ဥစ္စာနှစ်မျိုးရှိတယ်တဲ့၊ မိမိပြုလုပ်ထားတဲ့ အကုသိုလ်ကိုလုပ်တုန်းက သိတာတစ်မျိုး၊သေခါနီးမှ နိမိတ်ထင်လာလိုသိတဲ့ အသိကတစ်မျိုး . . .(မှန်ပါ့)၊ဘယ်နှစ်မျိုးရှိပါလိမ့် . . .(နှစ်မျိုးပါဘုရား)၊ဒကာ ဒကာမတို့ ကိုယ့်ဟာကိုယ် အသိဆုံးပဲဆိုတာက ပစ္စုပ္ပန်ကာလနော်။
အသက်ထင်ရှားရှိတုန်း ဆရာသမားကဆုံးမလိုက်နာ၊အခု သိလို့ရှိရင်ဖြင့် အခုပြင်တဲ့ အလုပ်ဟာဖြင့် သေခါနီးကျတော ပြင်စရာမရှိတောဘူး . . .(မှန်ပါ့)။
သြော် . . .ငါ အကုသိုလ်ပြုနေတာ ဘယ်သူမှ မသိဘူးလို့ အထင်မလွဲလိုက်ပါနဲ့၊ကိုယ့်ကိုယ်ကို အရင်သိပါတယ်တဲ့၊ကိုယ်သိလို့ရှိရင် ကိုယ်စောင့်နတ်သိတယ်၊ကိုယ်စောင့်နတ်သိလို့ရှိရင် အိမ်စောင့်နတ်၊ရွာစောင့်နတ်၊တောစောင့်နတ်၊အထက်တာဝတိံသာနတ်ပြည်ကျအောင် မသိပေဘူးလား . . .(သိပါတယ်ဘုရား)
အဲဒီတော့ ယခုအခါကသိယင် ဆရာဘုန်းကြီးက ပြင်ပေးမယ်ဆိုရင်လွယ်ပါတယ်၊သေခါနီးမှ သိမယ်ဆိုတော့ ပြင်ဆင်ချိန်မရှိဘူးပေါ့ဗျာ ဒကာ ဒကာမတို့ သက်တမ်းရှည်လေရော့သလား၊တိုလေရော့သလား . . .(တိုပါတယ်ဘုရား)အင်မတန်တိုတဲ့အထဲမှာ အချိန်ကိုအလွဲသုံးစားလုပ်မယ်ဆိုရင် ကိုယ့်ကိုယ်မှ မသနားတဲ့ပုဂ္ဂိုလ်တွေပဲလို့ စွဲချက်တင်ရင် မလွဲဘူးပေါ့ဗျာဉာဏ်စခန်းဆုံးသွားလို့ရှိရင်ဖြင့် သာသနာကွယ်ဖို့ရာ နှစ်အလိုနဲ့ မတွက်ပါနဲ့၊မင်းသေသွားလို့ရှိရင် မင်းအတွက် သာသနာကွယ်တာပဲဆိုရင် လွဲပါ့မလား . . .(မလွဲပါဘုရား)
၊သာသနာဘယ်မှာတည်ပါလိမ့် . . .(ကိုယ်သက်တမ်းအပေါ်တည်ပါတယ်)။
ဒါကြောင့် ယနေ့နက်ဖြန်ရွေးတဲ့ပုဂ္ဂိုလ်ဟာ လူမိုက်ဗျ . . .(မှန်ပါ့ဘုရား)၊ဒီနေ့မအားသေးဘူး၊နက်ဖြန်ကျအောင် သူ့ရုပ်/နာမ် ခိုင်မြဲသေးတယ်၊ဒိဋ္ဌိ ရှိ မရှိ၊ရှိရင် ဘာဆိုကြမယ် . . .(သဿတဒိဋ္ဌိပါဘုရား)၊ပညာကပြောတာလား၊သဿတဒိဋ္ဌိကပြောတာလား။
