မျက်လုံး၊ နား၊ နှာခေါင်း၊ လျှာ၊ ကိုယ်ထဲမှာ ဆိတ်လို့နာတာတွေ၊ ယားတာတွေ၊ အဲဒီဟာတွေကို၊ ကံကပြုပြင်ထားလို့ ခန္ဓာကိုယ်ကဖြစ်နေသောကြောင့်၊ မျက်စိ၊ နား၊ နှာခေါင်း၊လျှာ၊ ကိုယ် ဒါတွေဟာ ဘာပါလိမ့်မလဲဆိုတော့၊ သူများပြုပြင်ထားသောကြောင့်၊ သင်္ခါရတရားပဲလို့ မှတ်လိုက်တာပေါ့၊ ကံ သင်္ခါရက ပြုပြင်ထားတယ်။
ကံကပြုပြင်မှုကြောင့် ပေါ်နေသောကြောင့် သူ့ကို၊ သူများပြုပြင်သလိုဖြစ်ပေါ်နေသောကြောင့် သင်္ခါရတရားလို့ မှတ်ထားကြပါ။
ဥတုက အခုနည်းနည်းကြမ်းလာတော့၊ ဒကာ၊ ဒကာမတို့ ရုပ်တွေမှာအပူရုပ်တွေဖြစ်ပြီးသကာလ စိတ်မချမ်းသာတဲ့ ဒေါသစိတ်တွေလဲ ပေါ်လာကြ၊ တချို့သောရုပ်တွေဟာလည်း ဥတုပြုပြင်ထားပါသလား၊ တချို့သော စိတ်တွေဟာလည်း ဥတုကြောင့်ဖောက်ပြန်လာတဲ့စိတ်တွေပါလားဆိုရင် လွဲပါ့မလား၊ ဥတုသင်္ခါရပေါ့။
တချို့ကျတော့ ဒကာ၊ ဒကာမတွေ၊ စားလို့ကောင်းလို့ ဝဖြိုး၊ မျက်လုံးတွေဘာတွေကြည်လာတယ်၊ ဆိုတာကော မရှိဘူးလား၊ အာဟာရသင်္ခါရက
ပြုပြင်တယ်၊ စိတ်ကောင်းတာနဲ့ ရွှင်လို့၊ ကြည်လို့၊ အဲဒါတွေကျတော့ စိတ်သင်္ခါရကပြုပြင်ထားတာ။
ခန္ဓာငါးပါးက သင်္ခါရခန္ဓာကိုယ်၊ ပြုပြင်လို့ပေါ်နေတာ၊ ပြုပြင်တဲ့တရားက ကံ၊ စိတ်၊ ဥတု၊ အာဟာရပေါ့ဗျာ၊ ပြုပြင်လို့ပေါ်တာက ခန္ဓာငါးပါး၊ ခန္ဓာငါးပါးသည်သင်္ခါရတရား၊ သင်္ခါရခန္ဓာဆိုတာ အကြောင်းလေးပါးက ပြုပြင်လို့ပေါ်တဲ့ ခန္ဓာငါးပါး၊ ကိုယ်ပိုင် ကိုယ်ဆိုင်ဒီအထဲမှာ မပါဘူးလို့မှတ်ထားလိုက်ကြပါ။
ဒကာ ဒကာမတွေ၏ ခန္ဓာကိုယ်မှာ ကျားလေးချောင်း ထောင်နေရတယ်၊ ဥတုကျား၊ အာဟာရကျား၊ စိတ်ကျား၊ ကံကျားဆိုတဲ့ ကျားလေးချောင်းထောက်နေရတဲ့ အိမ်နဲ့အတူတူပဲ၊ ကိုယ်ပိုင် ကိုယ်ဆိုင်ဆိုတာ မပါသောကြောင့်အနတ္တတရား မှတ်လိုက်တာပေါ့။
