ခရီးမှန် ခရီးဖြောင့်လို့အဓိပ္ပာယ်ရှိတယ်၊ မဂ်တရားဟာ မအိုမသေ အမြဲနေတဲ့ နိဗ္ဗာန်သို့..မကွေ့ မထောင့်
ဖြောင့်ဖြောင့်သွားတဲ့တရားပဲ၊ တဏှာ..သမုဒယလမ်းကတော့ ခရီးမှား ခရီးကောက်ဖြစ်တယ်၊ ဘယ်လောက်
မှား၍ ဘယ်လောက် ကောက်သလဲဆိုရင် အအိုရောက်အောင် မှားတယ်၊ ကောက်တယ်၊ အနာ ရောက်
အောင်မှားတယ်၊ ကောက်တယ်၊ အသေ ရောက်အောင်မှားတယ်၊ ကောက်တယ်၊ "ခရီးမှန် ခရီးဖြောင့်"ကို
ပြောမယ်ဆိုရင်"ခရီးမှား ခရီးကောက်"ကိုရှေးဦးစွာသိမှ ခရီးမှန် ခရီးဖြောင့်ကို မြင်မယ်။ ဒီတော့ တဏှာ..သ
မုဒယ ဘယ်လောက်ကောက်ကျစ်သလဲဆိုရင် ဒီနေရာနဲ့ ဒီခြံ၊ ဒီမှာမွေး၊ ဒီမှာနေဆိုပြီးထွက်ရပ်လမ်းမရှိ
အောင်ပိတ်ပင်တားဆီး ကန့်ကွက်ထားလိုက်တယ်၊ ၃၁-ဘုံမှာဖြင့် ခင်ဗျားတို့ဟာ ကိုယ့်အိမ်၊ ကိုယ့်ယာနဲ့ပဲ
ပျောင်ကြတယ်၊ သူများအိမ်မှာ မပျော်ကြဘူး၊ ကိုယ့်အိမ်ကိုယ့်ယာ ကိုယ်အားထုတ်ပြီးတော့ မရှိ..ရှိတဲ့ငွေနဲ့
ကြံဖန်ဆောက်ပြီး နည်းအမျိုးမျိုးနဲ့ ခြယ်သပြီးနေကြတယ်၊ ဒါကိုထောက်လိုက်တော့ ဒီနေရာဟာမင်းမှာစိတ်
ချမ်းသာ ကိုယ်ချမ်းသာဖြစ်တဲ့နေရာဆိုပြီး တဏှာက ချော့ထားလိုက်တယ်၊ စိတ်ချမ်းသာကိုယ်ချမ်းသာတွေ
ဟာ ဖြစ်ပြီးပျက်သောကြောင့် ဒုက္ခသစ္စာပဲ၊ အဲဒီ ဒုက္ခကိုပင်လျင် ခင်ဗျားတို့မှာ ကိုယ့်အိမ်ကိုယ့်ယာနေရတော့
စိတ်ချမ်းသာကိုယ်ချမ်းသာရှိတယ်လို့ သမုဒယကချော့ထားတယ်၊ ကိုယ့်အလုပ် ကိုယ့်တရားထူးကလေးနဲ့
ကျေနပ်ပြီး မစွန့်နိုင်တာ ဒီထက်ရာထူး တိုးတက်ချင်တာတွေကလဲ သမုဒယက ကောက်ကျစ်ထားတာပဲ၊
ဒါဒုက္ခသိမ်းတဲ့အလုပ်လား၊ ဒုက္ခပွားတဲ့အလုပ်လား ဆိုတော့ ဒုက္ခပွားတဲ့အလုပ်ပဲ၊ ဒုက္ခပွားတဲ့အလုပ်ကိုပင်
သမုဒယသစ္စာက ဒီဂုဏ်ထူးရာထူးနဲ့ဆိုရင် လောကကြီးမှာ နိဗ္ဗာန်ပေါ့ကွာ၊ မင်းအင်မတန် အကြောင်းညီ
