မိုးကုတ်ဆရာတော်ဘုရားကြီး၏ နိရောဓသစ္စာ၏ ဝိဝေကဋ္ဌအနက်(၂)

နိဗ္ဗာန်သည်"ဝိဝေကဋ္ဌ"သဘောရှိတယ်၊ ဝိဝေကဋ္ဌ ဆိုတာနှောက်ယှက်ခြင်း ရှုပ်ယှက်ခတ်ခြင်းမှ ကင်းဆိတ်
ခြင်း ဆိတ်သုဉ်းခြင်းသဘောရှိတယ်၊ ဥပမာ..မီးရှို့ထားတော့ မီးခိုးတွေတစ်မြို့လုံးတစ်ရွာလုံး အညှော်မှိုင်း
တွေတိုက်တာ ရှုပ်ယှက်ခတ်နေတာပဲ၊ ဒီကိလေသာတဏှာ ရှုပ်ထားတာနဲ့ ခန္ဓာကိုယ်ထဲမှာ ဖြစ်ပျက်တွေ
ချည်း ဖြစ်နေတယ်၊ မီးငြိမ်းသွားတော့ မီးခိုးတွေပျောက်သွားသလို၊ ဒီရှုပ်တဲ့ တဏှာကိုနောက်မဂ်ကသတ်
လိုက်တာနဲ့တစ်ပြိုင်နက်၊ ဖြစ်ပျက် အရှုပ်တွေဟာလဲ ချုပ်ငြိမ်းကင်းဆိတ်သွားတာပဲ၊ ဒီတော့"ရှင်းတာသည်
နိဗ္ဗာန် အရှင်းမြင်တာသည် မဂ်ဉာဏ်ပဲ၊" ဒီမဂ်ဆိုတာလဲ ဝိပဿနာဉာဏ်ကနေအဆင့်တက်လာမှဖြစ်တာ၊
ကိလေသာ အကြမ်းစားလဲသိ၊ ကိလေသာ အနုစားလဲ သိအုံးမှ၊ ဒုက္ခပိုင်းခြားတဲ့ဉာဏ်လာမှ ရှုပ်ယှက်ခတ်
တာတွေ ရှင်းမယ်၊ ဒီတော့ နိဗ္ဗာန်ဟာ ကိလေသာနှောက်ယှက်ခြင်းမှ ကင်းဆိတ်တဲ့ သတ္တိရှိတယ်၊ ဝိပဿနာ
ရှုတဲ့အခါ ဝိပဿနာဉာဏ်က ဖြစ်ပျက်..ဒုက္ခသစ္စာ ရှုပ်ယှက်ခတ်တာကိုမြင်မယ်၊ နောက် ဒီဖြစ်ပျက်တွေကို
ရွံမုန်းလာမယ်၊ မလိုချင်တော့ဘူး၊ နောက် မဂ်ရောက်လာတဲ့အခါမှာ ဒီဖြစ်ပျက် ဒုက္ခသစ္စာ ရှုပ်ယှက်ခတ်တာ
တွေ ချုပ်ငြိမ်းကင်းသွားတယ်၊ ဒါတွေ ကင်းရှင်းနေတဲ့ နိဗ္ဗာန်ကိုမြင်တယ်၊ အမှိုက်တွေရှုပ်နေတုန်းကြည့်ရတာ
နဲ့ အမှိုက်ရှင်းမှ ကြည့်ရတာဘယ်ဟာကကြည့်ကောင်းသတုန်း၊ ရှင်းတာကကြည့်ကောင်းတယ၊ နိဗ္ဗာန်က
ရှင်းတာကြည့်ကောင်းတာ၊ မဂ်ဉာဏ်ကကြည့်တာ မြင်တာ၊ နိဗ္ဗာန်က အကြည့်ခံရတဲ့ အာရုံတရား၊ မဂ်ဉာဏ်
ကကြည့်တဲ့ အာရမ္မဏိကတရားလို့မှတ်၊ ဒီတော့"နိဗ္ဗာန်က အကြည့်ခ့၊ မဂ်က အကြည့်ဉာဏ်"ဆိုတော့ နိဗ္ဗာန်နဲ့ မဂ်ဟာတွဲနေတယ်လို့ ဆိုနှိင်တယ်။ နိဗ္ဗာန်ဟာ ရှင်းလင်းတယ်၊ ဘာ ရှင်းလင်းတာလဲဆိုတော့ ကိ
လေသာ အရှိန်အစော်တွေရှင်းတယ်၊ ကိလေသာ ရှုပ်ထားတာတွေကတော့ သေပွဲကြီးတွေ့ရမယ်၊ သေပွဲ