အဲဒါတွေ သေသေချာချာ စဉ်းစားကြည့် နက်ဖန်မှလုပ်၊သန်ဘက်မှလုပ်ဆိုတာ ဘယ်သူကကန့်ကွက်တာတုံး . . .(သဿတဒိဋ္ဌိက ကန့်ကွက်တာပါဘုရား)၊မဂ်ကိုတားလေသမျှ . . .(ဒိဋ္ဌိတားလို့ချည်းပါဘုရား)။
ကြည့်ပါ ဒကာ ဒကာတို့၊ကဿပဘုရားက တရားဟောတယ်၊ပေယျဆိုတဲ့ ဒကာတစ်ယောက်ကို တရားဟောနေတော့ ဒီတရားဆုံးမှ ပေယျမဂ်ရရမှာဖြစ်တယ်၊ ဒီပေယျကို အိမ်ကနေပြီး ခင်ပွန်းမကကိစ္စရှိလို့ ခဏပြန်ခဲ့ပါဦးဆိုတော့ တရားဖြတ်ပြီးး သူပြန်သွားတယ်၊သူဥာဏ်က ဒီအချိန်မှာရင့်နေတဲ့အချိန် တရားအဆုံးမှာသူက မဂ်ဖိုလ်ကိုရရမှာ။
ဘုရားသခင်ကိုယ်တော်မြတ်ကြီးက ပေယျ
ဆိုတဲ့ပုဂ္ဂိုလ်ပြန်သားရော ပေယျဖြင့်ရှုံးပဟေ့တဲ့-ငါးမိနစ်၊ဆယ်မိနစ်လောက်ကျန်တော့တာပဲ-ပေယျဖြင့်အရှုံးကြီးရှုံးတယ်ကွာတဲ့၊ဒီတရား အဆုံးသာနာမယ်ဆိုရင် မဂ်ရသွားတော့မှာပဲ-ဒီအချိန်ဥာဏ်က ရင့်ရင့် ရင့်ရင့်ပြီးတက်လာတဲ့အချိန် မြတ်စွာဘုရားကလည်းရင့်ရင့် ရင့်ရင့်ပြီး တရားကိုဟောတော်မူတဲ့အချိန် သစ္စာဆိုက်ခါနီးမှ ပြန်ပြေးတယ်၊ ကျုပ်တို့ ဂေါတမမြတ်စွာဘုရား လက်ထက်ကျမှ ကျွတ်တမ်းဝင်ရတယ်။
ဒိဋ္ဌိကိုဖြင့် ရန်သူအကြီးမားဆုံးမှန်း သိကြပါပြီ-
ဒါဖြင့် တရားအားထုတ်တဲ့အခါကျတော့ ဘုရားက သုံးနည်း ဟောခဲ့ပါတယ်၊ ဒီသုံးနည်းနဲ့ အားထုတ်လို့ရင် မဂ်ဉာဏ်၊ဖိုလ်ဉာဏ် သေသေချာချာရနိုင်ပါတယ်၊ တရားအားထုတ်တဲ့အခါမှာ သုံးနည်းအနက် တစ်နည်းနည်းနဲ့ အားထုတ်စမ်းပါတဲ့ . . .(မှန်ပါ့ဘုရား)။
(၁) ကိုယ့်ကိုယ်ကို အဓိပတိထား၍ အားထုတ်ခြင်း တစ်မျိုး၊
(၂) နံပါက်က သူတစ်ပါးကို အဓိပတိထား၍ အားထုတ်ခြင်း တစ်မျိုး၊
(၃) နံပါက်က တရားဂုဏ်တော်ကို အဓိပတိထား၍ အားထုတ်ခြင်း တစ်မျိုးတဲ့ . . .(မှန်ပါ့ဘုရား)။
အဲဒီအဓိပတိ သုံးပါးအနက် တစ်ပါးပါးကိုသာ ဒကာ-ဒကာမတွေကတားမယ်ဆိုရင် ဒိဋ္ဌိမကပ်သောကြောင့် မဂ်ဉာဏ်၊ဖိုလ်ဉာဏ် အလွယ်တကူရနိုင်ပါတယ် . . .(မှန်ပါ့ဘုရား)။
