ဝက္ကလိကို များသောအားဖြင့် ဟောကြတာက အဆုံးပိုင်ကိုမဟောကြဘူး၊ အစပိုင်းကိုပဲ ဟောကြတာများတယ်၊ အဲဒီတော့ ထွက်ရပ်လမ်းပေါက်တဲ့နေရာကြည့်လိုက်တဲ့အခါကျတော့အဆုံးပိုင်းကမှ ထွက်ရပ်လမ်းထင်ရှားမယ်။
အဲတော့ ဒကာ ဒကာမတွေက ၀က္ကလိက ဘယ်မှာ နေတုံးဆိုတာမှတ်ပါ။ ရာဇဂြိုလ်ပြည်မှာ မြတ်စွာ ဘုရားသခင်ကိုယ်တော်မြတ်ကြီး သီတင်းသုံးတယ်။
ဝိက္ကလိကလည်း ထို့အတူပဲ ရာဇဂြိုလ်ပြည်မှာပဲနေတယ်၊ တစ်နေ့သ၌ ကျတော့၊ ၀ါကျွတ်တဲ့အခါကျတော့၊ ရာဇဂြိုလ်ပြည်မြို့ ထဲသို့ ၀င်ပြီးသကာလ လာတော့ဘုရား ကန်တော့ရအောင်လို့၊ ထိုကဲ့သို့ဝင်လာတုန်းပဲ၊ လမ်းမှာပဲ ခြေမသယ်နိုင်၊ လက်မသယ်နိုင်ဖြစ်သွားတယ်။
အဲဒီကဲ့သို့ ခြေမသယ်နိုင်၊ လက်မသယ်နိုင်ဖြစ်ပြီး သကာလသွားတဲ့အတွက်၊ အိုးထိန်းသည် အိမ်ဇရပ်မှာ ၀င်ပြီးတည်းတယ်၊ တည်းခိုတဲ့အခါ တည်းရင်းမတ္တနဲ့ပဲ ဝေဒနာတွေ တိုးတက်ပြီးသကာလ လာခဲ့တယ်။
ဘုရားထံ အလျှောက်ခိုင်းတယ်
အဲဒီကဲ့သို့ ဝေဒနာတွေတိုးတက်ပြီးသကာလ လာတာနဲ့ပဲ၊ သူ့နားမှာရှိတဲ့ ရဟန်းတွေကိုပြော တယ်။ ဘယ်လိုပြေတုံးဆိုလို့ရှိရင်၊ မင်းတို့ ဘုရားဆီသွားကြကွာ၊ ၀က္ကလိမှာဖြင့် ပြင်းပြတဲ့ဝေဒနာဖြစ်နေတယ်။
ဝက္ကလိလည်း ဒီကနေပြီးသကာလ ရှိခိုးဦးတင်ပါတယ်၊ သို့သော် သနားသဖြင့် ၀က္ကလိရှိရာသို့ ဘုရားသခင် ကိုယ်တော်မြတ်ကြီး ကြွပေးပါဆိုတာ မင်းတို့က လျှောက်ကြလို့ သူကမှာလိုက်တယ်။
အဲဒိကဲ့သို့ မှာလိုက်တော့ ရဟန်းတွေက သွားကြတယ်၊ သွားကြပြီးသကာလ ဘုရားသခင်ကိုယ်တော် မြတ်ကြီးကလည်း သနားသဖြင့်လည်း ၀က္ကလိရှိရာသို့ ကြွလာတယ်၊ ၀က္ကလိရှိရာသို့ ကြွလာတော့၊ အိုးထိမ်းသည်ဇရပ်မှာပဲ၊ ၀က္ကလိမမာတဲ့အနားမှာ ဘုရားသခင်ကိုယ်တော်မြတ်ကြီး ရောက်လာတော့ ၀က္ကလိက နေရာလေးဘာလေး ခင်ပေးမလို့ပြင်မည့်အခါကျလို့ရှိရင် ဘုရားက မပြင်နဲ့။
ငါ့နေစရာရှိတယ်၊ ထိုင်စရာရှိတယ်၊ မင်းသည်ကားလို့ဆိုရင် ဒီနေရာမှာပဲနေပါ၊ မဆင်းပါနဲ့၊ ဘုရား သခင်ကိုယ်တော်မြတ်ကြီးက ခွင့်ပြုလိုက်တယ်။
မင်းဝေဒနာ ဘယ့်နှယ်နေသတုံး
ခွင့်ပြုလိုက်ပြီးသကာလ ဒကာ ဒကာမတွေမေးပုံကို သတိထားရမယ်၊ မေးပုံ သတိထားရမယ်၊ ၀က္ကလိက မင်းဝေဒနာဘယ့်နှယ်နေတုံးကွ၊ တပည့်တော်ဝေဒနာဘုရား၊ နောက်မဆုတ်ပါဘူး၊ ရှေ့ ပဲတိုးပါတယ်။
အေး မင်းဝေဒနာသည် နောက်မဆုတ်ဘူး၊ ရှေ့ တိုးတယ်ဆိုတာ ငါသဘောကျပြီ၊ မင်းသည်ကားလို့ ဆိုရင် သံသယ၊ ကုက္ကုစ္စများ ဘာရှိသေးသတုံး။
မင်းရဲ့ သီလကို သံသယရှိသလား
မင်းသီလများ သံသယရှိသလား၊ မင်းကိုယ်နဲ့မ
င်း သီလကို သံသယရှိသလား၊ ဒကာ ဒကာမတွေ ဒီမေးခွန်းလေးကို သတိထားပါ၊ မင်းကိုယ်နဲ့မင်းသီလကို သံသယရှိလားလို့မေးလိုက်တယ်။
ဒါ ဘုရားကမေးလိုက်တယ်၊ သီလဆိုတာ ဒကာ ဒကာမတို့ သီလပျက်တဲ့ ပုဂ္ဂိုလ်များ၊ သီလ မှားယွင်းတဲ့ ပုဂ္ဂိုလ်များ၊ သေတော့မယ်ဆိုလို့ရှိရင်ဖြင့်၊ ကိုယ့်ကိုယ်ကို သံသယရှိတယ်။
သီလ ၀ိပဿိဆိုပြီးသကာလ ကိုယ့်သီလကို ပျက်စီးတဲ့အတွက် အင်း - ငါတော့ မှားခဲ့ပြီ၊ နေရာမကျဘူး၊ လိမ်ခဲ့ပြီ၊ ကောက်ခဲ့ပြီ၊ မုသားတွေပြောခဲ့ပြီ။
ပါဏာတိပါတာ၊ အဒိန္နာဒါနာ၊ ကာမေသုမိစ္ဆာစာရာ အစရှိသည်တို့ဖြင့် ငါ့ဖြင့် လွန်ခဲ့၊ ကျွံခဲ့ပြီ၊ အဲတော့ ဒါတွေစဉ်းစားပါ့လား၊ ဒါ ဘယ်သူ့စွပ်စွဲတာတုံးဆိုရင်ဖြင့် မိမိကိုယ်ကို သီလနဲ့စွပ်စွဲတာ သဘောကျ ကြလား … (ကျပါတယ်ဘုရား)။
ဘာနဲ့စွပ်စွဲပါလိမ့် … (သီလနဲ့စွပ်စွဲပါတယ်ဘုရား) မိမိကိုယ်ကို သီလနဲ့စွပ်စွဲတယ်ဆိုတာ မှတ်ထားရမယ်။
အဲ့တော့ ဘုရားကမေးလိုက်တယ်၊ ၀က္ကလိမင်းခန္ဓာကိုယ်ကြီးကို သီလပျက်စီးတယ်လို့ မင်းစွပ်စွဲမိ သလား၊ ဒီလိုများ စွပ်စွဲပြီးသကာလ၊ မင်းနှလုံးမသာမယာများရှိသလား၊ ယခုလိုမမာတဲ့အချိန် အရှင်ဘုရားတဲ့ တပည့်တော် ကိုယ့်သီလအတွက်တော့ဖြင့် သံသယမရှိပါဘူး။