အိုပွဲ နာပွဲ ရင်ထုပွဲ မြေလူးပွဲ၊ ဒီကိလေသာ ရှုပ်တာတွေချည်းတွေ့ရမယ်၊ နိဗ္ဗာမှာ ဒီအရှုတွေရှင်းတယ်ဆိုတော့
အေးငြိမ်းချမ်းသာတဲ့ သဘောပဲ၊ နိဗ္ဗာန်ဟာ ကိလေသာအရှုပ်တွေ ရှင်းနေတယ်ဆိုတော့ ကိလေသာက
လွတ်ရင် နိဗ္ဗာန်ပဲ၊ ဘာကမှမပြုပြင်နိုင်ဘူး၊ မပြုပြင်နိုင်တော့ အထည်ကိုယ် မရှိဘူး၊ ကိလေသာက ရုပ်နာမ်
အတည်ကိုယ်သာ လုပ်တတ်တာကိုး၊ ဒါဖြင့် နိဗ္ဗာန်မှာ ရုပ်နာမ်မရှိဘူး၊ ကျုပ်တို့မှာရှိတဲ့ ရုပ်နာမ်ကတော့
အနိစ္စတွေကိုး၊ သို့သော် နိဗ္ဗာန်ဟာ ရုပ်လား နာမ်လားလို့မေးရင် နာမ်ဓမ္မလို့ဖြေ၊ ကျုပ်တို့မှာရှိတဲ့ နာမ်မျိုးလား
ဆိုတော့လဲ ဒီလိုမဟုတ်ဘူး၊ ဥပါဒ် ဌီ ဘင် (ဖြစ်ပျက်) ရှိတဲ့ နာမ်မျိုးမဟုတ်ဘူး၊ ဒီတော့ နိဗ္ဗာန်ဟာ ဖြစ်ပျက်မ
ရှိဘူး၊ ဒါဖြင့် ဖြစ်ပျက်မရှိတဲ့ နာမ်ဓမ္မလို့ မှတ်လိုက်။
 နိဗ္ဗာန်ဟာ နိဗ္ဗာန်ရောက်ကြောင်း အားထုတ်တဲ့ ပုဂ္ဂိုလ်တို့၏ ကျက်စားရာဌာန၊ နိဗ္ဗာန်ရောက်ကြောင်း ဓမ္မတို့
၏တည်ရာ (အာရုံပြုရာ) ဌာနဖြစ်တယ်၊ ဒီပုဂ္ဂိုလ် ဒီဓမ္မတွေဟာ နိဗ္ဗာန်ဆီချည်းလာပြီး အကုန်ဦးတိုက်ရတယ်၊
ကျုပ်တို့မှာရှိတာက အာရုံတွေရှိရာကို ပြေးတတ်တဲ့နာမ်ပဲ၊ ဒီနိဗ္ဗာန်က ငါ့ဆီအကုန်လာညွတ်ကြဆိုတဲ့ ညွတ်
အပ်တဲ့နာမ်ဓမ္မ၊ နိဗ္ဗာန်အလိုရှိတဲ့ ပုဂ္ဂိုလ်တွေ ရောက်အောင်အားထုတ်လို့ရှိရင်သူတို့၏ နိဗ္ဗာန်ရောက်ကြောင်း
စိတ်တွေဟာ သူ့ဆီပဲ ညွတ်ကြရတယ်၊ နိရောဓသမာပတ် ဝင်စားတဲ့ ပုဂ္ဂိုလ်များဟာ ၇-ရက်တိတိ နိဗ္ဗာန်ကို
ညွတ်နေနိုင်တယ်၊ အာရုံပြုနေနိုင်တယ်၊ ဒီတော့ နိဗ္ဗာန်ဟာ ဘယ်လောက်ကောင်းသတုန်းဆိုတော့၊ ပြောဖို့
တောင်မလိုတော့ပါဘူး၊ ဖလသမာပတ်ဝင်စားတဲ့ ပုဂ္ဂိုလ်တွေဟာ နာရီပေါင်းများစွာ ဝင်စားနိုင်တယ်၊ ဖလသ
မာပတ် ဝင်စားတယ်ဆိုတာ နိဗ္ဗာန်ကို အာရုံပြုနေတဲ့ ဖိုလ်စိတ်တွေချည်းဖြစ်နေတာ၊ ဖလသမာပတ် ဝင်စား
နေတုန်းမှာဆိုရင် ဖိုလ်စိတ်ဟာ နိဗ္ဗာန်နဲ့ တစ်ခါတည်းတွဲနေတာပဲ၊ ဒီတော့ နိဗ္ဗာန်ဟာ သာမညပျော်စရာမ
ဟုတ်ဘဲ အလွန်အထူး ပျော်စရာဖြစ်လို့ ဒီလောက်ပျော်ပိုက်နေနိုင်တာတော့၊ မဂ်ဉာဏ် ဖိုလ်ဉာဏ်ရတဲ့
