ခပ်သိမ်းကင်းငြိမ်းဖို့ တရားနာတယ်လို့ စိတ်ထဲကမှတ်ရမယ်၊ ဒုက္ခခပ်သိမ်းကင်းငြိမ်းဖို့ နားကြတယ်ဆိုလို့ရှိ
ရင်ဖြင့်တဲ့ ဝိဝဋကုသိုလ် ဖြစ်ပါတယ်၊ ဒုက္ခသစ္စာ ဘယ်ကလာပါလိမ့် ဘုံဘဝလိုချင်တဲ့ တဏှာကလာတယ်၊
ဒီတဏှာတွေကို သတ်ဖို့ရာအရေး ဒကာ ဒကာမ နည်းနာယူတာသည် တရားနာတာ အစစ်လို့မှတ်ပါ၊ တဏှာ
လောဘ အမြစ်အရင်းရှာလိုက်တဲ့ အခါကျလို့ရှိရင်ဖြင့် မိမိခန္ဓာမှာနေတယ်လို့မှတ်ပါ၊ ဒုက္ခသစ္စာ ဘယ်ကလာ
သတုန်း (သမုဒယသစ္စာကလာပါတယ်ဘုရား)၊ တဏှာသမုဒယကလာတယ်၊ ဒကာ ဒကာမတို့ တဏှာဟာ
ဝေဒနာသုံးပါးကြောင့်ဖြစ်တယ်၊ တဏှာ သမုဒယက ဘယ်ကလာသတုံးမေးရင်း (ဝေဒနာကလာပါတယ်
ဘုရား)၊ ခန္ဓာငါးပါးရှိရာတွင် ဘယ်ခန္ဓာကလာသတုံးမေးရင်တော့ (ဝေဒနာက္ခန္ဓာကလာပါတယ်ဘုရား)၊
တဏှာကိုသတ်ချင်ရင် တဏှာကို မသတ်နဲ့ ဝေဒနာကိုသတ်ပါ၊ တဏှာသေချင်ရင် ဝေဒနာကို ရှုပါ တဏှာ
၏ ရေသောက်မြစ်ဟာ ဝေဒနာပါကလားဆိုတာပေါ်တယ်။
ဝေဒနာဖြစ် ပျက်မြင်လို့ရှိရင် တဏှာပြတ်သွားတယ်၊ ဒါကြောင့် ဒကာ ဒကာမတွေ ဝေဒနာကို ဖြစ်ပျက်
မြင်မှ (ဝါ) ခယဝယမြင်မှ ကုန်တာ၊ ပျောက်တာမြင်မှ တဏှာသေတယ်လို့ မှတ်လိုက်စမ်းပါ၊ ဝေဒနာနဲ့ စိတ်
နဲ့ဟာ တပြိုင်နက်ဖြစ်တယ်၊ နည်းမရလဲ မရှိကြပါစေနဲ့ စိတ်ရှုလဲ ဝေဒနာပါတာပဲ၊ ဝေဒနာရှုလည်းစိတ်ပါတာ
ပဲ၊ ကိုယ်၏ချမ်းသာခြင်းလဲ (သုခဝေဒနာ)၊ စိတ်၏ချမ်းသာခြင်းလဲ (သုခဝေဒနာပါဘုရား)၊ ကိုယ်၏ချမ်းသာ
ခြင်းက ကိုယ်ပေါ်မှာပေါ်သနော်၊ စိတ်၏ ချမ်းသာခြင်းက (စိတ်မှာပေါ်ပါတယ်)၊ ဘုရားက သိကြားမင်းကို
ဟောနေတယ်၊ ကိုယ်၏ ဆင်းရဲ့ခြင်း၊ စိတ်၏ဆင်းရဲ့ခြင်း (ဒုက္ခဝေဒနာပါ)၊ နှစ်ခုစလုံး ဒုက္ခချည်းပဲ၊ ပြိုင်တော့
မပေါ်ပါဘူး၊ သို့သော်ရှင်းအောင်လို့ ဒီနေရာမှာလဲပေါ်တယ် ဝမ်းထဲမှာလည်းပေါ်တယ်ဆိုတာ သိအောင်လို့
