မိုးကုတ်ဆရာတော်ဘုရားကြီး၏ ခန္ဓာရာခြင်း ဉာဏ်မြင်ရှင်းအောင် တရားတော်

လူ၊ နတ်၊ ဗြဟ္မာ၊ အပါယ်ဘုံသား မည်သို့ပင် ကွဲပြားနေစေကာမူ ဓမ္မသဘောအရ ကြည့်လျှင် အကွက်(၂)က တရားများသာ ဖြစ်စဉ်ကိုက် တွေ့ရမည်ဖြစ်၏။
ခန္ဓာအားဖြင့် ငါးပါး အကျဉ်းချုပ်တော့ နာမ်နှင့်ရုပ်သာ ရှိ၏။
အတိတ်ဘ၀က အ၀ိဇ္ဇာ ၊ သင်္ခါရလက်ချက်ကြောင့် ရရှိထားသော လက်ရှိပစ္စုပ္ပန်ခန္ဓာပင် ဖြစ်ပါ၏။

အ၀ိဇ္ဇာသင်္ခါရသည် အကြောင်း၊ လက်ရှိခန္ဓာက
အကျိုး- အကြောင်းကြောင့် ရရှိသော အကျိုးတရားသာဖြစ်၏။
အကြောင်းဘက်တွင်လည်း ပုဂ္ဂိုလ် သတ္တ၀ါမပါ၊
အကျိုးဘက်တွင်လည်း ပုဂ္ဂိုလ်သတ္တ၀ါမပါ၊
ဓမ္မသဘောသက်သက်ဖြစ်စဉ်ကို တွေ့ရမည်ဖြစ်၏။

ထိုဓမ္မဖြစ်စဉ်ကို သဘောပေါက်လျှင် လက်ရှိခန္ဓာသည် ဖန်ဆင်းရှင်တို့က ဖန်ဆင်းလိုက်သည်ဟူသော ထင်မြင်ချက်ပျောက်ကွယ်သွားရ၏။
ပုဂ္ဂိုလ်စွဲ သက္ကာယဒိဋ္ဌိ အသိဖြင့် ပြုတ်သွားခြင်းဖြစ်၏။ ဖန်ဆင်းရှင်တစ်ဦးဦးက ဖန်ဆင်းလိုက်၍ ဖြစ်လာသည့် ခန္ဓာလား၊ သို့မဟုတ် မိဘနှစ်ပါးတို့၏ ပေါင်းဆုံမှုကြောင့်သာ ပေါ်လာရသည့်ခန္ဓာများဖြစ်လေမလားဟူသော သံသယ "၀ိစိကိစ္ဆာ"လည်း စင်သွားတော့၏။
ဤသည်ကို အကြောင်းတွင် ဉာဏ်ရှင်းလျှင် ၀ိစိကိစ္ဆာစင်-ဟု ဆိုရိုးပြုရ၏။
ခန္ဓာဖြစ်ခြင်းအကြောင်း အခြားမရှိ၊ မိဘနှစ်ပါးတို့၏ ပေါင်းဆုံမှုကြောင့်သာဖြစ်ရ၏ဟူသော အကြောင်းကင်းမဲ့သည့် " အဟေတုကဒိဋ္ဌိ" လည်း စင်သွားတော့၏။

အကွက်နံပါတ်(၁)တွင် အ၀ိဇ္ဇာ သင်္ခါရ တဏှာ ဥပါဒါန် ကမ္မဘ၀- အတိတ်အကြောင်းအခြင်းအရာငါးပါးဟု ဖော်ပြထား၏။

ထို့ကြောင့် အတိတ်အကြောင်းအခြင်းအရာငါးပါးကြောင့် လက်ရှိခန္ဓာ ရသည်ဟုလည်း ဆိုရ၏။ ခန္ဓာမှန်လျှင် အို နာ သေမကင်းသဖြင့် ဒုက္ခသစ္စာ၊ ဖြစ်ပျက်မကင်းသဖြင့်လည်း ဒုက္ခသစ္စာသာ ဖြစ်တော့၏။ အတိတ်ကံမျိုးစေ့ကြောင့် ပေါက်လာရသော ခန္ဓာပင်စည်ကြီးဟု ဆိုလျှင်လည်း မလွဲ။ အတိတ်က သစ္စာမသိခဲ့သဖြင့် အ၀ိဇ္ဇာရှိခဲ့သည်မှာလည်း ငြင်းလို့မရ။ ခန္ဓာဒုက္ခအမှန်တရားကို မသိသဖြင့်လည်း ခန္ဓာကို ခင်တွယ်မြတ်နိုးခဲ့သကဲ့သို့ နောင်လည်း အလားတူခန္ဓာမျိုး တောင့်တမှုတဏှာ မဖြစ်မနေ ပေါ်ခဲ့သည်သာ ဖြစ်၏။

♦ ၀ိပဿနာကင်းသူအတွက် တဏှာဖြစ်ပြီဆိုလျှင် ဥပါဒါန်မဖြစ်ပါနှင့်ဟု တားဆီး၍မရ။ အလိုလို ဆက်တိုက်ဖြစ်လာတော့၏။
ကိုယ့်ခန္ဓာကိုယ် ခင်တွယ်မှုဖြစ်လျှင် စွဲလန်းမှုသည်လည်း နောက်က လိုက်လာမြဲသာ ဖြစ်၏။ သို့ဖြင့် လက်ရှိခန္ဓာကိုလည်း ခင်မင်သကဲ့သို့ နောင်ခန္ဓာကိုလည်း လိုချင်သည်မှာ ပုထုဇဉ်တို့၏ ဓမ္မနိယာမသဘောပင် ဖြစ်နေပါ၏။

♦ နောင်ခန္ဓာလိုချင်မှုရှိလာသဖြင့် လှူမှုတန်းမှုကံတွေ၊ သီလဆောက်တည်မှုကံတွေပြုလုပ်လျက် တဏှာဖြင့်ပင် နောက်ဘ၀ လူချမ်းသာ နတ်ချမ်းသာ ရရပါလို၏ စသည်ဖြင့် ဆုတောင်းယူကြသဖြင့် ဆုတောင်းသည့်အတိုင်း ဆုတောင်းပြည့်ခန္ဓာကို ရရှိထားခြင်းပင် ဖြစ်၏။ မကောင်းမှုပင် ပြုလင့်ကစား ကိုယ့်ခန္ဓာကိုယ် ခင်မင်စွဲလန်းမှုကတော့ ဖြစ်မြဲဖြစ်သည်သာ။ သို့ဖြစ်လျှင် မကောင်းမှုပြုသူများ အပါယ်သွားရခြင်းသည် အပါယ်ခန္ဓာကို ဆုတောင်း၍ ရောက်ရပါသလားဟု စောဒကတက်လာနိုင်၏။ စင်စစ်မှာ အပါယ်ရောက်ဖို့အတွက် တမင်တကာ ဆုတောင်းနေစရာမလို၊ အရောက်လွယ်လှ၏။ သုဂတိရောက်ရေးသာလျှင် အထူးတလည် အားထုတ်ယူရ၏။ ဒုဂ္ဂတိရောက်ရေးအတွက် သီးသန့် ကျင့်နေစရာမလို။ လွယ်လွယ်ဖြင့်ရောက်သွားမည်သာဖြစ်၏။ ဒါနကုသိုလ် သီလကုသိုလ် သူမတူအောင်ဖြည့်ကျင့်ထားသည့်ကြားမှပင် ဒုဂ္ဂတိသို့ ခြေချော် လက်ချော်ရောက်သွားရသူများ ကျမ်းဂန်တို့တွင် အထင်အရှားရှိပါ၏။

♦ "မလ္လိကာမိဖုရား"သည် ပြိုင်စံရှား
အသဒိသအလှူကြီးပေးလှူခဲ့ပါလျက် သေခါနီး
အာရုံနိမိတ်မှားကြောင့် အ၀ီစိ ခုနှစ်ရက်ကျခဲ့ရှာသေး၏။
တိဿရဟန်းသည် သီလအခြေခံကောင်းခဲ့ပါလျက်
သင်္ကန်း၌ တွယ်ငြိသော ဥပါဒါန်အစွဲကြောင့် သန်းဖြစ်သွားရရှာသေး၏။ သုဂတိနှင့် ဒုဂ္ဂတိ၊ ဒုဂ္ဂတိရောက်ရေးက အလေးသာလျက်ရှိနေပါ၏။ ထို့ကြောင့် ဒုဂ္ဂတိရောက်ရေးအတွက် အထူးကျင့်နေစရာမလိုဟု ပြောလိုက်ခြင်းဖြစ်၏။

♦ သတ္တ၀ါတိုင်းသည် လက်ရှိခန္ဓာခင်မင်နေသမျှ နောင်ခန္ဓာကိုလည်း လိုချင်စိတ်က ရှိနေမြဲသာဖြစ်၏။ သို့သော် လူဖြစ်သူက လူ့ခန္ဓာမျိုးနောင်ဘ၀ ရချင်သော်လည်း လူ့ဘ၀နှင့် ထိုက်တန်သော ကံကို ပြုထားမှသာလျှင် ရရှိမည်ဖြစ်ပါ၏။ အကုသိုလ် ဒုစရိုက်မှု များစွာပြုထားသူတစ်ယောက်က လူ့ဘ၀ရလိုစိတ်ရှိနေလျှင်မူ ထမင်းဆီဆမ်း ရွှေလင်ပန်းနှင့် ပေးလှည့်ပါဟု ဖိုးလမင်းထံ တောင်းခံနေသူသို့သာ ဖြစ်၏။ လူ့ဘ၀နှင့်မထိုက်တန်သော အကုသိုလ်ဒုစရိုက်ကံများကျူးလွန်ထားပါလျက် လူ့ဘ၀ရရပါစေဟု ဆုတောင်းနေသော်လည်း မထိုက်တန်သဖြင့် လူ့ဘ၀ကို ရလိမ့်မည်မဟုတ်။

သူပြုသည့်ကံနှင့် တန်ရာတန်ရာ အပါယ်ခန္ဓာသာ ရရှိမည်မှာ မြေကြီးလက်ခတ်မလွဲပင် ဖြစ်၏။ လက်ရှိခန္ဓာကိုလည်း
ဒုက္ခသစ္စာဟုမသိ၊ နောင်ရမည့်ခန္ဓာကိုလည်း ဒုက္ခသစ္စာဟု မသိသမျှကာလပတ်လုံး နောင်ခန္ဓာအစဉ်သည် ဆက်မြဲဆက်နေမည်သာဖြစ်၏။

အပါယ်နှင့်ထိုက်တန်သည့်ကံသည် အပါယ်ခန္ဓာအကျိုးကို ပေးမည်ဖြစ်ပြီး လူနတ်ဗြဟ္မာနှင့်ထိုက်တန်သောကံသည် လူနတ်ဗြဟ္မာခန္ဓာ အကျိုးကိုသာ ပေးမည်ဖြစ်သည်။ ထို့ကြောင့် လူနတ်ဗြဟ္မာဖြစ်မည့်သူလည်း သူ့ဆိုင်ရာဆိုင်ရာ ခန္ဓာကို ခင်သကဲ့သို့ နောင်ခန္ဓာကိုလည်း လိုချင်ကြသည်သာဖြစ်၏။ အပါယ်ရောက်မည့်သူလည်း သူ့ဆိုင်ရာဆိုင်ရာခန္ဓာကို ခင်သကဲ့သို နောင်ခန္ဓာကိုလည်း လိုချင်မည်သာဖြစ်၏။ သေခါနီး "မရဏာသန္နဇော" သည် အပါယ်ပဋိသန္ဓေကို အာရုံပြုနေပြီဆိုလျှင် အပါယ်ဘ၀ကို တပ်မက်သည့် ဘ၀တဏှာပေါ်နေခြင်းဖြစ်သဖြင့် ထိုအချိန်တွင် အပါယ်ခန္ဓာကို လိုချင်စိတ် မဖြစ်ပါနှင့်ဟု တား၍မရ။ သူ့ကံအားလျော်စွာ ထိုက်ရာတန်ရာခန္ဓာကို ရရှိဖို့ တာစူနေခြင်းသာဖြစ်၏။

အပါယ်မကျချင်ဘဲနှင့် ကျရသည်မဟုတ်၊ ကျချင်စိတ်ကြောင့်ပင် ကျသွားရခြင်းဖြစ်၏။ သူ့ကံက အပါယ်ရောက်မည့်ကံဖြစ်နေလျှင် သေခါနီး မရဏာသန္နဇောသည် အပါယ်ကိုသာ အာရုံပြုနေလေတော့၏။ ဤသည်မှာ အပါယ်ခန္ဓာလိုချင်မှုပင်ဖြစ်၏။ ထို့ကြောင့် တိရစ္ဆာန်မဖြစ်ချင်ဘဲနှင့် ဖြစ်သွားရသည်မဟုတ်၊ ဖြစ်ချင်၍သာ ဖြစ်သွားရ၏။ ပြိတ္တာမဖြစ်ချင်ဘဲ ဖြစ်သွားရသည်မဟုတ်၊ ဖြစ်ချင်၍သာ ဖြစ်သွားရ၏။ အသူရကာယ်မဖြစ်ချင်ဘဲနှင့် ဖြစ်သွားရသည်မဟုတ်၊ ဖြစ်ချင်၍သာ ဖြစ်သွားရ၏။ ငရဲခန္ဓာ မဖြစ်ချင်ဘဲနှင့် ဖြစ်သွားရသည်မဟုတ်၊ ဖြစ်ချင်၍သာ ဖြစ်သွားရခြင်းဖြစ်၏။ အပါယ်မရောက်ချင်ပါဘူးဟု မည်မျှပင် အားတင်းထားခဲ့စေကာမူ သေခါနီးတွင် သူပြုသည့်ကံက အပါယ်ရောက်ချင်စိတ်ပေါက်အောင် အလိုလို လှည့်ပြောင်းပေးလိုက်သဖြင့် မရဏာသန္နဇော စောနေချိန်တွင် အပါယ်ပဋိသန္ဓေကိုသာ တန်းတန်းစွဲ အာရုံပြုနေလေတော့၏။

ဘ၀တဏှာက လူ့ခန္ဓာနှင့် အပါယ်ခန္ဓာကို ဆက်ပေးလိုက်ခြင်းပင်ဖြစ်၏။ သို့ဖြင့် အပါယ်ခန္ဓာကိုလည်း လိုချင်လျက်လာသဖြင့် ထိုလိုချင်မှုတဏှာဆက်ပေးသည့်အတိုင်းပင် အပါယ်သို့ ကျရောက်သွားကြရ၏။ အပါယ်ခန္ဓာပိုင်ရှင်များဖြစ်သွားကြရ၏။ ထို့အပြင် ဖြည့်စွက်ပြောလိုသည်မှာ အပါယ်ရောက်ဖို့ ဆုတောင်းရန်မလိုဟုဆိုသော်လည်း ခွေးတစ်ကောင် ဇိမ်ကျကျ ကောင်းကောင်းစား အိပ်နေရသည်ကိုမြင်၍ ခွေးဘ၀က ငြိမ်းပါသေးသည်ဟု ခွေးဘ၀ကိုအားကျမိသည့်စိတ်ဖြင့်သာ သေသွားပါက ခွေးဖြစ်ပါရစေဟု ဆုတောင်းသကဲ့သို့ပင် နောက်ဘ၀ ကျိန်းသေခွေးဖြစ်မည်သာ ဖြစ်၏။ နွားဘ၀ကို အားကျက နွားဖြစ်၊ ကြောင်ဘ၀ကို အားကျက ကြောင်ဖြစ်မည်ဖြစ်၍ တိရစ္ဆာန်လေးများကို အားကျပြီး သူ့လိုဖြစ်ချင်စိတ်မပေါ်မိဖို့လည်း အရေးကြီးလှ၏။

လက်ရှိခန္ဓာကို ခင်မင်သည်ဆိုရာ၌ အပါယ်ဘုံသားတို့သည် သူတို့ခန္ဓာကို ခင်မင်မှု ရှိနိုင်ပါ့မလားဟု ထင်မြင်ဖွယ်ရှိ၏။ စင်စစ်မှာ ခွေးသည်လည်း သူ့ခန္ဓာသူ ခင်သည်သာဖြစ်၏။ ကြောင်သည်လည်း သူ့ခန္ဓာသူ ခင်သည်သာဖြစ်၏။ ခြောက်လျှင် ပြေးကြ၊ ရိုက်လျှင်အော်ကြသည်မှာ သူတို့ခန္ဓာသူတို့ ခင်မင်နေ၍သာဖြစ်၏။ ပြိတ္တာ အသူရကာယ်တို့သည်လည်း သူတို့ခန္ဓာသူတို့ ခင်တွယ်ကြသည်သာဖြစ်၏။ ပြိတ္တာဘ၀ဆင်းရဲမှ လွတ်စေလိုကျွတ်စေလို၍ ကုသိုလ်ပြုအမျှပေးဝေသော်လည်း သူ့ဘ၀သူ ပျော်နေပြီး ထိုဘ၀ကိုစွဲလန်းနေသည့်ဥပါဒါန်ကြောင့် သာဓုခေါ်နိုင်ပါလျက် မခေါ်ဘဲ နေသည့် ပြိတ္တာများပင် ရှိ၏။ ဤသည်မှာ သူ့ခန္ဓာသူ ခင်နေခြင်းသာဖြစ်၏။

ထို့အတူ ငရဲသားများသည်လည်း သူတို့ မည်မျှပင် ဆင်းရဲဒုက္ခခံစားနေရစေကာမူ သူတို့ခန္ဓာကိုတော့ ခင်နေကြသည်သာဖြစ်၏။ ဆင်းရဲခြင်းကို သူတို့သိကြပါ၏။ သို့သော် သစ္စာအမြင်ဖြင့်သိခြင်းမျိုးမဟုတ်။ ထင်ရှားသည့်ပင်ပန်းဆင်းရဲမှု ပါကဋဒုက္ခကိုသာ သိနေခြင်းဖြစ်၏။ အဆုံးစွန်ဆင်းရဲဒုက္ခရောက်နေကြသော်လည်း အော်ရုံအင်ရုံကလွဲလို့ သူတို့သန္တာန်တွင် ဘာဉာဏ်မှ ဖြစ်ပေါ်ခွင့်မရှိ။ မဂ်ဉာဏ်ဖိုလ်ဉာဏ်မဆိုထားနှင့်၊ သံဝေဂဉာဏ်မျှပင် မရရှိနိုင်ကြ။
ထို့ကြောင့် မည်မျှပင် ဆင်းရဲဒုက္ခခံနေကြရစေကာမူ ခန္ဓာခင်မှုက မပြတ်ပေါ်နေသည်သာဖြစ်၏။ ထိုခန္ဓာခင်မှုကြောင့်ပင် ငရဲ၌ကျရောက်ပြီး အနှိပ်စက်ခံရ၍ သေသွားသော်လည်း ထိုငရဲ၌ပင် ပြန်ဖြစ်နေရကြရ၏။ အကုသိုလ်ကံကြွေးမကုန်သေးသရွေ့ ခန္ဓာနှင့် ပေးဆပ်နေရခြင်းသာဖြစ်၏။

လက်ရှိခန္ဓာကိုလည်း ခင်မင်၊ နောင်ခန္ဓာကိုလည်း လိုချင်သည်မှာ သတ္တ၀ါတိုင်း၏ နိယာမသဘောကဲ့သို့ဖြစ်နေ၏။ ထိုနိယာမအတိုင်းပင် လက်ရှိခန္ဓာစွန့်လိုက်ရပါသော်လည်း နောက်ခန္ဓာက တစ်မျိုးမဟုတ်တစ်မျိုး ပေါ်မည်သာဖြစ်၏။ ခန္ဓာမှန်သမျှဒုက္ခသစ္စာသာဖြစ်၏။ သုဂတိဒုက္ခသစ္စာနှင့် ဒုဂ္ဂတိဒုက္ခသစ္စာသာ ကွာခြား၏။ ခန္ဓာသည် စင်စစ်ဒုက္ခသစ္စာဟု ထိုးထွင်းမြင်နိုင်သည့် ဉာဏ်မရောက်သေးသရွေ့ကာလပတ်လုံး အ၀ိဇ္ဇာဖုံးအုပ်နေသည်ဟု ဆိုရ၏။ အ၀ိဇ္ဇာအဖုံးမခွါနိုင်သေးသမျှ နောင်ခန္ဓာလိုချင်သည့် တဏှာကလည်း ပေါ်နေမည်သာဖြစ်၏။ နောင်ဘ၀ညွတ်သည့်တဏှာဟု ပြောနိုင်ပါ၏။ နောက်ဘ၀ညွတ်သည့်တဏှာဖြင့်ပင် ကုသိုလ်ကံလည်းပြုကြ၏၊ အကုသိုလ်ကံလည်းပြုကြ၏။ ကံမှန်သမျှ သင်္ခါရ၊ ကောင်းသည့်ကံဖြစ်စေ ဆိုးသည့်ကံဖြစ်စေ မသိမှုအ၀ိဇ္ဇာခေါင်းဆောင်သည့်ကံသာ ဖြစ်၏။ ထိုကံတို့က အကျိုးပေးလိုက်တော့ ယခုလက်ရှိဘ၀ ခန္ဓာငါးပါး ဒုက္ခသစ္စာတရားကြီးကို သိမ်းပိုက်လိုက်ရ၏။ လူကောင်ဟုဆိုဆို နတ်ကောင်ဟုဆိုဆို အပါယ်ကောင်ဟုဆိုဆို ခန္ဓာငါးပါး ရုပ်နာမ်တရားအစုသာဖြစ်၏။ ဒုက္ခသစ္စာသာဖြစ်၏။ 


                                              ဤကောင်းမှုကုသိုလ်ကံ
                               စေတနာအပေါင်းတို့သည် အားထုတ်ဆဲဖြစ်သော
                               ဝိပဿနာဉာဏ်မှ မဂ်ဉာဏ်သို့ကျေးဇူးပြုခြင်းငှာ
                                        အထောက်အပံ့ ပစ္စည်းအဖြစ်ဖြင့်
                                             တည်ရှိပါစေသတည်း ။   ။