ညွတ်နေတာပဲဆိုပြီး၊ ဒီဒုက္ခသစ္စထဲကမထွက်နိုင်အောင် ပိုပြီး ဒုက္ခရောက်တာကိုပင်ကြိုက်နေအောင်ချော့ပြီး
ထားထာဟာ ဘယ်သူတုံး၊ သမုဒယသစ္စာပဲ၊ ကောက်ကျစ်လိုက်တာကတော့..ခင်ဗျားတို့ထွက်ခွင့်ကို မရဘူး
မဟုတ်လား၊ အိမ်ထောက်ကျတယ်ဆိုရင်ပဲ ယောက်ျားလုပ်တဲ့လူက ဇနီး၏ဒုက္ခကို သူကိုယ်ထိုင် ထမ်းရ
တော့မယ် ဆိုတာကိုပင်၊ ဒါဟာဆင်းရဲဖို့မဟုတ်ဘူး၊ ချမ်းသာဖို့အတွက်အကူအညီရတာ၊ လက်ဆေးပြီး
ထမင်းစားလိုက်ရုံ ဖန်တီးပေးတာလို့ ခင်ဗျားတို့ကို လှည့်ပတ်ပြောတာလဲ သမုဒယသစ္စာပဲ၊ စင်စစ်တော့ ရှာရ
ဖွေရတာက အရင်လူပျိုတုန်းက တစ်ယောက်တည်းစာ၊ အခုအိမ်ထောင်ကျတော့ ၂-ယောက်စာဆိုတော့
ရှာဖွေတဲ့နေရာမှာ ဒုက္ခတိုးတာ အမှန်ပဲ၊ ဒါပေမယ့် သမုဒယသစ္စာက မင်းအရင်တုန်းကဆို ဟိုဆိုင်စားရ ဒီ
ဆိုင်စားရနဲ့ ဒုက္ခရောက်ရတယ်၊ အခုတော့ မင်း ဣနြေ္ဒရရနဲ့ (ဇိမ်ကျကျနဲ့) စားရလို့ချမ်းတာပါပေါ့လားဆိုးပြီး
ခုနက ရုန်းထားတာတွေ အကုန်ပျောက်အောင်တစ်ခါတည်းချော့ထားလိုက်တယ်၊ ဒါပေမယ့်စဉ်းလားကြည့်
စမ်း၊ အရင်ကထက်ပိုရှာရတော့ တိုးပြီးဆင်ရဲသွားတာအမှန်ပဲ။
ခင်ဗျားတို့အိမ်စုတ် တဲ့ကုပ်နဲ့ နေရတာတောင် သူက ကိုယ့်အိမ်ကို ရွှေအိမ်ရွှေနန်းကြီးထင်အောင်၊ မာနထက်
အောင်လုပ်လိုက်သေးတယ်၊ သူကချော့ထားတော့ ခင်ဗျားတို့ကလဲရွှေအိမ်ရွှေနန်းကြီးလို့ကို စိတ်ထဲမှာထင်
ကြတယ်၊ သေခြင်းသေလဲ ဒီအိမ်မှာ သေပါရစေတော့၊ နေခြင်းနေလဲ ဒီအိမ်မှာနေပါရစေတော့၊ နောင်ဘဝ
ပြန်ဖြစ်တောင်မှ ဒီမှာ ဖြစ်ပါရစေဆိုတော့၊ ဒီနေရာပဲ ကျေနပ်နေကြတယ် မဟုတ်လား၊ တကယ်တော့ ဒီနေ
ရာမှ အကြီးအကျယ် ဒုက္ခပေးတဲ့နေရာ၊ သူများအိမ်သွားရင် တံမြက်စီးမလှည်းရဘူး၊ အညစ်အကြေးတွေ မ
သုတ်သင်ရဘူး၊ ကိုယ့်အိမ်မှာတော့ တံမြက်လှည်း အမှိုက်ကျုံး၊ အိမ်သာဆေးစသည်တွေကိုမနားမနေလုပ်