ပုဂ္ဂိုလ်တွေဟာ ဘယ်တော့မှ နိဗ္ဗာန်ကို မကြည့်ဘဲ အာရုံမပြုဘဲမနေနိုင်ဘူး၊ ဒီတော့ နိဗ္ဗာန်ဟာ အေးငြိမ်း
ချမ်းသာကြည်နူးစရာကောင်းလှတဲ့ နာမ်ဓမ္မတွေပဲ၊ အစဉ်အမြဲခိုင်မြဲနေတဲ့ နာမ်ဓမ္မပဲ၊ နိစ္စဓုဝ တရားပဲ၊ ဒီနိဗ္ဗာန်
ဟာ ဘယ်နှစ်ရက် ကြည့်နေရကြည့်နေရ ရောင့်ရဲတယ် တင့်တိမ်တယ်လို့ မရှိဘူး၊ ကြည့်နေတဲ့ အခါမှာဘယ်
တော့ တော်ပြီတန်ပြီလို့မလာဘူး၊ ဒီတော့ နိဗ္ဗာန်ဟာအကောင်းတကာအကောင်းဆုံးပဲလို့မှတ်၊ ဘာကြောင့်
တုန်း မသာစွဲမရှိလို့၊ အရင်က ကြည့်နေရတာတွေဟာ မသာတွေချည်းပဲ၊ ဖြစ်လိုက်ပျက်လိုက် ဖြစ်လိုက်ပျက်
လိုက် မသာတွေမရှိတော့ဘူး၊ မမြင်ရတော့ဘူး၊ မသာပွဲလဲ မရှိဘူး၊ ဒုက္ခရောတာဘာမှ မတွေ့ဘူး။
ဒီတော့ ဒီနေရာဟာအကောင်းဆုံး၊ အကောင်းဆုံးမို့ပေါ့ အရိယာပုဂ္ဂိုလ်တွေဟာ စားရေးသောက်ရေး ကိစ္စက
လေးတွေပြီးလို့ အားတဲ့အချိန်တိုင်းမှာ ဆိတ်ငြိမ်ရာသွားပြီး နိဗ္ဗာန်ကိုအာရုံပြုနေကြတာပဲ၊ ဘာပြုလို့အာရုံပြု
နေပါလိမ့်၊ သက်သာရာ ရအောင်လို့၊ နိဗ္ဗာန်ဟာ သက်သာမှုကို ပေးနိုင်တယ်၊ သူ့ကြည်နေတဲ့ပုဂ္ဂိုလ်အား
အေးငြိမ်းချမ်းသာမှုကို ပေးနိုင်တယ်၊ ဒီတော့ နိဗ္ဗာန်ဟာချမ်းသာအစစ် သုခအစစ်ပါပဲ၊ နိဗ္ဗာန်က သူ့ကိုမှိနေ
တဲ့ ပုဂ္ဂိုလ်တွေကိုချမ်းသာမှုပေးလေ့ရှိတယ်၊ နိဗ္ဗာန်မှတစ်ပါး ကျန်တာတွေကတော့ အားကိုးလိုက်တိုင်း ဒုက္ခ
ရောက်တာပဲ၊ ရွှေတွ ငွေတွေ အားကိုးလိုက်ရင် ရွှေငွေကြောင့် ဒုက္ခရောက်ရတာပဲ၊ စိန်ရွှေရတနာတွေ အား
ကိုးလိုက် စိန်ရွှေရတနာကြောင့် ဒုက္ခရောက်တာပဲ၊ နိဗ္ဗာန်ကျတော့ အားကိုးတိုင် ချမ်းသာရာရမယ်ဒါကြောင့်
နိဗ္ဗာန်ဟာချမ်းသာခြင်းလက္ခဏာရှိတယ်၊ နိဗ္ဗာန်ဟာ ဘာအထည်နဲ့တူသတုန်း၊ နိဗ္ဗာန်ရောက်တဲ့ပုဂ္ဂိုလ်ဘယ်
လိုနေထိုင်သတုန်းလို့မေးချင်းမေးမယ်၊ မေးခွင့်လဲရှိတယ်၊ သို့သော် အထည်ကိုမေးလို့ရှိရင် အထည်
အကြောင်းကို အရင်ပြောရလိမ့်မယ်၊ အထည်ဆိုတာက အထည် (ဒြပ်) ရှိရင်ဖောက်ပြန်တဲ့သဘော၊ ဆွေး