ဘာမှစွဲချက်လည်းမတင်ပါဘူး၊ သီလတွေလည်း လုံခြုံပါတယ်၊ ဒါဖြင့် ၀က္ကလိက သူ့ဟာသူ သီလလုံခြုံကြောင်းကိုဖြင့် ထင်ရှားတယ်ပေါ့လေ … (မှန်ပါ့)။
ဒါဖြင့် ဘုန်းကြီးတို့ ဒကာ ဒကာမတွေမှာ ဘယ်လို ဖြစ်တတ်သလဲဆိုတာ သေခါနီးမှာ သတိထားပါ … (တင်ပါ့)၊ သေခါနီးဘယ်လိုဖြစ်တတ်တုံး ဆိုလို့ရှိရင်ဖြင့်၊ ဘာမှ နိမိတ်မထင်ခင်ကိုပင်လျှင် ဒကာ ဒကာမတို့၊ သြော် ငါသည် အနေမှားခဲ့ပြီ၊ အသုံးမှားခဲ့ပြီ၊ အပြောမှားခဲ့ပြီ၊ အဆိုမှားခဲ့ပြီဆိုပြီး ကိုယ့်ခန္ဓာကိုယ်ကြီးကိုပင်လျှင်၊ သီလပျက်စီးမှု သီလ၀ိပဿိဆိုတဲ့ သီလပျက်စီးမှု၊ ကိုယ့်ကိုယ်ကို စွပ်စွဲတာတွေ လာတတ်သတဲ့၊ သဘောကျကြလား … (ကျပါတယ်ဘုရား)။
သေခါနီးမှာ ဘာလာတတ်သတုံး
ဘာလာတတ်တုံး … (ကိုယ့်ကိုယ်ကို စွပ်စွဲတာတွေ လာတတ်ပါတယ်ဘုရား)၊ ကိုယ့်ကိုယ်ကို စွပ်စွဲ တာတွေ လာတတ်တယ်ဆိုတော့ စဉ်းစား၊ သူများစွပ်စွဲတာသည် အရေးမကြီးဘူး၊ ကိုယ့်ကိုယ်ကို စွပ်စွဲတာသည် ကိုယ်နှလုံးမသာယာခြင်းဖြစ်ပါတယ်။
ဘာဖြစ်တတ်တုံး … (ကိုယ့်နှလုံးမသာယာခြင်းဖြစ်တတ်ပါတယ်)၊ ဒါဖြင့် ကိုယ်နှလုံးမသာယာခြင်း ဆိုတော့ ဒကာ ဒကာမတွေက စိတ်ထဲမှာ မချမ်းသာပဲနဲ့ စုတိစိတ်မရောက်ရဘူးလား … (ရောက်ရပါတယ်)။
ရောက်တော့ နှလုံးမသာယာတာက ဒေါမနဿဆိုရင်ကော လွဲသလား … (မလွဲပါဘူးဘုရား)၊ ဒါဖြင့် ဒေါသဇောနဲ့သေတဲ့အဓိပ္ပါယ် အသေအချာမရောက်ဖူးလား … (ရောက်ပါတယ်ဘုရား) ။
ဒါဖြင့် ဒကာ ဒကာမတွေ ဘုန်းကြီးက သတိပေးရတယ်၊ ဒကာ ဒကာမတို့ ကိုယ့်ကိုယ်ကို သီလအားဖြင့် စွပ်စွဲတဲ့သဘောမရှိရအောင်၊ ခင်ဗျားတို့ နှလုံးသွင်းပါလို့ သတိပေးလိုက်တယ် … (မှန်ပါ့)။
နှလုံးမသာယာမှုက လာတတ်တယ်
နို့မဟုတ် သေခါနီးကျတော့ ကိုယ့်ကိုယ်ကို နှလုံးမသာယာမှုကလာတတ်တယ်၊ ဦးစံရီတို့မလာတတ် ဖူးလား … (လာတတ်ပါတယ်ဘုရား)။
ဒါတွေ သတိထားစမ်း ဒကာ ဒကာမတွေ၊ ဘာလာတတ်တုံးသေခါနီး … (နှလုံးမသာမယာ လာတတ်ပါတယ်ဘုရား)၊ ကိုယ့်ကိုယ်ကိုစွပ်စွဲပြီး ငါမှားခဲ့တယ်၊ ငါနေထိုင်မှားခဲ့တယ်၊ ငါ ၀ိပဿနာအလုပ် မလုပ်ခဲ့ဘူး၊ ငါ့သီလတွေက လည်း ချွတ်ယွင်းပြီးသကာလ နေတယ်ဆိုတော့ ကိုယ့်ကိုယ်ကို သီလအားဖြင့် စွပ်စွဲပါတယ်။
ထိုကဲ့သို့စွပ်စွဲတော့၊ ဘယ်အချိန်စွပ်စွဲတာတုံးလို့မေးခွန်းထုတ်လို့ရှိရင်လည်း၊ သေခါနီးစွပ်စွဲတာပဲ၊ ထိုကဲ့သို့ သေခါနီးစွပ်စွဲလို့ရှိရင်ဖြင့် သေခါကလည်း နီးပြန်တယ်၊ စွပ်စွဲချက်ကလည်း ကိုယ့်ဟာကို၊ နှလုံး မသာယာမှုကလည်း ၀မ်းထဲရောက်နေပြန်တယ်ဆိုတော့၊ ဦးခင်မောင်တို့က စဉ်းစားရမှာ သြော်သူဟာ နှလုံး မသာယာမှုနဲ့သေရမှာပဲ … (မှန်ပါ့)။
ဆိုနိုင်ကြလား … (ဆိုနိုင်ပါတယ်ဘုရား)၊ ဦးဘအုန်း ဘယ်လိုဆိုမတုံး … (နှလုံးမသာယာမှုနဲ့ သေရမှာပါဘုရား)၊ အင်း … ငါဘယ်သူ့စွပ်စွဲတာပါလိမ့်မတုံး … (ကိုယ့်ကိုယ်ကို စွပ်စွဲတာပါဘုရား)။
အခုအချိန်ကစပြီး ၀ိပဿနာလုပ်ပါ
အင်း - ဒါဖြင့် ဘုန်းကြီးတို့ ဒကာ ဒကာမတွေ ယခုအချိန်ကစပြီး ၀ိပဿနာလုပ်ထားပါ၊ တိုက်တွန်းရတယ်နော် … (မှန်ပါ့)၊ ဘာကြောင့်တုံးလို့မေးတဲ့အခါကျတော့ ကိုယ့်ကိုယ်ကို စွပ်စွဲမှုဟာ လာတတ်လွန်းလို့၊ ကိုယ့်ကိုယ်ကို စွပ်စွဲမှုဟာ လာတတ်ပါတယ်။
ထိုကဲ့သို့ လာခဲ့သည်ရှိသော် ဦးဝ ကောင်းပါ့မလား … (မကောင်းပါဘူးဘုရား)၊ ဘယ်ချိန်မှာ လာတုံး … (သေခါနီးမှာလာတယ်)၊ သေခါနီးဆိုတာ မှတ်လိုက်စမ်းပါ၊ ဘ၀ကူးခါနီးမှလာတာ … (မှန်ပါ့)။
ဒါဖြင့် ဒီမှာ စွပ်စွဲမှုရှိနေလို့ရှိရင်၊ ကူးခါနီးကျတော့ အကောင်းကူးမဖြစ်နိုင်တော့ဘူး၊ အဆိုးကူး မဖြစ်ပေဘူးလား (ဖြစ်ပါတယ်ဘုရား)၊ အင်မတန်ကြောက်စရာမကောင်းဘူးလား … (ကောင်းပါတယ်ဘုရား)။
