ကိုယ်ကြီးရထားတာဟာ မီးလောင်စာကြီးရထားတာပဲ၊ ဒီမီးကသာမညမီးမဟုတ်ပါဘူး၊ ဒီခန္ဓာကြီးထဲမှာတစ်
ထောင့်ငါးရာကိလေသာမီးတွေ အောင်းနေတယ်၊ တစ်ထောင့်ငါးရာကိလေသာမီးတွေဟာ မဂ်နဲ့မပယ်ရ
သေးသရွေ့ အောင်းနေမှာပဲ၊ အောင်းနေတော့ ရုပ်နာမ်ခန္ဓာတွေဟာ မီးစာတွေပဲ၊ တစ်ထောင့်ငါးရာ ကိလေ
သာကမီး၊ ခန္ဓာကြီးက လောင်စာ၊ မီးနဲ့လောင်စာနဲ့တွဲနေတာပဲ၊ မီးက သူတော်ကောင်းဆိုရင် မလောင်ဘူး၊
ခင်ဗျားတို့ ချမ်းချမ်းသာသာနေရအောင်ဆိုပြီး အိမ်ဆောက်ကြ တိုက်ဆောက်ကြတယ်၊ အခြံအရံတွေနဲ့နေ
ကြ ထိုင်ကြတယ်၊ ဒါပေမယ့် ကိလေသာမီးလောင်လို့ အိမ်မှာနေနိုင်ကြရဲ့လား၊ မနေရဘူး၊ ကိုယ်အိမ်က
ထွက်ပြေးနေရတာ၊ ဟိုသွားဒီသွား ငွေရှာရတယ်၊ ဟိုဈေးစုံစမ်းရေးထွက်ရ၊ ဟိုမှာရစရာကိစ္စနဲ့သွားရ၊ ဒါ
လောဘမီး လောင်လို့ပြေးနေရတာ၊ ဒီ ခန္ဓာကြီးဟာ လမ်းမှာလဲလောင်ရင်း သွားတာပဲ၊ လမ်းမှာကားနဲ့တိုက်
မိမလား၊ စက်ဘီးနဲ့ တိုက်မိမလား၊ ခွေးကိုက်ခံရမလား၊ ဒါတွေကြောင့်ကြတဲ့"ဒေါသမီး"လောင်လျက်နဲ့သွား
နေရတာ၊ အိမ်ကထွက်တုန်းက လောဘမီးနဲ့၊ လမ်းကျတော့ အန္တရာယ်တွေတော့ ဒေါသမီးနဲ့၊ ဒီလိုလောင်
ပြီး ကိုယ့်အလုပ်ခွင် ကိုယ်ရစရာရှိတဲ့ဆီ သွားနေရသဖြင့်၊ ဒီအိမ်ဆောက်ပြီး အိမ်မနေရတာထွက်ပြေးနေ
တာဟာ မီးလောင်လို့၊ အိမ်ဆောက်ပြီးအိမ်မှာနေရတဲ့ပုဂ္ဂိုလ် အတော်ပဲရှားတယ်၊ ခြေလျင်သွားနေရင် နှေး
မှာစိုးလို့ စက်ဘီးနဲ့သွားရင်၊ စက်ဘီးနဲ့ နှေးမှာစိုးလို့ ကားနဲ့သွားရ၊ တစ်ခါ ကားနဲ့ နှေးတယ်ဆိုပြီး လေယာဉ်
ပျံ မြန်လှပြီအောက်မေ့နေတာ၊ ကိလေသာမီးကတအားလောင်တော့ လေယာဉ်ပျံတောင် နှေးသွားတယ်၊
အိမ်တိုင်းအိမ်တိုင်းမှာ နေ့တိုင်းထွက်ထွက်နေကြတာဟာ နေ့တိုင်းမီးလောင်နေလို့မှတ်၊ ဘယ်အိမ်သွား
ကြည့်ကြည့် နေ့တိုင်းမီးလောင်နေတာပဲ တွေ့ရမယ်။