                                                                                                   အရှင်ဉာဏဓဇ
                                                                                  မိုးကုတ်ဝိပဿနာ မင်္ဂလာမဂ္ဂင်ရိပ်သာ
                                                                                             ပင်မသံဝေဇနိယဌာန
                                                                                                     အမရပူရမြို့ ။

မိုးကုတ်ဆရာတော်ဘုရားကြီး၏ ခန္ဓာကြီးက သေရာသွားနေပုံ

ဒီခန္ဓာကြီးကို ရ,ထားတယ်ဆိုတာ အားလုံးပဲ ခန္ဓာရ, ထားကြတယ်။ အခုဘယ်သူနဲ့ အတူနေကြ သတုံး ဆိုလို့ရှိရင် ခန္ဓာငါးပါးနဲ့ အတူတူနေကြတယ်လို့ ပြောကြရမှာပဲ၊ ဒီခန္ဓာငါးပါးကြီးဟာ ယခုအခါ၌ ဘယ်ကို အမှန်သွားနေသလဲလို့မေးရင် သေရာသွားနေတယ်လို့ ဖြေရမှာပဲ … (မှန်ပါ့ ဘုရား)။

ဒီခန္ဓာကြီး၏ အမှန်သွားရာလမ်းကို ပြောစမ်းပါ ဆိုလို့ရှိရင် ဘယ့်နှယ်ပြောမလဲ … (သေရာသွားနေ ပါတယ်ဘုရား) ဒီလမ်းကိုတော့ဖြင့် ဒကာ ဒကာမတို့က သူက ထိုင်လျက်နဲ့လဲ သွားနေတာပဲ … (မှန်ပါဘုရား) အိပ်ရင်းလဲ … (သွားပါတယ်ဘုရား)၊ ထမင်းစားရင်လဲ … (သွားပါတယ်ဘုရား)၊ ဆေးလိပ် သောက်ရင်း … (သွားပါတယ်ဘုရား)။ ဆေးလိပ်တစ်ဖွာနဲ့ တစ်ဖွာ ဆိုလို့ရှိရင်ဖြင့် ပထမအဖွာထက် ဒုတိယ ဖွာလိုက်မှုသည် ဒကာ ဒကာမတို့ သေရာက ပိုနီးတယ်ဆိုတာတော့ ပြောဖို့မလိုတော့ဘူး … (မလိုပါ ဘုရား)။

ဒါဖြင့် ဒီခန္ဓာရ,ထားတဲ့ ပုဂ္ဂိုလ်၏ အလုပ်သည် သေရာသွားတဲ့အလုပ်ဟာ အမြဲတမ်းအလုပ် (မှန်ပါ့) ရောင်းဝယ်ဖောက်ကားတဲ့ အလုပ်သည်ကားလို့ဆိုရင် ယာယီတည်းခိုနေကြတဲ့အလုပ် … (မှန်ပါ့) အမြဲတမ်း အလုပ်ကတော့ (သေရာသွားတဲ့အလုပ်ပါ ဘုရား)။

အဲဒီလိုမှတ်ထားတော့မှ သြော် … ခန္ဓာရအောင် ကြိုးစားတဲ့ ပုဂ္ဂိုလ်များဟာ သေရာသွားတာကို မပျင်းသေးလို့ ဒုတိယဘ၀ အစသည် ရ,ချင်တာကိုးလို့ သူ့ကိုအပြစ်တင်ရမယ် … (မှန်ပါ့) မထင်ထိုက်ဘူး လား … (တင်ထိုက်ပါတယ် ဘုရား)။

ခန္ဓာနောက်ထပ်ရချင်တဲ့ပုဂ္ဂိုလ် လူခန္ဓာ၊ နတ်ခန္ဓာ၊ ဗြဟ္မာခန္ဓာ ရချင်တဲ့ ခန္ဓာရ၊ တောင်းချင်တဲ့ခန္ဓာ ကိုတောင်း၊ တောင်းတဲ့ပုဂ္ဂိုလ်ဟူသရွေ့ကတော့ သေရွာသွားတဲ့အလုပ်ကို မပျင်းကြသေးလို့ကိုး … (မှန်ပါ့) ဒီအတိုင်းပဲပြောရမယ် … (မှန်ပါ့) သေရာသွားတဲ့အလုပ် ခဏခဏသွားရတဲ့အလုပ်က မပျင်းနိုင်အောင်ဘဲ သူသည် လုပ်ချင်သေးလို့ ဒီခန္ဓာရချင်တာပဲလို့ ဒီလို ပြောကြရမယ် … (မှန်ပါ့)။

ဒါဖြင့် ဒကာ ဒကာမတွေ ဒီခန္ဓာကြီးဟာဖြင့် သူ့အလုပ်က အမြဲတမ်းလုပ်တာဟာ သူလုပ်ချင်လို့ လုပ်ရသမားလို့ မေးဖို့လိုလာတယ် … (မှန်ပါ့) သူ့ကိုခင်မင်နေတဲ့ ပုဂ္ဂိုလ်တစ်ယောက်သည် ခင်မင်လို့ရတာ ပဲ ဒီခန္ဓာကြီးဟာ … (မှန်ပါ့) ခင်မင်တဲ့ သဘောကြောင့် ဒီခန္ဓာကြီး ပေါ်လာတယ်၊ ခင်မင်တဲ့ သဘောမရှိလို့ ရှိရင် … (မပေါ်ပါ ဘုရား)။

ဒါဖြင့် ဒီခင်မင်တဲ့ အလုပ်မပြတ်သေးသရွေ့ ဒကာ ဒကာမတို့ သေရာသွားတဲ့အလုပ် နောက်ဆုတ်မယ် မဟုတ်ပါဘူး … (မှန်ပါ့)။ ခင်မင်တဲ့အလုပ် မပြတ်သရွေ့ သေရာသွားမည့်အလုပ် နောက်မဆုတ်ပါဘူးဆိုတာ သေသေချာချာ မှတ်ပါဗ၊ သဘောပါပလား … (ပါ, ပါပြီဘုရား)။

အဲဒီတော့ ဒီနေ့ရှေ့ပိုင်းမှာ ဘုန်းကြီး သတိပေးချင်တာက သြော် … ဒကာ ဒကာမတွေ လမ်းမှားတော့ဖြင့် လိုက်ခဲ့ကြလို့ ပြင်လို့မရခဲ့ကြဘူး … (မှန်ပါ့)။

ခန္ဓာကြီး ဆုတောင်းပြီးသကာလ လာခဲ့ကြလို့ ခန္ဓာရအောင် ဆုတောင်းလာကြလို့ သေရာသွားတဲ့ အလုပ်ကို နောက်ဆုတ်လို့ ရကြသေးရဲ့လား … (မရပါဘုရား)။

အခုမှ ကိုယ်ကျိုးနည်းမှန်း သိနေရုံနဲ့လဲ မတတ်နိုင်တော့ဘူး … (မှန်ပါ့) တက်နိုင်စရာ အကြောင်း မြင်သေးရဲ့လား (မမြင်ပါဘုရား) ကိုယ့်အလုပ်က ဘယ်ကိုမှန်မှန် သွားနေရသလဲ … (သေရာကို မှန်မှန်သွား နေရပါတယ်ဘုရား) သွားရမှာပဲ၊ ဇရာက မောင်းထုတ်နေတာကိုး … (မှန်ပါ့)။

ဇရာက နေ့တိုင်းမောင်းထုတ်နေ ဗျာဓိဆီရောက်၊ ဇရာဆိုတဲ့ ဒဏ်ချက်ကလဲ အမျိုးမျိုးနှင်နေတော့ ဗျာဓိဆိုတဲ့ အိပ်ရာဖျာကပ် အလုပ်သို့ ရောက်ရတော့မယ် … (မှန်ပါ့)။

အဲဒီဗျာဓိဆိုတဲ့ အိပ်ရာဖျာကပ်အလုပ်သို့ ရောက်တဲ့အခါ ခြေမသယ်နိုင် လက်မသယ်နိုင်နဲ့ မရဏဆိုတဲ့ ဓမ္မစီမံသလို ကိုယ့်မှာ အသာခံရုံပဲ ဆိုတာကလဲ သေချာနေတယ် … (သေချာပါတယ်ဘုရား)။

ဒါဖြင့် ဒကာ ဒကာမတို့ ဒီခန္ဓာကြီးဟာဖြင့် နဂိုက အနေလွဲခဲ့လို့ အခုတော့ အရတော့ဖြင့် လွဲနေကြပြီပေါ့။ မဆိုထိုက်ဘူးလား (ဆိုထိုက်ပါတယ်ဘုရား)။

လွဲလိုက်တာမှ ပြင်လို့တောင် ရသေးရဲ့လားလို့မေးရင် (မရပါဘုရား) သေရွာသွားတဲ့လူအတွက် မတတ်နိုင်ဘူး … (မှန်ပါ့) ဘုရားဟောတဲ့နည်းအတိုင်း ဘုန်းကြီးတို့ တတ်နိုင်တာက နောက်ထပ် မသွားဖို့သာ တတ်နိုင်တယ် … (မှန်ပါ့ဘုရား)။

အခုမသွားဖို့ရာ အလုပ်ကိုတော့ ဘယ်နည်းနဲ့မှ မတတ်နိုင်တော့ဘူး … (မှန်ပါ့) နောက်ထပ် ဒီစခန်းနဲ့ ဒီလမ်းမျိုးမတွေ့ရအောင်၊ မကြုံရအောင်တော့ဖြင့် တတ်နိုင်တဲ့နည်းလမ်းရှိပါတယ်လို့ပဲ မှတ်ကြပါ … (မှန်ပါ့)။

အဲဒီတော့ အခုတော့ဖြင့် မတတ်နိုင်တာ ဘာဖြစ်လို့ မတတ်နိုင်ပါလိမ့်မတုံးလို့ ဦးဘတင် မေးဖို့လိုလာတယ် … (မှန်ပါ့) ဒကာ ဒကာမတို့ ခင်ဗျားတို့ကိုယ်တိုင်က အရယူထားလို့ မတတ်နိုင်တာပါလို့ ဖြေရုံပဲ … (မှန်ပါ့)။

ဘယ်လို ဖြေကြပါ့မလဲ (တပည့်တော်တို့က အရယူထားလို့ မတတ်နိုင်တာပါဘုရား)၊ ခင်ဗျားတို့ကိုက လက်မလွှတ်ချင်လို့ (မှန်ပါ့) လက်မလွှတ်ချင်လို့ အရအမြဲဆုပ်ထားတဲ့အတွက် ဘယ်နည်းနဲ့မှ ဒီဥစ္စာဖြင့် မရနိုင်တော့ဘူး။ ဥပါဒါန်က စွဲပြီးလုပ်ထားတဲ့ အလုပ်ကြီးတစ်ခုကိုး … (မှန်ပါ့)။

အဲဒီတော့ တတ်နိုင်တဲ့နည်းကလေး ရှေ့ပိုင်းမှာ နည်း, နည်းနည်းပေးမယ်၊ ဒါကို ကြပ်ကြပ်သတိ ထားပါနော် … (မှန်ပါ့ဘုရား)။

တတ်နိုင်တဲ့နည်းကိုပဲ ပေးပါမယ်။ ဒီဘ၀မှာတော့ဖြင့် ခင်ဗျားတို့ ဆုတောင်းပြည့်နေတဲ့အတွက် တားဆီုးလို့မရဘူး၊ နောက်မတွေ့တဲ့နည်းကလေး ဒါကိုပဲ ခင်ဗျားတို့ နည်းယူပြီး ကြိုးစားဖို့ အရေးကြီးပါ တယ် (ကြီးပါတယ် ဘုရား)။

ဘုရားသခင်ကိုယ်တော်မြတ်ကြီး လက်ထက်က ဖဂ္ဂုဏဆိုတဲ့ ရဟန်းတစ်ပါးရှိတယ်။ အဲဒီရှင်ဖဂ္ဂုဏ ဆိုတဲ့ ရဟန်းတစ်ပါးဟာ ဒကာသစ်တို့ ကိုမြရွှေတို့ မမာဘူးပေါ့ဗျာ … (မှန်ပါ့) မမာတော့ ရှင်အာနန္ဒာက သွားကြည့်တယ်။ သြော် … သနားစရာပဲ၊ ခိုကိုးရာမဲ့ ဖြစ်နေတယ်၊ မမာတာကလဲ လွန်လို့ပါကလား … ရောဂါကလဲကြီးလိုက်တာ၊ ဒါနဲ့ ရှင်အာနန္ဒာက ဘုရားသခင် ကိုယ်တော်မြတ်ကြီးထဲ သွားလျှောက်တယ် … (မှန်ပါ့)။

အရှင်ဘုရား … ရှင်ဖဂ္ဂုဏဆိုတဲ့ ရဟန်းတစ်ပါးဟာ ဘာမှလဲ မသိမလိမ္မာသေးပါဘူး။ ဝေဒနာကလဲ ကြီးကျယ်ပါတယ်၊ ဒီအတိုင်းပဲကြည့်ရတာဖြင့် အလွန်သနားစရာ ကောင်းပါတယ် ဘုရား၊ ဒါကြောင့် အရှင်ဘုရား သနားသဖြင့် ရှင်ဖဂ္ဂုဏရှိတဲ့နေရာကို ကြွပေးတော်မူပါလို့ ရှင်အာနန္ဒာကပဲ ရှေ့ဆောင်ရှေ့ရွက် လုပ်ပြီး သွားလျှောက်တယ် … (မှန်ပါ့)။

ဘုရားသခင်ကိုယ်တော်မြတ်ကြီးကလဲ ရှင်ဖဂ္ဂုဏရှိရာ သို့ကြွလာခဲ့တယ်၊ ဘုရားသခင် ကြွလာတယ်ဆိုတော့ လူမမာဖြစ်သူက နေရာထိုင်ခင်း ပေးမလို့ ခန္ဓာကိုယ် ထ,မလို ထိုင်မလို အရိုအသေ သဘောတွေပြနေတော့ ဘုရားက ငါ့မှာ နေထိုင်စရာတွေရှိတယ် မင်းကလူမမာမို့ ဒီအတိုင်းပဲနေ၊ ငါထိုင်စရာရှိတဲ့ နေရာမှာ ထိုင်မယ်ဆိုပြီး တားမြစ်တော်မူတယ်….(မှန်ပါ့)။

ဒါနဲ့ ဘုရားက မင်းဝေဒနာ ဘယ့်နှယ်နေသတုံး စသည်ဖြင့် သတင်းမေးတော့ ရှင်ဖဂ္ဂုဏက ဝေဒနာတွေဟာ ဘုရားမဆုတ်ပါဘူး၊ တိုးသာတိုးနေပါတယ်၊ ခေါင်းကိုက်လိုက်တာလဲ လွန်နေတာပါပဲ ဘုရား၊ ၀မ်းထဲက နာတာတွေလဲ အင်မတန်မှ ပြင်းထန်ပါတယ်…အစရှိသည်နဲ့ ဝေဒနာတွေက နှိပ်စက်ပုံတွေကို အမျိုးမျိုးအဖုံဖုံ လျှောက်ထားပြတယ်…. (မှန်ပါ့)။

လျှောက်ထားပြတော့ ဘုရားသခင်ကိုယ်တော်မြတ်ကြီးက ဟောလိုက်တာ ဝေဒနာက ဝေဒနာက္ခန္ဓာဆိုတော့ ဝေဒနာက္ခန္ဓာနဲ့ ငါနဲ့ မရောစေနဲ့ ဟေ့လို့ဆိုလိုရင်း …(မှန်ပါ့)။

ဒကာဒကာမတွေ ဘာတဲ့တုံး…(ဝေဒနာက္ခန္ဓာနဲ့ ငါနဲ့မရောစေနဲ့) ဝေဒနာက္ခန္ဓာက သူ့ဟာသူ ဝေဒနာက္ခန္ဓာ၊ ငါက သွားပြီး မရောပါနဲ့၊ ဝေဒနာက သူ့ဟာသူ ဟိုကနာလိုက်၊ ဟိုက ကျဉ်လိုက်၊ ဒီက ကိုက်လိုက်၊ ဟိုက ထိုးလိုက်၊ ဒီက ထိုးလိုက်နဲ့ ခန္ဓာကိုယ်ရှိနေရင် ဝေဒနာက္ခန္ဓာချည်းဆိုသောကြောင့် ဦးဘအုန်း ဝေဒနာကတော့ ရှိနေမှာပဲ၊ ဝေဒနာက္ခန္ဓာကိုးဗျ (မှန်ပါ့)။

အဲဒီအထဲ ဘုန်းကြီးတို့ ဒကာ ဒကာမတွေ ဝေဒနာက္ခန္ဓာကို ဝေဒနာက္ခန္ဓာလို့ပဲ သိထားရမယ် …(မှန်ပါ့) သြော် … ငါ့မှာ ဖြစ်မှဖြစ်ရလေခြင်းလို့ ဝေဒနာထဲမှာ ငါဝင်မထိုးလိုက်နဲ့ …(မှန်ပါ့) သဘောကျပလား … (ကျပါပြီ ဘုရား)။

ဝေဒနာထဲမှာ … (ငါဝင်မထိုးလိုက်ပါနဲ့) ဒါ သေခါနီးမှ ဒီတရား ပွားများရတယ်၊ နဂိုက ဘာမှမသိတဲ့ ဖဂ္ဂုဏရဟန်းကလေးဟာ အနာဂါမ်တည်ပါတယ်၊ ဒါကိုပြောချင်လို့နော် …(မှန်ပါ့)။

ကောင်းပြီ … ဒါက ဒီတရား ရှေ့ထားတာ ဟောလိုရင်း တရားက ဒါမဟုတ်ပါဘူး၊ သေလွယ် ပျောက်လွယ် အခါမို့ ဒီဥစ္စာက ရှေ့ထားဟောတယ်လို့ မှတ်ထားကြပါ …(မှန်ပါ့)။

သေပုံသေနည်းမှာ ဒီသေနည်းဟာ ကောင်းတယ်ဆိုတာ ဒကာ ဒကာမတွေကို ရှေ့ပိုင်းက သိစေချင်လို့ပြောပါတယ် …(မှန်ပါ့)။

ဘုရားက ရှင်ဖဂ္ဂုဏကို ဝေဒနာဟာ ဝေဒနာက္ခန္ဓာပဲကွ … တဲ့၊ မင့်ခန္ဓာထဲမှာ ဟိုနေရာပေါ်လိုက်၊ ဒီနေရာပေါ်လိုက်၊ အဲဒီမှာ သြော် … ဟိုနေရာလဲ ငါနာတာပဲ၊ ဒီနေရာလဲ ငါနာတာပဲ၊ ငါကလေး သွားသွားမရောနဲ့တဲ့၊ သဘောကျပလား (ကျပါပြီဘုရား)။

ဝေဒနာကတော့ နေရာတိုင်း ဟိုနေရာ ဒီနေရာမှာ မနာပေဘူးလား (နာပါတယ်ဘုရား)။ အဲဒါကို ဒကာဒကာမတွေက အင်း … ငါ့မှာဖြစ်မှဖြစ်ရလေခြင်းလို့ လက်မောင်းနာလဲ ငါပဲ၊ ကျုပ်လက်မောင်း နာနေပြန်ပြီ၊ ကျုပ်လည်ချောင်း နာနေပြန်ပြီ၊ ကျုပ်ရင်ခေါင်း နာနေပြန်ပြီ အစရှိသည်နဲ့ ကျုပ်တို့ ငါတို့က အဲဒီ ဝေဒနာနဲ့ သွားသွားပူးတယ် (မှန်ပါ့) သဘောကျပလား … (ကျပါပြီဘုရား)။

ဘာနဲ့သွားသွားပူးသလဲ … (ကျုပ်တို့ငါတို့နဲ့ သွားသွားပူးပါတယ်ဘုရား)။

ဝေဒနာနဲ့ ကျုပ်တို့၊ ငါတို့နဲ့ သွားသွားပြီးပူးကပ်တော့ “ဝေဒနံ အတ္တတော သမနုပဿတိ” ဝေဒနံ - ဝေဒနာကို၊ အတ္တတော - ငါ,ဟူ၍၊ သမနုပဿတိ - ရှု၍နေ၏ဆိုတော့ ငါ့မှာ ဖြစ်မှဖြစ်ရလေခြင်းဆိုပြီး ဝေဒနာထဲမှာ ငါသွားရောတယ် …(မှန်ပါ့) ရှင်းကြပလား … (ရှင်းပါပြီ ဘုရား)။

ဝေဒနာထဲမှာ ငါသွားရောတယ်နော် …(မှန်ပါ့) အဲဒါမမာတဲ့ ပုဂ္ဂိုလ်မှန်လို့ရှိရင် ရောတတ်ကြပါတယ် …(မှန်ပါ့) ဝေဒနာနဲ့ ငါနဲ့ဟာ ဘယ့်နှယ်နေကြသတုံး ... (ရောတတ်ပါတယ်ဘုရား)။

အဲဒီတော့ စဉ်းစားကြည့်စမ်းပါလား၊ ငါ့ဝေဒနာလို့ ဆိုရမှာလဲ ငါကလဲတခြား၊ ဝေဒနာကလဲတခြား၊ ငါဆိုတာက ရှိတာလဲ မဟုတ်ပါဘူး … (မှန်ပါ့) ဘာဆိုင်သတုံးဗျ (မဆိုင်ပါဘုရား) မဆိုင်ပါဘူး။ အဲဒီတော့ ဝေဒနာဟာ ဝေဒနာက္ခန္ဓာပေါ့၊ ဝေဒနာက္ခန္ဓာဟာ အနိစ္စပဲ … (မှန်ပါ့)။

