ကိုယ်တိုင်ရင်လဲရတဲ့ ပုဂ္ဂိုလ်လဲအသင့်ပါလိမ့်မယ်၊ သူများရွတ်သံကြားဖူးတာလဲပါလိမ့် မယ်၊ ကောဏ္ဍညော၊
ကောဏ္ဍညသည်-အညာသိ၊ သိသွားပြီ (မှန်ပါ့)၊ ဒကာ ဒကာမတွေ ဘာသိသွားတာတုံးလို့ မေးဖို့မလိုဘူး
လား (လိုပါတယ်ဘုရား)၊ "ကောဏ္ဍညော၊ ကောဏ္ဍညသည်၊ အညာသိ၊ သိသွားပြီ"ဆိုတဲ့ ဥစ္စာဟာ၊ လူ့ပြည်
မှာလဲကျော်ကြားတယ်၊ နတ်ပြည်မှလည်း ကျော်ကြားတယ်၊ ဗြဟ္မာပြည်လဲ ကျော်ကြားတယ်၊ အကုန်လုံးပဲ
အားလုံးပဲကျော်ကြားတယ် (မှန်ပါ့)၊ သိသွားတယ်ဆိုတာသည်၊ ဘာပါလိမ့်မလဲလို့ မေးတော့မှ ဒကာ ဒကာမ
တို့ သစ္စာသိသွားတယ် (သစ္စာသိသွားပါတယ်ဘုရား)၊ သစ္စာသိသွားတော့ကို ဘာဖြစ်ပါလိမ့်မလဲလို့ အမေး
ထုတ်ဖို့လိုလာတယ်၊ သောတာပန် ဖြစ်သွားပြီလို့ဟောတာ။
ဒကာ ဒကာမတွေ သူသိသွားတဲ့အချိန်မှာ သောတာပန် တည်တယ်ဆိုတဲ့ ဥစ္စာက ဒီနေရာမှ ဒါန
လည်းသူမပါဘူး၊ တရားနာနေတာ သီလကလည်းမပေါ် သေးပါဘူးတဲ့၊ သီလဆောက်တည်ဖို့လို့ မပေါ်သေး
ပါဘူး၊ သစ္စာသိတာနဲ့ပဲ၊ ကဲ..သိတဲ့ အထဲမှာ သီလဝင်လာပြီးသကာလ သောတာပန်တည် သွားတာပဲ (မှန်ပါ့)
ဒုက္ခသစ္စာက ဒုက္ခသစ္စာ၊ သိတာက မဂ်သစ္စာ၊ သေတာက သမုဒယသစ္စာ၊ နောက်ခန္ဓာမလာတာက နိရောဓ
သစ္စာဆိုတာ တစ်ပြိုင်နက်သိသွားတာ၊ သစ္စာမသိဘဲနဲ့ နိဗ္ဗာန်ဝင်တဲ့ပုဂ္ဂိုလ်ရှိရဲ့လား (မရှိပါဘုရား)၊ သိပြီးတော့ သိရုံနဲ့ ပြီးရောလားလို့ မေးတဲ့အခါကျတော့၊ ပွားသိ..သိမှလို့မှတ်လိုက်ပါဦး (မှန်ပါ့ဘုရား)၊ ပွားသိသိ
လို့ရှိရင်ဖြင့် ခင်ဗျားတို့အပါယ်လေးပါးသူများ ပါးစပ်ထဲမှာ ခန္ဓာကိုယ်ထိုးအပ်ရမည့် သေပွဲတွေ၊ အပါယ်ငရဲမှာ
မချိမဆန့်ခံမည့် နာပွဲကြီးတွေ၊ နောက်ကပြုခဲ့တဲ့ အမိုက်အမဲ အကုသိုလ်ကံတွေ၊ ယခုဘဝ မသိ..မလိမ္မာလို့
မိုက်ထားတဲ့ အပါယ်သွားမည့်ကံတွေဟာ၊ အဲဒီ..ပွားပြီး သိတဲ့တစ်လုံးက အကုန်ပယ်ချလိုက်ပါတယ်၊ သိပ်အ
