မိန်းမရယ်လို့ ဆိုကြတာက သမုတိနယ်မှာပညတ်အားဖြင့်မှန်တယ်၊ ပရမတ္ထသစ္စာနယ်အားဖြင့် ရုပ်နဲ့ နာမ်
ပဲရှိတယ်၊ ဥပမာ မြစ်ဟိုဘက်ကမ်းကိုလှေနဲ့ကူးသွားမယ်ဆိုရင် လှေကြောင့်လဲဟိုဘက်ကမ်းရောက်တယ်
ဆိုရမယ်၊ လူကြောင့်လဲ ဟိုဘက်ကမ်းရောက်တယ်ဆိုရမယ်၊ တစ်ခုနှင့်တစ်ခု အမှီပြုနေရတာပဲ၊ အကြောင်း
နဲ့ အကျိုးပဲရှိတယ်၊ ရုပ်ကြောင့်လဲ နာမ်ဖြစ်တယ်၊ နာမ်ကြောင့်လဲ ရုပ်ဖြစ်ပေါ်လာရတယ်လို့မှတ်ပါ၊ ဒီခန္ဓာ
မှာရှိတဲ့ ရုပ်နာမ်ဟာ ခင်ဗျားတို့ ပြုခဲ့တဲ့ ကံ၏အစွမ်းကြောင့်ဖြစ်ရတယ်၊ ကံရှိုသရွှေ့ ဒီရုပ်နာမ်အစဉ်ဟာ
ပြတ်မသွားဘူး၊ သေရင်ဘာမှမဖြစ်ဘူးဆိုတဲ့ အယူဟာ ဥစ္ဆေဒဒိဋ္ဌိ အယူပဲ၊ ဒါမှားတဲ့အယူပဲ ကုသိုလ် အကု
သိုလ်ကံတွေကြောင့် ရုပ်နာမ်အစဉ်တွေ အဆက်မပြတ်ဖြစ်နေရတယ်၊ ကံ ကံ၏အကျိုးပေးဆိုတာရှိတယ်၊
ကံတို့၏ အကျိုးပေးတရားဟာ ဉာဏ်နဲ့မှန်းဆပြီးသိနိုင်တယ်၊ အကြောင်းတရားတိုင်းမှာ အကျိုးတရားရှိတာ
ချည်းပဲ၊ အတိတ် ပစ္စုပ္ပန် အနာဂတ်ဆိုတဲ့ကာလ ၃-ပါး ရှိနေတာပဲ၊ ကာလ ၃-ပါးရှိနေတာ့ အတိတ်ဘဝလဲ
ရှိရမယ်၊ ယခုလက်ရှိဘဝလဲရှိရမယ်၊ နောင်အနာဂတ်ဘဝလဲရှိရမှာပေါ့။
လူတွေဟာ အတိတ်ဘဝကံအကြောင်းတရား အမျိုးမျိုးကြောင့် ယခုဘဝမှာအကျင့်အမျိုးမျိုး၊ ရုပ်ရည်အမျိး
မျိုး၊ စိတ်နေသဘောထားအမျိုးမျိုး၊ ပညာမှာလဲ ထူးချွန်မှု မထူးချွန်မှုအမျိုးမျိုး၊ ဆင်ရဲချမ်းသာအမျိုးမျိုး ကွဲ
ပြားခြားနားနေကြတာပေါ့၊ ဒီလိုကွဲပြားမှုတွေဟာ ရာသီဥတုနဲ့ပတ်ဝန်းကျင်အတွေ့အကြုံကြိုးစားမှုအပေါ်မှာ
အနည်းအပါးတော့တည်တယ်၊ ဒါပေမယ့် ခင်ဗျားတို့ပြုခဲ့တဲ့ စေတနာကံက ပဓာနပဲ၊ သူကစီမံတာပဲ၊ ဒီတော့
အခုဘဝ ၃-ပါးဆက်စပ်ပုံကို ရုင်းပြမယ်၊ လွန်ခဲ့တဲ့အတိတ်ဘဝ၊ ယခုရောက်ဆဲပစ္စုပ္ပန်ဘဝ၊ နောက်လာမယ့်
အနာဂတ်ဘဝလို့ ဘဝ ၃-ပါးကိုတန်းပြီးတော့မှတ်ထားပါ၊ ဘာကြောင့်များဒီဘဝ ၃-ပါးဟာတစ်ခုနဲ့တစ်ခု
ဆက်မိအောင်ဆက်စပ်နေပါသလဲ၊ ဒီဘဝတွေကိုဆက်မိအောင်လုပ်တဲ့ လက်သည်ကို ရှာကြစို့၊ အပ်ချုပ်သ
မားဟာ အထည်စက်ရုံ၊ ရက်ကန်းစင်တို့ကထွက်လာတဲ့အဝတ်အထည်တွေကို ခင်ဗျားတို့ကိုယ်နဲ့ အံကျဖြစ်