ကိုင်း . . .ဒါဖြင့် တရားထိုင်တော့မယ်၊ ဘုရား၊ တရား၊ သံဃာ၊ လှူပြီးသကာလ သီလဖြူစင်အောင် ဆောက်တည်ထားပြီး တရားဟောတော်မူပါဆိုကာ တရားအားထုတ်တော့မယ်လို့ဆိုလို့ရှိရင်ဖြင့် ကိုယ့်ကိုယ်ကို တရားမစမီ မင်းသည်စားစရာမရှိလို့ တရားအားထုတ်တာမဟုတ်ဘူး . . .(မှန်ပါ့)။
ကိုယ့်ကိုယ်ကို မြှောက်ပေးရမယ်၊ စားစရာမရှိလို့ တရားအားထုတ်တာမဟုတ်ဘူး၊ ၀တ်စရာမရှိလို့ တရားအားထုတ်တာမဟုတ်ဘူး၊ နေစရာ၊ ထိုင်စရာမရှိလို့ တရားအားထုတ်တာမဟုတ်ဘူး၊ ဒီဘ၀ကောင်းစားရေးကို အလိုရှိလို့ တရားအားထုတ်တာသည် မဟုတ်ပါဘူး . . .(မှန်ပါ့)။
ဒီဘ၀မှလဲ အန္တရာယ်ကင်းလို့ ဘေးရှင်းအောင်ပေါ့ဗျာ၊ နောက်ဘ၀မှာလဲအန္တရာယ်ကင်းလို့
ဘေးရှင်းအောင်ပေါ့ဗျာ၊ နောက်ဘ၀မှာ လူချမ်းသာ နတ်ချမ်းသာဆိုတာ ဒါကိုအလိုရှိလို့ အားထုတ်သည်မဟုတ်ပါဘူးဆိုပါမှ တဏှာ၊ဒိဋ္ဌိကပယ်ပြီးသား ဖြစ်တယ်၊သြော် . . .တော်တော်အရေးကြီးပါလားဆိုတာ မပေါ်သေးဘူးလား . . .(ပေါ်ပါတယ်ဘုရား)။
ဒီဘ၀ကောင်းစားရေး၊ ဟိုဘ၀ ကောင်းစားရေးဆိုတာကို အလိုရှိလို့ . . .(တရားအားထုတ်သည်မဟုတ်ပါဘုရား)၊ ဇာတိမှလွတ်လို့၊ ဇရာမှလွတ်လို့၊ ဗျာဓိမှလွတ်လို့၊ မရဏမှလွတ်လို့၊ ပဋိသန္ဓေနေခြင်းဘေး၊ အိုခြင်းဘေး၊ နာခြင်းဘေး၊ သေခြင်းဘေးဆိုတာတွေ ဘေးတကာရန်တကာလွတ်လိုလို့သာလျှင် အားထုတ်ပါတယ်ဆိုပြီးသကာလ အားထုတ်ကြစမ်းပါ . . .(မှန်ပါ့ဘုရား)။
ဩော် . . .တရားအားထုတ်တာသည်ကားဆိုလို့ရှိရင်ဖြင့် ပစ္စုပ္ပန်လဲ တရားအားထုတ်လို့ ကျန်းမာ၊ချမ်းသာတာပဲလို့ ဒီလိုမယူလိုက်ပါနဲ့၊ သူ့ ဟာသူ ကျန်းမာတာကိုတော့ ဘုန်းကြီးက မကန့်ကွက်ဘူး၊ ကိုယ်က အလိုရှိတဲ့ တဏှာမပါစေနဲ့ . . .(မှန်ပါ့)။
ကိုယ့်ကိုယ်ကို အဓိပတိထားပြီး တရားအားလိုက်လို့ရှိရင် ဒကာ-ဒကာမတို့ မြန်မြန်လဲ ဖြစ်ပျက်၊ အနိစ္စကြီးကို မြင်ပါလိမ့်မယ် . . .(မှန်ပါ့)၊ မြန်မြန်လဲ မဂ်ဆိုက်နိုင်ပါတယ်၊ ဘာကြောင့်တုံး တဏှာကလုံးဝ မခြံရံဘဲ . . .(မှန်ပါ့)၊ ဒိဋ္ဌိကော . . .(မခြံရံပါဘုရား)။