အခု ဘုရားဟောတဲ့ သစ္စာတရားတွေနာနေရတာဟာ ထိုက်တန်တဲ့ပါရမီရှိလို့ပဲ၊ ဒါပေမယ့်လို့ ပါရမီပြည့်မယ့်
ကြံရင်းလောင်ရင်းဖြစ်နေတော့၊ ဘယ်တော့မှ ပြည့်မှာမဟုတ်ဘူး၊ မီးက ခန္ဓာကိုယ်တွင်လောင်တာမဟုတ်
ဘူး၊ သူတော်ကောင်းရတနာပါတောင် လောင်ပစ်တာ၊ သစ္စာမသိတုန်းကဆိုရင်လောင်မှန်းလဲ မသိဘူး၊
လောင်တာလဲ အမှန်ပဲ၊ ဒီတော့ ခင်ဗျားတို့ပါလာတဲ့ အရင်းတွေ (ပါရမီကုသိုလ်တွေ) အကုန်ရှုံးပေါ့၊ ခန္ဓာလဲ
ရှုံး သူတော်ကောင်းရတနာတွေလဲ ရှုံးပေါ့၊ ဘာကြောင့် အရှုံးကြီး ရှုံးရပါလိမ့်၊ သစ္စာသိတဲ့ဉာဏ်မလာလို့၊
သစ္စာသိတဲ့ဉာဏ်သာ ခန္ဓာမှာ ကိန်းနေတယ်ဆိုရင် ကိလေသာဝင်ခွင့်မရဘူး၊ ဝင်ခွင်မရရင် မလောင်နိုင်ဘူး
ကိလေသာကသာထွက်ပြေးရတော့တယ်၊ မဂ်က အနိုင်ရသွားတော့တယ်၊ ဒါကြောင့် မဂ်ဉာဏ်သည် တစ်
ထောင်းငါးရာကိလေသာမီးတွေကို အကုန်လောင်ပြီး အနိုင်ယူနိုင်တယ်၊ ဒါ ဒုက္ခသစ္စာပဲကွလို့ ဉာဏ်ကဆုံး
ဖြတ်ချက်ချ၊ ဖြစ်ဒုက္ခ ပျက်ဒုက္ခမှတစ်ပါး ခန္ဓာကိုယ်ထဲမှာ ဘာမှမရှိဘူး၊ ဒီဒုက္ခ ၂-ခုစလုံးဘယ်ဒုက္ခမှမကြိုက်
နိုင်ဘူး၊ ဒုက္ခမှန်းသိပြီလို့ ဒုက္ခကိုပိုင်းခြားလိုက်ပါ၊ သံယုတ်ပါဠိတော်မှာ ဒုက္ခပိုင်းခြားပုံ ဒီလိုလာတယ်၊ ဒုက္ခ
ဖြစ်လို့ ဒုက္ခပျက်တာမှတစ်ပါး မင်းတို့ခန္ဓာထဲမှာ ဘာမျှမရှိဘူးတဲ့။ ဒုက္ခကို ကြိုက်နေတာကတော့"ဝိပ္ပလ္လာသ'
(အသိ အမြင်ဖောက်ပြန်မှု) ကြောင့်ပဲ၊ ဝိပ္ပလ္လာသသတ္တိရှိလို့'တဏှာ'ကကြိုက်တာ၊ ရှေးကတဏှာကြိုက်လို့
အခုမကြိုက်အောင်သစ္စာတရား အနာခိုင်းနေတာ၊ ဒါဒုက္ခသစ္စာလို့ ပိုင်းခြားသိကြပါ၊ ခင်ဗျားတို့ သန္တာန်မှာ
ရုပ်နာမ်ပဲရှိတယ်၊ ရုပ်ကလဲဖြစ်ပြီး ပျက်တာပဲ၊ နာမ်ကလဲ ဖြစ်ပြီးပျက်တာပဲ၊ ဖြစ်ပျက် ၂-ခုစလုံးဖြစ်တာလဲ
ဒုက္ခ၊ ပျက်တာလဲ ဒုက္ခ၊ နာမ်ကလဲဒုက္ခ၊ ရုပ်ကလဲဒုက္ခ၊"ဘာဝေတဗ္ဗ"(မဂ်) နဲ့ပွားကြည်လိုက်တော့၊ ခန္ဓာ