ကြည့်စမ်း ဦးဘကြည်တို့၊ ဘုရားသခင်ကိုယ်တော်မြတ်ကြီး ၀က္ကလိမေးတာ၊ မင်းကိုယ်ကို သီလအားဖြင့် စွပ်စွဲသလားကွ ဒါကိုမေးလိုက်တယ် … (မှန်ပါ့)။
ဘယ်အချိန်မေးတာတုံး၊ မမာနေတုန်းမေးတာ … (မမာနေတုန်းမေးတာပါဘုရား)၊ အဲတော့ ၀က္ကလိက တပည့်တော် သီလအားဖြင့်တော့ ကိုယ့်ကိုယ်ကို မစွပ်စွဲပါဘူးဘုရား၊ တပည့်တော်သီလ၊ တပည့်တော် လုံခြုံပါတယ်။
တပည့်တော် ပြစ်မှားမှုမရှိပါဘူး၊ ရှိတဲ့ပြစ်မှားမှုတွေလည်း၊ တပည့်တော် ၀ိပဿနာဥာဏ်တွေနဲ့ အလုံးစုံအကုန်ပဲ ချေပပြီးပါပြီ။ ဒါဖြင့် မင်းဘာများစွပ်စွဲမှုများရှိသေးတုံးကွ၊ ဘုရားက ဆက်မေးတာ … (မှန်ပါ့)။
ဘုရားက ဆက်မေးတော့၊ အရှင်ဘုရားတဲ့ တပည့်တော် စွပ်စွဲမှုက တခြားမဟုတ်ဘူးတဲ့၊ အရင်တုန်းကတော့ ဘုရားနဲ့ တပည့်တော်နဲ့ ဝေးနေငြားသော်လည်း ခဏခဏလာပြီးဖူးတွေ့ရပါတယ်၊ အခုတော့ တပည့်တော်က မမာနေသည့်အတွက် ဘုရားပင့်ပြီးမှ ဖူးတွေ့ရပါတယ်။
ဘုရားမဖူးရမှာ စိုးရိမ်တယ်တဲ့
အင်း - ဒီအတိုင်းသာ ဒီမမာနဲ့ ဒီအဖြစ်မျိုးနဲ့ဆိုလို့ရှိရင်ဖြင့်၊ ငါသည်ဘုရားကို ကျကျနန ဖူးရတော့မှာ မဟုတ်တော့ဘူးဆိုပြီး၊ အဲဒိစွပ်စွဲမှုလေးတော့ရှိတယ်၊ သဘောကျကြပလား … (ကျပါတယ်ဘုရား)။
ဘာစွပ်စွဲတာတုံး … (ဘုရားရှင်နဲ့ မဖူးတွေ့ရမှာကို စွပ်စွဲပါတယ်ဘုရား)၊ ဘုရားမဖူးရတဲ့အတွက် သူသည် စွပ်စွဲမှုလေးရှိတယ်၊ ဘယ်အတွက်ပါလိမ့် … (ဘုရားမဖူးရတဲ့အတွက်ပါဘုရား)။
အဲတော့ ဘုရားကဖြေလိုက်တယ်၊ အလံ ၀က္ကလိ၊ ၀က္ကလိ = ၀က္ကလိ၊ အလံ = မင်းပြောတဲ့စကားမတော်ဘူးကွာ ဖြေလိုက်ပြီ ဘုရားက … (မှန်ပါ့)။
မင်းပြောတဲ့စကားမတော်ဘူး
မင်းပြောတဲ့စကားမတော်ဘူးကွ၊ မင်းပြောတဲ့စကားမတော်ဘူးဆိုတော့၊ ဒီစွဲချက်မမှန်ဘူးလို့ ပြောလိုက်တာပဲဆိုတာ ရိပ်မိကြပလား … (တင်ပါ့)၊ ဒီစွပ်စွဲချက် ဘယ့်နှယ်နေတုံး … (မမှန်ပါဘုရား)။
မင်းကကွာတဲ့၊ ဘယ်နေရာကျမတုံးတဲ့၊ ငါဘုရား သခင်ကိုယ်တော်မြတ်ကြီး ဘုန်းတော်အနန္တဉာဏ်
တော် အနန္တ ကံတော် အနန္တဖြစ်တဲ့ ခန္ဓာကိုယ်ကြီးပါပဲတဲ့။
အသုဘခန္ဓာကြီးဖူးလို့ ကျေးဇူးမများဘူးတဲ့
သို့သော်လည်း အသုဘခန္ဓာကြီးကွ၊ လာဖူးနေလို့ ဘာမှကျေးဇူးမများဘူးတဲ့ … (တင်ပါ့)၊ ရှင်းပလား … (ရှင်းပါပြီဘုရား)။
ခုနက ရှေးဦးစွာစကားကဘာတုံး၊ ပယ်လိုက်တယ် (မှန်ပါ့)၊ ပယ်ခြင်း၏အကြောင်းကိုလည်း နောက်မဖော်ဘူးလား … (ဖော်ပါတယ်)၊ ဘယ်လိုဖော်လိုက်ပါလိမ့် … (အသုဘခန္ဓာကိုယ်ပါတဲ့ဘုရား)။
အသုဘခန္ဓာကိုယ်ပါပဲကွတဲ့၊ ဘုန်းတော်အနန္တ၊ ဉာဏ်တော် အနန္တ ကံတော် အနန္တနဲ့ဖြစ်တဲ့ ခန္ဓာကိုယ်ကြီးကတော့ အသုဘအဖြစ် မစွန့်ပါဘူးကွ။
ဒါကြောင့် မင်း ဒါလေးနဲ့စွပ်စွဲပြီးသကာလ၊ ဘုရားလည်းမဖူးရလို့ တပည့်တော် အဲဒိစွပ်စွဲချက်ရှိတယ် ဆိုတာ မင်းဖြုတ်လိုက်ဆိုတော့ မရှင်းကြသေးဘူးလား … (ရှင်းပါပြီဘုရား)။
အင်မတန်ရှင်းပြီး … (မှန်ပါ့)၊ ဒါဖြင့် ဒကာ ဒကာမတို့ ဘုရားမဖူးရလို့ ဆိုတာလား … ဟုတ်လား … ဒီအတိုင်း ဘုရားသခင်ကိုယ်တော်မြတ်ကြီး ငါ့မဖူးနဲ့ဆိုတာလား ဆိုတဲ့ မေးခွန်းတွေဟာ ထွက်မလာပေဘူး လား … (ထွက်လာပါတယ်ဘုရား)။
ထွက်လာတဲ့အခါ ဗုဒ္ဓါနုဿတိတွေ ပျက်သွားတော့ မပေါ့ … (တင်ပါ့)၊ ဦးစံရီတို့ မပျက်ပေဘူးလား … (ပျက်ပါတယ်ဘုရား)၊ ဗုဒါနုဿတိဆိုတာ ဘာပါလိမ့်မတုံး ဒကာ ဒကာမတို့ … (ဘုရားဂုဏ်)၊ ဘုရားဂုဏ်ကို အဖန်တလဲလဲ အောက်မေ့တာ ဗုဒ္ဓါနုဿတိလို့ ခေါ်သည်။
ဘုရားရှိခိုးတာ ဗုဒ္ဓါနုဿတိ၊ သမထ
ဗုဒ္ဓါနုဿတိ ဘာပါလိမ့် … (ဘုရားဂုဏ်တော်ကို အဖန်တလဲလဲအောက်မေ့တာပါဘုရား)၊ ဘုရားဂုဏ်ကို အဖန်တလဲလဲအောက်မေ့တာ ဗုဒ္ဓါနုဿတိလို့ ဆိုတော့၊ သြော်ဒါဖြင့် ဒကာ ဒကာမတွေ ဘုရားရှိခိုးကြတယ်နော်၊ ဘုရားရှိခိုးတော့ ငါးမိနစ်ကြာတယ်၊ ဆယ်မိနစ်ကြာတယ်၊ ဆယ့်ငါးမိနစ်ကြတယ်၊ ကိုယ်ရတာကိုယ်ဆိုကြမှာပေါ့ဗျာ … (မှန်ပါ့)။