ဖိုးတန်ပါတယ် (မှန်ပါ့)၊ ဆားတစ်လျက်နဲ့ အကုန်ပြေပါလိမ့်မယ်၊ ခင်ဗျားတို့ ဆားလျက်တာ၊ မပျင်းပါနဲ့ဆိုတာ
သတိပေးပါတယ်။
ဒါဖြင့် ဒကာ ဒကာမတို့ လုပ်ထိုက်တဲ့အလုပ်ကိုဖြင့် ဦးမြ-လုပ်မှကောင်းမယ်၊ ကြွေးရှိသလား မရှိဘူး
လား၊ ဒကာ ဒကာမတွေမှာ (ရှိပါတယ်ဘုရား)၊ တို့အရေးကယ်တင်မည့် ဆရာသမားရှိသေးတယ်ဆိုတာ
သေသေချာချာမှတ်ပါ၊ တဏှာမပေါင်းနဲ့ သဒ္ဓါပညာနဲ့သာ ပေါင်းပါလို့၊ သဒ္ဓါ၊ ပညာနဲ့သာပေါင်းလို့ ခန္ဓာကို
ယောက်ျား၊ မိန်းမရယ်လို့ မသိဘဲနဲ့ အနိစ္စရယ်လို့ သိပါတယ်၊ ဖြစ်ပြီးပျက်တဲ့ အနိစ္စရယ်လို့သိပါတယ်၊ တဏှာ
နဲ့ပေါင်းလိုက်တဲ့အခါကျတော့ ငါလူပုံအလယ်မှာ လူတလုံးသူတလုံးလုပ်နေတာပဲဆိုပြီး၊ တဏှာတွေ မာန
တွေအကုန်လာပစ်လိုက်၊ ပပဉ္စမလာဘူးလား (လာပါတယ်ဘုရား)၊ သဒ္ဓါဆိုတာက ဘုရားဟောတာယုံ
ကြည်ပါ၊ ရမ်းပြီးတော့လဲ မယုံကြည်လိုက်ပါနဲ့၊ ဘုရားကဟောတော့ ဟောတာပဲ၊ ကိုယ်က ရမ်းယုံကြည်
လို့ရှိရင်လည်း မဖြစ်သေးဘူး၊ ဘုရားဟောတာနဲ့ ခန္ဓာနဲ့လိုက်ပြီးတော့ယုံပါ၊ သဘောကျကြပလား (မှန်ပါဘု
ရား)၊ ဘုရားဟောတာနဲ့ ကိုယ်ခန္ဓာဖြစ်စဉ်နဲ့ ကိုက်တာကိုယုံလိုရှိရင်၊ သဒ္ဓါလို့မှတ်ပါ၊ သဒ္ဓါရှေ့ပြေးမှ ပညာ
နောက်ကလိုက်နိုင်ပါတယ်ဆိုတာကိုလဲ သေသေချာချာမှတ်ပါ (မှန်ပါ့)၊ ကမ္ဘာလောကကြီးထဲ သူတစ်
ယောက်တည်းသိတဲ့ ပုဂ္ဂိုလ်ရှိတယ်၊ အညာသိ ကောဏ္ဍညောဆိုတာ ထူးထူးချွန်ချွန်သိတာ သူတစ်ယောက်
ရှိသေးတယ်ကွ၊ သိသည်နဲ့ တပြိုင်နက်အပါယ်နဲ့ အိုးစားကွဲပြီမှတ်ပါ။
ဒါနနဲ့ ဆပ်လို့မပြေဘူး (မှန်လှပါ)၊ သီလနဲ့ ဆပ်လို့လဲ မရဘူး (မှန်ပါ့)၊ ဒကာ ဒကာမတွေ ဘာနဲ့ဆပ်
မယ် (မဂ်နဲ့ ဆပ်ပါမယ်)၊ ခင်ဗျားတို့နဲ့ အလျော်ဆုံးက ကိုယ့်စိတ်ကိုယ်ရှုတာ၊ အလျော်ဆုံးဖြစ်နေတယ်
(မှန်ပါ)၊ သူများစိတ် ရှုရမှာလား...ကိုယ်စိတ်ရှုရမှာလား (ကိုယ်စိတ်ရှုရမှာပါဘုရား)၊ ကိုယ့်စိတ်ကိုယ်၊ ပြန်သိ