ရတယ်၊ ဒီ ဒုက္ခရောက်မယ့်နေရာကို ရွှေအိမ်ရွှေနန်းထင်အောင် ဘယ်သူလုပ်တာတုံး၊ သမုဒယသစ္စာ၊ မင်း
ဟာလေးနဲ့မင်းကွာကြက်လိုပဲ ချီးကျရာပျော်ကွလို့၊ ရောက်ရဘဝ ရောက်ရအရပ်မှာ ပျော်နေအောင်ချော့
ထားတာလဲ သမုဒယသစ္စာပဲ၊ ခင်ဗျားတို့ တစ်သံတရာလုံး သူ့နေရာနှင့်သူ မထွက်ဖြစ်အောင်၊ ဒီနေရာက
သွား၊ ဒီနေရာမှာနေပြီး..အပါယ် ၄-ပါးသွား၊ နတ်ရွာသုဂတိသွားလို့ ရောက်ရာမှာ လောင်တိုက်ရှိတဲ့နေရာမှာ
နေပြီး ထိုနေရာကိုပင် ရွှေအိမ်ရွှေနန်းထင်အောင် သူကချော့မော့ထားတယ်၊ ချော့ထားတော့ ခင်ဗျားတို့မှာ
ဘုရားဖူးသွားမှာလဲ ဒီရွှေအိမ်ရွှေနန်းကို ပစ်ထားခဲ့ရမှာခက်တာနဲ့ မသွားဖြစ်ဘူး၊ တရားနာသွားမှာလဲ မသွား
ဖြစ်ဘူး၊ ကိုယ့်ရွှေအိမ်ရွှေနန်း လူလုကုန်းမှာစိုးလို့..စိတ်မချတာနဲ့ မသွားဖြစ်တော့၊ ဘုရားပွင့်တာတောင်မှ ရွှေ
အိမ်ရွှေနန်းခင်လို့ ဘုရားကျောင်းမရောက်ကြတာတွေတပုံကြီးရှိတယ်၊ ဘယ်သူကနှိပ်စက်တာလဲ၊ သမုဒယ
က၊ သူက ဘယ်လိုများပြောထားတုံး မင်းတို့နေတာဟာ မင်းတို့အကျိုးပေးနဲ့ မင်းတို့ သိပ်နေရာကျတာပဲ၊ ရှာ
မှရှား၊ မင်းတို့အဆင့်အတန်းနဲ့ မင်းတို့ကြည့်မယ်ဆိုဘယ်လောက်မှား ကျက်သရေမင်္ဂလာ ရှိသတုံးတဲ့၊
ခင်ဗျားတို့ကိုယ့်အိမ်ကို ရွှေအိမ်ရွှေနန်းထင်လို့ စိတ်မချပြီး မစွန်နိုင်တာနဲ့ ဘုရားဖူး တရားနာမသွားဖြစ်တာ
သမုဒယက ဒီလိုချော့ထားပြီး နိဗ္ဗာန်ရောက်မယ့်လမ်းကို မသွားဖြစ်အောင်ကန့်ကွက်ထားတယ်၊ ဒါတွေဟာ
သမုဒယရဲ့ ကောက်ကျစ်ထားပုံတွေနော်၊ လူတွေ"စုတိနဲ့ ပဋိသန္ဓေ"စပ်ပြီးနေတာဟာ သူ့အကြိုက်ပဲ၊ လွတ်
ထွက်သွားမှာတော့ မကြိုက်ဘူး၊ စုတေပြီး တစ်ခါတည်း နိဗ္ဗာန်ရောက်ဖို့ကျတော့..သူက သဘောမတူဘူး၊ ဒါ
ဖြင့်အကောင်းဟူသရွေ့ သူသဘောမတူဘူး၊ အဆိုးဟူသရွေ့တော့ သူက လုပ်ပေးလိမ့်မယ်၊ လောကီအ