ဆိုကြတော့ ဘုရားဂုဏ်တွေပဲ ထပ်ပြန်တလဲလဲ ဆိုတာပဲမဟုတ်လား … (မှန်ပါ့)၊ ဘုရားဂုဏ်များ များသလောက် ကိုယ်ရသလောက် မဆိုကြဘူးလား … (ဆိုပါတယ်ဘုရား)၊ အဲ့ဒါ ဗုဒ္ဓါနုဿတိပါပဲ။
ဗုဒ္ဓါနုဿတိဆိုတာ သမထလား၊ ၀ိပဿနာလားလို့ တစ်ခါစစ်လိုက်ပါဦး …. (သမထပါဘုရား)၊ ဦးဘကြည် ဘာခေါ်ကြမတုံး … (သမထပါဘုရား)၊ ဦးဘတင်တို့ … (သမထပါဘုရား)။
သမထထက် ၀ိပဿနာကသာတယ်
အဲတော့ ဘုရားသခင်ကိုယ်တော်မြတ်ကြီးက သူသမထထက် ၀ိပဿနာကသာတဲ့အဖြစ်ကို ပြလိုသောကြောင့်၊ ခန္ဓာကိုယ်ကြီးဖူးနေသဖြင့် ကျေးဇူးမရှိဘူးကွ၊ ဒါသမထလို့ ပြောတယ် ရှင်းပလား … (ရှင်းပါပြီဘုရား)။
ဒါဖြင့် သမထနဲ့ ၀ိပဿနာ ဘယ်သူက ကျေးဇူးများတုံး … (၀ိပဿနာက ကျေးဇူးများပါတယ် ဘုရား)၊ ၀ိပဿနာက ကျေးဇူးများတဲ့အတွက်၊ ၀က္ကလိက သမထသန်မှာစိုးလို့ ပယ်လိုက်ရတယ် … (မှန်ပါ့)၊ ရှင်းကြပလား … (ရှင်းပါတယ်ဘုရား)။
ဒီအပုတ်ကောင်ကြီးဖူးနေလို့ ဘာအကျိုးရှိမှာလဲ
ဘယ်လိုရှင်းတုံး … (သမထသန်မှာစိုးလို့ ပယ်တာပါဘုရား)၊ သမထဘက်ကို လဲသွားမှာစိုးလို့၊ ဘုရားသခင်ကိုယ်တော်မြတ်ကြီးက မင်းဘာအကျိုးရှိမလဲကွာ၊ ဤအကောင်ပုပ်ကြီး ဖူးနေလို့ မင်းဘာအကျိုး ရှိမလဲကွ၊ ဦးဘကြည် မပယ်ဘူးလား … (ပယ်ပါတယ်ဘုရား)။
ဤအကာင်ပုပ်ကြီးရှိနေသဖြင့် မင်းဘာကျေးဇူးရှိမလဲကွဆိုဟာ၊ ဖြုန်းခနဲယူလိုက်လို့ရှိရင်၊ မဖူးစေချင်လို့ယူတဲ့ သဘောမျိုးလဲ ရောက်တတ်တယ် … (မှန်ပါ့)။
အမြတ်စားကို ရွေးစေချင်လို့
သို့သော် အမြတ်အယုတ်နှစ်ပါးရှိရာတို့တွင်၊ ဘုရားသခင်ကိုယ်တော်မြတ်ကြီးသည်၊ အမြတ်စားကို အကြီးစားရစေချင်တဲ့အတွက်၊ သမထကို ချိပ်ထားပြီးတော့၊ ၀ိပဿနာဘက်ကူးစေချင်လို့ဟောတယ်လို့ မှတ်ရမယ် … (မှန်ပါ့)၊ ရှင်းပလား … (ရှင်းပါပြီဘုရား)။
အဲတော့ ၊ ဒါ တချို့တစ်ဖက်စောင်းယူလိုက်လို့ရှိရင် ဦးစံရီ မလွဲပေဘူးလား … (လွဲပါတယ်ဘုရား)၊ များသောအားဖြင့် ဦးခင်မောင် … တစ်ဖက်စောင်းများတယ်နော် … (တင်ပါ့ဘုရား)၊ များဘူးလား … (များပါတယ်ဘုရား)။
သမထနဲ့သေရင် ဗြဟ္မာ့ပြည်သွားမယ်
ဒကာ ဒကာမတွေ စောင်းချင်သေးသလား … (မစောင်းချင်ပါဘူးဘုရား)၊ သမထနဲ့ ၀ိပဿနာ ဘယ်ဟာမြတ်ပါလိမ့် … (၀ိပဿနာမြတ်ပါတယ်ဘုရား)။
ဝိပဿနာက မြတ်တော့ကိုး သေခါနီးမှာ စဉ်းစားပါ၊ သေခါနီးသမထနဲ့သေရင် ဗြဟ္မာ့ပြည်သွားမယ်၊ ၀ိပဿနာနဲ့ သေရင် နိဗ္ဗာန်သွားမယ်၊ သွားပုံချင်း မခြားနားဘူးလား … (ခြားနားပါတယ်ဘုရား)၊ အတော် ခြားနားတယ်ဆိုတာ သဘောကျပလား … (ကျပါတယ်ဘုရား)။
ဝိပဿနာနဲ့သေရင်နိဗ္ဗာန်
ကိုင်း ဘုရားသည် ဘယ်ဟာခွင့်ပြုရမတုံး သေခါနီးကို … (၀ိပဿနာရှုမှုပါဘုရား)၊ ဒါဖြင့်သမထချိပ်ထားပေါ့ … (တင်ပါ့)၊ ဒါဖြင့် ကိုယ်တော်မြတ်ကြီး ကရုဏာက အဖိုးတန်ပေးချင်လို့၊ သူ့ကိုယ်ကြီးကို ရှိခိုးသဖြင့် ဘာအကျိုးရှိရမလဲလို့ပြောတာ … (မှန်ပါ့)၊ သဘောကျပလား …(ကျပါတယ်ဘုရား)။
ဒါဖြင့် ဘယ်လို ရည်ရွယ်ချက်ဆိုတာ ဘုရားအာဘော်သိကြပလား … (သိပါပြီဘုရား)၊ ဘယ်လို သိကြပါလိမ့် … (၀ိပဿနာပဲအားထုတ်ရမှာပါဘုရား)။
ဝိပဿနာ သန်သန်ကြီးအားထုတ်စေချင်လို့ သမထ ပယ်လိုက်ခြင်းဖြစ်ပါတယ် … (မှန်လှပါ)၊ ဒီသမထမှ အားမထုတ်တဲ့ ပုဂ္ဂိုလ်များကျတော့ ဓဇဂ်သုတ်ကို ထောက်ကြည့်၊ ဓဇဂ်သုတ်ဆိုတာ ခင်ဗျားတို့ရကြလား …မရကြဘူးလား … (ရပါတယ်ဘုရား)။
“နောစေဗုဒ္ဓံ သရေယျာထ လောကဇေဋ္ဌံ နရာသဘံ၊” ငါဘုရား ကြပ်ကြပ်အောက်မေ့ဟေ့၊ ငါဘုရား ကြပ်ကြပ်အောက်မေ့ဟေ့ မလာဘူးလား … (လာပါတယ်ဘုရား)၊ ဘုရားက အဲ့ဒိကျတော့ အောက်မေ့လို့ဟောတယ် သဘောကျပလား .. (တင်ပါ့)။
ဓဇဂ်သုတ်မှာ သမထအဓိကထားခိုင်းတယ်