ပြောရပါတယ်၊ ရှင်းပြီနော်၊ ဒါဖြင့် ကိုယ်၏ဆင်းရဲချမ်းသာကင်းမှု၊ စိတ်၏ဆင်းရဲချမ်းသာကင်းမှု ဒါဥပေက္ခာ
ဝေဒနာပဲ နှစ်မျိုးပဲ၊ မျက်စိ၊ နား၊ နှာခေါင်း၊ လျှာမှာလဲ ဥပေက္ခာ၊ ရှင်းပြီနော် ဝမ်းထဲမှာလဲလျစ်လျူရှုတဲ့အခါ
ဥပေက္ခာပဲ၊ အကြင်ဝေဒနာကို ခံစား၏ ဘယ်ဝေဒနာတုန်းဆိုတော့ သုခ၊ ဒုက္ခ၊ ဥပေက္ခာဟေ့ အဲဒါတွေကို
မင်းသည်ကားဆိုလို့ရှိရင် အနိစ္စလို့ရှုပါ၊ ချုပ်အောင်ရှုပါ၊ တဖန်ချုပ်အောင်ရှုပါ ထိုကဲ့သို့ ရှုလိုက်လို့ရှိရင်ကွာ
တဲ့ အနိစ္စတွေရှု၊ ရာဂကင်းအောင်ရှုသာ ရှုမယ်ဆိုလို့ရှိင်ရင်ဖြင့်၊ မင်းသည်ကားဆိုရင်ဖြင့်၊ တောင့်တမှု၊
ကြောင့်ကြမှု၊ တဏှာအကုန်သေပါတယ်။
တဏှာသေတယ်ဆိုရင်တော့ ဥပါဒါန်သေတယ်ကွ၊ လူ့ပြည်လောက၊ နတ်ပြည်လာက၊ ဗြဟ္မာပြည်
လောကဆိုတဲ့ ပျက်စီးတတ်တဲ့ လောကထဲမှာ မင်းမဖြစ်တော့ဘူးကွ၊ ဒါ..ကြိုးစားကွ..သိကြားမင်းကို ဘုရား
က သတိပေးလိုက်ပါတယ်၊ လုပ်နည်းကိုပေးလိုက်တယ်၊ ဝေဒနာနုပဿနာကို ပေးလိုက်တယ်၊ လောကကြီး
ဘယ်သူဆင်းရဲနေသလဲဆိုလို့ရှိရင်၊ တဏှာကပေးတဲ့ ဆင်းရဲပဲ၊ သူများထက်ချမ်းသာချင်ရင် သူများထက် ပို
ဆင်းရဲခံရလိမ့်မယ်၊ သူများထက်ချမ်းသာတာက တဏှာ၊ သူများထက် ပိုဆင်းရဲတာက ဒုက္ခ၊ ဆင်းရဲခြင်း
များတာသည် ကိုယ့်တဏှာများလို့ လူ့ပြည်မှာဆင်းရဲတယ်၊ သေတော့ ငရဲသွားရတယ်ဆိုတော့ ဒါပဲ၊ ခင်းဗျာ
တို့ ဒုက္ခရောက်ဖို့ရာတွေကို ကြိုးစားနေကြတယ်ဆိုတာပေါ်ကြပလား၊ ဘုရားမပွင့်လို့၊ ဘုရားတပည့်တွေ
ဟောတတ်တဲ့ ပုဂ္ဂိုလ်နဲ့မကြုံလို့ရှိရင်ဖြင့် ဆင်းရဲခြင်းတောင့် တမည့် ပုဂ္ဂိုလ်ချည်းပဲလို့ ဆုံးဖြတ်ချက်ချ၊ ဆင်းရဲ
တာ ဘယ်ကလာ တဏှာကလာ၊ တဏှာ ဘယ်ကလာ၊ ဝေဒနာကလာ သဘောကျပလား၊ ဒါဖြင့် ဝေဒနာနဲ့
တဏှာကြားကို မဂ်ဝင်ကြပါစို့ သဘောပါပလား၊ ဘုရားဖြစ်တဲ့နေရာဟာ ဗောဓိပင်နဲ့ ရွှေပလ္လင်မှာမဟုတ်ပါ