ကောင်းပြီးတစ်ခါတလေကျတော့ တရားအားထုတ်ရင်းမတ္တနဲ့ သူတစ်ပါးကို အဓိပတိထားပြီး အားထုတ်တဲ့ဥစ္စာဘုရားက ဟောတော်မူပြန်တယ် . . .(မှန်ပါ့ဘုရား)။
(၂) သူတစ်ပါးးကို အဓိပတိထားပြီး အားထုတ်ရမယ်ဆိုတာက မင်းသည် စားစရာမရှိလို့၊ ၀တ်စရာမရှိလို့၊ နေစရာမရှိလို့၊ ဟိုဘ၀လိုချင်လို့ တရားအားထုတ်တာမဟုတ်ဘူးဆိုပြီး တရားအားထုတ်ရင်း မတ္တနဲ့ပေါ့ဗျာ . . .(မှန်ပါ့ဘုရား)။
သားကိစ္စလေး ပေါ်သလိုလို၊ သမီးကိစ္စလေးပေါ်သလိုလိုဖြစ်လာတော့ကိုယ့်ကိုယ် ဟေ့ . . .ယောဂီပုဂ္ဂိုလ် မင်းသည်ကားဆိုလို့ရှိရင်ဖြင့် မင်းကိုယ်ဟာ မင်းအသိဆုံး၊ မကောင်းဘူးဆိုတာ၊ တစ်ခါ မင်းသန္တာန်မှာ အခုကာမဝိတက်ဆိုတဲ့လောဘတွေလာနေတယ်၊ ဗျာပါဒဝိတက်ဆိုတဲ့ စိတ်မချတာတွေလာနေတယ်၊ ဝိဟိံသဝိတက်ဆိုတဲ့ သူတစ်ပါး ဘယ်လိုချိုးလိုက်မယ်၊ မင်း ကိုယ်စောင်နတ်ကလည်းသိတယ်ကွ၊ ဒိဗ္ဗစက္ခုအဘိဉာဏ်ရတဲ့ပုဂ္ဂိုလ်တွေကလဲ . . .(သိပါတယ်)၊ အကုန်သိ မင်းမရှက်ဘူးလား . . .(မှန်ပါ့)၊ အဲဒါတွေ ရှက်ပြီးသကာလ မင်းသန္တာန်ဒီဟာတွေ မလာစေနဲ့ကွ၊ မင်းကို သူတစ်ပါးက အကုန်သိတယ် . . .(မှန်ပါ့ဘုရား)။
ဒီဟာမျိုးက အရေးကြုံမှလာတက်တာနော် . . .(မှန်ပါ့)၊ အရေးကြုံးလို့သမာဓိကလေးကောင်းပြီး
ဖြစ်ပျက်ကလေးများ စိတ်မယ်ကြံမှ သူကကြားထိုးကလေးလာတာ . . .(မှန်ပါ့ဘုရား)၊ ကြားထိုး လာတိုင်း လာတိုင်း ကြားထိုးတဲ့စိတ်ဟာ ဒကာ ဒကာမတို့ အရှုခံလာတာတို့ မှတ်လိုက်ပါ။
ဘာလုပ်တာပါလိမ့် . . .(အရှု့ခံလာတာပါဘုရား)၊ အရှုခံလာတာကို ခင်ဗျားတို့က ဒီနေ့ပဲ့ကံမကောင်းလို့ အကြောင်းမသင့်လို့ အိမ်စောင့်နတ်ကကိုင်တော့မလိုလို၊ ခင်ဗျားတို့ဟာက တော်တော်ခက်နေတာ . . .(မှန်ပါ့)၊ မခက်ဘူးလား အင်မတန် မနစ်နာဘူးလား . . .(နစ်နာပါတယ်ဘုရား)။