ဓဇဂ်သုတ်ကျတော့ ဘာဟောထားပါလိမ့် …(ဘုရားဟောတာပါဘုရား)၊ အောက်မေ့ဆိုတာလည်း အာရုံပြုတာပဲမဟုတ်လား … (မှန်လှပါဘုရား)။
အဲ့ဒိကျတော့ဘုအဓိကထားပါလိမ့်မတုံး … (သမထပါဘုရား)၊သမထ အဓိကထားပြန်တယ် … (မှန်ပါ့)၊ ယခုဝက္ကလိဟောပြန်တော့ …(၀ိပဿနာပါဘုရား)။
ဘုရားက ဘယ်ဟာမှမပယ်ဘူး
ဒါဖြင့် ဘယ်ဟာမှမပယ်ဘူးဆိုတဲ့ အဓိပ္ပါယ်ကောရှင်းမနေဘူးလား … (ရှင်းပါတယ်ဘုရား)၊ အဲ့ဒါမဟောတတ်၊မပြောတတ်တဲ့ဆရာသမားနဲ့ကြုံလို့၊ ကန်တတ်၊ ကျောက်တတ်တဲ့ပုဂ္ဂိုလ်နဲ့ကြုံပြီဆိုမှဖြင့်၊ ဘုရားပူဇော်တာဘာကျေးဇူးရှိတုံးကွ၊ ကြည့်ပါလားကွ၊၀က္ကလိသုတ်မှာငါဘုရားခန္ဓာကိုယ်ကြီး အပုပ်ကောင်ကြီးဖူးနေသဖြင့်၊မင်းဘယ်အကျိုးရှိရမလဲဆိုပြီးသကာလ၊ ကိုယ်တော်တိုင်ကန့်ကွက်ထားတယ် ဆိုတဲ့အဓိပ္ပါယ်ကို၊ ဒီသုတ်ကလေးတစ်သုတ်ထဲနဲ့သူကအကိုးအကားထားပြီးပြောလိုက်တော့၊ ဦးဘကြည်တို့ မလွဲဘူးလား …(လွဲပါတယ်ဘုရား)
ဓဇဂ်သုတ်ဆိုတာ ဘယ်သူဟောတာပါလိမ့် …(ဘုရားဟောတာပါဘုရား)၊ အဲ့ဒိကျတော့ ဘာတဲ့ … (အဖန်တလဲလဲအာရုံပြုရမှာပါဘုရား)၊ အဖန်တလဲလဲ အာရုံပြုပါကွ၊ အဖန်တလဲလဲအာရုံပြုပါကွ၊ အဲ့ဒါတွေ မရှိဘူးလား (ရှိပါတယ်ဘုရား)၊ သဘောကျပလား … (ကျပါတယ်ဘုရား)။
ဝိပဿနာအားထုတ်ရင်တော့
ကောင်းပြီ၊ ဒါဖြင့် ဘုရားကိုရှိမခိုးရဘူးလား၊ ရှိခိုးရမှာလား … (ရှိခိုးရမှာပါဘုရား)၊ ဓဇဂ်သုတ်အလိုဆို အဖန်တလဲလဲရှိခိုး … (မှန်ပါ့)၊ ၀ိပဿနာတက်မဲ့ ပုဂ္ဂိုလ်ဆိုလို့ရှိရင်ဖြင့်၊ သူ့ရှိခိုးပြီး သကာလ၊ သူ့လျော့ပြီး ဟိုဘက်တက် … (မှန်ပါ့)၊ ရှင်းပလား .. (ရှင်းပါပြီဘုရား)။
လုံးဝမကိုးကွယ်ရဘူး၊ မဆည်းကပ်ရဘူးလို့ဆိုလိုသလား … (မဆိုလိုပါဘုရား)၊ ကဲရှင်းကြပလား … (ရှင်းပါပြီဘုရား)။
ခု ဒါဖြင့် ဒီတရားပွဲမှာ ယနေ့စဟောတော့ကို နှစ်ချက်ပါသွားတယ် … (မှန်ပါ့)၊ သေခါနီး ကိုယ့်ကိုယ်ကို မစွပ်စွဲဖို့ တစ်ချက်အရေးကြီးတယ် … (မှန်ပါ့)၊ မကြီးဘူးလား … (ကြီးပါတယ်ဘုရား)။
ဗုဒ္ဓါနုဿတိနဲ့ သမထမှာ အရေးတကြီးပဲ၊ ဗုဒ္ဓါနုဿတိနဲ့ ၀ိပဿနာမှာ ဘယ်ဟာအရေးတကြီး ပဓာန ထားတယ်ဆိုတာကော … (ပေါ်ပါပြီဘုရား)၊ မပေါ်သေးဘူးလား … (ပေါ်ပါပြီဘုရား)။
အဲ့တာ ဓဇဂ်သုတ်မှာဟောခဲ့တာက၊ ကျွတ်ထိုက်တဲ့နေရာမှာ အချိုးအစားနဲ့၊ ကြက်သီးမွေးညင်းထခြင်း၊ ကြောက်ခြင်း၊ လန့်ခြင်းသာ ပျောက်တယ်လို့ဆိုတယ်၊ ခန္ဓာနဲ့တကွ ဒုက္ခသိမ်းမယ်လို့ ဟောရဲ့ လား … (မဟောပါဘူး) အဲ့ဒါ ဓဇဂ်သုတ်အဓိပ္ပါယ် … (မှန်လှပါ)၊ သဘောကျကြပလား … (ကျပါတယ် ဘုရား)။
အန္တရာယ်ကင်းစေခြင်းငှာ ဟောသည်
ကြောက်ခြင်း၊ လန့်ခြင်း၊ ကြက်သီးမွေးညင်းထခြင်း ဟုတ်လား ဒါတွေတော့ရှိရဲ့လား … (မရှိပါဘူးဘုရား)၊ ဘုရားဂုဏ်အောက်မေ့ရင် ရှိသေးရဲ့ လား … (မရှိပါဘူးဘုရား)၊ တရားဂုဏ်အောက်မေ့ရင် ကော … (မရှိပါဘူးဘုရား)၊ ဒါဖြင့် အန္တရာယ်ကင်း၍ ဘေးရှင်းစေခြင်းအကျိုးငှာ ဘာဟောတုံး … (ဓဇဂ်သုတ်ဟောပါတယ်ဘုရား)၊ ကဲ ဗုဒ္ဓါနုဿတိဆိုလိုက်ပါတယ် … (မှန်ပါ့)၊ ရှင်းပလား … (ရှင်းပါပြီဘုရား)။
အန္တရာယ်ကင်း၍ ဘေးရှင်းစေခြင်းအကျိုးငှာ ဘာဟောပါလိမ့် … (ဗုဒ္ဓါနုဿတိဟောပါတယ်ဘုရား)၊ ကောင်းပြီ ၀ိပဿနာကတော့ ဘယ်အကျိုးငှာတုံးဆိုလို့ရှိရင် ယခုပစ္စုပ္ပန် အန္တရာယ်ရှင်းလို့ ဘေးကင်းခြင်းသည် အလိုမရှိ၊ ကိလေသာတည်းဟူသော အန္တရာယ်တွေမှ ရှင်းစေခြင်း အကျိုးငှာ ၀ိပဿနာကို ဟောတယ် … (မှန်ပါ့) သဘောကျပလား … (သဘောကျပါတယ်ဘုရား)။
ပစ္စုပ္ပန်အန္တရာယ်ကင်းအောင်လို့
ပစ္စုပ္ပန်အန္တရာယ်တွေကင်းအောင် ဓဇဂ်သုတ်ကို ဟောသည် … (တင်ပါ့)၊ ဟုတ်လား၊ တစ်သံသရာ လုံးကို မဂ်ဖိုလ်တားမြစ်တတ်တဲ့ အန္တရာယ်တွေကင်းအောင်တော့ ဘာဟောရမတုံး … (၀ိပဿနာ ဟောရမှာပါဘုရား)။