ကိုယ်ထဲမှာဖြစ်ပြီးပျက်သွားတာမှတစ်ပါး ဖြစ်ဒုက္ခ ပျက်ဒုက္ခမှတစ်ပါးဘာမှမရှိဘူးလို့ တွေ့ရမယ်၊ ဖြစ်ပျက်ပဲ
တွေ့မယ်၊ ဒီလိုဖြစ်ပျက်တွေ(မြင်)လာရင် ရုပ်နာမ် ၂-ခုတွင် တစ်ခုခုကိုပဲလိုက်ပြီး ရှုလိုက်၊ ရုပ်နာမ် ၂-ခုက
အချင်းချင်း မှီနေတာဖြစ်တော့ တစ်ခုပျက်တာ မြင်ရင်၊ ကျန်တစ်ခု ပါသွားတာပဲ၊ ဒီတော့ ဖြစ်ပျက်ကို မြင်
အောင်ကြည့်၊ ဆက်ကြည့်၊ ဆက်ရှု၊ ဖြစ်ပျက်မုန်းလာအောင်ကြည့် ရှု၊ ဖြစ်ပျက်မုန်းလာလို့ ဒီဒုက္ခသစ္စာကြီး
တော့ မလိုချင်တော့ပါဘူးဆိုရင် ဒုက္ခသစ္စာချုပ်ပြီ၊ သမုဒယသစ္စာလဲ ချုပ်ပြီ၊ ဒီ ၂-ခု ချုပ်သွားရင် နိဗ္ဗာန်
ရောက်ပြီ၊ ခန္ဓာအဆုံးမှ နိဗ္ဗာန်ရှိတယ်။
(ဒုက္ခသစ္စာ၏ ဝိပရိဏာမဋ္ဌ ၄-)
"ဓမ္မာနုဓမ္မပဋိပတ္တိ"သောတာပန်တည်ခြင်း၏ အကြောင်း ၄-ပါးရှိတယ်၊ ဒီ ၄-ပါးက (၁) "ကလျာဏမိတ္တ"သူ
တော်ကောင်းနဲ့ပေါင်းမှု၊ (၂) သူတော်ကောင်းတရား နာမှု၊ (၃) သူတော်ကောင်းတရားကို နှလုံးသွင်းမှု၊
(၄) ဓမ္မာနုဓမ္မပဋိပတ္တိ-သူတော်ကောင်းတရား အားလျော်စွာတရားကိုကျင့်မှု၊ ဒီ ၄-ချက်ကို လုပ်ဆောင်ရင်
သောတာပန်တည်နိုင်တယ်လို့ အင်္ဂုတ္တိုရ်မှာ ဘုရားကဟောထားတယ်၊ ဒီတော့ သောတာပန်တည်ချင်လို့ရှိ
ရင်"ဓမ္မာနုဓမ္မပဋိပတ္တိ"အလုပ်ဟာအရေးကြီးတယ်၊ ဓမ္မာနု-ဓမ္မအားလျော်စာ၊ ဓမ္မပဋိပတ္တိ-ဓမ္မကိုကျင့်ကြံအား
ထုတ်မှု၊ 'ပဋိပတ္တိ'ဆိုတာ အကျင့်ပြောတာ၊ ဒီတော့"ဓမ္မာနုဓမ္မပဋိပတ္တိ"ဆိုတာ ဓမ္မသဘောကို ဓမ္မသဘောနဲ့
ကြည့်ပါလို့ပြောတာ၊ ဓမ္မဆိုတာက နာမ်တွေလဲဓမ္မပဲ၊ ရုပ်တွေလဲဓမ္မပဲ၊ ဒီရုပ်နာမ်ဓမ္မတွေဟာ အမြဲဖောက်ပြန်
ပျက်စီးနေတာပဲ၊ ဖောက်ပြန်ပျက်စီးနေတာကို အမြဲပြတယ်၊ ဒီလို ရုပ်နာမ်ဓမ္မတွေက အမြဲဖောက်ပြန်ပျက်စီး
နေတာကို ပြလို့ရှိရင်၊ ဒီကဉာဏ်က (မဂ္ဂင် ၅-ပါးက) အဲဒီဖောက်ပြန် ပျက်စီးနေတဲ့ ရှေ့ဓမ္မ၏ (ရှေ့ရုပ်နာမ်