နစ်နာတာ ဘယ်ကျအောင် နစ်နာမလဲဆိုတော့ ရှုနေရင်းမတ္တနဲ့ ကာမ၀ိတက်ဆိုတဲ့ လောဘကလာမယ် . . .(မှန်ပါ့)၊ လောဘလာတော့ ဘုန်းကြီးပြောနေကျပဲ၊ ခွေးသူခိုးမ ဝင်လို့ရှိရင် ခွေးသူခိုးမနောက်က ခွေးကလေးတွေ အကုန်လိုက်မယ်လို့ ပြောထားတယ် . . .(မှန်ပါ့)၊ ခွေးသူခိုးမ အိမ်ထဲကို မအေကြီးသာ မ၀င်စေနဲ့၊ သူမွေးထားတဲ့ ခွေးသူခိုးလေးတွေမလာဘူး။
ဒီမှာလဲ ခွေးသူခိုးမနဲ့ တူတဲ့ တဏှာသာဝင်ခံရင် ဥပါဒါန် နောက်ကပါလာလိမ့်မယ် ရိပ်မိပလား၊ ဥပါဒါန်လာရင်ကံကကော . . .(လာပါတယ်)၊ ကံလာရင် ဇာတိကော . . .(လာပါတယ်)၊ ဇာတိလာရင် ၊ဇရာ၊ မရဏတွေကော . . .(လာပါမယ်)၊ အဲ-ခွေးသူခိုးမကြီးလက်ခံမိတာ မိုးကြိုးပစ်တာထက် နာသေတယ် . . .(မှန်ပါ့)
ဒါဖြင့် ဒီခွေးမကြီူးကို ဘာလုပ်ကြရမတုံး . . .(ဖြစ်ပျက်`ရှုပစ်ရပါမယ်)၊ ဖြစ်ပျက်`ရှုပစ်လိုက်တော့ သူကကြားထိုးသဘောလား၊ ကျုပ်ကို`ရှုပါလို့လာတာလား . . .(`ရှုပါလို့လာတာပါ)၊ အဲ-`ရှုပါလို့လာတာ”ဧဟိ-ပဿိကောနဲ့”သွားလိုက်တယ်“ဧဟိ=လာခဲပါ၊ ပဿ=`ရှုပါ-ကျုပ်ကို`ရှုပါ”ဆိုတော့၊ သူကို ဧဟိပဿိကောလို့ဆိုတဲ့အတိုင်း၊ အ`ရှုခံလာတာကို `ရှု`ဥာဏ်နဲ့သွား`ရှုလိုက်ရင် အရင်`ရှုနေတဲ့ ကမ္မဋ္ဌာန်းနဲ့ နောက်ကြားထိုးကမ္မဋ္ဌာန်းနဲ့ဟာ တသားတည်း မသွားဘူးလား . . .(သွားပါတယ်)၊ ဘုရားက ကိလေသာကြားမထိုးရင် မနက်အားထုတ် ညနေမဂ်ဉာဏ် ဖိုလ်ဉာဏ်ရနိုင်တယ်တဲ့ . . .(မှန်ပါ့)၊ ဒီစကားကို တော်တော် လေးလေးစားစား လုပ်ရလိမ်မယ်။
ဒါဖြင့်ကိလေသာကြားမထိုးလို့ရှိရင် ဘုရားက ဗောဓိရာဇကုမာရမင်းသားကို ဟောထားတာက ညနေအားထုတ်ရင် မနက်ရပါတယ်တဲ့ . . .(မှန်ပါ့)၊ အခုတော့ ခင်ဗျားတို့ကြားထိုးကို မ`ရှုတတ်တော့ကို တစ်သက်အားထုတ်နေလဲ ကြားထိုးကို မ`ရှုတတ်ရင် မရပါဘူး . . .(မှန်ပါဘုရား)။
အရင်တုံးကတော့ သန္ဒိဋ္ဌိကောဆိုတဲ့ဥစ္စာ စာထဲတွင်ဆိုသံ ကြားဖူးနေတာ အခုတော့ ကြားထိုးနေပြီဆိုတာ ကိုယ်တိုင် အသိသားပဲ။
အဲ . . .သန္ဒိဋ္ဌိကောဖြစ်အောင် ဖြစ်ပျက်`ရှုလိုက်လို့ရှိရင်၊ ဧဟိပဿိကောနဲ့လဲ သွားပြီးမကိုက်ဘူးလား။