သခါင်္ရတရားဟူ၍ အခုကစပြီးမှတ်ထားပါတဲ့၊ ဒကာ ဒကာမတို့ ခေတ္တချည့်ပဲ၊ ခဏပေါ်လိုက် ခဏပျောက်လိုက်၊ ခဏပေါ်လိုက်၊ ခဏပျောက်လိုက်နဲ့၊ ပေါ်တာလည်း ဒကာ ဒကာမတွေနဲ့ မဆိုင်ဘူး၊ ပျောက်တာလည်းမဆိုင်ဘူး၊ အဲဒါတွေ သိထားတော့မှ ဩော် . . .သင်္ခါရတရားဟာ ခိုင်မြဲမှုမရှိပါလား။
ကိုယ်ပိုင်ကိုယ်ဆိုင်ဆိုတာ တစ်ခုမှမပါတော့ ကံကမသာ ဖြစ်လိုက်တော့ဆိုရင်၊ မသာဖြစ်ရတယ်၊ ဥတုကမသာဖြစ်လိုက်တော့ဆိုရင်၊ မသာဖြစ်ရတယ်၊ အာဟာရကသာဖြစ်လိုက်ပါဆိုရင်ကော မသာဖြစ်ရ၊ စိတ်က မသာဖြစ်လိုက်ပါဆိုရင်ကော မသာဖြစ်ရတယ်၊ သူများစီမံသလို ခံရုံးပေါ့။
ဘယ်လိုဆုံးဖြတ်ချက်ချမလဲ၊ ခင်ဗျားတို့ ခန္ဓာကိုယ်ကြီး အငှားထိန်းပြီး အငှားကျောင်းနေကြတာကိုး။
ငါရှိလို့၊ နင်တို့ လူချင်းတူ သူချင်းမျှမျှ၊ အကြောင်းညီညွတ်နေတာ၊ ငါမရှိရင် သိရစ်လိမ့်မယ်၊ ကြွားလုံးတွေ ထုတ်နေလိုက်တာ၊ သူကိုယ်တိုင်မှာ ငါဆိုတာမပါဘူး၊ ရုပ်နာမ်နှစ်ပါးကို ငါထင်ပြီး အရူးထလာတဲ့အခါ ကြွားလာတာပဲ၊ ဉာဏ်ပညာရှိတဲ့ပုဂ္ဂိုလ်က ကြည့်မယ်ဆိုရင် အရွယ်နဲ့မလိုက် အရူးထပြန်တာဟလို့၊ ဝိပဿနာ ဉာဏ်ဦးစီးပြီးနေတဲ့ ပုဂ္ဂိုလ်ကျတော့ ကိုယ့်ကိုယ်လို့ ဆိုစရာအကွက်ပါသေးလား။
ဒါဖြင့် ခင်ဗျားတို့ခန္ဓာကိုယ်၊ သူများပြုပြင်ထားတဲ့ သခါင်္ရ ခန္ဓာကိုယ်၊ မပိုင်တဲ့ခန္ဓာကိုယ်ဆိုရင်ကော လွဲသလား၊ ကောင်းပြီ ဒါဖြင့် ကိုယ့်စွမ်းရည်လား၊နောက်ကြောင်း၏ စွမ်းရည်းလား၊ ယခုနေနိုင်ကြတာ၊ နောက်ကြောင်းစွမ်းရည်သတ္တိနော်။
သင်္ခါရတရား မသိလိုက်တာတွင် တဏှာ၊ မာန၊ ဒိဋ္ဌိ၊ တစ်ခါတည်းခန္ဓာကိုယ်ပေါ်မှာခင်တဲ့ တဏှာလဲလိုက်ာတာပဲ။
သင်္ခါရလို့ မသိကတည်းက အနတ္တမသိဘူး၊ အနတ္တမသိလိုရှိရင် လှည့်ပေတော့ အတ္တဝင်တော့မှာပဲ၊ အတ္တဒိဋ္ဌိ မဝင်ပေဘူးလား၊ အတ္တဒိဋ္ဌိဝင်လာရင် ခင်တဲ့လောဘကော . . .လာမှာပါ၊ မာနကော . . .လာမှာပါ၊ သင်္ခါရမသိမှုကြောင့် ပ ပဉ္စတရား တွေပွားရတယ်။