လိုက်တဲ့အချိန်ကျတော့ ဒကာ ဒကာမတို့ စိတ်ဆိုတာ ဖြစ်ပြီးပျက်သွားတဲ့စိတ်က တစ်မျိုး၊ သိတဲ့စိတ်က
တစ်မျိုးသဘောကျပလား (ကျပါတယ်ဘုရား)၊ ဖြစ်ပြီးပျက်သွားတာ (အသေပါ)၊ မဂ်ကအရှင်၊ အသေကို
အရှင်နဲ့ သိပေးတယ်၊ ဒါဝိပဿနာခေါ်တယ်၊ အသေကို အရှင်နဲ့ကြည့်တာ (ဝိပဿနာခေါ်ပါတယ်ဘုရား)။
ဒါကြောင့် ဘုရားရဟန္တာများကျတော့အစောကြီးက အသေတွေကိုသိနေတာ အထူးအဆန်းလား၊ ဆရာ
လက်လွှတ်တဲ့ ဝေဒနာအထူးအဆန်းလားလို့ မေးတဲ့အခါကျတော့၊ အထူးအဆန်းမဟုတ်ပါဘူး အရင်သေ
ဖူးနေပါပြီဆိုပြီးသကာလ ဒကာ ဒကာမတို့ ဒီအသေခန္ဓာကြီးကို မတွေ့ရမည့်နေရာ မြင်နေရတော့ ဘုရား
ရဟန္တာကျတော့ ပြုံးများနေလိုက်သေးတယ် (မှန်ပါ့)၊ ဒီတစ်ခါသာ သေရတော့မယ်ကွ၊ နောက်အသေ
ဇာတ်သိမ်းပြီဆိုတော့ ဒကာ ဒကာမတွေ မပြုံးပေဘူးလား။
ခင်ဗျားတို့က ဝိပဿနာဆိုတာပွားတာ၊ တောကျောင်း တောင်ကျောင်းသွားရှုရတယ်မှတ်နေတာ၊ဟုတ်ကြရဲ့လား၊ ဒကာ ဒကာမတို့ တောကျောင်း တောင်ကျောင်းသွားရှုရတာ (မဟုတ်ပါဘူး)၊ ကိုယ့်အသေ
ကိုယ်သိရင်ပြီးတာပဲ၊ တောသွားမှ အန္တရာယ်တွေ၊ မာန်စွယ်တွေ၊ ရန်စွယ်တွေ စိုးရိမ်နေရသေးတယ်၊ အခု
စိုးရိမ်စရာရှိရဲ့လား (မရှိပါဘုရား)၊ အဲ...တောကျောင်း တောင်ကျောင်းဆိုတာ သမထကိုဟောတာ (မှန်ပါ့)၊
ရိပ်မိကြပလား၊ ဝိပဿနာက လှေကားခုံကဆင်းရင် တောင်ကျောင်းဖြစ်တယ်ကွ ဆိုတော့ အဘိဓမ္မာနည်း
နဲ့ သုတ္တန်နည်းဟာ တခြားစီ (မှန်ပါ့)၊ အကောင်းအဆိုးရွေးတာက ဒီတဏှာကရွေးမှာ (မှန်ပါ့)၊ ဒီပြင်ဟာက
ရွေးနိုင်ရဲ့လား (မရွေးနိုင်ပါဘုရား)၊ ကိုင်း သူမရွေးခင် ကျုပ်တို့က တဏှာမလာခင် ဒီမြင်စိတ်ကလေးသည်
ကားလို့ ဆိုလို့ရှိရင်ဖြင့်၊ ကိုယ်ခန္ဓာ ဝိညာဏက္ခန္ဓာဆိုတဲ့ စိတ်ကလေး သေသွားပြီဆိုပြီး ဒီကနေသိပေးလိုက်
တော့ တဏှာဆက်သေးရဲ့လား (မဆက်ပါဘုရား)၊ မဂ်ရဖို့ အလုပ်ဟာ ဆုတောင်းအလုပ်လား၊ အသိအ