ကဲ . . .ဒါဖြင့် သူတစ်ပါးကို အကြီးအမှူးထားပြီး၊ ကိုယ်စောင့်နတ်၊ ရွာစောင့်နတ်၊ တောစောင့်နတ်၊ တောင်စောင့်နတ်စသည်တို့ သိမှာစိုးသဖြင့် တရားကို ပိုမိုပြီး ကြိုးစားလိုက်ပါ၊ သူတစ်ပါးကို ငဲ့သဖြင့် ကိုယ်မဂ်ဖိုလ်ရနိုင်ပါတယ်။
(၃) နံပါက်က တရားကို အဓိပတိထားသဖြင့်လဲ့-(မဂ်ဖိုလ် ရနိုင်ပါတယ်ဘုရား)၊ ကိုင်း . . .တရားကို အဓိပတိထားပုံကို ပြောကြစို့။
ဘုရားအဆူဆူပင် ဒကာ-ဒကာမတို့ သွာက္ခာတော ဘဂဝတာဓမ္မော မဟောကြဘူးလား . . .(ဟောကြပါတယ်ဘုရား)၊ ဘဂဝတော=မြတ်စွာဘုရားသခင်သည်၊ ဓမ္မော=တရားကို၊ သွာက္ခာတော=အကောင်းချည့်ဟောတာပဲ၊ နိဗ္ဗာန်ရောက်ဖို့ချည့် ဟောတာပဲ . . .(မှန်ပါဘုရား)။
အဲဒီတော့ ကိုယ်ကတရားအားထုတ်နေရင်းမတ္တနဲ့ ဘာစိတ်တွေ၊ ညာစိတ်တွေ၊ သားစိတ်၊သမီးစိတ်၊ ဆွေစိတ်၊ မျိုးစိတ်၊ ရောင်းဝယ်စိတ် ဝင်လာလို့ရှိရင်ဖြင့်၊ ဘုရားသခင်ကိုယ်တော်မြတ်က သွာက္ခာတော ဘဂဝတာဓမ္မောတဲ့၊ သူ့တရားအားထုတ်လို့ရှိရင်ဖြင့် ကောင်းတဲနိဗ္ဗာန်ကို ရောက်ပါလိမ့်မယ်လို့ ရဲဝံစွာ သူကတာဝန်ခံပါလျက်သားနဲ့ မင်းတရားဖျက်မလို့ ကမ္မဋ္ဌာန်းယောင်ဆောင်နေတာလားလို့ ကိုယ့်ကိုယ်မေးရမယ် . . .(မှန်ပါ့ဘုရား)။
အခု မင်းအားထုတ်ပြီးသကာလနေတဲ့ဥစ္စာ တရားဖျက်လာသလိုဖြစ်နေတယ်၊ ကာမဝိတတ်တွေလာ၊ ဗျာပါဒဝိတတ်တွေလာ၊ ဥဒ္ဓစ္စကုက္ကုစ္စတွေလာနဲ့ မင်းတရားဖျက်လာနေတာလား၊ မြတ်စွာဘုရားဟောတဲ့တရားဟာ နိဗ္ဗာန်ရောက်တဲ့တရား မင်းလုပ်နေပုံကဖြင့် တရားဖျက်နေပါပေါ့လားလို့ ကိုယ့်ကိုယ်ကိုစွပ်စွဲပါ . . .(မှန်ပါ့)၊ အဲဒီတော့ တရားကို အဓိပတိထားသဖြင့် တရားက နိဗ္ဗာန်ရောက်ပါတယ်လို့ ဘုရားဟောခြင်းကြောင့်၊ ကိုင်း . . .လာတဲ့တရားတွေကို အကုန်သာဖြစ်ပျက်ရှု . . .(မှန်ပါ့)။