ဘူး၊ ဝေဒနာနဲ့ တဏှာကြားမှာ သဗ္ဗညုတဉာဏ်ရပါတယ်၊ ဝေဒနာနဲ့ တဏှာကြားမှာ ဘုရားဖြစ်တာကိုး၊ ခင်
ဗျားတို့က အိန္ဒိယသွားပြီး ဘုရားဖြစ်တဲ့နေရာလဲသွားရဦးမယ် အင်း...ခက်တဲ့လူတွေပဲ၊ မသွားရဘူးလို့ ဘုန်း
ကြီးတို့ကမဆိုပါဘူး၊ ဘုရားဖြစ်တာ ဟိုမှာ သဏ္ဍာန်တော် ဘုရားပါ၊ ခန္ဓာပဋိစ္စသမုပ္ပါဒ်ဖြစ်တဲ့ ပရမတ်ဘုရား
စစ်စ်ကတော့ ဝေဒနာနဲ့ တဏှာကြားမှာ သဗ္ဗညုတဉာဏ်ဝင်လာတယ်၊ ဘယ်ဘုရားမဆို ဝေဒနာနဲ့ တဏှာ
ကြားမှာဖြစ်တယ်ရှင်းပလား။
သောတာပန်ဖြစ်ချင်လဲ ဝေဒနာနဲ့ တဏှာကြားမှာဖြစ်ရမယ်၊ သကဒါဂါမ်ဖြစ်ချင်လဲ (ဝေဒနာနဲ့တဏှာ
ကြားပါ)၊ ဝေဒနာနဲ့ တဏှာကြားမှာ ဝေဒနာဖြစ်၊ ပျက်မြင်လို့ တဏှာချုပ်သွားလို့ရှိရင်လဲ ဒီနေရာ သောတပန်
တည်မှာပဲ၊ ကြောင့် စိတ္တာနုပဿနာရှုလဲ နိဗ္ဗာန်ရောက်တယ်ဆိုတာ ဝေဒနာပါနေလို့ ဝေဒနာနုပဿနာရှုလဲ၊
သောတာပန်၊ သကဒါဂါမ်၊ အနာဂါမ်တည်ပြီး၊ နိဗ္ဗာန်ရောက်နိုင်တယ်ဆိုတဲ့ ဥစ္စာဟာလည်း စိတ်ထဲမှာ စိတ်နဲ့
ဝေဒနာဟာ၊ သမ္ပယုတ္တဓမ္မ၊ သမ္ပယုတ္တဓမ္မ ဆိုတာ ဒကာ ဒကာမတို့ မသိဘဲနေမှာစိုးရတယ်၊ မီးနဲ့ အလင်းဟာ
ဘယ်သူအရင်ဖြစ်သတုန်းမေးလို့ရှိရင်...တပြိုင်တည်းဖြစ်တယ်။ ခင်ဗျားတို့မှာ တွေ့စရာ၊ ဒုက္ခတွေကမနည်း
ဘူး၊ အဟံ အဝေရောဟောမိ...ငါတော့ဖြင့်၊ အိုတဲ့ ဆီပြေးရပါလို၏လို့ မေတ္တာပို့ကြည့်ပါလား...အိုတဲ့ဆီပဲပြေး
တယ်၊ နာတဲ့ဆီပြေးမယ်၊ အနိစ္စလို့ရှုပါဆိုတော့ ဝေဒနာမပေါ်ခင်ရှုရမှာလား..ဝေဒနာပေါ်တုန်းရှုရမှာလားလို့
မေးလို့ရှိရင်ဖြင့် ဒကာ ဒကာမတို့ ဝေဒနာပေါ်တုံးရှုပါ၊ ပေါ်တုန်းလို့ဆိုပြန်ငြားသော်လည်း၊ ပေါ်ဆဲမှာ ရှုတဲ့
ဉာဏ်က မပေါ်နိုင်လို့ သူပေါ်ပြီးမှ ရှုပါ၊ တစ်ခုပေါ်လို့ ချုပ်ပျောက်ပြီးမှ ဉာဏ်ကနောက်ကပေါ် ရမယ်၊ ဒါဖြင့်
ဝေဒနာက ရှေ့ကပေါ်တယ်၊ ဉာဏ်ကနောက်မှပေါ်ပါစေ၊ ဒါဖြင့် ဝေဒနာဖြစ်၊ ပျက်ပြီးသည့် အခြားမဲ့မှာ