ဒကာ ဒကာမတို့ ဥပကကြီးဘုရားနဲ့လက်ဦးစွာတွေ့တယ်နော်၊ ဘုရားကိုသူကအင်း . . .ဣနြေ္ဒလဲကောင်းတယ်၊ အရောင်အဆင်းတွေနဲ့ ဘယ်သူ့တပည့်တုန်းမေးတဲ့အခါကျတော့၊ ဘုရားက ငါ့မှာဆရာမရှိပါဘူးကွာ၊ မာရ်ငါးပါးအောင်တဲ့ အနန္တဇိနဆိုတာငါပဲလို့ပြောတော့၊ ဩော် . . .ဟုတ်လေမှာပဲ၊ ထူးလည်းထူးတဲ့ပုဂ္ဂိုလ်ကြီးဆိုပြီး မျက်နှာလွှဲသွားတာရှိတာပဲ . . .မကျွတ်ဘူး၊ သုဘဒ်က ဥပကနဲ့ဆာဝါတို့၏သား၊ သုဘဒ်က ပညာလေးကပါလာတော့၊ သူ့စိတ်ထဲမှာ မေးချင်တဲ့ စကားသုံးခွန်းရှိတယ်။
(၁) ကောင်းကင်မှာသွားတဲ့ ပုဂ္ဂိုလ်များ ခြေရာထင်သလား၊ (၂) ဘုရားသာသနာမှတစ်ပါး တခြားသော သာသနာမှာနေတဲ့ ပုဂ္ဂိုလ်များ သောတာပန်၊ သကဒါဂါမ်၊ အနာဂါမ်၊ ရဟန္တာဖြစ်နိုင်ရဲ့လား၊ (၃) သင်္ခါရတရားဟာ မြဲတယ်လို့ရှိရဲ့လား ကုသိနာရုံပြည် မလ္လာမင်းတို့၏ အင်ကြင်းဥယျာန်မှာ ဘုရားပရိနိဗ္ဗာန်စံတော်မူမယ်ဆိုတာ သူကြားတယ်။
အဲဒီတော့ ဒကာ ဒကာမတွေ တွေးစရာက ဩော် . . . ပရိနိဗ္ဗာန်ပြုမှာကိုတောင် ထားပြီးစောင့်သကိုးလို့ မဆိုထိုက်ဘူးလား၊ ဆိုထိုက်ပါတယ်။
အဲဒါမှတ်ထားကြတဲ့၊ ခင်ဗျားတို့ ၀ိပဿနာရှုပြီးသကာလ၊ ဥပမာ-သေမည့်ဝေဒနာလာတယ်ဆိုကြပါစို့၊ လူတိုင်းသေမည့် ဝေဒနာတော့လာမှာပဲ အဲဒီဝေဒနာကို ဖြစ်ပျက်မြင်အောင်ရှုပြီး၊ ဖြစ်ပျက်မုန်းအောင်ရှု၊ ဖြစ်ပျက်ဆုံးသွားလို့ရှိရင်ဖြင့် နိဗ္ဗာန်မြင်နေလို့ရှိရင်ဖြင့်မသေသေးဘဲ စောင့်လို့ရတယ်၊ အသေကို အထိုက်အလျောက်တားထားနိုင်ပါတယ်။
သုဘဒ်က ဘုရားကိုယ်တိုင်ချွတ်မှ ကျွတ်တမ်းဝင်မည့်ဗုဒ္ဓဝေနေယျဆိုတာ ဘုရားလဲသိမြင်တော်မူတယ်၊ သူ့ကို မချွတ်ရသေးလို့ရှိရင် ပရိနိဗ္ဗာန်စံလို့ မဖြစ်သေးဘူး။
အားငယ်စရာ နှလုံးမသာစရာ ခင်ဗျားတို့ ဘာမှမရှိဘူး၊ ပျင်းတော့မပျင်းဘူး၊ ဖျင်းတယ်ဆိုပါတော့ ဒကာ ဒကာမတွေ ဖျင်းတာကို ကုပေးနိုင်ပါတယ်၊ ပျင်းတာကိုတော့ဖြင့် မတတ်နိုင်ဘူး။