လုပ် လုပ်ချင်တာဟူသရွေ့တော့ သူအားပေးတယ်၊ လောကုတ္တရာ မဂ်အလုပ်ကျရင် အကြောင်းပြပြီး ကန့်
ကွက်တယ်၊ ဒါ သမုဒယရဲ့သတ္တိ၊ ဒီတော့ ထွက်ရပ်လမ်း ဟူသရွေ့ကို သူကန့်ကွက်တယ်၊ မြုပ်လမ်း..မျော
လမ်း ဟူသရွေ့တော့ သူကအားပေးတယ်၊ အခု ဘုန်းကြီးက ဖော်ပြတော့မှ သူကိုး..သူကိုးလို့ လက်ညိူး
ထိုးဖော်ရလာတယ်၊ မင်းနဲ့ငါ သေခန်း..ရှင်ခန်းဖြတ်ကြစို့ ဆိုတော့၊ ခင်ဗျားတို့က ပါးစပ်ကို မဟရဲဘူး၊ ဘာပြု
လို့..ခင်ဗျားတို့က ငယ်ကြောက်ဖြစ်နေလို့၊ သူက ဒီအတိုင်းသွားဆိုရင်၊ ခင်ဗျားတို့က ဆိုက်ဆိုက်သွားတာပဲ၊
သူကပြန်ခဲ့ဆိုရင် ဆိုက်ဆိုက်လာတာပဲဆိုတော့၊ ဒါငယ်ကြောက်ဖြစ်နေလို့ပေါ့၊ ဘုရားဟောထားတာလေး
ပြောပြအုံးမယ်။
"မျောက်နှဲစေး"မျောက်သားစားလိုတဲ့ မုဆိုးကမျောက်ထောင်တဲ့ ညောင်စေးတွေ ဘာတွေချက်ပြီး၊ သစ်ကိုင်း
ပေါ်မှာ သုတ်လိမ်းပြီးချထားတယ် (ဒီအစေးကို မျောက်နှဲစေးလို့ခေါ်တယ်) မျောက်က ဒီသစ်ကိုင်းပေါ်မှာ
လျှောက်ပြီးလာတယ်၊ လာတော့ ညာဘက်လက်နဲ့ ညောင်စေးကိုင်မိတဲ့အခါ ညာဘက်လက် ခွာမရအောင်
ကပ်ငြိသွားတယ်၊ တစ်ခါ ဘယ်လက်နဲ့တွန်းပြီးခွာပြန်တော့ ဘယ်လက်ပါငြိတာပဲ၊ နောက် ညာခြေနဲ့ ကန်ပြီး
ရုန်ပြန်တော့ ဒီအတိုင်းပဲ ကပ်နေတာပဲ၊ တစ်ခါ ဘယ်ခြေနဲ့ ကန်ပြီးရုန်ပြန်တော့လဲ ကပ်သွားတာပဲ၊ နောက်..
သူက ခေါင်းနဲ့အားပြုပြန်တော့ ခေါင်းပါကပ်သွားတယ်၊ ဒီတော့ မျောက်ဟာခြေလက်ခေါင်း ၅-ခုစလုံးတွဲနေ
တာနဲ့မှီရာ တည်ရာမရှိတော့ဘူး၊ မရှိတော့ တစ်ခါတည်းအောက်ကျတာပဲ၊ ကျတော့ မုဆိုးကလုပ်ချင်သလို
လုပ်ရုံပဲရှိတော့တယ်၊ "ခန္ဓာနဲ့တဏှာ"ထို့ အတူပဲ သမုဒယသစ္စာဆိုတဲ့ တဏှာတရားဟာလဲ ခင်ဗျားတို့ ခန္ဓာ
၅-ပါးစလုံးမှာ ရှိတယ်၊ ဒီခန္ဓာ ၅-ပါးဟာ အစေးထောင်ထားတဲ့ နေရာချည်းပဲ၊ "ရှုပက္ခန္ဓာ"ကြည့်လိုက်ပြန်လဲ
သူဝဖို့..လှဖို့ကိုပဲကျွေးရမှာ ဆိုတော့ ဒါကိုယ့်ကိုယ်လို့မုတ်ပြီး သူတို့နဲ့လဲ ခင်နေတာပဲ၊ ခင်တော့ ရှုပက္ခန္ဓာက