အောင်ဆက်စပ်ချုပ်လုပ်ပေးလို့ ခင်ဗျားတို့ရဲ့လုံချည်၊ အင်္ကျီတွေဖြစ်လာရတာ၊ ဒီတော့ သမုဒယသစ္စာဆိုတဲ့
တဏှာလောဘဟာ ဒီအပ်ချုပ်သမားလိုပဲ ဒုက္ခသစ္စာ ဘဝတွေကို ဆက်စပ်ပေးနေတယ်၊ တစ်ဘဝပြီး တစ်
ဘဝမပြတ်ရအောင်ဆက်ပေးနေတယ်၊ အတိတ်ဘဝကစုတေပြီးသည်နှင့် တစ်ပြိုင်နက် ယခုရောက်ဆဲ ပစ္စု
ပ္ပန်ဘဝကိုဆက်ပေးတယ်၊ ဒီပစ္စုပ္ပန်ဘဝကသေကြရဦးမယ်၊ သေရင်ပစ္စုပ္ပန်ဘဝ စုတိစိတ်ကလေးနဲ့ အနာ
ဂတ်ဘဝ ပဋိသန္ဓေစိတ်ကလေးကို ဆက်ပေးဦးမယ်၊ ဒီတော့ တဏှာလောဘမသေသရွေ့တော့ ဘဝ ဒုက္ခ
အဆက်မပြတ်တော့ပါဘူး၊ ဒီတော့ တဏှာလောဘဟာ အတိတ်ဘဝနဲ့ ပစ္စုပ္ပန်ဘဝ၊ ပြီးတော့ ပစ္စုပ္ပန်ဘဝနဲ့
အနာဂတ်ဘဝတွေဟာ အဆက်မပြတ်အောင်ဆက်ပေးနေတာပဲ၊ ဒီတဏှာလောဘ မသေသရွေ့တော့
"စုတိပြီး-ပဋိသန္ဓေ၊ ပဋိသန္ဓေ-စုတိ"ဆက်စပ်ပေးနေမှာပဲ။
တစ်သံသရာလုံးမင်းတို့ငါတို့ကို ဒုက္ခအားလုံးနဲ့ဆက်စပ်ပေးနေတာဟာ ဒီ"တဏှာလောဘ"ပဲ၊ ဒီတဏှာ
လောဘကိုအသေမသတ်နိုင်သရွေ့ကာလပတ်လုံးဘယ်တော့မှ ဒုက္ခဆက်ပြတ်တော့မှာ မဟုတ်ဘူးလို့မှတ်
ပါ၊ ခင်ဗျားတို့ကတော့ ဒီဘုံဘဝကို ကုသိုလ်ကံကဆက်သလိုလိုထင်ချင်ထင်နေမယ်၊ ကုသိုလ်ကံပေမယ့်၊
ဒီတဏှာမရှိရင် ဒီကုသိုလ်ကံဟာ နိဗ္ဗာန်ပို့တယ်၊ သူကဘဝဆက်တွေပေးနေလို့ နိဗ္ဗာန်မရောက်တာ
ကုသိုလ်ကံဟာ တဏှာရဲ့လက်အောက်ခံဖြစ်တဲ့အတွက်၊ လူ့စုတိနဲ့ နတ်ပဋိသန္ဓေဆက်ပေးလိုက်တာပဲ၊ စု
တိနဲ့ ပဋိသန္ဓေအဆက်မပြတ်ရအောင်ဆက်ပေးတဲ့ လက်သည်ရင်းကတော့ ဒီတဏှာလောဘပဲ၊ ခင်ဗျားတို့
က သာမညဉာဏ်ကလေးနဲ့ကြည့်တော့ ဪ..ကံကောင်းလို့ လူ့ပြည်ရောက်လာတယ်၊ ကံကောင်းလို့နတ်
ပြည်ရောက်လာတယ်လို့ ထင်ကြမယ်၊ ဒီ..ကံတွေဟာဘယ်လိုကောင်းကောင်း၊ တဏှာသေရင်အဟောသိ
ကံဖြစ်သွားရတယ်၊ အကျိုးမပေးနိုင်တော့ဘူး၊ ဘုရားဖြစ်ခါနီး ဝေသန္တာရာမင်းကြီးဟာ ဒါနကုသိုလ်ကံတွေ
အများကြီးပြုလုပ်ခဲ့တယ်၊ ဘုရားအဖြစ်သို့ရောက်တောင်သူရဲ့ ဒါနကုသိုလ်ကံတွေဟာကုန်ပြီလို့ မဆိုနိုင်ဘူး
တဏှာရှိတဲ့ ပုဂ္ဂုလ်သာဆိုရင်အကျိုးပေးလို့မကုန်နိုင်ဘူး၊ သို့သော်ဗောဓိပင်နဲ့ရွှေပလ္လင်မှာ ဝိပဿနာအလုပ်