ဓမ္မ၏) သဘောကို နောက်ဓမ္မက (နောက်ကဉာဏ်က) နေပြီးကြည့်ပေးပါတဲ့၊ ဒီလို ဓမ္မာနုဓမ္မပဋိပတ္တိ ကျင့်
မယ်ဆိုရင် ဒီဘဝမှာသေတာပန်တည်ရမယ်လို့ အင်္ဂုတ္တိုလ်က ၄-ချက်ပြတဲ့အထဲမှာ ဒါအရေကြီးဆုံးအချက်ပဲ
ခင်ဗျားတို့ ခန္ဓာကြီးဟာ ဓမ္မသဘောမပြောတဲ့အချိန်ရယ်လို့ မရှိဘူး၊ အမြဲပြောနေတာပဲ၊ ဒါပေမယ့် ခင်ဗျား
တို့ကမကြည့်ဘူး၊ ပြောတဲ့အချိန်တိုင်း လိုက်ကြည့်ပါ၊ ပြောတာကဖြင့်မရေတွက်နိုင်ဘူး၊ မရေတွက်အောင်
ပြောနေပေမယ့် ကြည့်မှုကမရေတွက်နိုင်အောင် မကြည့်ဘဲနေသောကြောင့်၊ ကိလေသာခပ်သိမ်း ရုပ်သိမ်း
တဲ့၊ ဒုက္ခခပ်သိမ်း ချုပ်ငြိမ်းတဲ့ နိဗ္ဗာန်မရောက်တာ၊ ဒါဖြင့် ဓမ္မကပြောတိုင်း မကြည့်တာသည် နိဗ္ဗာန်မရခြင်း၏
အကြောင်းပဲလို့မှတ်၊ ဓမ္မကိုကျင့်ရင် သောတာပန်ဖြစ်မယ်၊ မကျင့်မိတဲ့အတွက် သောတာပန်မဖြစ်တာ၊ ဒီ
ဓမ္မဟာ နာမ်ဓမ္မကြည့်ကြည့်၊ ရုပ်ဓမ္မကြည့်ကြည့်၊ ကြည့်လိုက်တိုင်းဟာ အဲဒီ ဓမ္မထဲမှာဖောက်ပြန်ပျက်စီနေ
တာတွေ့ရမှာပဲ၊ ဒါဟာ ဓမ္မရဲ့ဖောက်ပြန် ပျက်စီးနေတာကိုသိတာပဲလို့မှတ်၊ ဒီလိုသိရင် ဒီဓမ္မကို ခင်တွယ်တဲ့
တဏှာဟာ အခွင့်မရတော့ဘူး။
အခုတော့ ဓမ္မရဲ့ ဖောက်ပြန် ပျက်စီးနေတာကို (ဝါ) ဖောက်ပြန်ပျက်စီးနေတဲ့ဓမ္မကို မကြည့်မိလို့၊ ဝိပဿနာ
ဉာဏ်နဲ့ မကြည့်မိလို့၊ ငါနာတယ် ငါကိုက်တယ်ဆိုပြီး သက္ကာယဒိဋ္ဌိနဲ့ကြည့်နေတာ..သမ္မာဒိဋ္ဌိနဲ့ မကြည့်မိဘူး
ဒါကြောင့် မဂ္ဂင်နဲ့ဝေးနေတာ၊ တရားနာပြီး ကျင့်ရမယ့်အလုပ်ကဖြင့် ဓမ္မာနုဓမ္မပဋိပတ္တိအလုပ်ပဲ၊ ဒီတော့ ရုပ်
နာမ်ဓမ္မနဲ့ ကြည့်ပေး၊ ဒီလို ဓမ္မာနုဓမ္မပဋိပတ္တိနဲ့ ကြည့်ပေးလို့ရှိရင်"သစ္စဉာဏ်"ဖြစ်တယ်၊ သစ္စဉာဏ်ဖြစ်လို့ရှိ
ရင်၊ ကိစ္စဉာဏ် နောက်ကလိုက်ရလိမ့်မယ်၊ ကိစ္စဉာဏ်လိုက်လို့ရှိရင် ကတဉာဏ်ဟာ အလိုလိုရောက်သွား
မှာပဲ။"ဝိပရိဏာမဋ္ဌနှင့်ကိစ္စဉာဏ်"ကဲ..ကိစ္စဉာဏ်ကိုရှေးဦးစွာပြမယ်၊ ဝိပရိဏာမဋ္ဌော-ပင်ကိုယ်သဘောအ