ထူးခြားေးဘူးလား … (ထူးခြားပါတယ်ဘုရား) ဒါပေါ်သွားပြီ ဒကာ ဒကာမတို့၊ မပေါ်သေးဘူးလား … (ပေါ်ပါပြီဘုရား)၊ အဲ့ဒီတော့ မယောင်ကြပါနဲ့ ဘုန်ကြီးတို့ ဒကာ ဒကာမတွေရ၊ မယောင်ကြပါနဲ့ ဘုန်းကြီးတို့ ဒကာ ဒကာမတွေရ၊ မယောင်ကြပါနဲ့ဆိုတာ အထူးပဲပြောရတယ်၊ သို့မဟုတ်လို့ရှိရင်ဖြင့် ဆွမ်းတော်ထင်တယ်ဆိုလို့ရှိရင်ဖြင့် ကျေးဇူးမရှိဘူး ယူချင်ယူပစ်လိုက်မှာ … (မှန်ပါ့)၊ မယူပေဘူးလား … (ယူမှာပါဘုရား)။
ပစ္စုပ္ပန်အကျိုးနဲ့ သံသရာအကျိုးခွဲပါ
ဘုရားရှိခိုးနေတာတွေ ဒါမယူဘူးနော် … (ယူမှာပါဘုရား)၊ အဲ့ဒိကဲ့သို့ယူမှာစိုးတဲ့အတွက် သမထ။ ၀ိပဿနာ မကွဲတာလည်းတစ်ကြောင်း၊ ပစ္စုပ္ပန်အကျိုးနဲ့ သံသရာအကျိုးကို မကွဲတာလဲတစ်ကြောင်း ဤကဲ့သို့ အကြောင်းအမျိုးမျိုးတွေကို မဝေဖန်တတ်တာနဲ့ တစ်ခုပယ်ချတယ်၊ တစ်ခုပယ်တာ လက်ကိုင်ထားတယ်ဆိုတော့ ဦးဘကြည်ကောင်းသေးရဲ့လား … (မကောင်းပါဘူးဘုရား)။
အတော်မဆိုးဘူးလား … (ဆိုပါတယ်ဘုရား)၊ ကဲယနေ့အဓိပ္ပာယ်ရှင်းပလား … (ရှင်းပါပြီ)၊ ကောင်းပြီ ဘုရားသခင်ကိုယ်တော်မြတ်ကြီးက ဘယ်လိုဟောပြန်တုံးဆိုတော့၊ မင်းကွာတဲ့ ဒီအကောင်ပုပ်ကြီး ကြည့်နေသဖြင့် ဘာကျေးဇူးရှိရမလဲ၊ မင်းကြည့်ချင်လို့ရှိရင်ဖြင့် ယောခေါ ၀က္ကလိ ဓမ္မံ ပဿတိ သောမံ ပဿတိ။
တရားမြင်မှ ဘုရားမြင်တယ်
တရားမြင်မှ ဘုရားမြင်မှာပါပဲကွ၊ ဆက်ဟောတယ် (မှန်ပါ့)၊ ဦးဘကြည် ဒါခုနက ပါဠိအဆက်နော် … (တင်ပါ့)၊ တရားမြင်ရင်… (ဘုရားမြင်ပါတယ်ဘုရား)၊ ဘုရားမြင်ရင် … (တရားမြင်ပါတယ်ဘုရား)။
သို့သော် စကားနှစ်ခွန်းရှေ့ နောက်ခွဲလိုက်ပါ၊ တရားမြင်ရင်ဘာတုံး … (ဘုရားမြင်ပါတယ်ဘုရား)၊ ဒါရှေ့ စကားဘုရားမြင်ရင် … (တရားမြင်ပါတယ်ဘုရား)၊ ဒါက ဘာတုံး (နောက်စကား)။
ဒါဖြင့် တစ်နဲ့ နှစ် ဒါ သတိထားရလိမ့်ဦးမယ်၊ တစ်နဲ့ နှစ်သတိထားရလိမ့်ဦးမယ် ဒကာ ဒကာမတို့၊ တရားမြင်ရင် (ဘုရားမြင်ပါတယ်ဘုရား)၊ ဒါက တစ်နံပါတ်နော် … (မှန်ပါ့)။
ဘုရားမြင်မှ … (တရားမြင်ပါတယ်ဘုရား)၊ ဘုရားမြင်မှတရားမြင်တယ်၊ ဒါ ဘုရားသခင်ကိုယ်တော် မြတ်ကြီးဒီအတိုင်းဟောတာပဲ၊ ယောခေါ ၀က္ကလိဓမ္မံ ပဿတိ သောမံ ပဿတိ။
ဝက္ကလိ - ချစ်သား ၀က္ကလိ၊ ယော -အကြင်ပုဂ္ဂိုလ်သည်၊ ဓမ္မံ - တရားကို၊ ပဿတိ - မြင်၏၊ သော - ထို ပုဂ္ဂိုလ်သည်၊ မံ - ငါဘုရားကို၊ ပဿတိ - မြင်၏။ တရားမြင်ရင် ဘုရားမြင်တယ် တစ်နံပါတ်ကနော် … (မှန်ပါ့)။
ဘုရားမြင်မှ တရားမြင်တယ်
နှစ်နံပါတ်က ဘယ်လိုပါလိမ့် … (ဘုရားမြင်မှ တရားမြင်ပါတယ်ဘုရား)၊ ဘုရားမြင်လို့ရှိရင် ဘာတုံး … (တရားမြင်ပါတယ်ဘုရား)၊ တရားမြင်တယ်။
အင်း ဒီဥစ္စာ ဒကာ ဒကာမအတွက် ဉာဏ်ထဲဝေဖန် ကြည့်တာပေါ့၊ တစ်နဲ့နှစ်ဟာ ဘယ်သူ အရေးကြီးတယ်ဆိုတာ စဉ်းစားကြည့်စမ်း … (တစ်က အရေးကြီးပါတယ်ဘုရား) တစ်က အရေးကြီးတယ်။
တရားမြင်မှ … (ဘုရားမြင်တယ်)၊ ဘုရားမြင်တယ်နော်၊ နှစ်က … (ဘုရားမြင်မှ တရားမြင်ပါတယ်)၊ ဘုရားမြင်ပြီးမှ တရားမြင်ပါတယ် … (မှန်ပါ့)၊ သဘောကျပလား (ကျပါတယ်ဘုရား)။
တစ်ကဘာပါလိမ့် … (တရားမြင်မှ ဘုရားမြင်ပါတယ်)၊ နှစ်က … (ဘုရားမြင်မှ တရားမြင်ပါတယ်ဘုရား) အင်း မြင်ပုံချင်းတခြားစီပါလား … (တခြားစီပါဘုရား)။
မြင်ပုံချင်း တခြားစီဆိုတော့ ဒကာ ဒကာမတွေက စဉ်းစားရမယ်၊ သောတာပန်ဖြစ်ပြီးမှ ဘုရားကြည်ညိုတာနဲ့ ဒါတွေဟာ ဒီနေ့ပြောတာတွေဟာ၊ တကယ့်ချက်ကောင်းတွေ ချည့်ပဲလို့ အောက်မေ့ လိုက်စမ်း … (မှန်ပါ့)။
ဦးဘကြည် … (မှန်ပါ့)၊ သောတာပန်ဖြစ်ပြီးမှ ဘုရားကြည်ညိုတာနဲ့၊ သောတာပန်မဖြစ်ခင်က ကြည်ညိုတာနဲ့ ကြည်ညိုပုံ ဘယ့်နှယ်နေကြတုံး … (ကွာခြားပါတယ် ဘုရား)။
ဟိုဘက်တုန်းက စလသဒ္ဓါတရား ပုထုဇဉ်တုန်းက ဟုတ်လား … (မှန်ပါ့)၊ သောတာပန်ဖြစ်တဲ့အခါ ကျတော့ အစလသဒ္ဓါတရား မလာဘူးလား … (လာပါတယ်)။