ဒါဖြင့် မမာတဲ့ပုဂ္ဂိုလ်ဟာ ဥာဏ်ကလေးနဲ့ သြော် … ဒီနေရာ ဝေဒနာပေါ်ပြီး ဒီနေရာမှာ ဝေဒနာပျက် တယ်၊ ဒီလိုသာ ဥာဏ်နဲ့လိုက်နေပါ၊ သဘောကျပလား … (ကျပါပြီ ဘုရား) ဝေဒနာပေါ်ရာကို ဖြစ်ပျက်လိုက် နေပါလို့ သတိပေးလိုက်တယ် … (မှန်ပါ့)။

သေသေချာချာ မှတ်ကြပါ။ ဝေဒနာကဖြင့် အနှံ့အပြားပေါ်လိမ့်မယ်။ ဘယ်က နာသတုံး၊ တစ်ကိုယ်လုံးက နာပေမယ့် ပြင်းထန်တဲ့နေရာကို ဖြစ်ပျက်ရှုပေး … (မှန်ပါ့) သဘောကျပလား (ကျပါပြီ ဘုရား)။

ဘုရားသခင်ကိုယ်တော်မြတ်ကြီးက ဖဂ္ဂုဏထေရ်ကို ဝေဒနာနဲ့ ငါနဲ့ မရောစေနဲ့ဟေ့လို့ ဘုရားက ဒီလူမမာကို ဒါပဲ ဟောနေတယ် … (မှန်ပါ့)။

အားလုံး ဒကာ ဒကာမတွေ ကျုပ်တို့အားလုံးဟာ သေမည့်ပုဂ္ဂိုလ်ချည်းပဲ … (မှန်ပါ့) သေပေမယ့် ဝေဒနာနဲ့ တွေ့ကြရဦးမယ် (မှန်ပါ့) မတွေ့မည့်ပုဂ္ဂိုလ် ဒီအထဲမှာ တစ်ယောက်မှ မပါဘူး (မပါ,ပါဘုရား) အဲဒီ မရောစေနဲ့ဆိုတဲ့ အဓိပ္ပါယ်ကလေးကို ရှင်းထားကြပါ၊ အဓိပ္ပါယ်ရှင်းထားကြပါ၊ ဝေဒနာနဲ့ ငါနဲ့ မရောစေနဲ့ … (မှန်ပါ့)။

ကိုမြရွှေ ဘာတဲ့တုံး (ဝေဒနာနဲ့ ငါနဲ့ မရောပါစေနဲ့ဘုရား) ဝေဒနာဆိုတာက ဝေဒနာက္ခန္ဓာပဲ။ ဒီအထဲ ငါသွားပြီး ရှုပ်နေတာ် … (မှန်ပါ့) သဘောကျပလား (ကျပါပြီဘုရား)။

ဝေဒနာက ဘာခန္ဓာတုံး … (ဝေဒနာက္ခန္ဓာပါဘုရား) ဝေဒနာက္ခန္ဓာဆိုတာ ဝေဒနာစေတသိက်ပဲ၊ နာမ်ဓမ္မတစ်မျိုးပဲ၊ ငါဆိုတာက ဒိဋ္ဌိဓမ္မတစ်မျိုးပဲ။ ဒိဋ္ဌိနာမ်နဲ့ ဝေဒနာနာမ်ကို သွားပြီး ရောထွေးပစ်နေကြတာ … (မှန်ပါ့)။

ပရမတ်သဘာဝကိုက တခြားစီပဲ၊ ခင်ဗျားတို့ကရောဖြစ်အောင် ရောနေတယ် … (မှန်လှပါဘုရား) မဆိုနိုင်ဘူးလား (ဆိုနိုင်ပါတယ်ဘုရား) ပရမတ် သဘာဝချင်းကတော့ ရောရဲ့လား … (မရောပါဘုရား) ခင်ဗျားတို့က ဘယ့်နှယ်တုံး (ရောနေကြပါတယ်ဘုရား)

ဒါဖြင့် ခင်ဗျားတို့က လောကွတ်ချော်လွန်းတယ် … (မှန်ပါ့)။ လောကွတ်ချော်လွန်းတယ်လို့ ဆိုထိုက် - မဆိုထိုက် (ဆိုထိုက်ပါတယ်ဘုရား)။

ဝေဒနာက ဝေဒနာစေတသိက် ဝေဒနာနာမ် ဓမ္မတစ်မျိုး၊ ငါဆိုတဲ့ ဥစ္စာ ဒိဋ္ဌိနာမ်တစ်မျိုး … (မှန်ပါ့ဘုရား)။ ဘယ်နည်းနဲ့မှ သဘာဝချင်း ရောစပ်လို့မရဘူး … (မှန်ပါ့)။

ရောမရပေမယ့် ခင်ဗျားတို့ ထုံးစံက သူများပါးစပ်မှာ လမ်းဆုံးနေတဲ့ ပုဂ္ဂိုလ်တွေ ဖြစ်နေတော့ ဒီဝေဒနာကိုပင်လျှင် ငါ့လည်ပင်းက နာလိုက်တာ၊ ငါ့ဝမ်းထဲက နာလိုက်တာ၊ ငါ့ခြေသလုံးက နာလိုက်တာ၊ အစရှိသည်နဲ့ ဝေဒနာက ခြေဖမိုးမှာပေါ်တာ ငါက ၀မ်းထဲကနေပြီး သွားရောတာပဲ … (မှန်ပါ့)၊ သဘောကျပလား … (ကျပါပြီဘုရား)။

ဝေဒနာက ခြေဖမိုးမှာ ပေါ်တယ်၊ ငါက ဘယ်နေရာသွားရောသလဲ (၀မ်းထဲသွားရောပါတယ်ဘုရား)၊ အဝေးကြီးပဲ ခင်ဗျားတို့မို့ ဆွေမျိုးတော်တတ်ပါပေတယ်၊ သဘောကျပလား … (ကျပါပြီဘုရား)။

ဝေးတာကတော့ မဝေးဘူးလား (ဝေးပါတယ်ဘုရား) ဝေဒနာက ကာယဒွါရ ကိုယ်ပေါ်မှာ ပေါ်နေတယ်၊ မနောဒွါရကနေပြီး သွားပြီးရောလိုက်တယ်၊ သွားပြီးရောလိုက်တဲ့အတွက် ငါ့မှာဖြစ်ရလေခြင်း စသည်ဖြစ်လာတယ် … (မှန်ပါ့ဘုရား)။

ဒါဖြင့် ဝေဒနာနဲ့ ငါနဲ့ ရောမိတဲ့အတွက် ဘုန်းကြီးတို့ ဒကာဒကာမတွေ၌ “ဝေဒနံ အတ္တတော သမနုဿတိ” ဆိုပြီး သေခါနီးတောင် ဒိဋ္ဌိကဖြစ်လာတတ်တယ် … (မှန်ပါ့) နာလိုက်တဲ့ဖြစ်ခြင်း … (မှန်ပါ့)။

ဒကာ ဒကာမတို့ ဘယ့်နှယ်ကြောင့် ဒိဋ္ဌိဖြစ်တာတုံးဆိုတော့ ကိုယ်ပေါ်မှာပေါ်တဲ့ ဝေဒနာကို ၀မ်းထဲက ဒိဋ္ဌိစေတသိက်ကသွားပြီး သကာလ အဲဒီ ဝေဒနာဟာ ငါပဲလို့ တစ်ခါတည်း ဒိဋ္ဌိစွဲ စွဲသွားတာနဲ့ ဦးဘတင် ကိုယ်ကျိုးနည်းတယ် … (မှန်ပါ့)။

ဝေဒနာက ခြေဖမိုးပေါ်တယ်၊ ငါက ၀မ်းထဲမှာ၊ အဲဒီ ၀မ်းထဲကနေပြီး သကာလ ခြေဖမိုးပေါ်မှာဖြစ်တဲ့ ဝေဒနာဟာ ငါပဲလို့ သူဟာ ၀မ်းထဲက ငါနဲ့ သွားပြီးရောလိုက်တယ် (မှန်ပါ့) မရောလိုက်ဘူးလား … (ရောလိုက်ပါတယ်ဘုရား)။

ရောလိုက်တဲ့အခါကျတော့ ဝေဒနာကို ငါထင်တဲ့ဝေဒနံ အတ္တတော သမနုပဿတိဆိုပြီး သကာလ ဦးဘအုန်း ဝေဒေနာဟာ ငါဖြစ်သွားတယ် … (မှန်ပါ့) ငါဖြစ်သွားတော့ ဘယ့်နှယ်ဖြစ်လာသတုံးဆိုတော့ ငါတော့ဖြင့် ဒီဝေဒနာနဲ့ သေရတော့မှာပဲ လာပြန်တာပဲ … (မှန်ပါ့)။

ဒီမှာလဲဘုရားက မရောစေနဲ့ကွ၊ မရောစေနဲ့ကွလို့ ဘုရားက ရှင်ဖဂ္ဂုဏကို ဟောတယ် … (မှန်ပါ့) ဖဂ္ဂုဏကို ဝေဒနာနဲ့ ငါနဲ့ ဘယ့်နှယ်တုံး (မရောစေနဲ့) မရောစေနဲ့ဆိုတော့ ဒကာ ဒကာမတွေ ဒိဋ္ဌိနဲ့ မရောလို့ ရှိရင်ဖြင့် မရောစေနဲ့ဆိုတာ ပြောတော့အလွယ်ကလေး … (မှန်ပါ့) မရောစေနဲ့ ဥစ္စာသည် ငါနဲ့သွားမရောနဲ့ … (မှန်ပါ့)။

အဲဒါမရောအောင် ဘယ့်နှယ်လုပ်ရမတုံးဆိုလို့ ရှိရင်ဖြင့် ဝေဒနာဟာ ဝေဒနာက္ခန္ဓာ၊ ဝေဒနာက္ခန္ဓာ သည်ကားလို့ ဆိုရင်ဖြင့် မိစ္ဆာဒိဋ္ဌိနဲ့ သွားမရောဘဲနဲ့ သမ္မာဒိဋ္ဌိနဲ့ လှည့်ပစ်လိုက်၊ ဝေဒနံ အနိစ္စတော သမနုပဿတိ၊ ဝေဒနာဟာ အနိစ္စပဲလို့ ရှုပေးလိုက်ပါ … (မှန်ပါ့) သဘောကျပလား … (ကျပါပြီဘုရား)။

ဒါဖြင့် ခုနင်တုန်းကတော့ မိစ္ဆာဒိဋ္ဌိနဲ့ သွားရောတယ်၊ အခုတော့ သမ္မာဒိဋ္ဌိနဲ့ ရှုလိုက်တယ် … (မှန်ပါ့) မိစ္ဆာဒိဋ္ဌိနဲ့ သွားရောတုန်းကတော့ အပါယ်သွားရတော့မယ်၊ အခု သမ္မာဒိဋ္ဌိနဲ့ ရောတဲ့အခါကျတော့ ဝေဒနာနောက်က မဂ်လိုက်မလာဘူးလား (လိုက်ပါတယ်ဘုရား) သမ္မာဒိဋ္ဌိ မဂ္ဂင်လိုက်တယ်၊ ခုနင်က မိစ္ဆာဒိဋ္ဌိလိုက်နေတယ် … (မှန်ပါ့)။

ဝေဒနာနဲ့ ငါနဲ့ရောတော့ (မိစ္ဆာဒိဋ္ဌိလိုက်ပါတယ်) ဝေဒနာဟာ ငါလဲမဟုတ်ပါဘူး၊ အနိစ္စပါလို့ သိလိုက်တဲ့အခါ ကျတော့ သမ္မာဒိဋ္ဌိနဲ့ သိတာမရောက်ဘူးလား … (ရောက်ပါတယ်ဘုရား)။

အဲဒီလို ဘုရားကဟောလိုက်တယ်။ ဖဂ္ဂုဏရဟန်းကလေး မမာနေတာ ဒကာ ဒကာမတို့နော် (မှန်ပါ့) မမာနေတာကို ဝေဒနာနဲ့ ငါနဲ့ မရောစေနဲပဆိုတော့ ဖြစ်ပျက်ရှုဆိုတဲ့ စကားဖြည့်စွက်မှရတယ်လို့ ဦးဘတင်တို့ မှတ်ရလိမ့်မယ် (မှန်ပါ့) ဖြစ်ပျက်မရှု တော်ပါ့မလား … (မတော်ပါဘုရား)။

ဒါဖြင့် ဝေဒနာကို အတ္တတော န သမနုပဿတိ - ဝေဒနာဟာ ငါမဟုတ်ဘူး၊ ဒီဥစ္စာ အနိစ္စသာဟုတ် တယ်၊ ဒီလို ဒကာ ဒကာမတွေက ရှုပေးလိုက်တော့ ဝေဒနာပေါ်တိုင်းပေါ်တိုင်း ဒကာ ဒကာမတွေမှာ ဘယ်လိုဖြစ်လာသတုံးဆိုလို့ရှိရင် ဝေဒနာ ပေါ်တိုင်းပေါ်တိုင်း ၀ိပဿနာမဂ်ဥာဏ် ရ,ရလာတယ် (မှန်ပါ့)၊ ဘယ်လို မဂ်ဥာဏ်ရပါလိမ့်မတုံးလို့ မေးတဲ့အခါကျတော့ ဝေဒနာက ဖြစ်ပျက်၊ ငါမဟုတ်မှန်း သိတာက မဂ် … (မှန်ပါ့)။

ဝေဒနာက … (ဖြစ်ပျက်ပါဘုရား) ငါမဟုတ်မှန်းသိတာက (မဂ်ပါဘုရား) ငါမှမဟုတ်ဘဲ အနိစ္စပဲလို့ သူသိလိုက်ပြီကိုး၊ သူသိလိုက်တော့ မဂ်မဖြစ်သွားဘူးလား … (ဖြစ်သွားပါတယ်ဘုရား)။

ဒါဖြင့် ဖဂ္ဂုဏရဟန်းကလေးကို ဝေဒနာနဲ့ ငါနဲ့ မရောစေနဲ့ဆိုတဲ့ အဓိပ္ပါယ်ရှင်းကြပလား … (ရှင်းပါပြီဘုရား)။

ဘုရားသခင်ကိုယ်တော်မြတ်ကြီးက ဟောပြီးသကာလ ဝေဒနာနဲ့ ငါနဲ့ မရောတဲ့နည်းရှုပါလို့ ပြောလိုက်တဲ့အခါကျတော့ ဝေဒနာဟာ ငါမဟုတ်ဘူး၊ အနိစ္စသာဟုတ်တယ်၊ ဝေဒနာပေါ်တိုင်း လိုက်နေတာ ပေါ့ဗျာ … (မှန်ပါ့)။

ဝေဒနာပေါ်တိုင်း လိုက်နေတဲ့အခါကျတော့ ဖဂ္ဂဏက ဘယ့်နှယ်ဖြစ်သွားသတုံးဆိုတော့ ဝေဒနာဖြစ် ပျက်တွေချည်းမြင်ရာက ဥာဏ်ရင့်သန်လွန်းမက သန်လာတော့ ဝေဒနာက ပျောက်ထွက်သွားတယ်၊ ဝေဒနာနံခယော ဘိက္ခု ဆိုတဲ့အတိုင်း ဖြစ်သွားတယ်ဆိုကြပါစို့၊ ဝေဒနာကုန်အောင် ရှုနိုင်တဲ့ ရဟန်းကလေး ဖြစ်သွားတယ် … (မှန်ပါ့)။

ဦးဘတင် ဘယ်လိုဖြစ်သွားပါလိမ့် … (ဝေဒနာကုန်အောင် ရှုနိုင်တဲ့ရဟန်း ဖြစ်သွားပါတယ်ဘုရား) ဝေဒနာကုန်တယ်ဆိုတာ ဒကာ ဒကာမတွေ စဉ်းစားကြည့်ပါလား၊ နဂိုက ဝေဒနာလို့သာဆိုတယ်၊ ကိုယ်ရှုတော့ အနိစ္စပဲတွေ့တယ် … (မှန်ပါ့) မကုန်ဘူးလား၊ ကုန်သလား … (ကုန်ပါတယ်ဘုရား)။

နဂိုက ဝေဒနာတွေနော် … (မှန်ပါ့) ရှုတဲ့ဥာဏ်နဲ့ ကြည့်လိုက်တော့ ဘာတွေ့သတုံး … (အနိစ္စပဲ တွေ့ပါတယ်ဘုရား) အဲဒီ အနိစ္စတွေချည်း တွေ့ပြီးသကာလနေတော့ ဖဂ္ဂုဏမှာ အရင်လို မျက်နှာညှိုးငယ် မနေတော့ ဝေဒနာနဲ့ ငါနဲ့တော့ ကွဲထွက်သွားပြီဆိုတာ သိနိုင်တယ် … (မှန်ပါ့)။

အရင်တုန်းကတော့ နာလိုက်တာ ပြုလိုက်တာ ဘယ်လိုနေရမန်းမသိဘူး၊ ဘယ်လိုထိုင်ရမှန်း မသိဘူး၊ ရှေ့သာတိုးနေတယ်၊ နောက်မဆုတ်ဘူးနဲ့ ဝေဒနာတစ်ခုတည်းကိုပဲ ရှေ့တိုးလိုက် နောက်ဆုတ်လိုက်ဆိုတော့ ဝေဒနာကို အတ္တဒိဋ္ဌိ ဖြစ်နေတာပေါ့ … (မှန်ပါ့)။

ဒါနဲ့ ဘုရားသခင်ကိုယ်တော်မြတ်ကြီးလဲ ကြွသွားတယ်။ အဲဒီတော့ ရှင်ဖဂ္ဂုဏက ဘယ်လိုသိလိုက် သတုံးဆိုတော့ ဝေဒနာ ကလေးသည်ကား … လို့ ဆိုလို့ရှိရင် အနိစ္စပဲ၊ ဖြစ်ပျက်ပဲလို့ သိသိနေတယ်၊ ကြာတော့ ဒီဝေဒနာကလေးတွေဟာ အနိစ္စမြင်ပါများတော့ ကုန်ထွက်သွားမယ်၊ ဝေဒနာနံ ခယောကိုးဗျ … (မှန်ပါ့)။

အနိစ္စကုန်ထွက်သွားတော့ ဒကာ ဒကာမတို့ ဝေဒနာက္ခန္ဓာကြီးလို့ ပြောထားတော့ ခန္ဓာပါ အာရုံအဖြစ်မှ ပျောက်သွားတာပေါ့ … (မှန်ပါ့)။

ခန္ဓာပျောက်သွားတော့ ဒကာ ဒကာမတို့ ဒီနေရာမှာ ခန္ဓာချုပ်ဆုံးရာကို မြင်လာတယ် … (မှန်ပါ့) မြင်လာတော့ ဝေဒနာနံ ယော ဘိက္ခု - ဝေဒနာကုန်တဲ့ရဟန်း ဖြစ်လာတယ် (မှန်ပါ့ဘုရား) ဘယ့်နှယ်ကြောင့် ကုန်ပါလိမ့်မတုံးဆိုတော့ သောဝေဒနံ ပရိညာယ။ သော၊ ထိုရဟန်းသည်။ ဝေဒနံ၊ ဝေဒနာကို။ ပရိညာယ၊ ဖြစ်တဲ့ပျက်တဲ့ သဘောသာဟု ပိုင်းခြားနိုင်၍ ဝေဒနာမဟုတ်ပါဘူး။ ဖြစ်ပျက်သဘော ပါပဲ … (မှန်ပါ့)။

ဝေဒနာကို ဖြစ်ပျက်သဘော သိသောကြောင့် ဝေဒနာ ပစ္စယာ တဏှာကော လာရဲ့လား … (မလာပါဘုရား)၊ မောဟကော … (မလာပါဘုရား) ဒိဋ္ဌိကော (မလာပါဘုရား) ဒါဖြင့် ကာမာသ၀ ဘ၀ါသ၀ ဒိဋ္ဌာသ၀ အ၀ိဇ္ဇာသ၀ဆိုတဲ့ အာသဝေါ ကုန်သွားတယ် … (မှန်ပါ့)။

သော၊ ထိုရဟန်းသည်။ ဝေဒနံ၊ ဝေဒနာကို။ ပရိညာယ၊ သြော် … ဒီဥစ္စာသည် ဖြစ်ပြီးပျက်တဲ့ သဘောမှ တစ်ပါး ဘာမှမရှိပါကလားဟု ပိုင်းခြားဆင်ခြင် သိမြင်နိုင်သောကြောင့် ဒိဋ္ဌေ၀ ဓမ္မေအနာသဝေါ … တဲ့။ ဝေဒနာပစ္စယာမဂ်သာ ဖြစ်နေတော့ ဦးဘအုန်း တဏှာဒိဋ္ဌိ လာသေးရဲ့လား (မလာပါဘုရား) အ၀ိဇ္ဇာကော … (မလာပါဘုရား)။

ဖြစ်ပျက်ကို မသိရင် အ၀ိဇ္ဇာ၊ အခုတော့ ဖြစ်ပျက်ကို သိနေတော့ ၀ိဇ္ဇာဖြစ်နေတော့ အ၀ိဇ္ဇာသ၀လဲ လာသေားရဲ့လား … (မလာပါဘုရား)။

ဒါဖြင့် ဒကာဒကာမတွေ ဒါက ဒကာဒကာမတွေ၏ ခန္ဓာဝေဒနာ ဒီကနေပြီး သကာလ ဖြစ်ပျက်တွေ ရှုနေကတည်းက မဂ္ဂင်တွေလို့ မဆိုနိုင်ဘူးလား (ဆိုနိုင်ပါတယ်ဘုရား) ဒါက ဒကာ ဒကာမတွေ၏ ခံစားတဲ့ ဝေဒနာပေါ့ဗျာ … (မှန်ပါ့) ဒီကနေ့ ရှုတာက ဘာပါလိမ့် … (မဂ္ဂင်ပါဘုရား) မဂ္ဂင်နဲ့ သိပါတယ်တဲ့ ဒကာ ဒကာမတို့ ပရိညာယ၊ ဒါဟာအဖြစ်အပျက်မှ တစ်ပါး ဘာမှမဟုတ်ပါလားလို့ ပိုင်းခြင်းပြီး သိလိုက်တဲ့အတွက် ဝေဒနာနဲ့ ဒီက ငါနဲ့ကော ရောသေးလား (မရောပါဘုရား)။