လုပ်လား (အသိအလုပ်ပါဘုရား)၊ ဒကာ ဒကာမတွေက ဘုရားကို ကျေးဇူးတင်တဲ့ သဘောနဲ့သာရှိခိုးရ
မယ်၊ ကိုးကွယ်ရမယ် (မှန်ပါ့)၊ သိအောင်လုပ်တာက ကိုယ့်ဉာဏ်နဲ့ ကိုယ်လုပ်ရမယ်၊ ဘုရားကိုတော့ ကျေး
ဇူးတော်ရှင်အဖြစ်နဲ့ ကိုးကွယ်ရမယ်၊ ဘုရားရှိခိုးရင် ဒကာ ဒကာမတို့ တိုတိုမှတ်လိုက်ပါ၊ သုဂတိရောက်ရုံပဲ
တဲ့၊ ဘုရားဟောတာကိုမှတ်ပြီး အသိနှင့် သိနေကြလို့ရှိရင် နိဗ္ဗာန်ရောက်မယ် (မှန်ပါ့)။
သခင်ဝတင်ဘယ်ဟာကြိုက်သတုံး (နိဗ္ဗာန်ကြိုက်ပါတယ်ဘုရား)၊ နိဗ္ဗာန်ကြိုက်ဆိုတာ ဒုက္ခခပ်သိမ်း
ငြိမ်းတာနိဗ္ဗာန်ပဲ (မှန်ပါ့)၊ ကြည်ညိုတာက လူဒုက္ခနဲ့ နတ်ဒုက္ခလဲတာ၊ ဒကာ ဒကာမတို့ ကိုယ့်စိတ်ကိုယ်ရူပါ၊
စိတ်...စိတ်ချင်းရှုရမယ်အကွက်ဟာ အတော်အရေးကြီးပါတယ်၊ ဒါကိုယ့်စိတ်လို့ ဆိုသဖြင့် ကိုယ်သိပါတယ်
ဆိုတော့ သိတဲ့အချိန်မှာ ဒီစိတ်ရှိသေးရဲ့လား (မရှိပါဘုရား)၊ နှစ်စိတ်နဲ့ အသက်မရှင်ကောင်းဘဲကိုး (မှန်ပါ့)၊
တစ်စိတ်နဲ့သာ အသက်ရှင်ရမယ်၊ အဲဒီတော့ ကိုယ့်စိတ်ကို ကိုယ်သိပါဆိုငြားသော်လည်း စိတ်ကို၊ သိရတာ
မဟုတ်၊ အပျက်ကိုသိရတာ၊ ပေါ်ကြပလား (ပေါ်ပါပြီဘုရား)၊ ဘုရားကဟောတာက၊ စိတ္တာနုပဿနာဆို
တော့ စိတ်ကိုအရှုခိုင်းတယ်လို့ ထင်လိမ့်မယ် စိတ်ကိုအရှုခိုင်းတာ မဟုတ်ဘူး၊ စိတ၏ ပျက်မှုကို ရှုပါပြော
တာ စိတ်၏မရှိမှုကို ရှုခိုင်းတာ၊ တစ်ခုသေးပြီးမှ တစ်ခုဖြစ်ရမှာ (မှန်ပါဘုရား)၊ ကျုပ်ကဖြင့် စိတ်လာတိုင်း
ရှုနေတာပဲဆိုရင်၊ ဒါ ဝိပဿနာမဟုတ်ဘူး၊ ဝိပဿနာ အပါးမဝသေးဘူး၊ ဆရာရင်လဲလိုမယ်၊ ကိုယ်ရင်လို
မယ်၊ စိတ်ဟာ နှစ်ခုပြိုင်ပေါ်ကောင်းရဲ့လား (မပေါ်ကောင်းပါဘုရား)။ အသေကို အရှင်နဲ့ကြည့်ရမယ်၊ အရှင်နဲ့ မကြည့်လဲမမြင်ဘူး၊ အသေကို မတွေ့သေးလို့ရှိရင်လဲ ဟင်္သာ
တဦးမြကြီး အနိစ္စမတွေ့သေးဘူး (မှန်ပါ့)၊ စိတ္တာနုပဿနာလား၊ အသေကိုအရှင်နဲ့ ကြည့်တာလား (အသေ