လဲ တဏှာတည်းဟူသော အစေးနဲ့ကပ်လျက်ပဲရှိတယ်၊ "ဝေဒနာက္ခန္ဓာ"နဲ့ ဆိုတော့ ခင်ဗျားတို့က ချမ်းသာကို
အလိုရှိတယ် မဟုတ်လား၊ အလိုရှိနေတော့ချမ်းသာကို မစွန့်နိုင်ဘူး၊ မစွန့်နိုင်တော့ ချမ်းသာနဲ့ ကပ်ငြိနေတာ
ပေါ့၊ "သညာက္ခန္ဓာ"ကလဲ ကိုယ်နှစ်သက်တဲ့ ပစ္စည်းတွေကိုသေသေချာချာ မှတ်သားထားတယ်၊ ဒါကို အရေး
တယူပြုတယ်၊ အလွန်နှစ်သက်စရာလို့ ထင်နေအောင်သူက လုပ်ထားတယ်၊ အဲဒီ သညာ..အမှတ်အသားက
လေးနဲ့ပဲ တွေးပြီးကျေနပ်နေတယ်၊ သညာ..နဲ့ကပ်နေတာပေါ့၊ "သင်္ခါရက္ခန္ဓာ"ဆိုတဲ့စေတနာ၊ ဝိညာဏက္ခန္ဓာ
ဆိုတဲ့ စိတ်ကလေး၊ ဒီစိတ် စေတနာတွေနဲ့လဲ ခင်ဗျားတို့ ကပ်နေတာပဲ၊ ကျုပ်စိတ်စေတနာမျိုးမြို့ထဲလျှောက်
ရှာကြည့်..မတွေ့ဘူး၊ အထင်မလွဲနဲ့ စသည်ဖြင့် ကိုယ့်ဟာကိုအမွှန်းတင်နေမယ်ဆိုတော့ စိတ်စေတနာမှာ
ခင်တွယ်ကပ်ငြိနေတာပဲ၊ ဒီတော့ ခင်ဗျားတို့ဟာ ဒီခန္ဓာ ၅-ပါးစလုံးမှာကပ်ငြိနေတော့ မျောက်လိုဖြစ်နေပြီပေါ့
ဒီခန္ဓာ ၅-ပါးနဲ့ ဒီတဏှာအစေးနဲ့ တွဲလျက် ဖြစ်နေတော့၊ ဒီခန္ဓာ ၅-ပါး ရုပ်နာမ်ဓမ္မဟာ ဘယ်မှာထွက်ပေါက်
ကျွတ်ပေါက်ဆိုတာ ဖြစ်နိုင်တော့မလဲ၊ ခန္ဓာ ၅-ပါးမှာ တဏှာအစေးပါတယ်၊ သုတ်လိမ်းထားတယ်၊ ဒီတော့
ခင်ဗျားတို့ ဒီ ခန္ဓာ ၅-ပါးမှာ ကပ်ငြိနေပြီ ငြိနေပြီပဲ၊ အခု ကပ်ငြိတာကသိပ်ကိစ္စမရှိသေးဘူး၊ သေခါနီးကျမှ ပို
ဆိုးမယ်၊ ငါတော့ဖြင့်မနေလို့သေရတော့မယ်၊ မသေချင်ဘဲနဲ့သေရတော့မယ်ဆိုတော့ သေခါနီးမှာ လက်ရှိ
ခန္ဓာ ၅-ပါးကို တစ်ခါတည်းမခွဲချင်အောင် ငြိကပ်နေတယ်၊ တဏှာနဲ့ငြိကပ်နေကြတယ်၊ ဥပါဒါန်နဲ့ ကပ်ငြိနေ
ကြတယ်၊ ဒီခန္ဓာ ၅-ပါး ဒုက္ခသစ္စာကြီးနဲ့ ခွဲရတော့မယ်ဆိုရင် မျက်ရည်ကြီးငယ် ကျကြတယ်၊ ဘုရားရန္တာတွေ