ဒါ မလာရင်တော့ နောက်က ငါလိုက်မှာပဲ … (မှန်ပါ့) ငါဆိုရင် ဒိဋ္ဌာသ၀လာပြီ … (မှန်ပါ့) မလာပေဘူးလား (လာပါတယ်ဘုရား) ဝေဒနာသည် အဖြစ်အပျက်ပါပဲ ဆိုသဖြင့် အ၀ိဇ္ဇာသ၀ကော လာသေးရဲ့လား … (မလာပါဘုရား)၊

ဒါဖြင့် နောက်ကနေပြီး အာသဝေါတရား မချုပ်ဘူးလား၊ (ချုပ်ပါတယ်ဘုရား) ဘာဖြစ်လို့ ချုပ်သတုံး၊ ဟောဒီ မဂ်ဝင်လို့ချုပ်တယ် … (မှန်ပါ) ဝေဒနာပေါ်၌ ချုပ်လို့ မဂ်ဝင်တယ်လို့ မှတ်လိုက်စမ်းပါ … (မှန်ပါ)။

မဂ်ပဲဖြစ်ပျက်သာ အစစ်ပါပဲဆိုပြီး သကာလ ဦးဘအုန်း ပိုင်ပိုင်နိုင်နိုင် သိလိုက်တာနဲ့ (မှန်ပါ့) ဝေဒနာကို ပိုင်ပိုင်နိုင်နိုင် သိတာဟာ ဒုက္ခသစ္စာသိတာပါပဲ … (မှန်ပါ)။

ဒိဋ္ဌေ၀ဓမ္မေအနာသဝေါတဲ့၊ ရှုတဲ့အချိန်မှာပဲ အာသဝေါကို မရှိဘူး။ ဒီဘက ရှိသေးရဲ့လား … (မရှိပါဘုရား) နောက်က သေသေချာချာ ကြည့်တော့ ဘာရှိသတုံး … (မရှိပါဘုရား)

ဝေဒနာပစ္စယာ တဏှာကော လာသေးရဲ့လား … (မလာပါဘုရား) တဏှာလာရင် ကာမာသ၀ဖြစ်ရမယ်၊ ဝေဒနာကို ငါစွဲရင် ဒိဋ္ဌာသ၀ဖြစ်ရမယ်၊ (မှန်ပါ့) လာသေးရဲ့လား … (မလာပါဘုရား) ဘယ်သူကလာနေသတုံး (မဂ်လာပါတယ်ဘုရား) မဂ်လာတာပဲရှိတာပဲ၊ မဂ်မလာရင်တော့ သူတို့လာရမယ် … (မှန်ပါ) သဘောကျပလား … (ကျပါပြီဘုရား) ဒါဖြင့် အာသဝေါတရားတွေ မကုန်ဘူးလား … (ကုန်ပါတယ် ဘုရား)။

ဒါနဲ့ ဖဂ္ဂုဏမထေရ်ကလဲ ဒီလိုပဲရှုနေတယ်ဆိုကြပါစို့ … (မှန်ပါ) ဝေဒနာဟာ ဖြစ်ပျက်ပဲ … ဖြစ်ပျက်ပဲ … ဖြစ်ပျက်ပဲ … ဖြစ်ပျက်ပဲလို့ ဝေဒနာပေါ်တိုင်း ဒီကနေပြီး သကာလ ပိုင်းခြားသိနေတယ်၊ ပိုင်ပိုင် နိုင်နိုင် သိနေတာပဲ … (မှန်ပါ)။

ဒါဖြင့် ဝေဒနာပေါ်တိုင်း ဖြစ်ပျက်ကို ပိုင်ပိုင်နိုင်နိုင် သိသောကြောင့် နောက်က အာသ၀ မလာရဘူး … (မှန်ပါ) ရှင်းပလား … (ရှင်းပါပြီဘုရား)။

နောက်ကဘာတုံး (အာသဝေါ မလာရပါဘုရား) အာသ၀ မလာရဘူးဆိုတော့ ဦးဘအုန်းတို့က စဉ်းစားရမယ်နော်။

ကမာသ၀ဆိုရင် လောဘနေရမယ်၊ လောဘဆိုရင် တဏှာဥပါဒါန်, ကံလာမယ် … (မှန်ပါ) မလာပေဘူးလား … (လာပါတယ်ဘုရား)။

ဒိဋ္ဌာသ၀ဆိုရင် ဒိဋ္ဌိကလဲ လောဘပဲ၊ တဏှာ, ဥပါဒါန်, ကံပဲ မလာပေဘူးလား … (လာပါတယ် ဘုရား) အ၀ိဇ္ဇာသ၀လာရင် အ၀ိဇ္ဇာသင်္ခါရ၀ိဥာဏ်ကျအောင် နောက်ဘ၀တွေ မဆက်ပေဘူးလား … (ဆက်ပါတယ်ဘုရား) ကဲ - ဒါတွေလာသေးရဲကလား … (မလာပါဘုရား) ဘယ့်နှယ်ကြောင့် မလာပါလိမ့်မတုံးဆိုတော့ ဝေဒနာပိုင်းခြားသိလို့ … (မှန်ပါ့)။

ဘယ်လိုဆိုကြပါ့မလဲ (ဝေဒနာကို ပိုင်းခြားသိလို့ပါဘုရား) ဘာနဲ့ ပိုင်းခြားသိသလဲ … (မဂ်နဲ့ ပိုင်းခြား သိပါတယ်ဘုရား) မဂ်နဲ့ ပိုင်းခြားပြီး ဝေဒနာကလေးတွေဟာ ဖြစ်ပျက်နေတယ်လို့ သိတယ်၊ အဲဒါ ပိုင်းခြင်း သိတာပဲ … (မှန်ပါ့)။

ဝေဒနာကလေးဟာ ဘယ်လိုနေပါလိမ့် … (ဖြစ်ပျက်နေပါတယ် ဘုရား) ဖြစ်ပျက်နေတယ်လို့ ဟောဒီက မဂ်က ပိုင်ပိုင်နိုင်နိုင် သိတယ် - (မှန်ပါ့ဘုရား) သဘောကျပလား (ကျပါပြီဘုရား) မဂ်က ဘယ်လို သိနေပါလိမ့် (ပိုင်ပိုင်နိုင်နိုင် သိပါတယ်ဘုရား) ပိုင်ပိုင်နိုင်နိုင် သိနေပါတယ်လို့ ဆုံးဖြတ်ချက်ချပါ … (မှန်ပါ့) ဦးဘအုန်းတို့  ဦးဇံရင်တို့ ကျေနပ်ပလား - (ကျေနပ်ပါပြီဘုရား)။

ခန္ဓာကိုထဲမှာ ဟိုကဖြစ်ပျက်နဲ့ ဒီကပိုင်ပိုင် နိုင်နိုင်သိတဲ့မဂ်နဲ့ ဦးဘတင် ဒါကလေးနှစ်ခုတည်း ရှိတော့တယ်၊ အာသ၀ ဘယ့်နှယ်နေသတုံး - (ချုပ်ပါတယ်ဘုရား)။

“သော ဝေဒနံ ပရိညာယ” သော = ထိုရဟန်းသည်၊ ဝေဒနံ၊ ဝေဒနာကို။ ပရိညာယ၊ ဖြစ်ပျက်ဟု ပိုင်ပိုင်နိုင်နိုင် သိသောကြောင့်။ ဒိဋ္ဌေ၀ဓမ္မေ၊ ယခု မျက်မှောက်ဘ၀၌ပင်လျှင်။ အနာသဝေ၊ အာသဝေါကင်း တယ်တဲ့ … (မှန်ပါ့) ဒကာ ဒကာမတို့ ကောင်းကောင်းရိပ်မိပလား (ရိပ်မိပါပြီဘုရား)။

ဒါက ရှေ့ပိုင်းမှာ သတိပေးတဲ့ တရားပဲရှိသေးတယ် ဒကာ ဒကာမတို့နော် … (မှန်ပါ့)။

အဲဒီတော့ ဝေဒနာ ပေါ်တိုင်းပေါ်တိုင်း ဖြစ်ပျက်ပဲလို့ သိနေလို့ရှိရင် နောက်က အာသ၀တွေ သေသေချာချာ ကုန်နိုင်တယ် … (မှန်ပါ့)။

အာသဝေါကုန်ရပါလို၏လို့ ဘုန်းကြီးကရှေ့က ချပေးတယ်၊ ခင်ဗျားတို့ကလဲ လိုက်ကြတယ်။ အဲဒီကတော့ ကုန်ရာ ကုန်ကြောင်းကို အကျင့်ပေးတတ်တဲ့ ဆရာနဲ့ တွေ့ရပါလို၏ ဆိုတဲ့အတိုင်း အခုလဲကုန် တာကော မသေချာဘူးလား (သေချာပါတယ်ဘုရား) ရှုသာရှု သေသေချာချာ ကုန်ပါတယ် (မှန်ပါ့ဘုရား)။

သော ဝေဒနံ ပရိညာယဆိုတဲ့အတိုင်း ဝေဒနာပေါ်၌ မဂ်နှင့်ပိုင်းခြင်း၍ သိသောကြောင့်၊ အနာသဝေါ၊ အာသဝေါကင်းတယ်ဆိုတဲ့အတိုင်း ဘာဖြစ်လို့ ကင်းပါလိမ့် ဒကာ ဒကာမတို့ (မဂ်နဲ့ ပိုင်းခြားသိလို့ပါဘုရား) မဂ်နဲ့ ဝေဒနာကို ဖြစ်ပျက်လို့ ပိုင်ပိုင်နိုင်နိုင် သိနေလို့ … (မှန်ပါ့)။

ဒီဥစ္စာ ငါလဲမဟုတ်ဘူး၊ သူလဲမဟုတ်ဘူး၊ ဖြစ်ပျက်တဲ့ အနိစ္စပဲလို့ ပိုင်ပိုင်နိုင်နိုင် သိနေသောကြောင့်၊ ဒိဋ္ဌိဝ ဓမ္မေအနာသဝေါတဲ့။ ယခု မျက်မှောက်ဘ၀၌ပင်လျှင် အာသဝေါကင်းတယ်၊ သဘောကျပလား … (ကျပါပြီဘုရား) ဒီဘက်က အာသဝေါတရား လာသေးရဲ့လား … (မလာပါဘုရား)။

ခင်ဗျားတို့ ကျုပ်တို့ ဆုတောင်းပြည့်ထားတဲ့ ခန္ဓာကိုယ်ကြီးကတော့ သေရာသွားနေတယ်၊ သွားတဲ့ အခါမှာလဲ ဝေဒနာနဲ့ တွဲလျက်ကြီး (မှန်ပါ့) သတ်မည့်ဝေဒနာနဲ့ အသတ်ခံရမည် ခန္ဓာနဲ့ဟာ တွဲလျက်ကြီး (မှန်ပါ့) မသွားဘူးလား … (သွားပါတယ်ဘုရား)။

အဲဒီတော့ ဒီဝေဒနာကို ကျုပ်တို့က ပိုင်ပိုင်နိုင်နိုင် သိရမယ် (မှန်ပါ့ဘုရား) မင်းဟာ သတ်မလို့ လာတာလား။ သို့မဟုတ် မင်းသည်ကား … လို့ ဆိုရင်ဖြင့် အနိစ္စလားလို့ ကျုပ်တို့က မေးမေး, မေးမေးပြီး သကာလ ပိုင်ပိုင်နိုင်နိုင်သိအောင်လုပ်ပါတဲ့ … (မှန်ပါ့)။

ပိုင်ပိုင်နိုင်နိုင်သိအောင် လုပ်တဲ့အခါကျတော့ သူဟာ ဖြစ်ပြီး ပျက်တဲ့အနိစ္စပဲဆိုတာ ဥာဏ်ထဲမှာ မရှင်းဘူးလား (ရှင်းပါတယ်ဘုရား)။

ဒါဖြင့် ဝေဒနာကို ပိုင်ပိုင်နိုင်နိုင် သိသောကြောင့် ဒိဋ္ဌိဝေဓမ္မေ၊ ယခုပစ္စက္ခဘ၀၌ပင်လျှင်။ အနာသဝေါ၊ အာသဝေါကင်းသည်။ ဟောတိ၊ ဖြစ်၏။ ဒီဘက်က အာသဝေါကင်းတယ် ဟောဒီမဂ်ကြောင့် (မှန်ပါ့) ဒီမဂ်သာမလာရင် ဘယ့်နှယ်နေကြပါ့မလဲ … (မကင်းပါဘုရား) ကြောက်တယ်, လန့်တယ် ဆိုရင်ဖြင့် ဒိဋ္ဌာသ၀တွေ, အ၀ိဇ္ဇာသ၀တွေ မလာပေဘူးလား (လာပါတယ်ဘုရား) ကဲ - ဒါဟာ ဘယ်လောက် အရေးကြီးလို့ပြောတယ်ဆိုတာကော ရိပ်မိကြပလား (ရိပ်မိပါပြီဘုရား)။

ဘာဖြစ်လို့ ဆရာဘုန်းကြီးကလဲ ဒီလောက်တောင် အသေစခန်းကို အကြီးအကျယ်ဖွဲ့ပြီး ဟောနေရ ပါလိမ့်မတုံးဆိုတော့ အို - ခင်ဗျားတို့ခန္ဓာကိုယ်က နားနေရင်တော့ အဟုတ်သားပေါ့ - (မှန်ပါ့) ခင်ဗျားတို့ ခန္ဓာကိုယ်က သေရာမသွားဘဲနဲ့ နားလို့ရပ်လို့ရရင်လဲ အဟုတ်သားပေါ့ - (မှန်ပါ့)။

အခုလို တရားတာနေကြတယ်ဆိုတာက တစ်ခါတလေ ဟိုစိတ်ရောက်သွား ဒီစိတ်ရောက်သွားနဲ့ တရားထဲနာချင်မှနာတာ၊ အဲဒါလဲ ကြားပေါက်ပါသေးတယ် - (မှန်ပါ့)။

သေရာသွားတာကတော့ ကြားပေါက်မရှိဘူး၊ ကြားပေါက်စိတ်လာလဲ သူက သွားနေတာပဲ - (မှန်ပါ့) သဘောကျပလား (ကျပါပြီဘုရား)။

အဲဒီတော့ တို့ ၀ဋ်သင့်နေလို့ ဒီဥစ္စာကို တို့ဆုတောင်းပြည့်တဲ့အလုပ်ကြီး နောက်ထပ်မပြည့်အောင် လုပ်မှပဲ၊ နောက်ထပ်မပြည့်စေချင်လို့ ဟောထားတာ။ ခင်ဗျားတို့က ဘ၀တိုင်း ဘ၀တိုင်း ဒီသားဒီသမီးနဲ့ မခွဲရပါလို၏ဆိုတော့ ဘ၀တိုင်း ဘ၀တိုင်း သေရာသွားရပါလို၏က ပါနေတယ် လွယ်သလား (မလွယ်ပါဘုရား) အမှားက သေးသေးလား၊ ကြီးကြီးလား (ကြီးကြီးပါဘုရား)။

ကြီးတဲ့အထဲမှာ ခင်ဗျားတို့က ဟိုဘ၀ကျတော့ ဟိုဘက်ဘ၀ သားသမီးနဲ့ မခွဲရပါလို၏ - တဲ့။ ဒီဘ၀ကျတော့ကော - (ဒီဘ၀သားသမီးနဲ့ မခွဲရပါလို၏ဘုရား)။

ဒါဖြင့် သားသမီးပေါင်းက ဘယ်လောက်များခဲ့ကြသတုံး … (မရေတွက်နိုင်ပါဘုရား) ဒါဖြင့် မခွဲနိုင် ပေါင်းကလဲ ကမ္ဘာတစ်ဝှန်းလုံးရှိတာနဲ့ မခွဲနိုင်တာ … (မှန်ပါ့)။

အားလုံးနိဗ္ဗာန်သွားမှ သွားမယ်ဆိုရင် ဘယ်တော့မှ မသွားနိုင်တော့ဘူး (မှန်ပါ့) သွားနိုင်ဖို့ရာ မြင်သေးရဲ့လား (မမြင်ပါဘုရား) ခင်ဗျားတို့ ၀ါဒဖြန့်ထားတာက နည်းနည်းနောနော ကျယ်တာမဟုတ်ပဲ … (မှန်ပါ့) သဘောကျပလား (ကျပါပြီဘုရား)။

ဒါဖြင့် ဒကာဒကာမတို့ ဒီတရား ဟောထိုက်၊ မဟောထိုက် … (ဟောထိုက်ပါတယ်ဘုရား) ချက်ချင်း အာသဝေါကင်းနိုင်တာကို ဦးဘတင် ကောင်းကောင်းကျေနပ်ပလား (ကျေနပ်ပါပြီဘုရား) ဖြစ်ပျက်မြင်လို့ ကင်းတယ်နော် (မှန်ပါဘုရား)။

ဖြစ်ပျက်မြင်လို့ရှိရင် ဒကာ ဒကာမတို့ သေသေချာချာဖြစ်ပျက်ဟာ ဒုက္ခသစ္စပဲလို့ ပိုင်ပိုင်နိုင်နိုင် သိသွားလို့ရှိရင် မဂ္ဂင်ရှစ်ပါးဟာ ဒီနေရာမှာ ပေါ်တယ်လို့ မှတ်လိုက်တာပေါ့၊ (မှန်ပါ့) ရှင်းပြီနော် … (ရှင်းပါပြီဘုရား)။

ကာယဿ ဘေဒါ … တဲ့။ ကာယဿ၊ ယခု ခန္ဓာကိုယ်၏။ ဘေဒါ၊ ပျက်သည်၏အခြားမဲ့၌။ သော၊ ထိုပုဂ္ဂိုလ်သည်။ ဓမ္မဋ္ဌော၊ နိဗ္ဗာန်၌တည်သည်။ ဟောတိ၊ ဖြစ်၏။ ဒကာ ဒကာမတို့ တစ်ခါတည်း နိဗ္ဗာန်ရောက်သွားတာပဲတဲ့ … (မှန်ပါ့)။ ဒါတွေ ခုနင်က ဒုက္ခတွေ ချုပ်ပြီးသကာလ ရောက်သွားတယ် (မှန်ပါ့) ရှင်းပလား (ရှင်းပါပြီဘုရား) အာသဝေါကုန်တာနဲ့ ဒီဘက်ကဖြစ်ပျက်ဆုံးတာနဲ့ဟာ တစ်ချက်တည်းပဲ (မှန်ပါ့)။

ဒါဖြင့် ဖဂ္ဂုဏရဟန်းဟာ သောတာပန်, သကဒါဂါမ်, အနာဂါမ်ကျအောင် သေခါနီးမှာ အလုပ်လုပ် သွားနိုင်တယ်လို့ ဦးဝတို့ မှတ်ဖို့ပဲ (မှန်ပါ့) ဒါနဲ့ မြတ်စွာဘုရားကလဲသူ့မှာ အောက်သံသရာကို ပို့တတ်တဲ့ အာသဝေါတွေလဲကုန်ပါပြီဆိုပြီး ဘုရားက ကျောင်းတော်ပြန်သွားတယ် … (မှန်ပါ့)။

ရှင်အာနန္ဒာကတော့ ကျန်နေရစ်တယ်၊ ကျန်နေရစ်တော့ သူ့ရှေ့မှာ ဖဂ္ဂုဏဆိုတဲ့ ရဟန်းကလေးက ခေါင်းကလေးတောင်ဘက်စောင်းပြီး စုတိစိတ်ကျတယ် (မှန်ပါ့) စုတိစိတ်ကျသွားတော့ ရှင်အာနန္ဒာကကြည့် တယ်၊ စက္ခုမျက်လုံးကြည့်ပြန်လဲ သူသေမျက်လုံးနဲ့ မတူဘူး၊ နားကြည့်လိုက်လဲ သူများလို ကျိုးကွေးနေ တယ် မဟုတ်ဘူး၊ လူသေနားနဲ့ မတူဘူး၊ နှာခေါင်းကြည့်လိုက်ပြန်လဲ ကျွံသွားတယ်၊ ဖောင်းလာတယ် ဒီလို မဟုတ်ဘူး၊ လူရှင်ကိုယ်အတိုင်းပဲ (မှန်ပါ့)။

ကိုယ်ကြည့်လိုက်ပြန်တော့လဲ ပျော့ပျော့ပျောင်းပျောင်းပဲ (မှန်ပါ့) သြော် - ဖဂ္ဂုဏ တယ်ထူးပါလား၊ သူများလူသေနဲ့ ကိုမတူဘူး … (မှန်ပါ့)။

ဝိညာဏ်တော့ ချုပ်သွားပြီတဲ့၊ သို့သော်လဲ မျက်လုံးကြည့်လိုက်လဲ (လူကောင်းအတိုင်း) နှာခေါင်း ကြည့်လိုက်လဲ (လူကောင်းအတိုင်းပါ) ကိုယ်ကြည့်လိုက်လဲ … (လူကောင်းအတိုင်းပါ) အကုန်လူကောင်း အတိုင်းဖြစ်နေတော့ ထူးတယ်ဆိုတော့ ရှင်အာနန္ဒာက ဘုန်းဆီသွားပြန်တယ် (မှန်ပါ့)။

ဘုရားဆီသွားပြီး လျှောက်ပြန်တယ်၊ အရှင်ဘုရား ဖဂ္ဂုဏကတော့ သေပြီဘုရာ့၊ သေပေမယ့် သူများသေပုံနဲ့ မတူဘူး၊ ခေါင်းကလဲ တောင်ဘက်စောင်းတယ်၊ စက္ခု၊ သောတ၊ ဃာန၊ ဇိဝှာ---နြေ္ဒတွေကလဲ ဘာမှမညှိုးဘူးဘုရားလို့ လျှောက်တော့ ဘုရားက အာနန္ဒာ, သေခါနီးမှာ ဝေဒနာနုပဿနာရှု ပြီးဝေဒနာကို ပိုင်ပိုင်နိုင်နိုင်သိလို့ အောက်သံသရာ သွားတတ်တဲ့ အာသဝေါ ကုန်ပြီးသေတဲ့ အနာဂါမ်သေ တာလို့ ဖြေလိုက်တယ် (မှန်ပါ့) ရိပ်မိပလား (ရိပ်မိပါပြီဘုရား)။

