက်ခြင်းကိုသိမှ
အနိစ္စမြင်တယ်လို့ခေါ်ပါတယ်။ အနိစ္စလက္ခဏာ ကိုမြင်မှ
မမြဲတဲ့သဘောကြောင့်ဆင်းရဲတယ်လို့ သိနိုင်မှာဖြစ်ပါတယ်။
ဆင်းရဲတာကို ဆင်းရဲတယ်လို့ သိခြင်းက မဂ္ဂသစ္စာပါပဲ။
မဂ္ဂသစ္စာမဖြစ်ရင် ၀ိပဿနာ မမည်ပါဘူး။
မဂ္ဂသစ္စာဖြစ်ဖို့က အပျက်သဘောကိုမြင်သိပြီး ဆင်းရဲပါလားလို့
သိမှ မဂ္ဂသစ္စာဖြစ်မှာပါ။ ဒုက္ခသစ္စာသည် သိ ရမယ့်တရား။
မဂ္ဂသစ္စာသည် ပွားရမယ့်တရား ။ ဒုက္ခသစ္စာကို ဒုက္ခသစ္စာလို့
အမှန်အတိုင်း သိခြင်းသည်မဂ္ဂသစ္စာ။မဂ္ဂသစ္စာဖြင့် ရှုမြင်နေခြင်းကြောင့်
သမုဒယသစ္စာမလာတော့ဘူး။ သမုဒယသစ္စာမလာတော့တဲ့
အတွက် လိုချင်တယ် ရချင်တယ် မကျေနပ်ဘူး အလိုမကျဘူးဆိုတဲ့
လောဘ ဒေါသတို့ငြိမ်းနေခြင်းကြောင့် နိရောဓသစ္စာမည်တယ်။
သမုဒယသစ္စာသည် ပယ်ရမယ့်တရား။ နိရောဓသစ္စာသည်
ဆိုက်ရောက်ရမယ့်တရား။
ဝိပဿနာ အားထုတ်တဲ့သူတိုင်းဟာ သိ ပယ် ဆိုက် ပွား ဆိုတဲ့
အဓိပ္ပါယ်လေးခုနဲ့ ကိုက်ညီနေမှ ၀ိပဿနာဖြစ်တယ်ဆိုတာ
မှတ်သားထားဖို့လိုအပ်ပါတယ်။
ဒုက္ခသစ္စာမသိပဲနဲ့ အရိယာမဖြစ်ဘူး။ ဒုက္ခသစ္စာကို သိနိုင်တဲ့
နည်းလမ်းတွေ အသွယ်သွယ်ရှိပါတယ်။ ဖြစ်တဲ့ သင်္ခါရတရားမှန်သမျှ
ပျက်ကြတယ်။ဖြစ်ပြီးပျက်တယ်လို့ သိခြင်းသည် ဒုက္ခသစ္စာကိုသိခြင်း။
ဖြစ်တဲ့ သင်္ခါရတရားမှန်သမျှဟာ ပျက်ဖို့အကြောင်းကြီးပဲ။
ပျက်ဖို့အကြောင်းနဲ့
ဖြစ်လာပြီး ပျက်ခြင်းအကျိုးသာလျှင် ရတယ် အကြောင်းတစ်လှည့်
အကျိုးတစ်လှည့်လို့ သိခြင်း။ ဒီလိုသိခြင်းသည် ဒုက္ခသစ္စာကိုသိခြင်း။
ဒီလိုပြောလို့လည်းဉာဏ်ရည်မမှီလို့. ဖြစ်ပျက်ကိုမသိပါဘူး
မမြင်ပါဘူးဆိုရင် အလွယ်ဆုံးနည်းလမ်း ကတော့ နှာသီးဖျားလေးကို
အာရုံစိုက်လိုက်။ နှာသီးဖျားမှာ ၀င်လေလေး တိုးဝင်တာ
တိုးထွက်တာကို ဉာဏ်စိတ်နဲ့ကြည့်။ တိုးဝင်တဲ့ဝင်လေဟာ
အခိုက်အတန့်သာရူနိုင်တယ် ရူချင်တဲ့စိတ်က ဆက်မရူချင်တော့တဲ့
အခါ ၀င်လေရပ်သွားတယ် အဲ့ဒီဝင်လေရပ်သွားတာလေးကို
သိအောင်ရှုမှတ်ပါ။ရပ်သွားတဲ့အချိန်ကို အမိအရဖမ်းပြီးသိနိုင်ရင်
အပျက်ကိုသိတာလို့ခေါ်တယ်။ ၀င်လေတိုးဝင်တာကိုသိပြီး
ဆက်မတိုးတော့တာ ဆက်မရူတော့တာ ရူတာရပ်သွားတာ
အဲ့ဒီအချိန်ကို အမိအရ ဖမ်းကြီး သိမြင်ရမှာဖြစ်ပါတယ်။
ထွက်လေလည်း ထွက်မှန်းသိရမှာဖြစ်သလို ရပ်သွားတာကို
သိရမှာဖြစ်ပါတယိ။ ရပ်သွားတဲ့အချိန်ဟာ ဖြစ်တည်မှုတစ်ခု
ပျက်ခြင်းကိုခေါ်ပါတယ်။ အဲ့ဒီလို ဖြစ်တည်မှုတစ်ခု
ပျက်သွားတာကို ဉာဏ်မျက်စိနဲ့ မြင်အောင်ကြည့်တတ်မှ
ဝိပဿနာ မည်ပါတယ်။ အဖြစ်ကိုသိခြင်းသည်
သမထ ။ အပျက်ကို သိခြင်းသည် ၀ိပဿနာ။
ဖြစ်ပြီးတိုင်းပျက်တယ် ဆိုတာကို မြင်မှ အနိစ္စမြင်တယ်လို့
ခေါ်ပါတယ်။ အနိစ္စလို့ မြင်နိုင်တဲ့ ဉာဏ်စွမ်းသည်သာလျင်
ဒုက္ခသစ္စာလို့ ရှုမှတ်ပါလိမ့်မယ်။ အနိစ္စမမြင်တဲ့သူဟာ
ဒုက္ခလို့ သိမှတ်နိုင်မှာ မဟုတ်ပါဘူး။
အလုပ်စဉ်ကို မှန်အောင်တည့်အောင် လုပ်တတ်ဖို့
အရေးကြီးလှပါတယ်။ အလုပ်စဉ်မမှန်ရင်
ဉာဏ်စဉ်လည်း ရမှာမဟုတ်ပါဘူး။
နိဗ္ဗာန်လည်း မြင်မှာမဟုတ်ပါဘူး။
အလုပ်စဉ်မှန်မှ ဉာဏ်စဉ်တက်ပြီး နိဗ္ဗာန်ကို
မလွဲမသွေ မျက်မှောက်ပြုနိုင်မှာဖြစ်ပါတယ်
ဖြစ်တည်ပျက်ကို သိနိုင်အောင် မှတ်နိုင်အောင်
ကြိုးစားကြပါလို့ တိုက်တွန်းပါတယ်။
အနိစ္စဉာဏ်မြင်လို့ ရှုမှတ်ဆင်ခြင်နိုင်ကြပါစေ