ကို အရှင်နဲ့ကြည့်တာပါ)၊ ဝေဒနာနုပဿနာလား၊ အသေကို အရှင်နဲ့ကြည့်တာလား (အသေကို အရှင်နဲ့
ကြည့်တာပါဘုရား)၊ ဒါဖြင့် ဒကာ ဒကာမတို့၊ ဧဟိ ပဿိကောခေါ်ရာကို သန္ဒိဋ္ဌိကောနဲ့ (လိုက်ရမယ်)၊ လိုက်
လို့ရှိရင် ဒါဝိပဿနာအစစ်၊ ဝိပဿနာစာအုပ်ကြီး ရှည်နေအောင် ရေးထားပေမယ့်၊ လိုရင်းကဒါပဲရှိတယ်၊
ဒကာ ဒကာမတို့ ဝိပဿနာစာအုပ်ကြီးဟာ ရှည်လိုက်တာဘုရား၊ ဆရာတော်က ဉာဏ်ကျယ်လိုက်တာ၊
ခင်ဗျားတို့ ဉာဏ်ကျယ်တာ လိုက်နေရင် ငါးပါးမှောက်မယ်၊ ဒါဖြင့် သခင်ဝတင်ကြီးရေ၊ ရန်ကုန်သွားပြီးသကာ
လ၊ ရွှေတိဂုံဘုရားသွားပြီး အရှင်ဘုရား၊ ဧဟိပဿိကော ဘုရားနော် (မှန်ပါ့)၊ ဘုရားကိုသွားပြီး သတိပေးသ
လိုဖြစ်နေတယ်၊ အကာလိကော လာစရာမြင်သေးရဲ့လား...ကိလေသာရောဂါတွေ ပျောက်နိုင်ပါမလား (မ
ပျောက်နိုင်ပါဘုရား)။
ဒါဖြင့် ယနေ့ကစပြီးသကာလ ခင်ဗျားတို့ ဘုရားမရှိခိုးနဲ့တော့ မဟောဘူး (မှန်ပါ့)၊ ရှိခိုးတော့ ရှိခိုး
ကောင်းတယ် (မှန်ပါ့)၊ ခင်ဗျားတို့က ဝဋ်ဘဝတိုတိုနဲ့ နိဗ္ဗာန်မဂ်ဖိုလ် ရရပါလို၏၊ ခင်ဗျားတို့ တောင်းတယ်၊
လုပ်ယူရမှာကို တောင်းယူလိုက်တော့မရဘူး၊ ရိပ်မိကြပလား (ရိပ်မိပါပြီဘုရား)၊ ဘုရားရှိခိုးတာက သမထ
လိမ်းရင်ဘယ်ရောက်မယ် (ဗြဟ္မာပြည်ရောက်မယ်)၊ သောက်လိုက်လို့ရှိရင် (နိဗ္ဗာန်ရောက်မယ်)၊ ဘယ်ဟာ
ကြိုက်သတုံး (နိဗ္ဗာန်ကြိုက်ပါတယ်)၊ ဧဟိပဿိကောခေါ်ရာကို သန္ဒိကောနဲ့လိုက်မှ ဒုက္ခသစ္စာကိုသိတယ်၊
ဒုက္ခသစ္စာသိတဲ့ အချိန်မှာ၊ သမုဒယသစ္စာ သေ မသေ (သေပါတယ်ဘုရား)၊ သမုဒယသစ္စာသေလို့ရှိရင်
နိရောဓ၊ လာမလာ (လာပါတယ်ဘုရား)။
ဤကောင်းမှုကုသိုလ်ကံ
စေတနာအပေါင်းတို့သည် အားထုတ်ဆဲဖြစ်သော
ဝိပဿနာဉာဏ်မှ မဂ်ဉာဏ်သို့ကျေးဇူးပြုခြင်းငှာ
အထောက်အပံ့ ပစ္စည်းအဖြစ်ဖြင့်
တည်ရှိပါစေသတည်း။
အရှင်ဉာဏဓဇ
မိုးကုတ်ဝိပဿနာ မင်္ဂလာမဂ္ဂင်ရိပ်သာ
ပင်မသံဝေဇနိယဌာန
အမရပူရမြို့ ။ ။
No comments:
Post a Comment