ဖြင့် ဖောက်ပြန်ပျက်စီးတတ်တဲ့သဘော၊ ရုပ်နာမ်အစုဖြစ်တဲ့ လက်ရှိခန္ဓာကြီးဟာ အမြဲပဲဖောက်ပြန်နေတယ်
ခင်ဗျားတို့ လက်ရှိခန္ဓာကြီးထဲ၌ တရားနာရင်းမတ္တနဲ့ စိတ်အမျိုးမျိုးပြောင်းသွားတယ်၊ ရုပ်အမျိုးမျိုးပြောင်း
သွားတယ်၊ ဒီလို နာမ်မျိုးမျိုး ရုပ်အမျိုးမျိုး ပြောင်နေပုံကိုသတိထားပါ၊ သတိထားပြီး ပြောင်းနေတဲ့ဆီကို
ဉာဏ်ရောက်သွားပြီးဆိုရင်၊ ဪ..ရုပ်နာမ်တွေဟာ ဖြစ်ပြီးပျက်သွားပါလားဆိုတာ တွေ့မယ် သိမယ်၊ ဒီလို
ဉာဏ်ကခန္ဓာကိုယ်ထဲမှာ ထည့်ထည့်ပြီးပေးလိုက်ရင်၊ တရားအပြီး နာပြီးတဲ့အဆုံးမှာ ကိစ္စပြီးနိုင်တယ်လို့
မှတ်။ ရုပ်နာမ် ခန္ဓာကြီးဟာ အမိဝမ်းခေါင်းထဲက ထွက်လာကတည်းက ဇရာ၊ မရဏ (အို-သေ) ကိုရွက်ပြီး
ထွက်လာခဲ့တာ၊ ဇရာမရဏကို ယူဆောင်လာခဲ့လို့ ခန္ဓာ ၅-ပါးဟာ ဝိပရိဏာမဋ္ဌဖြစ်ရရှာတယ်၊ ဖောက်ပြန်
ပျက်စီးရရှာတယ်၊ ရုပ်နာမ် ခန္ဓာကြီးကို ဝိပဿနာဉာဏ်နဲ့ စိုက်ကြည့်လိုက်တဲ့အခါကျတော့၊ ရုပ်နာမ် ၂-ပါး
လုံးဟာ ဇရာမရဏ ဒဏ်ချက်နဲ့အချိန်မရွေး ဖောက်ပြန်ပျက်စီးနေတာကို တွေ့ရတယ်၊ ဇရာမရဏသည်
ခန္ဓာထဲမှာမွေးကတည်းက တစ်ခါတည်းပါလာသောကြောင့်၊ ခန္ဓာ ၅-ပါးသည် ဝိပရိဏာမ သဘောလည်း
တစ်ခါတည်းပါလာတော့တာပဲ၊ "ဝိပရိဏာမလက္ခဏံစဒုက္ခသစ္စံ"(ဖောက်ပြန်ပျက်စီးတတ်တဲ့လက္ခဏာသည်
ဒုက္ခသစ္စ) ဆိုသောကြောင့်၊ ဒီခန္ဓာကြီးဟာ ဒုက္ခသစ္စာ-ဆင်းရဲတာအမှန်ပဲ၊ ဒီလို ခန္ဓာကြီးကိုဒုက္ခသစ္စာသိရင်
သစ္စဉာဏ်ရပြီ၊ ခန္ဓာကြီးကိုဉာဏ်နဲ့စိုက်ကြည့်လိုက်တဲ့အခါ ရုပ်နာမ်ခန္ဓာကြီး (ဝါ) ခန္ဓာ ၅-ပါးဟာ ခဏခဏ
ဖောက်ပြန်ပျက်စီးနေတာပါလား၊ ဖောက်ပြန်ပျက်စီးတတ်တဲ့ ကိစ္စသာရှိပါးလားလို့သိရင်၊ ဒီသိတဲ့ဉာဏ်ဟာ
ကိစ္စဉာဏ်ပါပဲ၊ ကိစ္စဉာဏ်ပြီးရင် ကတဉာဏ်ရောက်တာပဲ၊ ကတဉာဏ်ဆိုတာ မဂ်ဉာဏ်ကိုပြောတာ။