အဲတော့ အဲ့ဒါနဲ့ပဲ ဝေဖန်ကြည့်လိုက်တော့ သိပြီ ဦးစံရီမသိသေးဘူးလား … (သိပါပြီ)၊ သိနေပြီတဲ့ ပုထုဇဉ်တုန်းက ဘာသဒ္ဓါတရားဆိုတော့၊ စလသဒ္ဓါတရားဆိုတာ ခြေဖ၀ါးတစ်လှမ်းမတန်ဘူးတဲ့ … (မှန်ပါ့)၊ ရှင်ပလား … (ရှင်းပါပြီဘုရား)။
သောတာပန်၏သဒ္ဓါတရား
ပုထုဇဉ်နော် … (တင်ပါ့)၊ သောတာပန်တည်ပြီးတဲ့ ပုဂ္ဂိုလ်ဘုရား ဘုရားမဟုတ်ဘူးလို့ ပြောလို့ကိုရသေးရဲ့ လား (မရပါဘူး)။
သူဘာသဒ္ဓါတရားပါလိမ့် … (အစလ သဒ္ဓါတရားပါဘုရား)၊ အစလသဒ္ဓါတရား ရှင်းကြပလား … (ရှင်းပါပြီဘုရား)။
အဲတော့ ဘာကြောင့်ထူးသတုံး အဲဒီဝေဖန်ကြည့်လိုက်ရင် ခင်ဗျားတို့ရှင်းပြီ … (တရားမြင်ပြီးတော့ ဘုရားမြင်ပါတယ်ဘုရား)၊ သဘောကျပလား … (မှန်ပါ့)။
တရားကြောင့် ခင်ဗျားတို့ မတုန်မလှုပ်ကြည်ညိုတာ … (မှန်လှပါဘုရား)၊ သဘောကျကြပလား … (ကျပါတယ်)၊ ဒါဖြင့် တရားသိမှ ဘုရားသိတာပေါ့ … (မှန်ပါ့)၊ ရှင်းကြပလား … (ရှင်းပါပြီဘုရား)။
ဘာတဲ့တုံး … (တရားသိမှ ဘုရားသိပါတယ်ဘုရား)၊ တရားသိမှ … (ဘုရားသိပါတယ်)၊ တရားမြင်မှ … (ဘုရားမြင်ပါတယ်ဘုရား)၊ ဘုရားမြင်တယ်ဆိုတဲ့ဥစ္စာ၊ ခုသက်သေသာဓကနဲ့ပြောလိက်တဲ့အခါကျတော့ ကို ဒကာ ဒကာမတွေ မရှင်းသေးဘူးလား … (ရှင်းပါပြီ)။
ပုထုဇဉ်၏သဒ္ဓါတရား
ပုထုဇဉ်သဒ္ဓါတရားက ဧတ ပတ္တ ဘာဝေန နာနာလို့ဟောလိုက်တယ်၊ ပထမခြေတစ်လှမ်းမှာတော့ ဒီဘုရားကြည်ညိုတာပဲ၊ နောက်တစ်လှမ်းကျရင် ပျက်ချင်ပျက်သွားမယ်။
ဒါဘယ်သူ့သဘောပါလိမ့် … (ပုထုဇဉ်ရဲ့ သဘောပါဘုရား)၊ ဒါဖြင့် သဒ္ဓါခိုင်တဲ့သဘော မရှိဘူးပေါ့ …(မှန်ပါ့)၊ သောတာပန်တည်တဲ့အခါကျတော့ ဘာတုံး … (သဒ္ဓါခိုင်ပါတယ်ဘုရား)။
သဒ္ဓါခိုင်သွားတဲ့အတွက် ပျက်သေးရဲ့ လား … (မပျက်ပါဘူးဘုရား၊ ဒါဖြင့် သဒ္ဓါဆိုတာ ဘုရားလား၊ တရားလား … (တရားပါဘုရား)။
ကိုင်း တရားသိမှ ဒကာ ဒကာမတို့ ဘာဆိုကြမတုံး (ဘုရားသိပါတယ်ဘုရား)၊ ရှင်းပလား … (ရှင်းပါပြီဘုရား)၊ ဘာသိမှ … (တရားသိမှ ဘုရားသိမှာပါဘုရား)၊ နေရာကျပလား … (ကျပါပြီဘုရား)။
ကောင်းပြီ၊ ဒါဖြင့် ဒကာ ဒကာမတို့ တရားသိပြီးမှ ဘုရားသိရမယ်၊ ဘုရားသိပြီးမှ တရားသိရတယ်လို့လည်း နောက်ထပ်ဆင့်ဟောတယ် … (မှန်လှပါဘုရား)၊ မဟောဘူးလား … (ဟောပါတယ်)။
တစ်နံပါတ်ကဘာတဲ့ … (တရားသိပြီးမှ ဘုရားသိပါတယ်ဘုရား)၊ တရားသိပြီးမှ ဘုရားသိတယ်၊ နှစ်နံပါတ်ကဘာတဲ့ … (ဘုရားသိပြီးမှ တရားသိပါတယ်ဘုရား)၊ အင်း နှစ်နံပါတ်ကလည်း ဘုရားသိပြီးမှ တရားသိရတယ်ဆိုတော့ ဘုရားသည်ကားလို့ဆိုလို့ရှိရင် တစ်ခါစဉ်းစား သူတစ်ပါးနဲ့ တူ၊ မတူ … (မတူပါဘုရား)။
အတုမရှိတဲ့ဘုရား
ဒါဖြင့် သူအတုမရှိပေါ့ … (မှန်ပါ့)၊ ဟုတ်လား … (တင်ပါ့)၊ အတုမရှိရင် ပုဂ္ဂိုလ်သတ္တ၀ါတွေ ၀ိုင်းမလား၊ မ၀ိုင်းဘူးလားလို့ စဉ်းစားကြည့် … (၀ိုင်းပါတယ်ဘုရား)။
ဝိုင်းရမှာပဲ ဦးစံရီရဲ့  လူထူးတစ်ယောက်ကို … (မှန်ပါ့)၊ ဦးဘကြည် ဘယ့်နှယ်ဆိုမယ် … (လူထူးတစ်ယောက်ပါဘုရား)၊ လူထူးတစ်ယောက်ဆိုတော့ ၀ိုင်းကြမယ်ဆိုတာ မရှိပေဘူးလား … (ရှိပါတယ်ဘုရား)။
သာမန်လူစားဆိုလို့ရှိရင် ဘယ်သူဝိုင်းမတုံး … (မ၀ိုင်းပါဘူးဘုရား)၊ ဘယ်သူမှဝိုင်းပြီးကြည့်ကြ၊ ရှုကြမယ်လို့ဆိုနိုင်စရာ မြင်ကြရဲ့ လား … (မမြင်ပါဘူးဘုရား)။
ဒါဖြင့် ဒကာ ဒကာမတို့ လူထူးမို့ဝိုင်းတယ်၊ ၀ိုင်းတဲ့ အခါကျမှ ဘုရားသခင်ကိုယ်တော်မြတ်ကြီး ကလည်း၊ သူ့ဂုဏ်ပုဒ်တွေနဲ့ တရားတော်တွေ မဟောဘူးလား … (ဟောပါတယ်ဘုရား)
ဘုရားမြင်ပြီးမှ တရားမြင်ကြတယ်
အဲ့ဒိကျတော့ ဘယ်နဲ့ဆိုကြမတုံး … (ဘုရားမြင်ပြီးမှ တရားမြင်ပါတယ်ဘုရား)၊ ဘုရားမြင်ပြီးမှ တရားမြင်ရရှာတယ် …(မှန်ပါ့)၊ ဘုရားတွေ့ပြီးမှ … (တရားတွေ့ပါတယ်)။