မြေ့ပျက်စီတဲ့ သဘောရှိတယ်၊ ဒီသဘောမှ မလွတ်ကင်းနိုင်ဘူး၊ နိဗ္ဗာန်လဲ အထည်ရှိရင်ဆွေးမြေ့ဖောက်ပြန်
ပျက်စီးမှာပဲ၊ ဒါဖြင့် နိဗ္ဗာန်ဟာ အထည် (ဒြပ်) ရှိသလားလို့မေးရင်၊ နိဗ္ဗာန်ဟာ အထည်မရှိဘူး၊လုံးရပ်သဏ္ဌာန်
ပုံဟန်နိမိတ် လုံးဝမရှိဘူး၊ ဒါတွေရှိရင် ဖောက်ပြန်ပျက်စီးမှာပဲ၊ ဒီသဘောမှ မလွတ်ကင်းနိုင်ဘူး၊ အရိယာ
ပုဂ္ဂိုလ်တွေဟာ ခန္ဓာရှိနေတုန်း နိဗ္ဗာန်ကြည့်နေ (အာရုံပြုနေ) ရတာချမ်းသာနေတယ်၊ ဘာပြုလို့ချမ်းသာနေ
သတုန်း၊ နိဗ္ဗာန်ဟာ အအိုလဲမရှိ အနာလဲမရှိ အသေလဲမရှိ အကွဲလဲမရှိ အမွဲလဲမရှိ သောကပရိဒေဝလဲမရှိလို့
နိဗ္ဗာန်ဟာ အိုမှု နာမှု သေမှု ကွဲမှု မွဲမှုဆိုတဲ့ မကောင်းတဲ့အမှုတွေ အကုန်းငြိမ်းတဲ့နေရာဖြစ်တယ်၊ ဒါကြောင့်
နိဗ္ဗာန်ဟာ အကောင်းဆုံးအချမ်းသာဆုံးဖြစ်တယ်၊ ဝိပဿနာအားထုတ်လို့ မဂ် ရရင်ဒီနေရာကိုမြင်ရတယ်၊
နိဗ္ဗာန်မြင်တဲ့ အရိယာပဂ္ဂိုလ်တွေဟာ ဒီနေရာအကောင်းဆုံးလို့ ဆုံးဖြတ်ကြတယ်။
ဒီနေရာဟာ အကောင်းဆုံးပဲ၊ ဒါပေမယ့်မသွားဘူး မရောက်ဘူး မစားဘူးတဲ့ပုဂ္ဂိုလ်ကမကြိုက်ဘူး ပြောတာ
ကို အမှန်မယူနဲ့၊ မစားဘူးသေးဘဲနဲ့ မကြိုက်ဘူး..ပြောတာဟာအဓိပ္ပာယ်မရှိဘူး၊ စားဘူးလို့မကြိုက်ဘူးဆို
ရင်တော့ အဓိပ္ပာယ်ရှိတယ်၊ နိဗ္ဗာန် ဘာမှမရှိတာကြီးကို တပည့်တော်တို့ မကြိုက်နိုင်ဘူးလို့ပြောရင်ခင်ဗျားတို့
က ကိုယ်တိုင်လုပ်ပြီး တွေ့ရသေးတာမှ မဟုတ်ဘဲ၊ စားဘူးပြီး မကြိုက်တာမဟုတ်သေးဘူး၊ မစားဘူးဘဲနဲ့
ရမ်းပြီးမကြိုက်တာ၊ ပြောသံကြားနဲ့မကြိုက်တာ၊ ဒီတော့ စားဘူးတဲ့ အရိယာပုဂ္ဂိုလ်တွေကို မေးကြည်မှအဖြေ
မှန်ရမယ်၊ အရိယာတွေဟာ ဆွမ်းကိစ္စ ရေကိစ္စ စသည်တွေပြီးတော့၊ အားလပ်တဲ့အချိန်တိုင်းနိဗ္ဗာန်ကိုအာရုံ
ပြုနေကြတယ်၊ နေ့တိုင်း ဒီလိုနေကြတယ်၊ ဘာပြုလို့ ဒီလိုချည်းနေကြသတုန်းသူတို့က စားကောင်းလို့စားနေ
ကြတာ၊ သူတို့က ကိုယ်တိုင်စားရလို့ ကောင်းမှန်းသိလို့ ကြိုက်နေကြပြီ၊ နေ့တိုင်းစားကြတယ်၊ ဒီကို ရာက်ပြီး