ဒါကြောင့်-- အေးလွန်းပူစွ၊ စောစွမိုးချုပ်၊ ဆာဝရုပ်နဲ့၊ လုပ်ရအမှု၊ ပြုအံ့ကိစ္စဆိုတဲ့-လူမိုက်များအောင်းတဲ့ချောင်း ဆယ့်ခြောက်ချောင်ရှိတယ်။
အေးရင်လဲ အေးချောင်ခိုလိုက်တာပဲ၊ မလုပ်အားသေးပါဘူးတဲ့၊ ပူပြန်တော့လည်း ပူချောင်ခို၊ စောပြန်တော့ကော စောချောင်ခို၊ မိုးချုပ်သွားတော့ မိုးချုပ်ချောင်ခို၊ ဆာပြန်တော့ကော၊ ဆာချောင်ခို၊ ဝ တော့ကော ဝ ချောင်ခို၊ ဘယ်မှာမှရှိသေးရဲ့လား အလုပ်ချိန်မပါတော့ဘူး၊ လွန်ကုန်ပြီ၊ အဲဒါဘုရားက သေချာဟောတယ်။
ကောင်းပြီ . . .သုဘဒ်ရဟန်းကြီးက ကျုပ်တို့ကို အကုန်အားပေးသွားတယ်(၁) ကောင်းကင်မှာ ခြေရာရှိသလားဆိုတော့ . . .မရှိဘူး(၂) တခြားသောအဆုံးအမတွေနဲ့၊ သောတာပန်၊ သကဒါဂါမ်၊ အနာဂါမ်၊ ရဟန္တာမဖြစ်နိုင်၊ (၃) သင်္ခါရတရားဟာ မမြဲဘူး။
ဒါဖြင့် ဒကာ ဒကာမတို့ သင်္ခါရတရားဆိုတာ ခန္ဓာငါးပါးကိုဆိုတယ်၊ အဲဒါလေးကို ဘယ်တော့မှ မမြဲတာကလေးကို ကြည့်နေ၊ ဟော . . .ပေါ်လာပြန်ပြီ၊ မမြဲဘူး၊ ဟာ . . .ပေါ်လာပြန်ပြီ၊ ဖြစ်ပြီ ပျက်ပြန်ပြီလို့သာရှုနေ၊ ဝေဒနာကြိုက်တဲ့လူ ဝေဒနာနော်၊ စိတ်ကြိုက်တဲ့လူ စိတ်ရှု၊ ရုပ်ကြိုက်တဲ့လူ ရုပ်ရှုပါ၊ ဓမ္မာနုပဿနာကြိုက်တဲ့လူက သစ္စာချည့်ရှုနေ၊ ဖြစ်ဒုက္ခ၊ ပျက်ဒုက္ခချည့်ရှုနေ၊ အဲဒီကဲသို့ ရှုနေလို့ရှိရင် သေသေချာချာ ဘယ်ခါမဆို ကိစ္စပြီးတယ်။
ကဲ . . .ယနေ့ ဒီတွင် တော်ကြဦးစို့။ သာဓု . . .သာဓု . . .သာဓု
ဤကောင်းမှုကုသိုလ်ကံ
စေတနာအပေါင်းတို့သည် အားထုတ်ဆဲဖြစ်သော
ဝိပဿနာဉာဏ်မှ မဂ်ဉာဏ်သို့ကျေးဇူးပြုခြင်းငှာ
အထောက်အပံ့ ပစ္စည်းအဖြစ်ဖြင့်
တည်ရှိပါစေသတည်း ။ ။
အရှင်ဉာဏဓဇ
မိုးကုတ်ဝိပဿနာ မင်္ဂလာမဂ္ဂင်ရိပ်သာ
ပင်မသံဝေဇနိယဌာန
အမရပူရမြို့ ။
No comments:
Post a Comment