အနာဂါမ်ဖြစ်သွားတာတဲ့ (မှန်ပါ့) ဒါဟာ သေခါနီးမှ ဖြစ်တာ (မှန်ပါ့) အနာဂါမ်ဆိုတော့ ဒကာ ဒကာမတွေ စိတ်ချရပြီမဟုတ်လား … (မှန်ပါ့)။

အနာဂါမ်ဆိုတာ ကာမတစ်ဆယ့်တစ်ဘုံဆိုတဲ့ ဒီလူပြည်တို့ နတ်ပြည်တို့ကို လုံးဝမလာတော့ဘူး။ ဗြဟ္မာ့ပြည်ကနေပြီး နိဗ္ဗာန်ကူးတော့မှာပဲ - (မှန်ပါ့) ရှင်းပလား (ရှင်းပါပြီဘုရား)။

သူဘယ်လိုလုပ်သွားပါလိမ့်၊ ဝေဒနာကို ပိုင်ပိုင်နိုင်နိုင် သိသွားလို့ (မှန်ပါ့) အနိစ္စလို့ ပိုင်ပိုင်နိုင်နိုင် သိသွားတဲ့အတွက် ဒကာ ဒကာမတို့ မသေခင်ပဲ အောက်သံသရာလည်စေတဲ့ အာသဝေါကုန်တယ်၊ သေတော့ သူများပုံစံနဲ့ တူသေးရဲ့လား (မတူပါဘုရား)။

အဲဒါ ဖဂ္ဂုဏ၀တ္ထု အင်္ဂုတ္တိုရ်မှာလာတယ်၊ ဒကာ ဒကာမတို့ ဘုရားကိုယ်တော်တိုင် ဟောတာပါပဲနော် (မှန်ပါ့)။

မိုးကုတ်ဆရာတော်ဘုရားကြီး၏ တိတ္ထိအမေးပုစ္ဆာ လေးချက် (၃) ရှင်အနုရာဓမထေရ်

သတိပဋ္ဌာန်လေးပါးဟာ
စရိုက်လိုက်ပြီး ထားရတယ်ဆိုပြီး သကာလ ဘုရားသခင် ကိုယ်တော်မြတ်ကြီးက ဟောတယ်နော် … (မှန်ပါ) သတိပဋ္ဌာန် လေးပါးထားရတာ ဘယ်လိုကြောင့် လေးပါးဖြစ်လာပါလိမ့် … (စရိုက်မတူလို့ပါဘုရား) စရိုက်၊ သြော် - စရိုက်က အမျိုးမျိုးရှိတယ်လို့ ကိုစံလှ၊ ကိုစောမောင် မှတ်ထားရမယ် … (မှန်ပါ)။

တစ်ချို့က ရာဂစရိုက် လောဘအားကြီးတယ်၊ တစ်ချို့တော့လည်း ဒေါသစရိုက်အားကြီးတယ်၊ တစ်ချို့က မောဟစရိုက်ရှိတယ်၊ စရိုက်သုံးပါး မနေဘူးလား … (နေပါတယ်ဘုရား) တစ်ချို့က သဒ္ဓါစရိုက် ရှိတယ်၊ တစ်ချို့က ၀ိတက်စရိုက်ရှိတယ်၊ တစ်ချို့က ပညာစရိုက်ရှိတယ်၊ စရိုက်ခြောက်ပါးမှတ်မိကြပလား … (မှတ်မိပါတယ်ဘုရား)။

လောဘ စရိုက်၊ ဒေါသ စရိုက်၊ မောဟ စရိုက်၊ ဒါက လူတိုင်းသိပြီးသား၊ သဒ္ဓါစရိုက်ဆိုတာက သဒ္ဓါ တရားလွန်ကဲနေတာဘဲ၊ သူဟာ ပညာမပါဘူး၊ ဒီလိုကောမရှိဘူးလား … (ရှိပါတယ်ဘုရား) ဘုရားချည်းဘဲ ကြည်ညိုနေတာဘဲ တစ်ခါတည်း လူမြင်ရလို့ရှိရင်လည်း တစ်ခါတည်း သက်ကြီးဝါကြီးလည်း ကြည်ညိုနေ တာဘဲ … (မှန်ပါ) သဒ္ဓါစရိုက်သာအားကြီးနေတာပဲ ပညာကမပါဘူး … (မှန်ပါ)။

ဒီလိုလည်းရှိသေးတယ် … (မှန်ပါ) ၀ိတက်စရိုက်ဆိုတဲ့ ဥစ္စာလည်း ကိုစောမောင်ရေ သူတွေ့လိုက် လို့ရှိရင် ကြံဖန်နေတာနဲ့ဘဲ ပြီးသွားတာပဲ၊ ပွားရတယ် ရှုရတယ်မရှိဘူး … (မှန်ပါ) ဒီလိုဝိတက် စရိုက်လည်း မရှိဘူးလား … (ရှိပါတယ်ဘုရား) ပညာစရိုက်ဆိုတာကတော့ ထိုးထိုးထွင်းထွင်း သူကလာတယ်၊ သဘော ကျပလား … (ကျပါတယ်ဘုရား) အဲတော့ စရိုက်က ခြောက်ပါးရှိတယ်။

စရိုက်ခြောက်ပါးရှိတော့ လောဘစရိုက်ရှိတဲ့ပုဂ္ဂိုလ်မှာ ဝေဒနာနုပဿနာရှု … (မှန်ပါ) ရှင်းပလား … (ရှင်းပါပြီဘုရား) လောဘစရိုက်ရှိတဲ့ပုဂ္ဂိုလ် … (ဝေဒနာနုပဿနာရှုရပါမယ်ဘုရား) သြော် ဘယ့်နှယ်ကြောင့် ပါလိမ့် မတုံးဆိုတော့ ဝေဒနာနိရောဓော ဖြစ်မှ တဏှာနိရောဓောဖြစ်မှာကိုး … (မှန်ပါဘုရား) ကိုစောမောင် ဝေဒနာနိရောဓောဖြစ်မှ … (တဏှာနိရောဓော ဖြစ်မှာပါဘုရား)။

သူ့ကို ဝေဒနာကမ္မဋ္ဌာန်းပေးပါ … (မှန်ပါ) ဒကာ ဒကာမဘို့ ဘာပေးကြမတုံး … (ဝေဒနာကမ္မဋ္ဌာန်း ပေးရမှာပါဘုရား) ရှင်းပြီနော် … (မှန်ပါ) ဦးဘရှင်းဒီလိုမှတည့်အောင် မပေးလို့ရှိရင်လည်း ဒီပုဂ္ဂိုလ်ဟာ လွဲနေမှာဘဲ … (မှန်ပါ) လွဲနေလို့ရှိရင်ဖြင့် ဦးဘကလေးတို့က စဉ်းစားတာပေါ့၊ သြော် အချိန်ကြာသလောက် ခရီးမပေါက်ဘူး၊ မဆိုထိုက်ဘူးလား … (ဆိုထိုက်ပါတယ်ဘုရား)။

ကိုစောမောင် ရှင်သာရိပုတ္တရာတောင် အချိန်လွဲပါတယ်ဆိုတာ ပြောထားပေါ့၊ ကိုစံလှရိပ်မိပလား … (ရိပ်မိပါဘုရား) ဒေါသစရိုက် ရှိတာတဲ့ ပုဂ္ဂိုလ်ကျလို့ရှိရင် ပညာနဲ့ နီးပါတယ်နော် … (မှန်ပါ) ဒေါသစရိုက်ရှိ နေတဲ့ ပုဂ္ဂိုလ်ပညာနဲ့ နီးပါတယ်ဆိုလို့ရှိရင်ဖြင့် ဒကာ ဒကာမတို့ ဓမ္မာနုပဿနာ ဒုက္ခသစ္စာပေး … (မှန်ပါ) ရှင်းပလား … (ရှင်းပါတယ်ဘုရား) မောဟစရိုက်ရှိတဲ့ ပုဂ္ဂိုလ် ကိုစောမောင်မလာဘူးလား … (လာပါတယ် ဘုရား)။

မောဟစရိုက်ရှိတဲ့ ပုဂ္ဂိုလ်ကျတော့ အင်မတန် ဥာဏ်မလေးပေဘူးလား၊ အဲဒီ ပုဂ္ဂိုလ်ကျတော့ ခုနင် ကလေးလေးဖြစ်တဲ့၊ အဖြစ်ကလည်း နှေး အပျက်ကလည်း နှေးနဲ့၊ ရုပ်တရားများကို ပေးရမယ်ဆိုတော့ သူ့စရိုက်နဲ့သူ မလျော်ရင်တော်ပါ့မလား … (မတော်ပါဘုရား) ၀ိတက်စရိုက်ရှိတဲ့ ပုဂ္ဂိုလ်ကျလို့ရှိရင်လည်း ၀ိဘက်က တောင်ပြေး မြောက်ပြေးနဲ့ သြော် ဒါဖြင့် အာနပါနပေးမှ ကိုက်မှာပေါ့ … (မှန်ပါ)။

မပြေးတဲ့တရား အာနာပါနဆိုတော့ စိတ်ကပြေးခွင့်ရသေးရဲ့လား … (မရပါဘုရား) ဒီလိုပေးရတယ် ဆိုတာ ပေါ်ကြပလား ... (ပေါ်ပါဘုရား) ပညာစရိုက်ရှိတဲ့ ပုဂ္ဂိုလ်မျိုးကျတော့လည်း သစ္စာပေးပါ … (မှန်ပါ) သစ္စာကမ္မဋ္ဌာန်းသာပေးလိုက်၊ ခဏလေးနဲ့ရတယ်၊ သဘောပါကြပလား … (ပါ ပါတယ်ဘုရား) ကောင်းပြီ ဒါဖြင့် ဒကာ ဒကာမတို့ စရိုက်နဲ့လျှော်တာကို ဘုန်းကြီးကတော့ ရှင်းပြပေးနေတယ်၊ (မှန်ပါ့)။

ဒကာ ဒကာမတွေဟာ အလုံးစုံပဲ အပါယ်လေးပါး တံခါးပိတ်ပြီး သကာလ သုဂတိ ဒုက္ခတွေတောင် မှ သူ့မတွေ့စေလိုဘူး၊ ခန္ဓာဇာတ်သိမ်းငြိမ်းတဲ့ နိဗ္ဗာန်ကိုသာ ရောက်စေချင်တော့ ဒီထဲစရိုက်ကလည်း အမျိုးမျိုးရှိတယ်၊ မရှိပေဘူးလား … (ရှိပါတယ်ဘုရား) အဲတော့ ကိုယ့်စရိုက်နဲ့ကိုယ် ကြိုက်ပြီးသကာလ ကိုယ်၊ တော်တဲ့ ကမ္မဋ္ဌာန်း ကိုယ်ယူပါဆိုတာကို ဒီကနေ့ ဝေဖန်ပေးနေတယ် … (မှန်ပါ)။

ဘယ်လိုယူကြမတုံး … (ကိုယ့်စရိုက်နဲ့တော်တာ ယူရမှာပါဘုရား) ကိုယ်နဲ့တော်တဲ့ ကမ္မဋ္ဌာန်း ကိုယ်ယူပါ၊ သဘောကျပလား … (ကျပါတယ်ဘုရား) သို့သော် ဘယ်လိုပင် ဒီဘာတွေက ဘယ်လိုပင် ထူးခြားသော်လည်း နောက်ဆုံးပိတ် အနိစ္စာ ၀တသင်္ခါရာမလွတ်စေနဲ့ (မှန်ပါ) နောက်ဆုံးပိတ်ကျတော့ ဖြစ်တဲ့တရား ပျက်တတ်သည်။

ဝေဒနာရှုတဲ့ပုဂ္ဂိုလ်ကလည်း အင်း သူသည် လောဘစရိုက်ရှိတဲ့ ပုဂ္ဂိုလ် ဘာဖြစ်ဖြစ် လိုချင် ရချင်တဲ့ ပုဂ္ဂိုလ် ဝေဒနာက စရှုရမယ် … (မှန်ပါ) သို့သော် တွေ့တော့ ဖြစ် ပျက်ကို တွေ့ရမယ်၊ ဖြစ်ပျက်တွေ့ရင် ကိုမြင့် ပြီးတယ်။ နောက်ဆုံးမှာတော့ ဖြစ်ပျက်မှာ လမ်းဆုံးတယ်လို့မှတ်ရမယ်၊ နောက်ဆုံးပိတ် တစ်နေ့ကျ တော့ (ဖြစ်ပျက်မှာလမ်းဆုံးပါတယ်ဘုရား)။

ရှင်းပြီနော် … (ရှင်းပါဘုရား) ကောင်းပြီ ဒါဖြင့် အားလုံး ဒကာ ဒကာမတွေ စရိုက်မသိဘဲနဲ့ ကမ္မဋ္ဌာန်းကို ဆရာကပေးပေး တပည့်ကပဲနေရာမကျလို့ပဲ အယူလွဲလွဲ၊ ကြာလိမ့်မယ်ဆိုတာ မှတ်ရမယ် … (မှန်ပါ) ဒကာကြီးလှိုင် ကြာလိမ့်မယ်နော် … (မှန်ပါ) ကြာလိမ့်မယ်ဆိုတာ သေချာပလား … (သေချာပါ ဘုရား) သေသေချာချာ သိထားတော့မှ …။

သြော် ကမ္မဋ္ဌာန်းဆရာလုပ်ဖို့လည်း မလွယ်ပါလား … (မှန်ပါ) ကိုစောမောင် လွယ်ပါ့မလား … (မလွယ်ပါဘရား) မလွယ်ဘူးတဲ့၊ တစ်ချို့နေရာမှာများ ကိုစောမောင်တို့ ဒီနေရာလာလို့ရှိရင် ရှူရှိုက်မှုပဲ လုပ်ဟေ့ဆိုတော့ သူဟာစရိုက်ရွေးသေးရဲ့လား … (မရွေးပါဘုရား) မရွေးတော့ သူဘာဖြစ်မတုံးလို့ မေးတဲ့ အခါကျတော့ သူက ၀ိတက်စရိုက်ရှိတဲ့ ပုဂ္ဂိုလ်မှပေးရမှာ … (မှန်ပါ) ၀ိတက်က တောင်ကြံ၊ မြောက်ကြံ အကြံအစည်များတယ် (မှန်ပါ့)။

အကြံအစည်များတဲ့ပုဂ္ဂိုလ်ကျ စိတ်က တောင်ရောက် မြောက်ရောက် ဒီလိုပုဂ္ဂိုလ်မှ အာနာပါနပေးရ မဲ့ ဥစ္စာကို အင်း သူက ၀ိတက်စရိုက်ရှိတဲ့ ပုဂ္ဂိုလ်လည်းဒါပေး လောဘစရိုက်ရှိတဲ့ ပုဂ္ဂိုလ်လည်း ဒါပေး ဒေါသ စရိုက်ရှိတဲ့ ပုဂ္ဂိုလ်လည်း ဒါပေး ဆိုလို့ရှိရင် ကိုစောမောင် ရပါ့မလား … (မရပါဘုရား) မရနိုင်ဘူးဆိုတာ သေချာပလား … (သေချာပါပြီဘုရား) ဒါဖြင့် တောင်ဝှေးဆွလြည်း အရေးမကြီးဘူးလား … (ကြီးပါတယ် ဘုရား)။

နောက်လိုက်ကော … (အရေးကြီးပါဘုရား) နောက်လိုက်ကတော့ ဒီတရားမျိုးကို နာရမှ ရွေးတတ် တယ်၊ တောင်ဝှေးဆွဲကလည်း ဒီပုဂ္ဂိုလ်တွေရဲ့ စရိုက်ဘက်မှ ဖမ်းတတ်မှ ကိုစောမောင် နေရာကျတယ် … (မှန်ပါ) လောဘစရိုက်ရှိတဲ့ ပုဂ္ဂိုလ်များသွားတဲ့အခါ ကျလို့ရှိရင်ဖြင့် ကိုစောမောင် ခြေထောက်ဟာ စမ်းသပ် ပြီး နူးနူးညံ့ညံ့သွားလေ့ နင်းလေ့ရှိတယ် … (မှန်ပါ) လောဘစရိုက်ရှိတဲ့ ပုဂ္ဂိုလ် … ။ မကြွချင် ကြွချင်ပေါ့ဗျာ … (မှန်ပါ) ခပ်နှေးနှေးနဲ့ ခပ်ဖြေးဖြေး ဒီလိုသွားလေ့လာလေ့ရှိတယ်၊ သူ့အိပ်ယာ နေရာသွားကြည့်လို့ ရှိရင်ဖြင့် နူးနူးညံ့ သန့်သန့်ရှင်းရှင်း လုပ်ထားလေ့ရှိတယ်၊ ဒါ သူ့ ၀ါသနာအတိုင်းလာတယ် … (မှန်ပါ) ဒါကျ တော့ သူ့ကို ဝေဒနာ နုပဿနာပေးလိုက်ရင် မတည့်ပေဘူးလား … (တည့်ပါတယ်ဘုရား)။

ဒေါသစရိုက်ရှိတဲ့ပုဂ္ဂိုလ် သူ့အိမ်သွားကြည့်လိုက်ရင် …။ သူ့အခန်း သွားကြည့်လိုက်ရင် ရှုပ်ပွေလိမ် နေတာဘဲ၊ ဘယ်တော့မှ မလှည်းမကျင်းဘူး၊ ကိုစောမောင် ဖြစ်သလိုနေတတ်တဲ့ ပုဂ္ဂိုလ်ကျတော့ ဘာစရိုက် ဆိုကြမယ် … (ဒေါသစရိုက်ရှိတဲ့ပုဂ္ဂိုလ် ပါဘုရား) အဲဒါတွေ ကျလာလို့ရှိရင်ဖြင့် သြော် ဒေါသစရိုက်ရှိပါလား ဒေါသစရိုက်ရှိတဲ့ ပုဂ္ဂိုလ်ဖြင့်လည်း ဘယ်ကမ္မဋ္ဌာန်းပေးရမှာတုံး ဆိုတာ ဆရာက မရွေးချယ်ရဘူးလား … (ရွေးချယ်ရပါဘုရား)။

လမ်းသွားတဲ့အခါကျလို့ရှိရင် ဒေါသစရိုက်ရှိတဲ့ ပုဂ္ဂိုလ်ကို အကဲခပ်ချင်ရင် သူ့ခြေရာ သွားကြည့် လိုက်ရင် သိမယ်၊ သူ့ခြေရာက နဂိုက မသွားခင်က ရောက်ချင်နေတယ်၊ ဒေါသစရိုက်သမားက၊ ဘာပါလိမ့် … (မသွားခင်က ရောက်ချင်ပါတယ်ဘုရား) မသွားချင်က ရောက်ချင်နေတော့ သူ့ခြေရာ သွားကြည့်လိုက် လို့ရှိရင် ကိုစောမောင် သူက ရှေ့ကုတ်ကုတ်ပြီး မြေကြီးပေါ်မှာ သွားလေ့ရှိတယ် … (မှန်ပါ)။

သူဖိနပ်ကို သွားကြည့်လိုက်လို့ရှိရင်လဲ ဒီရှေ့ပိုင်းက ခြေမတို့ ခြေသူကြွယ်တို့ အစရှိသည်တို့က ကိုစောမောင် အဲဒီနေရာက ဖိနပ်ကခွက်နေတယ် … (မှန်ပါ) ကတ္တီပါဖိနပ်ဆို အဲဒီနေရာကစပြတ်တယ် ရိပ်မိပလား … (ရိပ်မိပါပြီဘုရား) ဒါ ဒေါသစရိုက်သမား မောဟစရိုက်သမား သွားကြည့်လို့ရှိရင် ခြေလှမ်းမဖြောင့်ဘူးတဲ့ … (မှန်ပါ) တောင်နင်းလိုက် မြောက်နင်းလိုက် ဒီလိုသွားတယ် ဖြောင့်ဖြောင့်ကို မသွားဘူး၊ သူကတွေဝေပြီး သွားတာပဲ၊ ရိပ်မိပလား … (ရိပ်မိပါဘုရား)။

အဲဒီလို ဆရာသမားက စရိုက်တွေကို အကုန်သိပြီးမှ ကိုစောမောင်ရ ဒီဥစ္စာ ကမ္မဋ္ဌာန်းပေးလို့ရတယ် … (မှန်ပါ) နို့မို့လို့ရှိရင် ရပါ့မလား … (မရပါဘုရား) ဒါဖြင့် ဦးဘရှင်း ရမ်းလုပ်နေတဲ့နေရာ ဆိုလို့ရှိရင်ဖြင့် ကြိုးသာကုန် မောင်ပုံ စောင်းမတတ်ဆိုတဲ့ အဓိပ္ပါယ်မျိုးရောက်မှာပဲ၊ မရောက်ပေဘူးလား … (ရောက်ပါတယ်ဘုရား) ဒါကြောင့် ကိုစံလှ ကဲ ဆရာသည် အရေးကြီးတယ်။

မကြီးပေဘူးလား … (ကြီးပါတယ်ဘုရား) ဒါကြောင့် ရှင်အာနန္ဒာကို ပြောတာပေါ့ဘုရား၊ ဘုရားသခင်ကိုယ်တော်မြတ်ကြီးက ညီတော်အာနန္ဒာ ဆရာသမားများ ဘယ်လောက်အရေးကြီးသတုံးကွ၊ ဆရာသမားကြောင့် ဘုရားနိဗ္ဗာန်ရောက်တဲ့ နေရာမှာ ထက်ဝက်ပဲ သူ့တာဝန်ပေါ့ဘုရား၊ တယ်ဖျင်းပါလား၊ မင်းက သာဝကကိုးကွ သာဝကဥာဏ်လေးလောက်နဲ့ပြောနေတာ၊ မဟုတ်ဘူးကွ၊ သူ့တာဝန်လုံးလုံး၊ ရှင်းပလား … (ရှင်းပါဘုရား)။