ဒီတော့ ကတဉာဏ် (မဂ်ဉာဏ်) ရချင်လို့ရှိရင်၊ ကိစ္စဉာဏ်ရအောင်လုပ်ရမယ်၊ ခန္ဓာကိုယ်ထဲကို ဉာဏ်နဲ့စိုက်
ပြီးကြည့်ကြည့်ပေးပါ၊ ကြည့်ကြည့်ပေးသွားတော့ ခန္ဓာကိုယ်ထဲရှိ ရုပ်ဓမ္မနာမ်ဓမ္မတွေဟာ သူတို့ယူလာခဲတဲ့
ဇရာမရဏ (အိုမှု၊ သေမှု) ဒဏ်ချက်ကြောင့် ဖြတ်..ဖြတ်၊ ဖြတ်..ဖြတ်နဲ့ပျက်စီးသွားတာကိုတွေ့ရမယ်၊ ရှုတဲ့
အခါ ဝေဒနာတစ်လုံးတည်း ရှုလဲဒီကိစ္စဉာဏ်နဲ့ရှု၊ သညာတစ်လုံးတည်းရှုလဲ ဒါနဲ့ရှု၊ ကာယာနုပဿနာခေါ်
တဲ့ ရုပ်ရှုရင်လဲ ဒါနဲ့ပဲရှု၊ စိတ်ရှုလဲ ဒါနဲ့၊ ကိစ္စဉာဏ်နဲ့ရှုပေး ဒီလို ရှုပေးလို့ရှိရင် မိမိခန္ဓာကြီးဟာ ဝိပရိဏာမကိစ္စ
ဖောက်ပြန် ပျက်စီးတဲ့ ကိစ္စမှတစ်ပါးဘာကိစ္စမှမရှိဘူး၊ ဒီတော့ ခန္ဓာ ၅-ပါးဟာ ဝိပရိဏာမ-ဖောက်ပြန်ပျက်စီး
ခြင်းကိစ္စရှိတယ်၊ ဇရာမရဏဒဏ်ချက်နဲ့ ရုပ်နာမ်တွေပျောက်ပျက်သွားတာကို ဒီကအသိနဲ့၊ ဝိပဿနာမဂ်
ဉာဏ်နဲ့လိုက်ပေး၊ ဒီလိုခန္ဓာ ၅-ပါး၏ ဖောက်ပြန်ပျက်စီးနေတာကိုသေသေချာချာမြင်ရင် ကိစ္စဉာဏ်ရပြီမှတ်
"ကတဉာဏ်"ကိစ္စဉာဏ်ပြီးရင် ကတဉာဏ်ရောက်တာပဲ၊ ကတဉာဏ်ရောက်တော့ ခင်ဗျားတို့ကိုယ်တိုင်ပဲ
ခန္ဓာမရှိတဲ့နေရာ (နိဗ္ဗာန်) ကိုမြင်ရမယ်၊ မြင်တော့ ဪဒီနေရာက အသေလွတ်..ဇရာမရဏတို့ မရောက်
နိုင်တဲ့နေရာပါလား ဆိုတာကိုကိုယ်တိုင်အားထုတ်ပြီ ကတဉာဏ်ရရင် မြင်ရပါလိမ့်မယ်၊ ဝိပဿနာ အလုပ်
လုပ်တဲ့ပုဂ္ဂိုလ်မှာ ကိစ္စဉာဏ်ဆုံးသွားရင် ခန္ဓာချုပ်သွားမယ်၊ ဒါကြောင့် ခန္ဓာချုပ်အောင်ကြည့်ရမယ်၊ ခန္ဓာချုပ်
သွားတော့ အဲဒီခန္ဓာချုပ်..ဒုက္ခချုပ်တဲ့နေရာမှာ သုခနိဗ္ဗာန်လာမယ်၊ ကတဉာဏ်ရရင် ခန္ဓာချုပ်..ဒုက္ခချုပ်တဲ့
နိရောဓ..နိဗ္ဗာန်ကိုမြင်ရပြီ၊ မျက်မှောက်ပြုရပြီ၊ နိရောဓဆိုတာ ဒုက္ခချုပ်ငြိမ်းပြီးသန္တိသုခ..အေးငြိမ်းချမ်းသာ
မှုရှိတာကိုပြောတာ၊ ဥပမာ..လက်မောင်းမှာ အနာပေါက်တယ်၊ ဆေးကုလို့ပျောက်သွားတော့ အနာမရှိတာ့