ကိုလုပ်လိုက်တဲ့အတွက် တဏှာလောဘကသေသွားတော့ ဘုရား ပရိနိဗ္ဗာန်စံပြီးရင် ဘယ်ဘဝမှမဆက်
တော့ဘူး၊ ဒါတဏှာကုန်လို့မဆက်တာ"ကံ"ကတော့မကုန်းဘူး တဏှာကုန်လို့သာမဆက်နိုင်တာ၊ ဒါဖြင့် ဘဝ ဆက်လေသမျှဟာ တဏှာလောဘလို့သာမှတ်ကြ။
ဒါဖြင့်"ကံ"ဟာကြောက်စရာကောင်းသလား၊"တဏှာ"ဟာကြောက်စရာကောင်းသလားဆိုတော့၊ တဏှာက
ကြောက်စရကောင်းတာ၊ ခင်ဗျားတို့ကတော့ အကုသိုလ်ကံနှိပ်စက်မှာကြောက်လိုက်ကြတာ၊ တဏှာ
ကြောက်တယ်လို့မပါဘူး၊ အကုသိုလ်ကံအကျိုးပေးလို့ ဒိုင်ခနဲ့သေမှာ၊ စီးပွားရေး ပျက်သွားမှာပဲ ခင်ဗျားတို့
ကြောက်နေကြတာ၊ တစ်သက်လုံး မုဆိုးလုပ်စားနေတဲ့ မုဆိုးကြီးဟာအကုသိုလ်ကံတွေမနည်းဘူးလုပ်ထား
တာ၊ သို့သော်လဲ ဘုရားနဲ့တွေ့လို့ ဘုရားရဲ့ တရားကိုနာပြီး ဝိပဿနာအလုပ် လုပ်လိုက်တော့ အဲဒီအကု
သိုလ်ကံတွေဟာ အကျိုးဆက်မပေးနိုင်တော့ဘူး၊ ဘာပြုလို့ တဏှာချုပ်သွားလို့၊ ဒီတော့ခင်ဗျားတို့တတွေ
"ကုသိုလ်ကံ"တွေကိုလဲ ဒီလောက်အားကိုစရာမလိုပါဘူး၊"အကုသိုလ်ကံ"တွေကိုလဲ ဒီလောက်ကြောက်စ
ရာမရှိပါဘူး၊ ခင်ဗျားတို့ ဘဝများစွာက ဝဋ်ထဲလည်မယ့် ဝဋ်ကုသိုလ်ကံတွေ အကုသိုလ်ကံတွေ တစ်ပုံကြီး
ရှိမှာပဲ၊ အဲဒီအကုသိုလ်ကံတွေကို မကြောက်ပါနဲ့၊ ဘဝဆက်တတ်တဲ့"တဏှာ"သေရင် အဲဒီကုသိုလ်ကံ အ
ကုသိုလ်ကံတွေဟာ"အဟောသိကံ"ဖြစ်ပါတယ်၊ အကျိုးမပေးတော့ပါဘူး၊ တဏှာခေါင်းဆောင်တဲ့ ကံက
သာ အကျိုးပေးနိုင်တော့၊ ခေါင်းဆောင်တဏှာကိုသတ်လိုက်ရင်"ကံ"ကမဆက်နိုင်တော့ပါဘူး၊ ဒါကြောင့်
"ကံ"ကိုမကြောက်ပါနဲ့၊ သစ္စာ ၄-ပါးမှာကုသိုလ် အကုသိုလ်ကံတွေဒီလောက်မဟောပါဘူး၊ သမုဒယ-တဏှာ
သေရင်ပြီးတာပဲလို့ ဘုရားက ဒီတစ်လုံးတည်းဟောထားတယ်၊ တဏှာ-သမုဒယကိုမဂ်နဲ့ ပယ်သတ်လိုက်
ရင်၊ ဘာမှပူစရာမရှိပါဘူး၊
ခင်ဗျားတို့က ကုသိုလ်ကံလေးတွေဝင်လာရင် တပြုံပြုံနဲ့၊ အကုသိုလ်ကံလေးတွေဝင်လာရင် တမဲ့မဲ့တရွဲ့ရွဲ့
နဲ့ မဟုတ်လား၊ ဒီတောကုသိုလ်ကံကို ဝမ်းမြောက်တာလဲမှားတယ်၊ အကုသိုလ်ကံကို ကြောက်တာလဲမှား
တယ်၊ သစ္စာနဲ့ ဝေဖန်လိုက်တော့ သမုဒယသစ္စာ တဏှာလောဘကိုကြောက်မှ အကြောက်မှန် ဘုရားက