သူအမှီကောင်းမှ ရမယ်တဲ့၊ သူအမှီမကောင်းလို့ရှိရင် ကိုစောမောင် … (မရပါဘုရား) ပေါ်ပလား … (ပေါ်ပါဘုရား) ဒါဖြင့် ဒကာ ဒကာမတို့ တရားနာရ၊ တရားတောင်းရ၊ ကိုယ်အလိုရလို့ အရွယ်ကြီးမှ နိဗ္ဗာန် ရောက်ကြောင်း ရှာကြပြန်တော့လည်း ဒီဆရာမှားနဲ့တွေ့မှာ စရိုက်အကဲခတ်တတ်ဘဲနဲ့ ပေးနေတဲ့ ကမ္မဋ္ဌာန်း တိုက်တွေနဲ့ တွေ့မှာလည်း စိုးရိမ်ရတယ်၊ မစိုးရိမ်ရဘူးလား … (စိုးရိမ်ရပါတယ်ဘုရား)။

အဲဒါ ယနေ့တော့ဖြင့် ရှင်းရှင်းလင်းလင်းပြောတယ်ဆိုတော့ သြော် တော်တော်အရေးကြီးပါလား ဆိုတာ ပါလာတယ်၊ မပါဘူးလား … (ပါ ပါတယ်ဘုရား) ကြည့် အရှင်အနုရုဒ္ဓါဆိုတာ အဘိညာဉ်နေရာမှာ ဆိုရင်ဖြင့် ဧတဒဂ်ရ အဘိညာဉ်ဆိုတာ ကိုစောမောင် သေရင် ဘယ်သွားတယ်ဆိုတာ ချက်ချင်းသိတယ်၊ အဲဒီ ကိုယ်တော်ကြီးဟာ သောတာပန် သကဒါဂါမ် တည်ပြီး အနာဂါမ် ရဟန္တာမဖြစ်ဘဲ ဖြစ်နေတယ်။

ဘာကြောင့် မဖြစ်တာတုံးဆိုတော့ သူ့မှာတဲ့ ဒကာ ဒကာမတို့ မာနခံနေတယ်၊ သြော် ငါလိုကြည့် နိုင်တဲ့ ပုဂ္ဂိုလ်ရှားပါလိမ့်မယ်ဆိုတဲ့ အဓိပ္ပါယ်နဲ့ မာနခံနေတယ်၊ သဘောကျပလား … (ကျပါဘုရား) အဲဒီတော့ ရှင်သာရိပုတ္တရာကြီး သွားကပ်ရတယ်လို့ အင်္ဂုတ္ထိုရ် ပါဠိတော်မှာလာတယ်၊ ရှင်သာရိပုတ္တရာက မင်းဟာကွာတဲ့၊ အထက်မဂ်ဖိုလ်တွေရမယ့်ဥစ္စာ၊ ဒီဟာမှ မသတ်ဘဲကိုးဆိုတော့ ကိုစောမောင် သူဟာ သူ့စရိုက်ရှုမိတဲ့ အခါကျတော့မှ …။

မာနစရိုက်ရှိနေတဲ့ပုဂ္ဂိုလ် မာနဆိုတာက ဒေါသကလာတာကို … (မှန်ပါ) ပညာထက်လွန်းလို့လည်း အဲဒီဘက် ကူးသွားတတ်တယ်၊ သဘောကျပလား … (ကျပါဘုရား) အဲဒါကြောင့် သူပညာစရိုက်လည်း ရှိတယ်၊ ဒါကြောင့် မာနဘက် ထိုးသွင်းပြီး သကာလ ပညာရှိတဲ့ ပုဂ္ဂိုလ်က မာနကို ရှိတတ်တယ် ကိုစောမောင်ရ … (မှန်ပါ)။

အဲဒါကြောင့် မာနက နောက်ကလိုက်တော့ အထက်မဂ် အထက်ဖိုလ်တက်လို့ မရဘူး … (မှန်ပါ) ရရဲ့လား … (မရပါဘုရား) အနုရုဒ္ဓါ မင်းသည်ကားဆိုလို့ရှိရင် မာနကြပ်ကြပ် ရူစမ်းကွ ဆိုတဲ့အခါကျတော့မှ မာနခံနေလို့ အထက်မဂ်မရတာ မာနဖြစ်ပျက်ရှုမှ ကိုစောမောင် တက်သွားတယ် … (မှန်ပါ) မလိုဘူးလား ဗျာ … (လိုပါတယ်ဘုရား) ရှင်သာရိပုတ္တရာကြီးက အကဲခတ်ပြီး တည့်ပေးသွားတယ်လို့ မဆိုနိုင်ဘူးလား … (ဆိုနိုင်ပါတယ်ဘုရား)။

အေး ပညာစရိုက်က သူကအားကြီးလို့ သူသည်ကားလို့ ဆိုလို့ရှိရင်ဖြင့် ပညာလွန်ပြီးသကာလ နေတော့ ကွေ့ကောက်နေတယ်ဆိုတဲ့ အဓိပ္ပါယ် သိတော့မှ မာနကြောင့် ကွေ့ကောက်နေတယ်ဆိုတာ သိတော့ မာနဖြစ်ပျက်ရှုခိုင်းပစ်ရတယ် … (မှန်ပါ) ဒီတော့မှ တက်သွားတယ်ဆိုတာ ရှင်းကြပလား … (ရှင်းပါပြီဘုရား) ကောင်းပြီ ဒါဖြင့် ဘုန်းကြီးတို့ ဒကာ ဒကာမတွေ ဒီနေ့ စရိုက်ရှင်းတမ်းကို တော်တော်လေး ပြောပြီးပါပြီ။

တော်တော်လေး ပြောပြီးတော့ သတိပဋ္ဌာန်လေးပါး ဘယ့်နှယ်ကြောင့် ပြားရသတုံးဆိုတော့ စရိုက်ပြားလို့ ပြားရတယ် … (မှန်ပါ) ကိုစောမောင် ပေါ်ပြီ … (ပေါ်ပါပြီဘုရား) သတိပဋ္ဌာန်တစ်ပါးတည်း ဟောပါတော့လားလို့ မေးတဲ့အခါကျတော့ ဖြေတတ်ကြပလား … (ဖြေတတ်ပါပြီဘုရား) ဘယ်လိုဖြေကြ မယ် … (စရိုက်ပြားလို့ပါဘုရား) စရိုက်များလို့ ပြားရသည် ဦးဘရှင်းတို့ ကျေနပ်ပလား … (ကျေနပ်ပါပြီ ဘုရား) စရိုက်များလို့ … (ပြားရပါတယ်)။

အဲဒါ စရိုက်များလို့ ပြားရသည်ဆိုတော့ ခင်ဗျားတို့ အင်မတန် ရွေးချယ်ဘို့ အရေးကြီးလာပြီဆိုတာ ပေါ်လာတယ် ကိုစံလှ မပေါ်သေးဘူးလား … (ပေါ်ပါတယ်ဘုရား) ရမ်းပေးတဲ့ ဆရာနဲ့ဆို ဘယ်လိုဆိုကြမယ် … (မရပါဘူးဘုရား) မရပေဘူးလေဗျာ … (မှန်ပါ) ရှင်းပြီလား … (ရှင်းပါပြီဘုရား)။

ကောင်းပြီ ဒါဖြင့် ဒကာ ဒကာမတို့ ဥာဏ်နုံ့တဲ့ပုဂ္ဂိုလ်မှာ ဒကာ ဒကာမတို့ ဥာဏ်ကတော့ ပါတော့ ပါရမှာပေါ့ နုံ့တဲ့ပုဂ္ဂိုလ်မှာ ထင်ထင်ရှားရှား ဖြစ်တဲ့ရုပ်ကို လေးလေးကန်ကန် ဖြစ်တဲ့ရုပ်ကို ရှုရမယ်၊ သဘောကျပလား … (ကျပါတယ်ဘုရား) ဥာဏ်နုံ့တဲ့ ပုဂ္ဂိုလ်ဟာ … (ရုပ်ကို ရှုရပါမယ် ဘုရား) ဒါဖြင့် ကာယာနုပဿနာရှု၊ သဘောကျပလား … (ကျပါတယ်ဘုရား) ဥာဏ်ကတော့ ထက်ပါတယ်တဲ့ တဏှာက များနေတဲ့ ပုဂ္ဂိုလ်ကျလို့ရှိရင် ဝေဒနာ နုပဿနာရှု … (မှန်ပါ့ဘုရား) သဘောကျပလား … (ကျပါပြီဘုရား)။

ဥာဏ်ကထက်တယ် မာနများနေတဲ့ ပုဂ္ဂိုလ်ကျတော့ ဓမ္မာ နုပဿနာရှု၊ သဘောကျရဲ့လား … (ကျပါတယ်ဘုရား) ဥာဏ်ထက်ထက်နဲ့ ဒိဋ္ဌိများတဲ့ ပုဂ္ဂိုလ်ကျတော့ စိတ္တာနုပဿနာပေး ပေါ်ပလား … (ပေါ်ပါပြီဘုးရား) ကဲ … ကိုစောမောင် ရွေးလာတော့ ခက်မလာဘူးလား … (ခက်ပါတယ်ဘုရား) ဒီလိုမရွေး ဘဲနဲ့ဆိုနောက်က ဒကာ ဒကာမတွေ သိတဲ့အတိုင်းပဲတဲ့ ကြိုးသာကုန်မောင်ပုံ စောင်းမတတ်ဆိုတဲ့အတိုင်း ဒကာ ဒကာမတို့ ရှေးကတော့ စောင်းကြိုးက ကျစ်ကျစ်ပြီးထည့်ရတာကို ကိုစောမောင်နော်။

အခုခေတ်လို ကြေးနန်းကြိုးတွေ ဘာတွေက မဟုတ်တော့ ကြိုးတွေသာကုန်တယ် သူ့စောင်းတီး တဲ့အတတ်က တတ်ကဲ့လား … (မတတ်ပါဘုရား) အဲ ဒီလိုဖြစ်နေတယ်၊ ပေါ်ကြပလား … (ပေါ်ပါပြီဘုရား) ဒါဖြင့် ဒကာ ဒကာမတို့ အရေးကြီးကြောင်း သိပြီပေါ့ဗျာ … (မှန်ပါဘုရား) အရေးကြီးကြောင်း သိတဲ့အခါကျ တော့ တစ်ခါ ဒါက ရှေ့ဦးစွာ ကမ္မဋ္ဌာန်းကိုပြော ဆိုတာက ရှေးဦးစွာ ကမ္မဋ္ဌာန်းပြောဆိုတာပါဆိုတော့ ရှေးဦး စွာ ပေးရမယ့် ကမ္မဋ္ဌာန်းကို ပြောဆိုတာ … (မှန်ပါ)။

ဒီဟာ ဒါနဲ့ပြီးရောလားဆိုတော့ မပြီးသေးဘူးတဲ့ မနေ့ကဟာ ပြန်ဆက် ကိုစောမောင်ရေ … (မှန်ပါ) ဒီဟာတွေ ဘယ်လိုပင်ရှုနေငြားသော်လည်း ဒီအပေါ်မှာ ဒိဋ္ဌိကမပြုတ်သေးလို့ရှိရင်လည်း အလကားပဲ … (မှန်ပါ) ကာယပေါ်မှာ ဒိဋ္ဌိကမပြုတ်လို့ရှိရင် … (အလကားပါ) ဝေဒနာပေါ်မှာ ဒိဋ္ဌိကမပြုတ်ရင် … (အလကားပါ) သညာ, သင်္ခါရပေါ် ဒိဋ္ဌိမပြုတ်လို့ရှိရင် … (အလကားပါ) အဲ စိတ်ပေါ်ဒိဋ္ဌိ မပြုတ်လို့ရှိရင် … (မလကားပါ)။

အလကားပဲ၊ ၀ိပဿနာ ဘယ်လိုရှုပေမယ့် ဖြစ်ပျက်ဘယ်လို မြင်ငြားသော်လည်း ကိုစောမောင် … မရဘူး … (မှန်ပါဘုရား) ဒါနဲ့ အနုရာဓပြန်ဆက်ကြစို့၊ အနုရာဓ ဘုရားသခင်ကိုယ်တော်မြတ်ကြီးက တွေးလိုက်တယ်၊ သြော် တိတ္ထိတွေက မေးတာ သူမဖြေသင့်တာတွေ ဖြေတယ်ဆိုတာ ပြောပြီးပြီနော် … (မှန်ပါ) မဖြေပဲနေရမှာကို … (ဖြေနေတယ်)။

ဒီထက်ပိုမေးလို့ရှိရင်လဲ၊ ဖြေစရာမရှိဘူးဆိုတဲ့ ဥစ္စာသည်လည်း သူသံသယကင်းရဲ့လား … (မကင်းပါဘုရား) ဒါဖြင့် မဖြေသင့်တာဖြေတဲ့ အမှားဟာလည်း ဒိဋ္ဌိရှိလို့ … (မှန်ပါ) ၀ိစိကိစ္ဆာရှိုလိ့ … (မှန်ပါ) သဘောပါကြပလား … (ပါ ပါတယ်ဘုရား)။

မဖြေသင့်တာဖြေရင်လဲ … (ဒိဋ္ဌိဝိစိကိစ္ဆာရှိလို့ပါဘုရား) အဲဒါ စကားဦးပြောတာကိုလည်း ခင်ဗျားတို့ ဖြေသင့်တဲ့စကား မဖြေသင့်တဲ့စကားဆိုတာ နေရာတိုင်းမှာရှိသလို ဒီလောကုတ္တရာအလုပ်မှာလည်း ရှိပါတယ်ဆိုတာ ဆုံးဖြတ်ချက်ချပါ … (မှန်ပါ) သဘောပါပလား … (ပါ ပါတယ်ဘုရား)။

လောကုတ္တရာအလုပ်မှာလဲ အားထုတ်သင့် မထုတ်သင့်ဆိုတာ ဆုံးဖြတ်ချက်မချသင့်ဘူးလား … (ချသင့်ပါတယ်ဘုရား) ကောင်းပြီ … ဖြေသင့် မဖြေသင့်ကော … (ဆုံးဖြတ်ချက်ချရမှာပါဘုရား) မဖြေသင့်တာဖြေရင် ကိုယ့်မှာမပိုင်လို့သာမှတ် … (မှန်ပါဘုရား) ရှင်းပလား … (ရှင်းပါပြီဘုရား) မဖြေသင့်တာ ဖြေရင် … (ကိုယ့်မှာမပိုင်လို့ပါ)။

တစ်ခါသွား ဖြေသင့်တာ မဖြေပြန်လို့ရှိရင် ကိုယ်မပိုင်လို့မှတ် … (မှန်ပါ) ဒါဖြင့် ဒကာ ဒကာမတို့ သူများမေးတဲ့အခါ မဖြေသင့်တာ ဖြေရင်ကော … (ကိုယ်မပိုင်လို့ပါဘုရား) ရှင်းပြီနော် … (ရှင်းပါပြီဘုရား) ဖြေသင့်တာ မဖြေပြန်လို့ရှိရင် … (ကိုယ်မပိုင်သေးလို့ပါဘုရား) ဒါဖြင့် ကိုယ်မပိုင်လို့ရှိရင် ဒါ ဒိဋ္ဌိ, ၀ိစိကိစ္ဆာ ရှိနေတယ်မှတ်။

ကိုယ်မပိုင်တာတွေ ဟူသရွေ့ … (ဒိဋ္ဌိ, ၀ိစိကိစ္ဆာ ရှိတာချည်း မှတ်ရမှာပါ) ဒိဋ္ဌိ, ၀ိစိကိစ္ဆာ ရှိတာချည်း ပဲ မှတ်ဆိုတော့ ကိုစောမောင် ဒီနေ့ ဒီတစ်လုံးကို တိုးပေးလိုက်ပါတယ် … (မှန်ပါဘုရား) မဖြေသင့်တာဖြေ ရင်လည်း … (ကိုယ်မပိုင်လို့ပါ) ဘာရှိနေတုံး … (ဒိဋ္ဌိ, ၀ိစိကိစ္ဆာရှိနေပါတယ်ဘုရား) ဖြေသင့်တာ မဖြေပြန်ရင်လဲ … (ကိုယ်မပိုင်လို့ပါ) ဘာရှိနေတုံး … (ဒိဋ္ဌိ, ၀ိစိကိစ္ဆာ ရှိနေပါတယ်ဘုရား)။

သြော် ဒါဖြင့် ကိုယ်ရှင်းထားဖို့ အလုပ်သည်ကားဆိုလို့ရှိရင် ဒိဋ္ဌိ, ၀ိစိကိစ္ဆာသည် ရှေ့ပိုင်းက အလုပ်ပါလားဆိုတာ မှတ်ရမယ်။

သတိပဋ္ဌာန်စရိုက်နားလည်ရုံနဲ့ မပြီးသေးဘူး၊

ဒိဋ္ဌိဖြုတ်တဲ့ နေရာမှာလည်း ကိုစောမောင်ရေ တော်တော်အရေးကြီးသေးတယ်၊ မကြီးဘူးလား … (ကြီးပါတယ်ဘုရား) ကဲ ဒါဖြင့် ဒီလောက်ဆိုရင် ဒကာ ဒကာမတွေ သြော် ကိုယ့်စရိုက်နဲ့ကိုယ် လျှော်တဲ့ကမ္မဋ္ဌာန်း ကိုယ်ယူပြီးသကာလ ဒိဋ္ဌိအရင်ခွာမှပါလား … (မှန်ပါ) ကမ္မဋ္ဌာန်းကတော့ စရိုက်အတိုင်း ယူရမယ်၊ ယူပြီးတော့ ဘာလုပ်ရမတုံး … (ဒိဋ္ဌိခွာရပါမယ်ဘုရား) ဒိဋ္ဌိခွာရမယ်၊ ရှင်းပလား … (ရှင်းပါတယ်ဘုရား)။

ကမ္မဋ္ဌာန်းကတော့ဖြင့် စရိုက်နဲ့လျှော်တဲ့ ကမ္မဋ္ဌာန်းယူပြီး၊ ယူပြီး ဘာလုပ်မတုံး … (ဒိဋ္ဌိအရင်ခွာရပါ မယ်ဘုရား) ဒိဋ္ဌိခွာပြီးမှ ဖြစ်ပျက်ရှုရမယ်၊ ဒါ ဒီနေ့ အစီအစဉ်ပေးပြီ ဒကာ ဒကာမတို့ သတိပဋ္ဌာန်းလေးပါး ဘာနဲ့ယူရမယ် … (စရိုက်နဲ့လျှော်တာ ယူရပါမယ်ဘုရား) စရိုက်နဲ့ လျှော်တာယူပါ၊ သဘောကျပလား … (ကျပါဘုရား) ကိုစောမောင် သတိပဋ္ဌာန်လေးပါး တစ်ပါးပါးပဲ ယူရလိမ့်မယ်။

ဘာနဲ့ယူရလိမ့်မယ် … (စရိုက်နဲ့ လျှော်တာယူရပါမယ်ဘုရား) စရိုက်နဲ့လျှော်တာယူပါ၊ သဘောကျပလား … (ကျပါတယ်ဘုရား) ကိုစောမောင် ပေါ်ပလား … (ပေါ်ပါ့ဘုရား) စရိုက်လျှော်တာယူပြီး လို့ရှိရင် ဘာလုပ်ရမတုံး … (ဒိဋ္ဌိခွာရပါမယ်) လေးပါးပေါ်မှာ ဒိဋ္ဌိခွာရမယ် … (မှန်ပါ) ရုပ်ဟာလည်း ပုဂ္ဂိုလ်သတ္တ၀ါ မဟုတ်ဘူး၊ ဝေဒနာကော … (ပုဂ္ဂိုလ်သတ္တ၀ါ မဟုတ်ပါဘုရား)။

သညာသင်္ခါရကော … (ပုဂ္ဂိုလ်သတ္တ၀ါမဟုတ်ပါဘုရား) ကဲ ရှင်းပြီနော် အင်း စိတ်ဟာလည်း … (ပုဂ္ဂိုလ်သတ္တ၀ါမဟုတ်ပါဘုရား) စရိုက်နဲ့ လျှော်ပြီးသကာလ ဒကာ ဒကာမတွေက ဝေဒနာ ကြိုက်ရင် ဝေဒနာယူတယ်၊ သစ္စာကြိုက် သစ္စာယူတယ်၊ ရုပ်ကြိုက် ရုပ်ယူတယ်၊ ယူချင်တာယူပါ ကိုယ့်စရိုက်နဲ့ကိုယ် ကြိုက်တာယူလို့ ရှိရင်ဖြင့် ဒါ ကမ္မဋ္ဌာန်းပေါက်ရောက်တာပဲ။

သို့သော် ဒီလောက်တင် ဥာဏ်နဲ့ဖြတ်ပိုင်းပြီးသကာလ တော်လောက်ပြီလို့ ခင်ဗျားတို့က မယူထားပါ နဲ့ … (မှန်ပါ) သဘောကျပလား … (ကျပါပြီဘုရား) စရိုက်နဲ့ တော်တာယူပြီးနောက် ကိုစောမောင် ဘာလုပ်ရမတုံး … (ဒိဋ္ဌိခွာရပါမယ်ဘုရား) ဒိဋ္ဌိခွာပြီးသည်နောက်မှ ကိုစောမောင်ရဲ့ အနိစ္စ, ဒုက္ခ, အနတ္တ ရှုရမယ် … (မှန်ပါ) ရှင်းကြပလား … (ရှင်းပါပြီဘုရား)။