ဉာဏ်ပေါ်တယ်။
ဝေဒနာသုံးပါး ဖြစ်၊ ပျက်မြင်လို့ရှိရင်၊ ခရီးတဝက်ပေါက်ပြီ၊ ဒါဖြင့် ခရီးတဝက်ပေါက်တာ (တစ်မျိုးပါဘု
ရား)၊ ခရီးအဆုံး ပေါက်ရောက်သွားတာ (တစ်မျိုးပါ)၊ နှစ်မျိုး...ရှင်းပလား။ ဒုက္ခဝေဒနာပေါ်လဲ ဖြစ်ပြီးပျက်
တာကိုးလို့ရှုတာပဲ၊ ဖြစ်ပြီး မရှိတာပဲ၊ သူသိလိုက်တယ်၊ ဝေဒနာရယ်လို့ သူမတွေ့တော့ဘူး၊ ဒါပဲ သူတွေ့လိုက်
တော့ ဝေဒနာက္ခန္ဓာကို သူစွန့်ပြီးသားဖြစ်ပါတယ်၊ ဟောဒီနောက်က တဏှာတွေကိုလာခွင့်မပေးသော
ကြောင့် ဒကာ ဒကာမတို့ တဏှာလဲစွန့်တယ်၊ ဒါဖြင့် မဂ္ဂင်ငါးပါးနဲ့ ရှုနေလို့ရှိရင် ရှေ့ကဖြစ်ပျက်ကိုမြင်တိုင်း
နောက်က တဏှာ၊ ဥပါဒါန်ချုပ်တယ်၊ ဝိပဿနာလုပ်နေလို့ရှိရင် ဘာစွန့်သလဲ (ခန္ဓာစွန့် တဏှာစွန့် ပါတယ်
ဘုရား)၊ တို့ ဝိပဿနာလုပ်နေတာ ဘာကျေးဇူးရှိပါလိမ့်မတုန်းဆိုတော့...(ခန္ဓာစွန့်၊ တဏှာစွန့်ပါတယ်)၊ ရှေ့
ကခန္ဓာစွန့်တယ်၊ နောက်ကတဏှာစွန့်ပါတယ်၊ ခန္ဓာစွန့်လိုက်တဲ့အတွက်လဲတဲ့ ဒကာ ဒကာမတို့ ဒုက္ခသိမ်း
တာပဲ...တဏှာစွန့်လိုက်တဲ့အတွက်လဲ ဒုက္ခဖြစ်ကြောင်းသိမ်းတာပဲ၊ ဒါဖြင့် ဒုက္ခနဲ့ ဒုက္ခဖြစ်ကြောင်းကို ဝိပဿ
နာဉာဏ်ကသိမ်းတယ်၊ ဝိပဿနာဉာဏ် ဝမ်းထဲရောက်အောင် အားထုတ်လို့ရှိရင် ဝိပဿနာက ဒုက္ခနှစ်ခုကို
ကယ်တင်တယ်။ ဟောဒီတဏှာကြောင့် ရောက်မည့်အပါယ်ကိုလဲ မရောက်စေဘူးကွ (မှန်ပါ့)၊ ဘယ်သူက
တာဝန်ခံသတုန်း (ဝိပဿနာက တာဝန်ခံပါတယ်ဘုရား)၊ ရှင်းကြပလား။
ဤကောင်းမှုကုသိုလ်ကံ
စေတနာအပေါင်းတို့သည် အားထုတ်ဆဲဖြစ်သော
ဝိပဿနာဉာဏ်မှ မဂ်ဉာဏ်သို့ကျေးဇူးပြုခြင်းငှာ
အထောက်အပံ့ ပစ္စည်းအဖြစ်ဖြင့်
တည်ရှိပါစေသတည်း ။ ။
အရှင်ဉာဏဓဇ
မိုးကုတ်ဝိပဿနာ မင်္ဂလာမဂ္ဂင်ရိပ်သာ
ပင်မသံဝေဇနိယဌာန
အမရပူရမြို့ ။ ။
No comments:
Post a Comment