ဘူး၊ ဒီမှာလဲ ထို့အတူပဲ၊ နဂိုက ဒုက္ခနဲ့ဆက်သွယ်နေတာ၊ ဝိပဿနာမဂ်ဉာဏ် ဆေးနဲ့ကုလိုက်လို့ရှိရင် အ
ကုန်ပျောက်တာပဲ၊ ဥဒါန်းပါဠိတော်မှာ အတ္တိဘိက္ခဝေ နိဗ္ဗာနံ (ရဟန်းတို့ နိဗ္ဗာန်ဆိုတာ ဧကန်ရှိတယ်) လို့
ဟောထားတော့၊ နိဗ္ဗာန်ဟာ ဧကန်ရှိ၊ တကယ်ရှိ၊ ဒုက္ခနဲ့ဆက်သွယ်တာသာ မရှိတာ၊ ဒုက္ခနဲ့ဆက်သွယ်တာ
ကတော့ ဒီဇရာမရဏနဲ့ဆက်သွယ်တဲ့ ရုပ်နာမ်ပဲ၊ နိဗ္ဗာန်ဟာ ဇရာမရဏနဲ့ မဆက်သွယ်တော့ဘူး၊ ကတ
ဉာဏ်နဲ့ ကြည့်ရင်မြင်ရတယ်၊ ဘုရားကနိဗ္ဗာန်ရှိတယ်လို့ဟောထားပြီ၊ ခင်ဗျားတို့ကမယုံဘူး၊ ဒီကိစ္စဉာဏ်ကို
ရအောင်လုပ်ပြီး၊ ကတဉာဏ် ရသွားရင် နိဗ္ဗာန်ရှိတာကိုသေသေချာချာမြင်မယ်လို့မှတ်။
အဲဒီတော့ အိုတာရှိရင် မအိုရာ၊ နာရာရှိရင် မနာရာ၊ သေရာရှိရင် မသေရာရှိတာပေါ့၊ အပူရှိရင် အလေးရှိ
တယ်၊ ဒါကြောင့် ကတဉာဏ်ရအောင် လုပ်ကြည့်၊ ကတဉာဏ်ရချင်ရင် ကိစ္စဉာဏ်ကို အရင်လုပ်၊ ကိစ္စ
ဉာဏ်ဆိုတာ ခန္ဓာ ၅-ပါး၏ ခဏခဏနှိပ်စက်နေတာကို သိတဲ့ဉာဏ်ပဲ၊ ခန္ဓာ ၅-ပါးကို ကိစ္စဉာဏ်နဲ့ ကြည့်
ကြည့်ပြီးသွားတော့၊ ဒီခန္ဓာကြီးကိုဖြင့်မကြည့်ချင်တော့ပါဘူး၊ မရချင်..မလိုချင်တော့ပါဘူး ဆိုတာလာမယ်။
လာရင် သမုဒယချုပ်တယ်၊ သမုဒယဆိုတာ ခန္ဓာ ၅-ပါး..ဒုက္ခ၏ဖြစ်ကြောင်းတဏှာပဲ၊ သမုဒယ..တဏှာချုပ်
သွားရင် ဒုက္ခလဲချုပ်သွားတာပဲ၊ မကျန်ရစ်တော့ဘူး၊ မီးငြိမ်းသွားရင် အပူပျောက်ရသလိုပဲ၊ မီးက သမုဒယ
သစ္စာနဲ့တူတယ်၊ အပူကတော့ ဒုက္ခသစ္စာနဲ့တူတယ်၊ သူတို့ ၂-ခု မီးနဲ့အပူပျောက်သွားတဲ့အခါ အေးတဲ့သတ္တိ
ပဲ ကျန်ရစ်တော့တယ်၊ ဒီတော့ ကတဉာဏ်ဆိုတာ မီးနဲ့အပူငြိမ်းပြီအေးပြီပေါ့၊ ဒီဒုက္ခနဲ့ ဝဋ်ကျွတ်ပေပေါ့လို့
သိတဲ့ဉာဏ်ပဲ၊ "သစ္စဉာဏ်"ကတော့ ဘုန်ကြီးဟောတာနဲ့ရပါတယ်၊ "ကိစ္စဉာဏ်"ကတော့ ခင်ဗျားတို့ ပွားယူ
မှရမယ်၊ ပွားလိုက်ရင်ရတယ်၊ ကိစ္စဉာဏ်နဲ့ ပွားတဲ့အခါကျတော့ ရုပ်နာမ်ခန္ဓာကြီးဟာ ပျက်နေတာပဲ၊ ဘယ်