"တဏှာအပ်ချုပ်သမား"လို့သာဟောတယ်၊"ကံအပ်ချုပ်သမား"လို့မဟောခဲ့ဘူး၊ ခင်ဗျားတို့ကို တကယ်ဒုက္ခ
ပေးနေတာဟာ ဒီတဏှာပဲ၊ ဒုက္ခအပေးဆုံးဖြစ်တဲ့ တဏှာကအရှောင်ကောင်း အပုန်းကောင်းဆိုတော့ သူ့
ကိုဖမ်းရတာ အလွယ်ဘူး၊ ဉာဏ်နဲ့ဖမ်းမှမိတယ်၊ ဘုရားတောင်မှ ဗောဓိပင်နဲ့ ရွှေပလ္လင်ပေါ်ရောက်မှ တဏှာ
ကိုမင်းအကြောင်းကောင်းကောင်းသိပြီ နောက်ကိုမင်းဘယ်တော့မှ ငါ့ကိုဒုက္ခပေးလို့မရတော့ဘူးလို့ ကြွေး
ကြော်ရဲတာ၊ မခက်ဘူးလား ဒီတော့ ဒီတဏှာကိုသတ်ရမယ်၊ တဏှာကိုသတ်တော့မယ်ဆိုရင်၊ ဒီတဏှာမှီ
နေတဲ့ကပ်နေတဲ့နေရာကိုရှာရမယ်၊ ဒီတဏှာက ဘယ်နေရာတွေမှာ ကပ်နေသတုန်း၊ ဒီတဏှာက ခင်ဗျား
တို့ သန္တာန်မှာရှိတဲ့"မျက်လုံး၊ နား၊ နှာခေါင်း၊ လျှာ၊ ကိုယ်၊ စိတ်"ဆိုတဲ့ဒွါရ ၆-ပါး(အတွင်းအာယတန ၆-ပါး)
မှာ ကပ်နေတယ်၊ ပြီးတော့"ရူပါရုံ"စတဲ့ အာရုံ ၆-ပါး(အပြင်အာယတန ၆-ပါး)မှာလဲကပ်နေတယ်၊ ပြီးတော့
ဒွါရ ၆-ပါးနဲ့ အာရုံ ၆-ပါး အသီးသီးတွေဆုံလို့သိလာတဲ့"မြင်စိတ်၊ ကြားစိတ်၊ နံစိတ်၊ စားစိတ်၊ တွေ့ထိစိတ်၊
ကြံသိစိတ်"ဆိုတဲ့ စက္ခုဝိညာဏ် စတဲ့ဝိညာဏ် ၆-ပါးမှာလဲကပ်နေတယ်၊ ဒီတော့တဏှာကပ်နေတဲ့နေရဟာ
အချုပ်အားဖြင့် ၁၈-ပါးတောင်ရှိနေတာ၊ တစ်ကိုယ်လုံးကို ဒီတဏှာကပ်နေတာ၊ ဒီတော့ ဒီတဏှာကိုသတ်ရ
မယ်၊ ဘယ်လိုသတ်မလဲ၊ ဝိပဿနာလုပ်ပြီး သတ်ရမယ်၊ ဒီတဏှာနေတဲ့ ၁၈-နေရာကို ဝိပဿနာဉာဏ်နဲ့
ဖြစ်ပျက်"အနိစ္စ၊ ဒုက္ခ၊ အနတ္တ"တွေမြင်အောင် ရှုရမယ်၊ ဒါတွေမြင်သိလာတော့ဒီ ၁၈-ပါးသောအရာတွေကို
သာယာနှစ်သက်မှု မရှိတော့ဘူး၊ ရွံမုန်းလာမယ် မရချင်တော့ဘူး၊ ဒါတွေမရှိတာ ကောင်းတယ်လို့ သိလာ
တော့ တဏှာဟာ တဖြည်းဖြည်းပါးပါးသွားပြီး၊ နောက်ဆုံးလုံးဝချုပ်သွားမယ်၊ အဲဒါ..တဏှာချုပ်ရင် နိဗ္ဗာန်
ရောက်တာပဲ။ ဒါဖြင့် ဝိပဿနာလုပ်ကြပေတော့။ ။
ဤကောင်းမှုကုသိုလ်ကံ
စေတနာအပေါင်းတို့သည် အားထုတ်ဆဲဖြစ်သော
ဝိပဿနာဉာဏ်မှ မဂ်ဉာဏ်သို့ကျေးဇူးပြုခြင်းငှာ
အထောက်အပံ့ ပစ္စည်းအဖြစ်ဖြင့်
တည်ရှိပါစေသတည်း ။ ။
အရှင်ဉာဏဓဇ
No comments:
Post a Comment