အဲတော့ ဘုရားသခင် ကိုယ်တော်မြတ်ကြီးက အနုရာဓကို တွေးလိုက်တယ်၊ သြော် …။ တိတ္ထိတွေ မေးတာ သူဖြေတာကလည်း တော်အောင်ဖြေထားတယ်၊ မပိုင်ဘဲဖြေထားလို့ သူဒိဋ္ဌိ, ၀ိစိကိစ္ဆာ မကုန်ဘူး … (မှန်ပါ) ရှင်းပလား … (ရှင်းပါပြီဘုရား) သူမပိုင်ဘဲနဲ့ ဖြေထားလို့လည်း သူဝိစိကိစ္ဆာမကုန်ဘူး၊ သို့သော်တဲ့ ငါ့ရဟန်းလေးဟာ ဘုရားကတော်တော်တော့ အားထုတ်တဲ့ရဟန်း၊ ဒါ ဘုရားကသိတယ်၊ တော်တော်တော့ ၀ိပဿနာလုပ်တဲ့ ရဟန်းပဲ၊ ပေါ်လာပြီ ၀ိပဿနာတော့ တော်တော်လုပ်တဲ့ ရဟန်းဘဲတဲ့။

ဒကာ ဒကာမတို့ ဘာလိုနေတာတုံး မပေါ်သေးဘူးလား … (ပေါ်ပါပြီဘုရား) ငါ့ရဟန်းလေးက မဖြေသင့်တာ ဖြေနေတာတော့ဖြင့် သူမှားတာ အမှန်ဘဲ၊ သို့သော်လည်း ၀ိပဿနာအလုပ်တော့ တော်တော် လုပ်တဲ့ ပုဂ္ဂိုလ်ဆိုတော့ ၀ိပဿနာရှေ့ ကျနေတယ်၊ မကျဘူးလား … (ကျပါတယ်ဘုရား) ဒိဋ္ဌိခွာမှုက … (နောက်ကျပါတယ်ဘုရား) နောက်ကျနေတယ်လို့ ဘုရားကကို ညည်းတော်မူတယ်။

ငါ့ရဟန်းလေး မဖြေသင့်တာ ဖြေနေတာတဲ့၊ အားတော့ အတော်ထုတ်တဲ့ ပုဂ္ဂိုလ်၊ ဒီစကားဟာ ခင်ဗျားတို့ စဉ်းစားကြည့်ပါ၊ ပေါ်လာပြီ … (မှန်ပါ) မပေါ်သေးဘူးလား … (ပေါ်ပါပြီဘုရား) ငါ့အနုရာဓဟာ အင်မတန် ယောဂါဝစရပုဂ္ဂိုလ်လေး ဖြစ်တယ်၊ တော်တော်တော့ ကြိုးစားတဲ့ ပုဂ္ဂိုလ်ပါပဲတဲ့၊ သို့သော် မဖြေသင့်တာ ဖြေနေတယ်လို့ ဆိုသဖြင့် ဦးဘရှင်း ဒါ ဘုရားက အပြစ်တင်လိုက်တာ … (မှန်ပါ)။

မတင်သင့်ဘူးလား … (တင်သင့်ပါတယ်ဘုရား) ဘာတင်လိုက်တုံး … (ဒိဋ္ဌိမကွာဘဲ အားထုတ်နေ တယ်တဲ့ပါဘုရား) ဒိဋ္ဌိမကွာဘဲ အားထုတ်နေတယ် … (မှန်ပါ) ရှင်းပလား … (ရှင်းပါတယ်ဘုရား) ဘယ်လိုရှင်းတုံး … (ဒိဋ္ဌိမကွာဘဲ အားထုတ်နေပါတယ်ဘုရား) သြော် သူအားထုတ်နေတာ ကြာလည်းကြာ ပြီတဲ့၊ အတော်လည်း အားထုတ်တဲ့ ပုဂ္ဂိုလ်ပဲတဲ့၊ နိဗ္ဗာန်မဂ်ဖိုလ် တကယ်လိုချင်တာဘဲတဲ့၊ သို့သော် မဖြေသင့် တာ ဖြေနေတဲ့အတွက် … သူ့မှာဖြင့် ဒိဋ္ဌိမကွာဘူး … (မှန်ပါ) ရှင်းပလား … (ရှင်းပါဘုရား)။

ဒါ ထောက်ကြည့်တော့မှ ဒါကြောင့် သူမရတာကို ဆိုတာ ကောပေါ်လာတယ် … (မှန်ပါ) မပေါ်သေးဘူးလား … (ပေါ်ပါပြီဘုရား) သူ တော်တော်အားထုတ်တဲ့ ပုဂ္ဂိုလ် ဒကာ ဒကာမတို့ ဘုရားကိုယ် တိုင်ကကို ချီးမွမ်းတယ်၊ ချီးမွမ်းပေမဲ့လို့ ချီးမွမ်း ခြေကျောက်ဆိုသလိုဘဲ ဦးဘရှင်း ဖြစ်သွားတယ်၊ ချီးမွမ်းခြေ ကျောက်ဖြစ်သွားတာ ဒကာ ဒကာမတွေ အားလုံး၊ ကိုမြင့်တို့ ရိပ်မိရောပေါ့ … (မှန်ပါ)။

ဘယ်လိုရိပ်မိတုံး … (ရှေ့နောက်အစဉ်လွဲနေပါတယ်ဘုရား) ဒါဖြင့် ဒကာ ဒကာမတွေ ရှေ့နောက် အစဉ် လွဲနေပါတယ်ဆိုတာ ဘုရားက စွဲချက်တင်လိုက်တယ်၊ ရှေ့နောက် … (အစဉ်လွဲနေပါတယ်) ရှေ့နောက် အစဉ်လွဲနေတဲ့အတွက် ဘုရားကပဲ ဒကာ ဒကာမတို့ စွဲချက်တင်လိုက်တော့ကို ဘုရားကပဲ ဆုံးဖြတ်ချက်ချပြီ၊ ငါ့ရဟန်းလေးဟာ တော်တော် အားထုတ်တဲ့ ပုဂ္ဂိုလ်ပဲ။ အနိစ္စ, ဒုက္ခ, အနတ္တတွေတော့ … (မြင်ပြီးသားပါဘုရား)။ သူ အနိစ္စ, ဒုက္ခ, အနတ္တတွေတော့ မြင်သားပဲ၊ သူမြင်တာနဲ့ ခွာပေးရမှာပဲ … (မှန်ပါ) ဟောဒီလို လာတယ်၊ ပေါ်ကြပလား … (ပေါ်ပါပြီဘုရား) သူမြင်တာနဲ့ … (ခွာပေးရမှာပါဘုရား) ကိုင်း ဘယ်သူကရှေ့ ဘယ်သူအနောက်တုံး မေးစရာလိုသေးလား … (မလိုတော့ပါဘုရား) သူမြင်တာနဲ့ … (ခွာပေးရမှာပါဘုရား)။

သူမြင်တာနဲ့ ခွာပေးရမှာဆိုလို့ရှိရင် သူမြင်တဲ့ အနိစ္စ, ဒုက္ခ, အနတ္တဟာ ဒိဋ္ဌိရောနေတဲ့၊ ဒိဋ္ဌိမဖြုတ်ဘဲနဲ့ သူရှုနေတဲ့ အနိစ္စ, ဒုက္ခ, အနတ္တ ဖြစ်နေသောကြောင့် ၀ိပဿနာပေးရလိမ့်မယ်၊ ပေးပြီးခွာပေးရလိမ့်မယ်ဆိုတာ ဘုရား၏ စိတ်ထားပါပဲ … (မှန်ပါ) ကိုစံလှ ရှင်းပလား … (ရှင်းပါပြီဘုရား) သူ ဘာဖြစ်နေတာတုံး … (ဒိဋ္ဌိဝိစိကိစ္ဆာ မကွာပါဘုရား)။

ရှေ့နောက်လွဲတာလို့ ခင်ဗျားတို့က အတည်ပြုလိုက်ပါတော့ … (မှန်ပါ) ဒကာ ဒကာမတို့ ဘာအတည်ပြုလိုက်တာတုံး … (ရှေ့နောက်လွဲတာလို့ အတည်ပြုရမှာပါဘုရား) ရှေ့နောက်လွဲတာလို့ အတည်ပြုလိုက်ဆိုတော့ ဘုန်းကြီး ဒကာ ဒကာမတွေ ဒါ အနုရာဓကို ဟောနေတယ်လို့ မယူပါနဲ့၊ အနုရာဓက သက်သေလုံလောက်အောင်လို့ပြတာပါ၊ ကိုယ်ရှေ့နောက်မလွဲစေချင်လို့ ပြောနေတာ၊ မလွဲစေ ချင်လို့ ပြောနေတယ်ဆိုတာ ကိုစောမောင် ကောင်းကောင်းရိပ်မိပလား … (ရိပ်မိပါဘုရား)။

ကဲ ဒါဖြင့် သတိပဋ္ဌာန်လေးပါးနဲ့ ပဋ္ဌမရှေ့ဦးစွာ သတိပဋ္ဌာန်လေးပါး တစ်ပါးပါးအားထုတ်တော့မယ် ဆိုတော့ ဘာကိုအရင်ရွေးလေးပါး တစ်ပါးပါးအားထုတ်တော့မယ်ဆိုတော့ ဘာကိုအရင်ရွေးရမလဲ … (စရိုက်အရင်ရွေးရမှာပါဘုရား) စရိုက်ကို အရင်ရွေးပါ ဦးပုကြီး ဘာလုပ်ရမတုံး … (စရိုက်အရင်ရွေးရမှာပါ ဘုရား) ပြီးတော့မှ ကိုယ်စရိုက်နဲ့ တော်မဲ့ သတိပဋ္ဌာန်လေးပါးထဲက တစ်ပါးပါးယူ၊ တစ်နံပါတ်ပြီးသွားရော … (မှန်ပါ) ယူပြီးသကာလ ဖြစ်ပျက် ရှုရမလားမေးတော့ …။ ကိုစောမောင် ရှုသင့်ပြီလား  ရှုချိန်ရောက်ပလား … (မရောက်သေးပါဘုရား)။

မိုးကုတ်ဆရာတော်ဘုရားကြီး၏ တိတ္ထိအမေးပုစ္စာ လေးချက် (၁) ရှင်အနုရာဓမထေရ်

ဒိဋ္ဌိကိုယ်ပယ်ခြင်းသည် ဒကာ ဒကာမတို့ သိမှုနှင့်ပယ်ခြင်း တစ်မျိုးနော်၊ ကျင့်မူနဲ့ပယ်ခြင်းတစ်မျိုး၊ သဘောကျပြီ… (မှန်ပါ့) ပယ်မှုနဲ့တစ်မျိုး၊ ဘယ်နှစ်မျိုးပါလိမ့် ... ( သုံးမျိုးပါဘုရား) ဒါဖြင့် သိမှုနဲ့ဒိဋ္ဌိပယ်ရတာ တစ်မျိုး၊ ပွားများပြီး ပယ်ရတာကကော … (တစ်မျိုးပါဘုရား) အမြစ်ပြတ်အောင် မဂ်နဲ့ပယ်ရတာကလဲ … (တစ်မျိုးပါဘုရား) စာလိုသုံးတော့ ဥာတပရိညာ, တီရဏပရိညာ, ပဟာနပရိညာ, ပရိညာသုံးပါးပေါ့ဗျာ … (မှန်ပါ့ဘုရား)။

ဒါဖြင့် ဒကာ ဒကာမတို့ သိမှုနဲ့ ပယ်လာတာ အခု ငါးရက်ရှိပြီ … (မှန်ပါ့ဘုရား) သိမှုနဲ့ ပယ်လာပြီး တော့ ဒကာ ဒကာမတို့ ခန္ဓာမှာ ရှင်းလောက်ပြီလို့ ဘုန်းကြီးတို့ စိတ်ထဲမှာ ထားတယ် … (မှန်ပါ့ဘုရား) ကိုပေါ် မရှင်းသေးဘူးလား၊ ခင်ဗျားတို့ ခန္ဓာကိုယ်ထဲမှာ ပုဂ္ဂိုလ် - သတ္တ၀ါရှိသလား၊ ဘာတွင်ရှိပါလိမ့် … (ခန္ဓာငါးပါးသာရှိပါတယ်) ချုံးလိုက်တော့ ဘာရှိတော့တုံး … (ရုပ် - နာမ်သာရှိပါတယ်ဘုရား) ရုပ် - နာမ်ပဲရှိ တယ်ဆိုတော့ သိပြီးသကာလ နေတော့ရုပ် - နာမ်ကို တစ်ခါချုံးလိုက်ပြန်တော့ ဖြစ် - ပျက်ရှိတယ်ဆိုတယ် … (မှန်ပါ့) သဘောကျပလား … (ကျပါတယ်ဘုရား)။

ရုပ် - နာမ် ချုံးလိုက်တဲ့အခါကျတော့ … (ဖြစ်-ပျက်သာရှိပါတယ်ဘုရား) ဖြစ် - ပျက်သာရှိတယ်ဆို တာသိတော့ ခင်ဗျားတို့မှာ ဒိဋ္ဌိစင်တယ် မစင်တယ် ဒကာ ဒကာမတွေမေးကြည့်၊ ကဲ … ဒါဖြင့် အနုရာဓ၀တ္ထု ပဲ ထုတ်ကြစို့ဆိုတော့ သူဟာ ရှင်းရှင်းလေး ဒကာ ဒကာမတို့နော်၊ အရှင်အနုရာဓဟာ ရဟန္တာဖြစ်မည့် ပုဂ္ဂိုလ် … (မှန်ပါ့ဘုရား) အနုရာဓဆိုတဲ့ ပုဂ္ဂိုလ်ဟာ ဘာဖြစ်မယ် … (ရဟန္တာဖြစ်မည့် ပုဂ္ဂိုလ်ပါဘုရား)။

ရဟန္တာဖြစ်မည့်ပုဂ္ဂိုလ်မှာဆိုတော့ အားထုတ်နေလိုက်တာလည်း ကိုပေါ်တို့၊ ကိုစံလှတို့၊ ဦးဘရှင်းတို့ ဖြစ် - ပျက်တွေက အကုန်မြင်တာပဲ … (မှန်ပါ့ဘုရား) အနိစ္စ - ဒုက္ခ - အနတ္တတွေဟာ အကုန်မြင်တာပဲ အားလည်း အင်မတန်ထုတ်တာပဲ၊ အားထုတ်ပင် အားထုတ်ငြားသော်လည်း သူ့စိတ်ထဲမှာ အားသာထုတ် နေရတယ် အရင်လုပ်ရမဲ့အလုပ် - မလုပ်လိုက်မိဘဲ ဖြစ်နေတယ် … (မှန်ပါ့ဘုရား) အရင်လုပ်ရမဲ့အလုပ်က ဘာပါလိမ့် … (ဒိဋ္ဌိဖြုတ်ရမှာပါဘုရား) မလုပ်လိုက်မိပဲ ဖြစ်နေတယ်ဆိုတာ ဘာပါလိမ့်မတုံး။

သြော် - ဒိဋ္ဌိမခွာမိဘူး၊ ရှင်းပလား … (ရှင်းပါပြီဘုရား) ဘယ်လို ကြောင့်ပါလိမ့်မလဲ … (ဒိဋ္ဌိမခွာ မိပါဘူးဘုရား) ဒါဖြင့် သူ ဦးဘရှင်တို့ တွေးတာပေါ့ ရှေ့နောက်လွဲနေတယ်၊ ရှေ့နောက်လွဲနေတယ် … (မှန်ပါ့ဘုရား) ဘယ်နှယ့်ဆိုကြပါ့ … (ရှေ့နောက်လွဲနေပါတယ်ဘုရား) ရှေ့ - နောက်လွဲနေပြီလို့ ဒကာ ဒကာမတွေက မှတ်ဖို့ပါ၊ ဒိဋ္ဌိခွာရမှာက … (ရှေ့ပါဘုရား)။

ဝိပဿနာရှုရမှာက … (နောက်ပါဘုရား) ဖြစ် - ပျက်ဝိပဿနာရှုရမှာက နောက်ထားရမယ်၊ ရှင်းပလား … (ရှင်းပါပြီဘုရား) အဲလိုသိပြီး သကာလနေတော့ ဒီ-အနုရာဓမှာတော့ ဒကာ ဒကာမတို့ ဖြစ် - ပျက်ရှုတာက ရှေ့ကျတယ်၊ ဒိဋ္ဌိက ၀မ်းထဲက မကွာဘဲဖြစ်နေတယ်၊ အဲဒါနဲ့ သူအားထုတ်ပြီးသကာလ နေပါတယ်၊ အားထုတ်ပြီးနေငြားသော်လည်း ဦးဘရှင်းတို့ ထူးထူးလည်လည် မရရှာဘူး၊ နိဗ္ဗာန်မရဘူး … (မှန်ပါ့)။

ဒကာ ဒကာမတို့ နိဗ္ဗာန်ရရဲ့လား … (မရပါဘုရား) နိဗ္ဗာန်မရဘူးတဲ့၊ အားတော့ ထုတ်ပင်ထုတ်ငြား သော်လည်း နိဗ္ဗာန်ဘယ့်နှယ်တုံး … (မရပါဘုရား) ဒါ - ခင်ဗျားတို့ အပြစ်သိပြီ၊ အပြစ်မသိသေးဖူးလား … (သိပါပြီဘုရား) ဘာကြောင့်ပါလိမ့်၊ ဒိဋ္ဌိမကွာဘဲနဲ့ ဖြစ် - ပျက်အားထုတ်နေလို့ … (မှန်ပါ့)၊ ပေါ်ကြပြီလား … (ပေါ်ပါပြီဘုရား)

ဒိဋ္ဌိမကွာဘဲနဲ့ ဖြစ် - ပျက်အားထုတ်နေတဲ့ အတွက်ဆိုတော့၊ သြော် - ရှေ့နောက်လွဲနေရှာပြီဆိုတာ ဖြင့် ဒကာ ဒကာမတို့ သေသေချာချာမှတ်ပါ … (မှန်ပါ့) အဲတော့ ဘုန်းကြီးတို့ ဒကာ ဒကာမတွေလည်း မဂ်ဖိုလ်ရထိုက်ရက်သားနဲ့ မရကြဘူးဆိုတဲ့ ဥစ္စာ အစီအစဉ် မတည့်လို့ဆိုတာလည်း ပြောထိုက်တယ် … (မှန်ပါ့) ကိုစောမောင် မပြောထိုက်ဖူးလား … (ပြောထိုက်ပါတယ်ဘုရား)။

အစီအစဉ်မတည့်လို့ မပြောထိုက်ဖူးလား … (ပြောထိုက်ပါတယ်ဘုရား) အစီအစဉ်ဆိုတာကလည်း ကိုယ့်ဘာသာ ကိုယ်စီစဉ်လို့ ဖြစ်တာမှမဟုတ်ဘဲ … (မှန်ပါ့) ဘုရားသခင်ကိုယ်တော်မြတ်ကြီး ပွင့်ဦးမှလည်း ကိုစောမောင် စီစဉ်လို့ဖြစ်တယ် … (မှန်ပါ့) ဘုရားပွင့်ပြီးသည့် အခြားမဲ့၌လည်း ဒကာ ဒကာမတို့ ဘုရားက မရှိပြန်တော့၊ ဘုရားဓမ္မက္ခန္ဓာတွေ ရှိပြီးတော့ ကြည့်နိုင်တဲ့ပုဂ္ဂိုလ်က စီစဉ်ဦးမှဖြစ်မယ် … (မှန်ပါ့)။

ကိုယ် ကိုယ်တိုင်ကတော့ဖြင့် အရွယ်ကသာကြီးလာတယ် ဘုရားဒေသနာတော်တွေ ကြည့်ဖု့ရှုဖို့ ဆိုတာလည်း ဦးဘရှင်း အတော်ခဲယဉ်းတယ်၊ သြော် - ခုတော့ ဒကာ ဒကာမတို့ အစီအစဉ်တွေ အခုဆရာဘုန်းကြီးက ဘုရားဟောတဲ့ ဒေသနာတော်အတိုင်း ဟောပါတယ်၊ ဒိဋ္ဌိအရင်ခွာကြ၊ ရှင်းပလား … (ရှင်းပါပြီဘုရား) အဲတော့ ဒိဋ္ဌိအရင်ခွာတော့ကို သြော် - သိမှုနဲ့ခွာခြင်းတစ်မျိုး ပွားမှုနဲ့ခွာခြင်းတစ်မျိုး ပယ်မှုနဲ့ ခွာခြင်းတစ်မျိုး သုံးမျိုးမှတ်ထား လိုက်တာပေါ့၊ ဦးဘလေး ကျေနပ်ပြီလား … (ကျေနပ်ပါပြီဘုရား)။

ဒါဖြင့် ဒီအလုပ်သုံးလုပ်မပါရင် မပြီးဘူးမှတ်ဖို့ပါ၊ အဲဒါသိမှုနဲ့ ခွာလာတာကတော့ ကိုစံလှရေ လေးရက်ရှိပြီ … (မှန်ပါဘုရား) ဘယ်နှရက်ရှိသွားပြီ … (လေးရက် ရှိသွားပါပြီဘုရား) ကောင်းပြီ - သို့သော် ကိုယ့်အထဲမှာ ကွာတယ် - မကွာတယ်သိရအောင် ဘုန်းကြီးက စစ်ဆေးရမယ်နော်။

သို့သော် သက်သေသာဓက ကတော့ အနုရာဓကို ထုတ်ကြဦးစို့၊ ဝေသာလီပြည်မှ ဘုရားသခင် ကိုယ်တော်မြတ်ကြီး မဟာဝုန်ကျောင်းမှာ သီတင်းသုံးနေတုန်း အနုရာဓဆိုတဲ့ ဒိဋ္ဌိမကွာဘဲနဲ့ အားထုတ်နေ တဲ့ ကိုယ်တော်လေးကလဲ မဟာဝုန်တော်ထဲမှာပဲ သစ်ရွက်မိုးကျောင်းလေးနဲ့ တရားအားထုတ်နေတုန်း ဘုရားလက်ထက်က ဘုရားမပွင့်ခင်က ဘုရားလုပ်နေတဲ့ တိတ္တိကြီးတွေရှိတယ်။