ခန္ဓာဖြစ်ဖြစ် ပျက်မှာပဲ၊ အတိတ်ကလဲဒီလိုချည်းပဲ၊ အခုလဲဒီလိုပဲ၊ နောင် အနာဂတ်လဲ ဒီလိုနေမှာပဲ၊ "ဒီ ခန္ဓာ
ခင်တဲ့ တဏှာကုန်ရင် ခန္ဓာချုပ်တာပဲ"ခန္ဓာခင်တဲ့ တဏှာရှိရင် ခန္ဓာရမှာပဲ၊ ဒီတော့ ဒီခန္ဓာခင်တဲ့ တဏှာမရှိ
တော့ရင် ခန္ဓာချုပ်ငြိမ်း ဒုက္ခသိမ်း၍အေးငြိမ်းတဲ့နိဗ္ဗာန်ရောက်တော့တာပဲ၊ ဒီတော့နိဗ္ဗာန်ရောက်ချင်ရင်၊
နိဗ္ဗာန်မြင်တဲ့"ကတဉာဏ်"ရချင်ရင်၊ ကိစ္စဉာဏ်ရအောင်ဖိပြီး အလုပ်လုပ်၊ ကိစ္စဉာဏ်ဆိုတာ တခြားမဟုတ်
ပါဘူး၊ ဘုန်းကြီးက ဖြစ်ပျက်အရှုခိုင်းတဲ့ အလုပ်ပါပဲ၊ ဖြစ်ပျက်ရှု ဖြစ်ပျက်ရှုလို့ သင်ထားတယ်၊ ခိုင်းထားတယ်
ဖြစ်ပျက်ရှုဖို့ ဝေဒနာတွေသင်ထား၊ စိတ်တွေသင်ထား၊ ရုပ်တွေသင်ထား ကြိုက်ရာရှုလို့ သင်ထားပြီးပြီ ၊
ဒါတွေဟာ ကိစ္စဉာဏ်ရအောင် သင်ထားတာပဲ၊ ကိစ္စဉာဏ် ရင့်သွားလို့ ဒီခန္ဓာကြီးမလိုချင်တော့ပါဘူးဆိုရင်
ကတဉာဏ်ဖြစ်ပြီ ရပြီ၊ ကိစ္စဉာဏ်က ဖြစ်ပျက်..ဒုက္ခကိုအာရုံပြုတယ် (မြင်တယ်) ကတဉာဏ်က ဒုက္ခချုပ်ရာ
နိဗ္ဗာန်ကိုအာရုံပြုတယ် (မြင်တယ်)၊ ဒါဖြင့် ခင်ဗျားတို့ ဖြစ်ပျက်မြင်အောင်ရှု၊ ဒီတော့ ပထမ ဘုန်းကြီးတာဝန်
က"သစ္စာဉာဏ်"ရအောင်ဟောပြောရတဲ့အလုပ်၊ ခင်ဗျားတို့တာဝန်က"ကိစ္စဉာဏ်"ရအောင် ဝိပဿနာပွား
များရတဲ့ အလုပ်၊ ပွားများဖန်များလို့ ကိစ္စဉာဏ်ပြီးတဲ့အခါကျတော့၊ ကိစ္စဉာဏ်သာ ဆုံးအောင်လုပ်ခဲ့လို့ရှိရင်
"ကတဉာဏ်"ဟာ အလိုလိုပေါ်မယ်၊ ဒီတော့ ကတဉာဏ်ဆိုတာ အားထုတ်ရမယ့်ဉာဏ် မဟုတ်ဘူး၊ ကိစ္စပြီး
ပြီလို့ သိတဲ့ဉာဏ်ပဲ။ ။
ဤကောင်းမှုကုသိုလ်ကံ
စေတနာအပေါင်းတို့သည် အားထုတ်ဆဲဖြစ်သော
ဝိပဿနာဉာဏ်မှ မဂ်ဉာဏ်သို့ကျေးဇူးပြုခြင်းငှာ
အထောက်အပံ့ ပစ္စည်းအဖြစ်ဖြင့်
တည်ရှိပါစေသတည်း။ ။
အရှင်ဉာဏဓဇ
မိုးကုတ်ဝိပဿနာ မင်္ဂလာမဂ္ဂင်ရိပ်သာ
ပင်မသံဝေဇနိယဌာန
အမရပူရမြို့။ ။
No comments:
Post a Comment