ကျတော့ ဒီခန္ဓာဝန်ကြီး ဒုက္ခသစ္စာကြီးကို စွန့်ရတော့မယ်ဆိုရင် ပြုံးကြတယ်၊ ခင်ဗျားတို့ကတော့ ငိုကြ..ရွဲ့ကြ
မဲ့ကြတယ်၊ ဪ...ခင်ဗျားတို့က တယ်...ဒုက္ခ သိပ်ကြိုက်ကြတာပဲ၊ ရီးတီးယားတား မဟုတ်ဘူးနော်၊ ဒါ သေ
ကြည်မှသိမယ်။
သေကြည်တော့မှ ဒီခန္ဓာ ၅-ပါးကို ဘယ်အထိခင်သတုံးဆိုရင် လုံးဝကို မခွဲပါရစေနဲ့ဆိုတာလာတာ၊ ဒါတဏှာ
အစေးနဲ့ ရုပ်နာမ်ဓမ္မနဲ့ ကပ်နေလို့လာတာ၊ ခင်ဗျားတို့ ဒါနဲ့ဒါ ကပ်ငြိပြီး မစွန့်ချင် မခွဲချင်ဘဲနဲ့ သေရတယ်ဆို
တော့ ငြိပြီးသေကြတာပဲ၊ ငြိပြီးသေရင် အောက် (ဒုဂ္ဂတိ) ပဲရှိတယ်၊ အထက် (သုဂတိ) မပါဘူး၊ မျောက်နှဲစေး
နဲ့ ကပ်ငြိနေတဲ့မျောက်ဟာ အောက်ပဲကျတယ်၊ အထက်ပြန်မတက်ဘူး၊ ခင်ဗျားတို့လဲ အပါယ် ၄-ပါးဆိုတဲ့
အောက်ပဲ ကျမှာပဲ၊ ဒီခန္ဓာ ၅-ပါးနဲ့ ငြိနေရင်အောက်ကျမှာပဲ၊ ငြိနေတာကိုး၊ ငြိတော့ ဘယ်ဟာမှ မရုန်းနိုင်
တော့ဘူး၊ ဒီတော့ ခန္ဓာ ၅-ပါး ရုပ်နာမ်ဓမ္မ တဏှာနဲ့ ကပ်ငြိနေတာကဖြုတ်လို့ဖြေလို့ကို မရဘူးနော်၊ မရတော့
အောက်လမ်းသွားဖို့ သေချာတာပဲ၊ ဒုက္ခသစ္စာမှန်းသိတဲ့ အရိယာပုဂ္ဂိုလ်တွေကတော့ ဪ...ဒုက္ခဝန်ကြီး
မထမ်းရတော့ဘူး၊ ကျွတ်လွတ်ပြီဆိုပြီးပြုံးကြတယ်၊ ခင်ဗျားတို့ကတော့ ဒါကြီးနဲ့ခွဲရတော့မယ်ဆို..မဲ့ကြတယ်
မဲ့ရင်းမတ်နဲ့ သေသွားတာပဲ၊ ဒါ သမုဒယသတ္တိနော်၊ ပုထုဇဉ်တွေ သေတာကိုသေသေချာချာကြည့်၊ ပြုံးသေ
သလား..မဲ့သေသလား၊ မဲ့ပြီးသေကြတယ်၊ ဒီ ဒုက္ခသစ္စာကြီးကို ဒုက္ခသစ္စာမှန်းသိပြီး ခွဲရတာ ဝမ်းသာတဲ့အ
ခြေအနေရောက်မှ ပြုံးတဲ့ဘက်ဖြစ်မယ်၊ နို့မို့ရင်မဲ့သေ ရွဲ့သေပဲဖြစ်မယ်၊ မျောက်ဟာ ခြေလက် ခေါင်း ၅-
ဘက်စလုံး ငြိပြီးသေတော့ အောက်ကမုဆိုး၏ စားဖတ် ဝါးဖတ်ဖြစ်ရတယ်၊ ဒီမှာလဲ ခင်ဗျားတို့ဟာ ခန္ဓာ ၅-
ပါးကို ဒုက္ခသစ္စမှန်း မသိတော့ ဒါကြီးနဲ့ တဏှာနဲ့ငြိတွယ်ရင်း မတ်တတ်နဲ့ သေတော့အောက်ကျရမှာပဲ၊