မှ မကြိုက်ဘူးဆိုပြီး ပြန်လာတဲ့ အရိယာပုဂ္ဂိုလ်တွေ တစ်ယောက်မှမရှိဘူး၊ ဒါဖြင့် နိဗ္ဗာန်ဟာ ဉာဏ်အမြင်ကြီး
ကျယ်တဲ့ ပုဂ္ဂိုလ်တို့ကြိုက်ရာ ကျက်စားရဌာနပဲ၊ နိဗ္ဗာန်မကြိုက်တဲ့ ပုဂ္ဂိုလ်ဟာအမြင်ကျဉ်းလို့ပဲ၊ ဒီလိုပဲပြောရ
မှာပဲ၊ အရိယာပုဂ္ဂိုလ်အဖို့တော့ နိဗ္ဗာန်ဟာ အကြိုက်ဆုံး အကောင်းဆုံးပဲ၊ ဒီတော့ နိဗ္ဗာန်ဟာ အကောင်းဆုံး
အမြတ်ဆုံးတရားလို့ ဆုံးဖြတ်၊ ဘုရားကလဲ ဒီအတိုင်းဟောတာပဲ၊ အရိယာတွေကလဲ ဒီအတိုင်းပြောကြတာ
ပဲ၊ ကြိုက်စရာပဲလို့ဆိုရမှာပဲ၊ တစ်ခါ ပုထုဇဉ်ဉာဏ်နဲ့ နိဗ္ဗာန်မှာ ဒုက္ခလုံးဝမရှိတော့ ကောင်းရမှာပဲကြိုက်ရမှာပဲ
ပုထုဇဉ်ကတော့ ဒီလောက်ပဲမှန်းဆသိနိုင်မယ်၊ ဒါ သူတစ်ပါးပြောသံကြားနဲ့ သိရတာပေါ့၊ အနုမာန မှန်းဆပြီး
သိတဲ့ အသိပေါ့၊ အရိယာ ပုဂ္ဂိုလ်တွေကတော့ ပစ္စက္ခ၊ ကိုယ်တိုင် သိပေါ့၊ ခင်ဗျားတို့က လက်တွေ့မှ ယုံတယ်
ဆိုရင်လဲ လုပ်ကြတာပေါ့၊ ခင်ဗျားတို့က ဘာဖြစ်ဖြစ် လက်တွေ့မှယုံတဲ့ခေတ်၊ ပြောသံကြားနဲ့ ယုံးတဲ့ခေတ်မ
ဟုတ်ဘူးဆိုရင် အလုပ်လုပ်ကြည့်ပေါ့၊ ခင်ဗျားတို့ဟာ တစ်ချိန်မျာ စင်္ကြဝတေးလောင်းတွေဖြစ်နိုင်တယ်၊
စင်္ကြာမင်းကြီးဖြစ်တော့ စင်္ကြာရထားကြီးနဲ့ လောကီစည်းစိမ်တွေ အကုန်ရမှာပဲ၊ ဒါပေမယ့် စင်္ကြာမင်းဟာ
ဝိပဿနာဉာဏ်နဲ့ တက်ပြီးသွားတဲ့အခါကျတော့၊ စင်္ကြရတနာနဲ့ လောကီစည်းစိမ်ကြီးကို သတိမရတော့ဘူး
ဘာပြုလို့၊ နိဗ္ဗာန်ရလို့၊ ဒါဖြင့် နိဗ္ဗာန်ဟာ စင်္ကြာရတနာထက်..စင်္ကြဝတေး စည်းစိမ်ထက် ချမ်းသာမယ်ဆိုတာ
ထင်းရှားပြီ။ ခင်ဗျားတို့ အခုရထားတဲ့လောကီစည်းစိမ်ဆိုတာ ဘာမှပြောပလောက်တာ မဟုတ်ဘူး၊ ဒုက္ခတွေ
အဖုံဖုံနဲ့ အမြဲတွေ့ကြုံနေရတာပဲ၊ ဒါတောင်ချမ်းသာဆိုတာ ဘာမှပြောပလောက်အောင်လဲ မရှိတဲ့..ကိုယ့်စည်း
စိမ်ကလေးကို အဟုတ်ထင်ပြီး နိဗ္ဗာန်ကို မကြိုက်နိုင်တာကဖြင့် တော်တော့ကိုကန်းတဲ့ အကန်းပဲ၊ ဒီလိုပဲ
ပြောရတော့မှာပဲ၊ ဘုရားလက်ထက်က ဇောတိက၊ ဇဋိလ စတဲ့ လောကီစည်းစိမ်ရှင်ကြီးတွေ၊ ရှင်ဘုရင်တွေ
မင်းသားတွေဟာ မင်းစည်းစိမ် လူ့စည်းစိမ်ကြီးတွေကို စွန့်ပြီး ရဟန်းပြုပြီး ရဟန်းချမ်းသာနဲ့နေသွားကြတယ်၊