ဒါဖြင့် ဒကာ ဒကာမတို့ စဉ်းစားပါတော့တဲ့၊ ဒီနှစ်ခုသည် ဘယ်လိုများ ထူးခြားပါလိမ့်မတုံးဆိုတော့ဖြင့်၊ အဓိပ္ပာယ်လည်း ထူးခြားနေတယ်။
အကောင်းဆုံးက အလယ်မှာထားရမယ်
သို့သော် အကောင်းဆုံးဝေဖန်ဖို့ကတော့ဖြင့် အလယ်ကြားမှာထားရလိမ့်မယ်၊ ဦးစံရီထားရလိမ့်မယ် နော် . . ( မှန်ပါ့)
တစ်နံပါတ်က ဘာတဲ့ … (တရားမြင်မှ ဘုရားမြင်ပါတယ်ဘုရား)၊ အင်း သူက တရားသိပြီးမှ ဘုရားသိတယ်၊ ဘာအကိုးအကားထားလိုက်သလဲ … (သောတာပန်တည်ပြီးမှပါဘုရား)၊ သောတာပန်တည် ပြီးမှ၊ တရားအထွတ်အထိပ်ရောက်မှ ဘုရားကြည်ညိုတာမြဲတယ် … (မှန်ပါ့)။
တရားအထွတ်အထိပ်မရောက်သေးရင် … (မမြဲသေးပါဘူးဘုရား)၊ ဒါက ဘာတုံး … (တရားသိမှ ဘုရားသိတာပါဘုရား)၊ တရားသိပြီးမှ ဘုရားသိတယ်ဆိုတာ ပေါ်ပလား … (ပေါ်ပါပြီဘုရား)။
ဒီတရား ကြပ်ကြပ်သတိထားပါ
ဒီနေ့တရားမှာ ကြပ်ကြပ်သတိထားပါ၊ အားလုံးယောင်တတ်တာတွေကို အကုန်ရှင်းပေးနေတာ၊ အားလုံးယောင်တတ်တာတွေကို အကုန်ရှင်းပေးနေတာ၊ အားလုံးယောင်တတ်တာတွေကို အကုန်ရှင်းပေး နေတာ၊ ခင်ဗျားတို့ဂရုစိုက်ပြီးသကာလ မှတ်ကြပါလို့ သတိပေးလိုက်တယ်။
နောက် ဒုတိယအချက်ကဘာတဲ့ … (ဘုရားမြင်မှ တရားမြင်ပါတယ်ဘုရား)၊ ကောင်းပြီ၊ ဘုရားမြင်ပြီးမှ တရားမြင်တယ်လို့ဆိုတော့ ဘုရားလူထူးမို့ ၀ိုင်းကြတာ … (မှန်ပါ့)၊ သဘောကျပလား … (ကျပါတယ်ဘုရား)။
ဝိုင်းလာတဲ့အခါကျရင် ပရိသတ်စုရသေးလား (မစုရပါဘူးဘုရား)၊ မစုရေးသေးတဲ့အတွက် ဒီပုဂ္ဂိုလ်တွေမှာ ကျွတ်ထိုက်တဲ့ပုဂ္ဂိုလ်တွေ ဘုရားဟောလိုက်တော့ မကျွတ်လား … (ကျွတ်ပါတယ်ဘုရား)။
ဝိပဿနာက ရှေ့ 
ဒါကျတော့ ဘယ်နဲ့ဆိုကြမတုံး … (ဘုရားသိပြီးမှ တရားသိပါတယ်ဘုရား)၊ ဒါဖြင့် ဒီလိုယူကြ၊ ခင်ဗျားတို့ ဒီထဲက ၀ိပဿနာက ရှေ့ နော် … (မှန်ပါ့)၊ သမထက … (နောက်ပါဘုရား)။
ဒီကျတော့ … (၀ိပဿနာကရှေ့ …သမထကနောက်ပါဘုရား)၊ သေချာဖြေ၊ သေချာဖြေ၊ ယီးတီးယားတားနဲ့ မရဘူး … (သမထကရှေ့ ၊ ၀ိပဿနာက နောက်ပါဘုရား)၊ သမထကရှေ့ ၊ ၀ိပဿနာက နောက် ဒါပဲကွာတယ် … (မှန်ပါ့)။
သမထက ရှေ့ 
ဒါပဲကွာတယ် ဒကာ ဒကာမတို့၊ ဒီတုန်းကဘာတုံး (၀ိပဿနာကရှေ့ ၊ သမထကနောက်ပါဘုရား)၊ ဒီကျတော့ (သမထကရှေ့ ၊ ၀ိပဿနာကနောက်ပါဘုရား)၊ ၀ိပဿနာက နောက်အဲ့တော့ သမထ ၀ိပဿနာချည့်တွဲသွားရတာ ချည့်ပဲဆိုတာ ယုံကြည်ပလား … (ယုံကြည်ပါပြီဘုရား)။
အတူတူပဲမှတ်ပါ
အတူတူပဲလို့ မှတ်ရတယ် … (မှန်ပါ့)၊ သမထ ၀ိပဿနာကင်းရင် ဘယ်သူမှ နိဗ္ဗာန်မရောက်ဘူး … သဘောကျပလား … (ကျပါပြီဘုရား)။
မဂ္ဂင်မှာဝေဖန်ကြည့်လိုက်၊ ၀ိပဿနာမဂ္ဂင်က ဘယ်နှစ်ပါးတုံး၊ နှစ်ပါး၊ သဘောကျပလား၊ ၀ိပဿနာမဂ္ဂင်က ဘယ်လောက်ပါလိမ့် … (နှစ်ပါးပါဘုရား)၊ သမထမဂ္ဂင်က (သုံးပါးပါဘုရား)၊ သူတို့ မပါပဲနဲ့ ခင်ဗျားတို့ နိဗ္ဗာန်ရောက်တဲ့ ပုဂ္ဂိုလ်များ တွေ့ဖူးရဲ့ လား … (မတွေ့ဖူးပါဘုရား)၊ ရှင်းသေးဘူးလား … (ရှင်းပါတယ်ဘုရား)၊ ပေါ်ပလား … (ပေါ်ပါပြီဘုရား)။
ခင်ဗျားတို့ဉာဏ်ထဲမှာ ဆုံးဖြတ်ချက်ကျပလားလို့ မေးလိုက်တယ် … (ကျပါတယ်ဘုရား)၊ ဘုန်းကြီး တို့ကတော့ ကျလို့ဟောတာ … (မှန်ပါ့) ခင်ဗျားတို့မကျမှာစိုးရိမ်တယ်။
ကဲ ဦးစံရီတို့ မောင်ကိုတို့ သဘောကျပလားကွ … (ကျပါတယ်ဘုရား)၊ ပထမဟာက ဘာတဲ့ … (၀ိပဿနာကရှေ့ သမထက နောက်ပါဘုရား)၊ နောက်ဟာက … (သမထက ရှေ့ ၊ ၀ိပဿနာက နောက်ပါဘုရား)။
ဤကောင်းမှုကုသိုလ်ကံ
စေတနာအပေါင်းတို့သည် အားထုတ်ဆဲဖြစ်သော
ဝိပဿနာဉာဏ်မှ မဂ်ဉာဏ်သို့ကျေးဇူးပြုခြင်းငှာ
အထောက်အပံ့ ပစ္စည်းအဖြစ်ဖြင့်
တည်ရှိပါစေသတည်း ။ ။
အရှင်ဉာဏဓဇ
မိုးကုတ်ဝိပဿနာ မင်္ဂလာမဂ္ဂင်ရိပ်သာ
ပင်မသံဝေဇနိယဌာန
အမရပူရမြို့ ။
No comments:
Post a Comment