အောက်သွားရမှာပဲ၊ ကောင်းပြီ၊ အောက်သွား အထက်သွားဆိုတာဟာအဓိကလဲဆိုတော့ ဒုက္ခသစ္စာ သိမှုနဲ့
မသိမှုဟာ အဓိကပဲ၊ ခန္ဓာ ၅-ပါးခင်မှုနဲ့ မခင်မှုဟာ အဓိကပဲ၊ ဒုက္ခသစ္စာ မသိရင် ခန္ဓာ ၅-ပါးကို ခင်ရင်ဒါ
အောက်သွားပဲ၊ ဒုက္ခသစ္စာသိရင် ခန္ဓာ ၅-ပါးကိုမခင်ရင် ဒါအထက်သွားပဲ၊ ခင်ဗျားတို့ ခင်တာကတော့ ခန္ဓာ ၅
ပါးကိုမကဘူး၊ ကိုယ်ခန္ဓာ ၅-ပါးတင်မကဘူး၊ မယားရဲ့ ခန္ဓာ ၅-ပါး၊ သားရဲ့ ခန္ဓာ ၅-ပါး သမီးရဲ့ ခန္ဓာ ၅-ပါး
ဆွေမျိုးရဲ့ ခန္ဓာ ၅-ပါးဆိုတော့၊ အို..ရေကို မရေနိုင်အောင်များနေတယ်၊ ဒါတွေနဲ့ အကုန်ငြိနေတော့၊ ငြိချက်
ကမျောက်ထက် ဆိုးနေတယ်၊ မျောက်က ၅-ခုဆိုရင်ကုန်ပြီ၊ ခင်ဗျားတို့ ငြိချက်က မရေမတွက်နိုင်ဘူး၊ ဒါ
ခင်ဗျားတို့ရဲ့ အဖြစ်ဆိုးတွေ၊ ဒါကြောင့် ဘုရားကဟောတယ်၊ လူသေရင် အပါယ် ၄-ပါးဟာ မင်းတို့အမြဲနေတဲ့
အိမ်ကွ၊ လူ့ပြည် နတ်ပြည်ဆိုတာ ခဏအလည်လာတာတဲ့၊ မဟောသင့်ဘူးလား၊ ဟောသင့်တာပေါ့၊ ခင်ဗျား
တို့ ခန္ဓာ ၅-ပါးနဲ့ ခင်မင်မှုဟာ ငြိကပ်နေတော့၊ ငြိ..ငြိပြီးအောက်ချည်းကျတာပဲ၊ ခန္ဓာ ၅-ပါး၊ ခန္ဓာတွေများကြီး
ခင်မင်ရက်နဲ့ သေသွားတော့၊ အကုန်လုံးချည်ပြီး တုပ်ပြီးသားကျသွားတာပဲ၊ တဏှာ..အစေးတွေနဲ့ အကုန်
ကပ်ငြိပြီး ကျသွားတာကို၊ သေတဲ့ လူတွေကြည့်လိုက်တော့ ဒီအစေးနဲ့ ကပ်ငြိပြီး မျောက်ကျ ကျတာချည်း
များတယ် (ခွေးကျ ကျတယ်လို့လဲ ဆိုချင်ဆိုပေါ့) အထက်တစ်ယောက်မှ မသွားဘူး၊ အောက်ချည်းသွားနေ
ကြတာပဲ၊ အောက်ချည်း ကျမှာပေါ့..ငြိတာက မျောက်ထက်များနေ ဆိုးနေတာကို၊ ပိုဆိုးတော့ ခင်ဗျားတို့မှာ
အောက်ကို လုံးလျက်ကြီး ကျတာပေါ့၊ လက်ကလဲ လှမ်းမဆွဲနိုင်တော့၊ အောက်ကိုတောက်လျှောက် ကျသွား
တာပဲ၊ ဒါ တဏှာသမုဒယကတွန်းချတာ၊ တဏှာကဖမ်းပြီးချည်တုပ်ပြီး ချောက်ထဲတွန်းချတော့၊ ခင်ဗျားတို့