အရင်က စည်းစိမ်တွေကို သတိတောင်မရကြတော့ဘူး၊ ဘာဖြစ်လို့ ဝိပဿနာအားထုတ်လို့ မဂ်ဖိုလ်တွေရပြီး
နိဗ္ဗာန်ရောက်သွားလို့၊ စားသောက်မှု ကျင်ကြီး ကျင်ငယ်စွန့်မှုဆိုတဲ့ အလွှဲသာတဲ့ကိစ္စကလေးတွေပြီးရင် တစ်
ခါတည်း ဖလသမာပတ်တွေ နိရောဓသမာပတ်တွေ ဝင်စားပြီး နိဗ္ဗာန်ရဲ့အရသာကို ခံစားနေကြတာပဲ၊ ကာမ
ဂုဏ်စည်းစိမ်တွေ မှိုလိုပေါက်နေတဲ့ နတ်ပြည်မှာဆိုရင် အဆင့်မြင့်တဲ့ အရိယာတွေဟာ မနေနိုင်ဘူး၊ တစ်ခါ
တည်း ဗြဟ္မာ့ပြည်ထွက်ပြေးပြီး၊ နိဗ္ဗာန်ချမ်းသာကို ခံးစားကြတော့တာပဲ၊ ဘာဖြစ်လို့ နိဗ္ဗာန်ချမ်းသာဟာ နတ်
စည်းစိမ်တွေထက် မယှဉ်သာအောင် အဆပေါင်းများစွာ သာလွန်းလို့၊ ဒီတော့ နိဗ္ဗာန်ဟာ လောကမှာရှိတဲ့
စည်းစိမ်တကာ ချမ်းသာတကာတို့ထက်သာလွန်မြင့်မြတ်ကြောင်း မှန်းဆနိုင်လောက်ပြီး။          ။

                                                ဤကောင်းမှုကုသိုလ်ကံ
                              စေတနာအပေါင်းတို့သည် အားထုတ်ဆဲဖြစ်သော
                              ဝိပဿနာဉာဏ်မှ မဂ်ဉာဏ်သို့ကျေးဇူးပြုခြင်းငှာ
                                           အထောက်အပံ့ ပစ္စည်းအဖြစ်ဖြင့်
                                                   တည်ရှိပါစေတည်း ။           ။

                                                                                                            အရှင်ဉာဏဓဇ
                                                                                         မိုးကုတ်ဝိပဿနာ မင်္ဂလာမဂ္ဂင်ရိပ်သာ
                                                                                                     ပင်မသံဝေဇနိယဌာန
                                                                                                           အမရပူရမြို့ ။              ။