ပုထုဇဉ်စိတ်ကို ပုထုဇဉ်`ဉာဏ်နဲ့`ရှုရင် အရိယာ`ဉာဏ်ဟာ ရင့်သွားရမယ် . . .(မှန်ပါ့)၊ မရင့်ပါနဲ့ဆိုလို့ရပါ့မလား . . .(မရပါဘုရား)၊ မ`ရှုခင်ကတည်းက အရိယာဖြစ်နေတယ်လို့ ထုံးစံကောရှိလား . . .(မရှိပါဘုရား)၊ အဲ . . .ပုထုဇဉ်သန္တာန်ရှိတဲ့စိတ်ကို `ရှုတာနဲ့ ပုထုဇဉ်က အရိယာဖြစ်တာချည်းပဲ . . .(မှန်ပါ့)။
ဘုရားဟာ ဘာဖြစ်လို့ ဘုရားဖြစ်ပါလိမ့် . . .(ပဋိစ္စသမုပ္ပါဒ်ပြတ်လို့ပါဘုရား)၊ရဟန္တာဘာလို့ ရဟန္တာဖြစ်ပါလိမ့် . . .(ပဋိစ္စသမုပ္ပါဒ်ပြတ်လို့ပါဘုရား) သန္ဒိဋ္ဌိကောနဲ့ ကိုယ်တိုင်သွားလို့ ဖြစ်တာချည်းပဲ . . .(မှန်ပါ့)။
ကိုယ်တိုင်မြင်အောင်ဆိုတာ သန္ဒိဋ္ဌိက -က၊လာကြည့်ပါဆိုတာ ဧဟိပဿိက-က . . .(မှန်ပါ့)၊ ဒီတရားတစ်ခု တစ်ခုတည်းကိုက သန္ဒိဋ္ဌိကဂုဏ်လည်းရှိတယ် . . .(မှန်ပါ့)၊ ခင်ဗျာတို့ `ရုပ်ရှင်တို့၊ ပွဲတို့ကြော်ငြာတဲ့အခါကျတော့ ခင်ဗျာတို့ ကိုယ်တိုင်မြင်ရအောင် `ရုံသို့စောစော ကြွပါ၊ မဟုတ်လား . . .(မှန်ပါဘုရား)။
ကိုယ်တိုင်မြင်ရအောင်ဆိုတာ ဘယ်သူပါလိမ့် . . .(သန္ဒိဋ္ဌိကောပါဘုရား)၊ လာကြည့်ပါဆိုတာက . . .(ဧဟိပဿိကောပါဘုရား)။
ကိုယ်တိုင်မြင်ရအောင်လာကြည့်ဆိုတဲ့ စကားနှစ်ခုလုံးကို ခင်ဗျာတို့ ဟောဒီ မဂ်`ဉာဏ်နဲ့သာ သွားစမ်းပါ။ အကာလိကောဆိုတာ=သေသေချာချာ အခါမလင့် အကျိုးပေးတာတွေ မထင်ရှားဘူးလား . . .(ထင်ရှားပါတယ်ဘုရား)။
ဒါဖြင့် ဒီအဓိပတိသုံးပါး တစ်ပါးပါးအားထုတ်မယ်ဆိုလို့ရှိရင် မရမရှိနိုင်ဘူး၊ ဘုန်းကြီးက တာဝန်ခံပါတယ် . . .(မှန်ပါ့)၊ သဘောပါကြပလား . . .(ပါပါပြီးဘုရား)။
ကိုင်း . . . ယနေ့ ဒီတွင် တော်ကြဦးစို့။ သာဓု . . .သာဓု . . .သာဓု
ဤကောင်းမှုကုသိုလ်ကံ
စေတနာအပေါင်းတို့သည် အားထုတ်ဆဲဖြစ်သော
ဝိပဿနာဉာဏ်မှ မဂ်ဉာဏ်သို့ကျေးဇူးပြုခြင်းငှာ
အထောက်အပံ့ ပစ္စည်းအဖြစ်ဖြင့်
တည်ရှိပါစေသတည်း ။
အရှင်ဉာဏဓဇ
မိုးကုတ်ဝိပဿနာ မင်္ဂလာမဂ္ဂင်ရိပ်သာ
ပင်မသံဝေဇနိယဌာန
အမရပူရမြို့ ။
No comments:
Post a Comment