(အပါယ်) ချောက်ကြီးထဲ ထိုးကျတာပဲ၊ တဏှာသမုဒယဆိုးပုံ ပေါ်ပြီလား။ ဒါကြောင့် ဘုရားက"ဝိသတ္တိကာ"
လို့ ဟောတယ်၊ "ဝိသတ္တိကာ"ဆိုတာ ခန္ဓာ ၅-ပါး..ကာမဂုဏ်များ၌ကပ်ငြိနေတဲ့ တဏှာကိုဆိုတာ၊ တဏှာ
လောဘာ တွေ့တော့ငြိတာပဲ၊ ဒီအိမ်နေလို့ရှိရင်၊ ဒီအိမ်နဲ့ဒီခန္ဓာငြိတာပဲ၊ ငြိရာမှာလဲ နေရာမရွးဘူး၊ မရွးတော့
ဘယ်နေရာရောက်ရောက် သူကငြိတာပဲ၊ ငြိတော့ သူကထွက်ရပ်လမ်းကိုအခွင့်မပြုဘူး၊ ဘုရားရှေ့သွားပြီး
ရှိခိုးဆုတောင်းတာကြည့်၊ သူခန္ဓာကိုယ်၏ ကျန်းမာမှု၊ ချမ်းသာမှု၊ သူ့ခန္ဓာ၏ နောင်ကောင်းစားမှုတွေပဲ
တောင်းတာ၊ တောင်းတော့ ဒါတဏှာနဲ့ကပ်ငြိနေတာပဲ၊ တဏှာနဲ့ ကပ်ငြိနေတာကများတယ်၊ ဒုက္ခဝဋ်မှကျွတ်
လိုလို့ ဘုရားရှိခိုးတဲ့လူက ရှာမှရှားဗျ၊ ကိုယ်ခန္ဓာကို ဒုက္ခသစ္စာလို့ မသိဘဲနဲ့၊ မသိလို့ခင်တာနဲ့ ဘုရားဆီသွား
ပြီး ရှိခိုးတဲ့ပုဂ္ဂိုလ် များတယ်၊ ဒုက္ခသစ္စာသိပြီး ဒုက္ခဝဋ်မှ ကျွတ်လိုတဲ့သဘောနဲ့ ရှိခိုးတဲ့ ပုဂ္ဂိုလ်ဟာ ရှာမှရှား
မယ်၊ ဒုက္ခဝဋ်မှ မကျွတ်ချင်ဘဲ ဒုက္ခဝဋ်နဲ့ နောက်တဖန်မခွဲဖို့ ရှိခိုးတာက များတယ်၊ ဒီတော့ ခင်ဗျားတို့လုပ်ပုံ
တွေဟာ တဏှာဦးစီးနေတာပဲ၊ နေရာတိုင်းမှာ ဒီသမုဒယ..တဏှာပဲဝင်ရှုပ်နေတာ၊ သူဝင်ရှုပ်တာနဲ့ ခင်ဗျားတို့
မှာ ၃၁-ဘုံအတွင်း ဝဋ်ဆင်းရဲထဲမှာ လှည့်လည်သွားနေရပြီး၊ ဒုက္ခချုပ်ရာ နိဗ္ဗာန်သို့ ဦးမလှည့်ဘဲဖြစ်နေတာ။
ကဲ...သမုဒယသစ္စာ၏ အကောက်သွားပုံကို ဟောပြီး၊ မဂ္ဂသစ္စာ၏ အဖြောင့်သွားပုံကို ဟောတော့မယ်။ ။
ဤကောင်းမှုကုသိုလ်ကံ
စေတနာအပေါင်းတို့သည် အားထုတ်ဆဲဖြစ်သော
ဝိပဿနာဉာဏ်မှ မဂ်ဉာဏ်သို့ကျေးဇူးပြုခြင်းငှာ
အထောက်အပံ့ ပစ္စည်းအဖြစ်ဖြင့်
တည်ရှိပါစေသတည်း ။ ။
အရှင်ဉာဏဓဇ
မိုးကုတ်ဝိပဿနာ မင်္ဂလာမဂ္ဂင်ရိပ်သာ
ပင်မသံဝေဇနိယဌာန
အမရပူရမြို့ ။ ။
No comments:
Post a Comment