ဗုဒ္ဓဘာသာဝင်တော်တော်များများ အမှတ်မဲ့ ထင်ယောင်ထင်မှား ဖြစ်နေကြသည့် ကိစ္စ နှစ်ရပ်ရှိပါသည်။ ထိုကိစ္စနှစ်ရပ်ကား တခြားမဟုတ်ပါ။အပါယ် တံခါးပိတ်ခြင်းဖွင့်ခြင်း၏ အကြောင်းရင်း ကိစ္စနှစ်ရပ်ပင် ဖြစ်လေသည်။ တချို့ကအပါယ်တံခါးပိတ်ခြင်း၏ကိစ္စကို လူ တစ်ဦးစုတိကျ သေဆုံးမှ ငရဲသို့ သွား၍ပိတ် ရသည်။ဖွင့်ခြင်းကိစ္စသည်လည်း သေလွန်ခါ မှ သွား၍ဖွင့်ရသည်ဟု ထင်မှတ်မှားလျက် ရှိကြပါသည်။ အမှန်မှာကား ထိုသို့မဟုတ်ပါချေ။အပါယ်တံ ခါးကို ကျွန်တော်တို့နေထိုင်ရာ ဤလူ့ရပ်ရွာ မှနေ၍ ကုသိုလ် အကုသိုလ်တည်းဟူသော တရားနှစ်ပါးဖြင့် လှမ်း၍ပိတ်လျှင်လည်းရ ပါသည်။ဖွင့်လျှင်လည်းရပါသည်။အပါယ်တံ ခါးပိတ်သွားရခြင်း၊ပွင့်သွားရခြင်း၏အကြောင်းရင်းကိစ္စကား ကုသိုလ်နှင့် အကုသိုလ် ကိစ္စနှစ်ရပ်သာရှိ လေသည်။ဤသည်ကိုကျေးဇူးတော်ရှင် အဂ္ဂမဟာပဏ္ဍိတ မိုးကုတ်ဆရာတော်ဘုရား က အောက်ဖော်ပြပါ အဆုံးအမ တရားဖြင့် ထင်ဟပ်၍ပြထားခဲ့ပါသည်။အဆုံးအမတ ရား၏လိုရင်းကား မဂ်ကုသိုလ်ပြုလျှင် အပါယ်တံခါးပိတ်မည်ဟူ၍ပင်။ "ဖြစ်ပျက်ကိုရှုရင်း ရှုရင်း ဖြစ်ပျက်မြင်ပါများ လာတော့ ဝမ်းသာတာချုပ်ပြီး မုန်းလာတာပဲ သူ့ကိစ္စမြင်တဲ့ကိစ္စက ဝမ်းသာသည်အထိ ရောက်အောင်ဆိုရင် ပြီးတာပဲ။သဘောကျ ပလား။နောက်ထပ်ကြည့်လိုက်တဲ့ အခါကျ တော့ အပျက်တွေမြင်၊နောက်တော့မုန်းတာ လာမှာပဲ။မုန်းတာလာပြီးရင် ဘာထပ်လာ မယ်ထင်သတုံး၊ဆုံးတာလာရင်ဖြင့် မဂ္ဂင် ရှစ်ပါးပြည့်သွားမှာပါပဲ။ ဒကာဒကာမတို့၊အပါယ်လေးပါးတံခါး ပိတ် တယ်ဆိုတာ အထူးပြောနေဖို့ လိုသေးလား ကိုယ်ကသွားပြီးပိတ်တာလား၊မဂ်ကပ်ိတ် တာလား။ကိုင်း ဒါဖြင့်ဒကာ ဒကာမတို့ အပါယ်လေးပါးတံခါးကို ဒီကနေပိတ်ရင် လည်းရတယ်၊ဖွင့်ရင်လည်းရတယ်။ ဘာကြောင့်ပါလိမ့်မတုံး၊မကောင်းမှုလုပ်လို့ အပါယ်သွားရတယ်ဆိုတော့ လူ့ပြည်ကနေ ပြီး အပါယ်တံခါး ဖွင့်တာကိုး။ ဖွင့်တတ်ရင် ပိတ်တတ်ရမယ်ဆိုတာဟာ အပိုပြောတဲ့ စကားလား၊စည်းကမ်းတကျ လား။အဲဒီတော့ ခင်ဗျားတို့ နေပုံထိုင်ပုံ စည်းကမ်းမကျဘူး။ဖွင့်သာနေတယ်၊ ပိတ်ပါဆိုတော့ စည်းကမ်းမကျဘူး။ ကိုင်း ဒါဖြင့် ခင်ဗျားတို့ လိုသေးတယ်ဆိုတဲ့ အပြစ်ကိုတော့ ထင်ရမယ်"" ဓမ္မမိတ်ဆွေများ အသေမဦးမီ ဥာဏ်ဦး အောင်ဝိပဿနာများကြိုးစားအားထုတ်ပြီး အပါယ်တံခါးပိတ်နိုင် ကြပါစေ။ ဤကောင်းမှုကုသိုလ်ကံ စေတနာအပေါင်းတို့သည် အားထုတ်ဆဲဖြစ်သော ဝိပဿနာဉာဏ်မှ မဂ်ဉာဏ်သို့ကျေးဇူးပြုခြင်းငှာ အထောက်အပံ့ ပစ္စည်းအဖြစ်ဖြင့် တည်ရှိပါစေသတည်း ။ ။ အရှင်ဉာဏဓဇ မိုးကုတ်ဝိပဿနာ မင်္ဂလာမဂ္ဂင်ရိပ်သာ ပင်မသံဝေဇနိယဌာန အမရပူရမြို့ ။
No comments:
Post a Comment