အဲဒီ တိတ္တိကြီးတွေက ဘုရားဆီတော့ မသွားဘဲနဲ့ အနုရာဓရှိရာလာပြီးသကာလ မေးကြ မြန်းကြတယ်တဲ့၊ ရှင်အနုရာဓ ဘုရားသခင်ကိုယ်တော်မြတ်ကြီးဟာ ပါရမီတွေနဲ့ အလုံးစုံပြည့်စုံတယ်၊ ဘုန်းကံပါရမီတွေ ပြည့်စုံတဲ့ပုဂ္ဂိုလ် တစ်ဦးတစ်ယောက်ဖြစ်ပါတယ်၊ အဲဒီပုဂ္ဂိုလ်ကြီးက ဆိုလို့ရှိရင်ဖြင့် ယောက်ျားမြတ် ယောက်ျားချွန်လို့ ဆိုလည်းမလွဲပါဘူး၊ ယောက်ျားတန်ခိုးကြီးဆိုလည်း မလွဲနိုင်ဘူး၊ အဲဒီ ဒီလောက်တောင် ဂုဏ်ကြီးတဲ့ ပုဂ္ဂိုလ်ကြီးက ဒီ ကျွန်ုပ်တို့ မေးချင်တဲ့ လေးချက်ကို ရှင်အနုရာဓရဲ့ ဘယ်လို များ ပြောလေ့၊ ဟောလေ့ရှိပါလိမ့်မလဲ၊ သူတို့လေးချက် မေးလိမ့်မယ်နော်။

ဘယ် - လေးချက်မေးပါသလဲဆိုရင် သတ္တ၀ါသေရင် နောက်ဖြစ်သေးလား၊ တစ်နံပါတ် မေးလိုက် တယ်၊ နှစ်နံပါတ်က သတ္တ၀ါသေရင် နောက်မဖြစ်တော့ဖူးလား၊ ဘယ်နှစ်ချက်ရှိသွားတုံး … (နှစ်ချက်ရှိသွားပါပြီဘုရား) သတ္တ၀ါသေလို့ရှိရင် ဖြစ်ချည်တလှည့် မဖြစ်ချည်တလှည့်လား၊ ဘယ်နှစ်ချက်ရှိ သွားတုံး … (သုံးချက်ရှိသွားပါပြီဘုရား) သတ္တ၀ါသေရင် မဖြစ်သည်မဟုတ် ဖြစ်သေးသလား၊ သဘောကျ ပလား … (သဘောကျပါပြီဘုရား) ဘယ်နှစ်ချက်ရှိသွားတုံး … (လေးချက်ရှိသွားပါပြီဘုရား) ရှင် အနုရာဓက ဖြေလိုက်တယ်။

မိုးကုတ်ဆရာတော်ဘုရားကြီး၏ ဒုလ္လဘတရားနှင့်ကြုံခိုက် အချိန်မဖြုန်းကြပါနဲ့ တရားတော်

        ကိုယ့်ကိုယ်ကို အလွဲသုံးစားအချိန်တွေနဲ့ မဖြုန်းကြဘဲ အဖိုးတန်တဲ့အချိန်တွေကိုသုံးပြီး ကျွတ်တမ်းဝင်
ရလို့ရှိရင် အင်မတန်အောင်းမှာပဲ၊ လိစ္ဆဝီမင်းသားတွေသည် အယူမှားပြီး၊ သူတို့ရခဲ့တဲ့ ဒုလ္လဘတွေကိုတွေး
ပြီးပြောဆိုနေကြတယ်၊ ဘုရားသခင်ကိုယ်တော်မြတ်ကြီးကြွလာပြီး ဘာများပြောဆိုနေကြသတုံးလို့ မေးတဲ့
အခါကျတော့မှ အရှင်ဘုရား (၁) ကောင်းကင်းပျံနိုင်တဲ့ ဆင်ရတနာ အလွန်ရခဲပါတယ်၊ (၂) မြင်းရတနာ
လည်းရခဲပါတယ်၊ (၃) ပတ္တမြား ရတနာ၊ (၄) ဣတ္ထိယဆိုတဲ့မိန်းမရတနာ၊ (၅) သူဌေးသူကြွယ်ဆိုတဲ့ ကိုယ့်အ
ခြံအရံ ရတနာတွေလည်း ရခဲတဲ့အကြောင်း ပြောဆိုနေကြပါတယ်ဘုရားလု့ လျှောက်ကြတယ်။
        သင်တို့သည် ငါးပါးအာရုံ ကာမဂုဏ်နဲ့ တွေးချင်တာတွေးပြီးပေါ်ချင်တာပေါ်နေကြတာကိုးကွာရခဲတဲ့
ဒုလ္လဘအစစ်ကို သင်တို့သေသေချာချာ မှတ်ထားကြစမ်းပါ၊ ဒကာ ဒကာမတို့ ဘုရားဟောတော်မူတော့မယ်၊
(၁) နံပါတ် ဘုရားသခင်ကိုယ်တော်မြတ်ကြီးပွင့်ဖို့၊ ပွင့်တဲ့အခါကြုံဖို၊ ပွင့်တဲ့ သာသနာနဲ့ကြုံဖို့ရာ အင်မတန်

ခက်ခဲတယ်၊ ကြုံအောင် ဆုအမျိုးမျိုးတောင်း၊ ကုသိုလ်အမျိုးမျိုးတွေလုပ်ပြီး တက်ခဲ့ကြရတဲ့အဖြစ်ဟာ

ကိုယ့်အဖြစ်ပဲ သာသနာနဲ့ကြုံပြီးနေတာအင်မတန် ခဲယဉ်းလွန်းလို့ အချိန်မဖြုန်းနဲ့၊ မြန်မြန်ကိုယ့်အရေးကိုယ်

ဖြစ်ပျက် ဝိပဿနာဉာဏ်ကနေ မဂ်ဉာဏ်ကူးအောင်လုပ်ပါ။

(၂) နံပါတ်ကလဲကွာ သင်တို့အပေါ်မှာ နားလည်ပါးလည်နဲ့ ငါဘုရား၏ တရားတော်ကို ဟောတတ်တဲ့ပုဂ္ဂိုလ်

နဲ့ ကြုံဖို့ရာလည်း ခဲယဉ်းတဲ့ ဒုလ္လဘပါဘဲ။

(၃) နံပါတ်က ကိုယ့်မှာထောင်တတ်တဲ့ နားနဲ့ကြုံဖို့ရာလည်း ခဲယဉ်းတဲ့ ဒုလ္လဘပဲ။
        ဒကာ ဒကာမတို့ အင်မတန်ကောင်းတဲ့ကံတွေကို တဏှာခိုင်းတာနဲ့ အချိန်တွေ အလကားမဖြုန်းလိုက်
ပါနဲ့ဆိုတာပြောချင်လို့ ဘုရားက ဒုလ္လဘငါးပါးကိုဟောတော်မူတယ်၊ သေချာပြောမယ်ဆိုရင် ဒကာ ဒကာမ
တို့ ခုနှစ်ရက်ခုနှစ်လီမိုးမှောင်ကြီးကျနေတဲ့အထဲ လျှပ်စစ်ကလေးလင်းသလောက်သာ ဘုရားပွင့်တဲ့အချိန်
ကာလလေးရှိတယ်၊ အဒီအချိန်ကာလလေးမှ ကျုပ်တို့ကြီးလာပြီ၊ အကြုံကြီးကြုံ၊ အဆုံကြီးဆုံကြပြီး တို့ပါရ
မိမှ ရှိလေရော့သလားလို့များ ဆုတ်နစ်တဲ့ စိတ်တွေနဲ့ မတွေးလိုက်ပါနဲ့လို့ တောင်းပန်ပါတယ်၊ ဆုတ်နစ်တဲ့
စိတ် ဒကာ ဒကာမတို့ ဘယ်သူမှ မထားလိုက်ပါနဲ့၊ တဏှာခိုင်းတဲ့အချိန်နဲ့ ဉာဏ်ခိုင်းတဲ့အချိန်ခွဲလိုက်ပါ၊
သတိပေးပါတယ်၊ အလကားနေရင်း ထိုင်စကားပြောပြီး မိတ်ဆွေသင်္ဂဟတွေနဲ့ အချိန်ကုန်တာကတော့
ဘယ်လိုဆိုကြပါမယ် (တဏှာခိုင်းတာပါဘုရား)။ အင်မတန်ရခဲတဲ့ ပတ္တမြားကြီးကို ဆားနဲ့လဲဆားတာမျိုး
ရောက်သွားမှာ ဘုန်းကြီးအင်မတန်စိုးရိမ်တယ်၊ ကျောက်ခဲရေကျဖြစ်တတ်ပါတယ်၊ ဒကာ ဒကာမတွေ ယခု
ဒုလ္လဘသုံးခုဟာ သေသေချာချာကြုံနေပြီ၊ ဪ..ဒီသုံးချက်ကြုံနေပြီဆိုတာ ပါရမီဖြည့်တဲ့ဘဝကြီးပါလား
ထပ်မဖြည့်တော့ဘူးဆိုရင် ပါရမီအစ ပျောက်သွားနိုင်တယ်။
        (၄) နံပါတ်ပြောမယ်၊ ထောင်တတ်တဲ့နား ရှိသောငြားလည်း ဓမ္မနု ဓမ္မပဋိပတ္တိ ဆိုတဲ့ခန္ဓာက ဖြစ် ပျက်နဲ့
ကိုယ်ရှုတဲ့ မဂ်နဲ့ကိုက်အောင်လုပ်တတ်ဖို့လည်း ဒုလ္လဘတရားကြီး ခဲယဉ်သတဲ့၊ ဖြစ်ပျက်နဲ့ မဂ်ကိုက်ဖို့ရာလဲ
အတော်ခဲယဉ်းတယ်ကွလို့ပြောတယ်၊ ထောင်တတ်တဲ့နားပါသော်ငြားလည်း အလုပ်ကျတော့ ခရီးမပေါက်
မှာစိုးရတယ်၊ တစ် နှစ် သုံးက ကံကောင်း အကြောင်းသင့်ရင်ဖြစ်နိုင်ပါတယ်၊ လေးကတော့ ကိုယ်တိုင်အား
စိုက်ရလိမ့်မယ်၊ ဆုတောင်းနဲ့ မဆိုင်တော့ဘူး၊ ကိုယ်ခန္ဓာထဲမှာရှိတဲ့ ဖြစ်ပြီးပျက်နေတဲ့ကိစ္စတရားလေးနဲ့
ကိုယ့်ဉာဏ်နဲ့ကြည်လိုက်တဲ့အခါ ကိုက်ကိုက် ကိုက်ကိုက်သွားဖို့ အရေးဟာ ဒကာ ဒကာမတို့အရေး သေချာ
မှတ်ထားနော်၊ (၄) နံပါတ် မအောင်မြင်တော့ဘူးဆိုလို့ရှိရင်၊ (၁)၊ (၂)၊ (၃) နံပါတ်တွေဟာ အကုန်ပျက်စီးနိုင်
တာချည်းမှတ်ရမယ်၊ ကိုယ်ဖျာင်းမှုနဲ့ ကိုယ်ပျင်းမှုကြောင့် ဒကာ ဒကာမတို့ (၁)၊ (၂)၊(၃) တွေ အကုန်အပျက်
ကြီး ပျက်သွားရတော့မယ်၊ (၄)-နံပါတ်က အရေးအကြီးဆုံးနော်။
        နောက်ဘုရားတွေကလဲ တွေ့ချင်မှတွေ့ကြုံချင်မှကြုံရမယ်၊ ကြုံတုန်းမှာအပိုင်မယူလိုက်လို့ရှိရင်ဖြင့်
ကိုယ်ကျိုးလှလှကြီးနည်းပေါ့၊ ရှေ့ကအပျက် နောက်ကရှုတာကမဂ် အပျက်နဲ့မဂ်နဲ့ကိုက် အောင်တော့ မရရ
အောင်လုပ်ရမယ်၊ ကိလေသာ မခြားလို့ရှိရင် ညနေအားထုတ်ရင် မနက်မဂ်ဖိုလ်ရမယ်၊ နံနက်အားထုတ်လို့
ရှိရင် ညနေရမယ်တဲ့၊ ကိလေသာကြားခိုနေရင်တော့ မရဘူး၊ ကိုယ့်ခန္ဓာကြီးက သဗ္ဗေသင်္ခါရာအနိစ္စာ ဘယ်
အခါမဆို သူပျက်နေတာစိတ်ကြည့်လိုက်လဲ ပျက်မှာပဲ၊ ဝေဒနာကြည့်လည်း ပျက်မှာပဲ၊ သူကပျက်နေပေမယ့်
ကိုယ်ကမဂ်နဲ့မလိုက်တဲ့အတွက် မဂ်မရကြဘဲဖြစ်နေတယ်၊ ၄-နံပါတ်က အပျက်နဲ့မဂ်နဲ့ကိုက်ရမယ်၊ အပျက်
နဲ့မဂ်နဲ့မကိုက်တဲ့အခါကတော့ အပျက်နဲ့ဒေါသရင်လဲလာမယ်၊ အပျက်နဲ့သောကရင်လာမယ်၊ သမညအရေး
မဟုတ်၊ ကံပေးလို့တော့ ဉာဏ်ကနောက်လိုက်မှ အိပ်နေလို့မရဘူး၊ ဖြစ် ပျက်နဲ့မဂ်ကြားထဲမှာ ဘဝင်တော့
ဘယ်လောက် ခြားခြား ကိလေသာတော့ မခြားစေနဲ့၊ ဖြစ် ပျက်အဆုံးဖြစ်တဲ့ နိဗ္ဗာန်ကိုလဲ ကျုပ်မမြင်သေးဘူး
ပါရမီများ နည်းလေရော့သလားလို့ တခါတလေ ပါရမီအပေါ်ပံချချင်ချလိမ့်မယ်၊ အဟာအလွဲတော်ကြီးလို့
မှတ်၊ ကိလေသာကြားခိုလို့ မရတာ၊ ဘုန်းကြီးတို့ ဒကာ ဒကာမတွေအားလုံးဟာ အပါယ်က တက်လာခဲ့ရ
တာများတယ်၊ အပါယ်လေးဘုံတို့သည် ဘုရားမရှိတဲ့ အခါမှာ ကျုပ်တို့အမြဲနေတဲ့အိမ်ပဲ၊ ဒီနေရာပြန်မရောက်
အောင် တခါတည်း (၁) ဘုရားနဲ့ကြုံရလိုပါ၏၊ (၂) ဟောတတ်တဲ့ပုဂ္ဂိုလ်နဲ့ ကြုံရလိုပါ၏၊ (၃) ထောင်တတ်တဲ့
နားနဲ့ ကြုံရလိုပါ၏လို့ ဆုတောင်းခဲ့ကြတယ်၊ ဆုတောင်းပြည့်နေပြီး အခု (၄) နံပါတ် ကိုယ့်အရေးပါနေတာ။
        အပျက်ဆိုတာ ခန္ဓာငါးပါး၊ မဂ်ဆိုတာ ဉာဏ်၊ ဘယ်ဟာ ပျက်ပျက် အပျက်နဲ့ မဂ်ကိုက်ရင် ပြီးရော၊
(၅) နံပါတ် ဒုလ္လဘငါးပါးထဲမှာ တစ်ပါးကျန်သေးတယ်၊ ကတညုတ ကတဝေဒီ ဆိုတာဟာလဲ (၅) နံပါတ်
ဒုလ္လဘပဲ လောကမှာ ဘုန်းကြီးတို့ ဒကာ ဒကာမတွေ ကျေးဇူးပြုတတ်တဲ့ ပုဂ္ဂိုလ်က တော်တော်ရှားသတဲ့၊
မြတ်စွာဘုရားသခင်ကိုယ်တော်မြတ်ကြီးဟောတဲ့ စတုတ္ထ (၄) နံပါတ်အောင်မြင်လို့ (၅) နံပါတ် မဂ်ဉာဏ်၊
ဖိုလ်ဉာဏ်ရတော့မှ-ဪ ဒါဘယ်သူ့ကြောင့် ရပါလိမ့်မတုံးဆိုပြီး၊ တရားနဲ့ဘုရားကို ပူဇော်နိုင်ဖို့ အရေးဟာ
လဲ ကတညုတ ကတဝေဒီ ပါပဲ၊ တရားနဲ့ ဘုရားကို ပူဇော်နိုင်ဖို့အရေးကြီးတယ်၊  ဘုရားသခင်ကိုယ်တော်
မြတ်ကြီးက တရားနဲ့ပူဇော်တာ သူအကျေနပ်ဆုံး၊ တရားနဲ့ ပူဇော်တာကို ဘုရားကသာဓုခေါ်တယ်၊ ဝေယျာ
ဝစ္စသမားတွေ သာဓုမခေါ်ပါဘူး။
        ခင်ဗျားတို့ ဘုရားကြည်ညိုတာ မမှန်သေးပါဘူး၊ ကျုပ်ဘုရား ကြည်ညိုပါတယ်၊ အားထားပါတယ်လည်း
ဆိုသေးတယ်၊ ကျုပ်အိမ်လဲ လူမမာတွေများတယ်ဆိုပြီး၊ ဒီဘုရားအိမ်ပေါ်က ပစ်ချဦးမှာ၊ ခင်ဗျားတို့ (ချနိုင်ပါ
တယ်ဘုရား)၊ တရားဂုဏ်တော်မှာ ဧဟိ-လာလော့၊ ပဿ-ကျုပ်ကိုရှုပါ တရားကခေါ်တာ၊ ဧဟိပဿိကော-
လာပါရှုပါလို့ ခေါ်တာ၊ လူသာဓုခေါ်၊ နတ်သာဓုခေါ်ဖြစ်အောင်လဲ ပြောမနေနဲ့နော်၊ ကိုယ့်ကိုယ်သာဓုခေါ်နိုင်
အောင်လုပ်ပါ၊ ဝိပဿနာအလုပ်ကို လုပ်ကြပါစို့ဆိုတော့ ဒီအထဲမှာ ခန္ဓာငါးပါးရှိတယ်နော်၊ ချုံးလိုက်ရင်
ရုပ်နာမ်ပဲရှိတယ်၊ ဒီထက် ချုံးလိုက်တဲ့အခါကျတော့ ဖြစ်ပျက်ပဲရှိတော့တယ်၊ ဒီထက်ချုံးလိုက်ရင် အပျက်ပဲ
ရှိပါတယ်၊ ဒီအပျက်ကို မိအောင် ရှုနိုင်လို့ရှိရင် ဓမ္မာနုပဿနာ သတိပဋ္ဌာန် ဖြစ်သွားတယ်၊ (၁) သုခဝေဒနာ၊
(၂) ဒုက္ခဝေဒနာ၊ (၃) သောမနဿဝေဒနာ၊ (၄) ဒေါမနဿ ဝေဒနာ၊ (၅) ဥပေက္ခာ ဝေဒနာ၊ ဝေဒနာငါးမျိုး
ရှိတယ်၊ ဝေဒနာမာရော-ဝေဒနာသည် လူသတ်သမား၊ ခင်ဗျားတို့မသာတွေ ပို့ကြတယ် ယောင်္ကျား၊ မိန်းမ၊
မသာလို့ထင်နေကြတယ်၊ စင်စစ်တော့မဟုတ်ပါဘူး၊ ဝေဒနာသတ်လိုက်တဲ့မသာပါ၊ စားလို့ ကောင်းတာနဲ့
စားလိုက်တာ သုခဝေဒနာသတ်ချလိုက်တာပဲ၊ ဒကာ ဒကာမတို့ ဝေဒနာဟာ သူ့ကိုကိုယ်က ဉာဏ်နဲ့သတ်ရင်
သတ်၊ မသတ်နိုင်ရင် သူသတ်မယ်၊ နိဗ္ဗာန်ကျတော့ ဝေဒနာက္ခန္ဓာရှိသေးရဲ့လား၊ ဒါကြောင့် နိဗ္ဗာန်သည်
အမတနိဗ္ဗာန်၊ မသေရာနိဗ္ဗာန်၊ ဒုလ္လဘငါးပါး (၁) ဘုရားပွင့်တဲ့အခါကြုံဖို့ရာ ဒုလ္လဘတစ်ပါး၊ (၂) ဟောတတ်
တဲ့ပုဂ္ဂိုလ်နဲ့ကြုံဖိုရာလည်း ဒုလ္လဘ၊ (၃) ထောင်တတ်တဲ့နားနဲ့ ကြုံဖို့ရာလည်း ဒုလ္လဘ၊ (၄) ဓမ္မာနုဓမ္မ ပဋိပတ္တိ
ဆိုတဲ့ ဖြစ်ပျက်နဲ့ မဂ်ကိုက်အောင် ကျင့်နိုင်ဖို့ရာလည်း ဒုလ္လဘ၊ (၅) ကတညုတ ကတဝေဒီ ဆိုတဲ့ ဘုရားကို
ကျေးဇူးဆပ်ခြင်း၊ ဘုရးကို တရားနဲ့ ပူဇော်နိုင်ခြင်းသည်လည်း ဒုလ္လဘ၊ (၄) နံပါတ် ဒုလ္လဘသည် အဓိကအ
ရေးကြီးဆုံး လို့မှတ်ပါ ဒကာ ဒကာမတို့။

                                  ဤကောင်းမှုကုသိုလ်ကံ
               စေတနာအပေါင်းတို့သည် အားထုတ်ဆဲဖြစ်သော
               ဝိပဿနာဉာဏ်မှ မဂ်ဉာဏ်သို့ကျေးဇူးပြုခြင်းငှာ
                            အထောက်အပံ့ ပစ္စည်းအဖြစ်ဖြင့်
                                       တည်ရှိပါစေသတည်း။

                                                                                                         အရှင်ဉာဏဓဇ
                                                                                         မိုးကုတ်ဝိပဿနာ မင်္ဂလာမဂ္ဂင်ရိပ်သာ
                                                                                                    ပင်မသံဝေဇနိယဌာန
                                                                                                             အမရပူရမြို့ ။           ။