မျက်လုံးပေါက်က
ပေါ်လာတဲ့ မျက်လုံးစိတ်ကို ဖြစ်ပျက်ရှုလိုက်ရင် ပဋိစ္စသမုပ္ပါဒ်ပြတ်တာပဲ၊ နားပေါက်က ကြားစိတ်
ကလေးပေါ်လာရင် ဖြစ်ပျက်ရှုလိုက်ရင်ကော
(ပြတ်ပါတယ်ဘုရား)၊ နှာခေါင်းပေါက်က နံ့တဲ့စိတ်ကလေးပေါ်လာ
လို့ရှိရင်၊ ဖြစ်ပျက်ရှုလိုက်ရင်ကော၊
ပြတ်တာပဲ၊ ပဋိစ္စသမုပ္ပါဒ်သည်ဖြတ်တတ်လို့ရှိရင် အလွယ်သားပါပဲဆိုတာပေါ်
လာတယ်နော်၊ ကိုယ့်ပဋိစ္စသမုပ္ပါဒ်ကိုယ်ဖြတ်ဆိုတော့
ကိုယ့်ဒုက္ခကိုယ်ရှုပြီး ကိုယ်ဒုက္ခကိုယ်ရှောင်တာပဲလို့မှတ်လိုက်
စမ်းပါ၊ ကိုင်း အားလုံး ဒကာ
ဒကာမတွေ ဒီနေ့မနောပေါက်ကို ပြတော့မယ်တဲ့၊ ဝမ်းထဲမှာ ဟဒယဝတ္ထု အကြည်မှန်
ဆိုတာရှိတယ်နော်၊ အကြည်မှန်ကို
ရန်ကုန်မှာသားလေးရှိ သားလေးဘက်ကို တည့်ပေးလိုက်၊ သားလေးခင်တဲ့စိတ်
ပေါ်လာတာ သမီးဆိလှည့်လိုက်ရင်၊
သမီးကို စိုးရိမ်တဲ့စိတ်ပေါ်လာတာပဲ၊ ဒီမနော အကြည်မှန်ဟာ ဒကာ ဒကာမတို့
သန္တာမှာဖြင့်၊ အလုပ်အများဆုံးလို့
မှတ်လိုက်စမ်းပါ၊ အဲဒါ တွေးလုံးနဲ့ လှည့်တာဟူသရွေ့ကိုဖြင့် မနောစိတ်လို့မှတ်လိုက်
စမ်းပါ၊ ဒါဖြင့် မနဉ္စ-ခင်ဗျားတို့
သန္တာန်၌ ဘဝင်အကြည်မှန်ကိုလည်းကောင်း၊ ဓမ္မေစ-ခင်ဗျားတို့ တွေးနေတဲ့ ဓမ္မရုံကို
လည်းကောင်း၊ ပဋိစ္စ-စွဲ၍၊
မနောဝိညာဏံ-မနောဝိဉာဏ်စိတ်သည်၊ (ဝါ) ခင်စိတ်၊ မင်စိတ်၊ ကြင်နာစိတ်၊ စိုးရိမ်စိတ်၊
ကြောင့်ကြစိတ်သည်၊ ဥပ္ပဇ္ဇတိ-တပြုံကြီးပေါ်ကြ၏၊
မနောအဆိုးဆုံးဆိုတာ ရှင်းရှင်းလင်းလင်း မှတ်လိုက်စမ်း၊ အိပ်ပျော်
နေတုံး အိပ်မပျော်အောင်လုပ်တာ
ဘယ်သူများပါလိမ့် (မနောပါဘုရား)၊ ဘယ်အချိန်မဆိုပေါ်လာနိုင်တဲ့ စိတ်၊ မှောင်ထဲ
မှာလဲ ပေါ်နိုင်တယ်၊ ဘုန်းကြီးစေတနာက
ဒီမှန်အလှည့်မလွဲစေနဲ့။
ဒီမှန်ကြည့်လွဲတာနဲ့ မှန်အထောင်လွဲတာနဲ့ ပဋိစ္စသမုပ္ပါဒ်တွေ
ထွက်ထွက်လာတယ်၊ မထောင်သင့်တဲ့ဘက်ကို
မထောင်ပါနဲ့ဆိုတာ ဘုန်းကြီးက
မေတ္တာရှေ့ထားပြီးပြောကြားပါတယ်၊ ခုနစ်စဉ်တန်းလို့ဆိုတဲ့ဥစ္စာ ဒီပဋိစ္စသမုပ္ပါဒ်တန်း
တာကိုဆိုတာ မှန်ထောင်လွဲရင်
အိပ်မပျော်ဘူးနော်၊ စားလို့ကော-မရပါဘူး-သွားရင်လည်း ခလုတ်တိုက်တယ်၊ မှန်ထောင်လွဲတော့
ပဋိစ္စသမုပ္ပါဒ်သုံးမျိုးပေါ်တယ်၊ သားဘက်လှည့်တော့ အပေါင်းအသင်းလွဲမှာ စိုးရိမ်လိုက်တာဆိုတဲ့
သောကမလာပေဘူးလား၊ စိတ်ပူပန်တဲ့
ဥပါယာသတွေကလည်း လိုက်လာတယ်၊ အဝိဇ္ဇာပါလာတယ်၊ ဒီဘဝမှ မှန်
ထောင်လွဲလို့ ဒုက္ခရောက်တာကတစ်မျိုး၊
နောက်ဘဝပဋိစ္စသမုပ္ပါဒ်ဆက်လိုက်လို့ ဒုက္ခရောက်တာကတစ်မျိုး၊ ဘယ်နှစ်
မျိုးပါလိမ့် (နှစ်မျိုးပါဘုရား)၊
ဘုရားသခင်ကိုယ်တော်မြတ်မတော့ နံနက်မိုးလင်းလို့ရှိရင် ဉာဏ်တော်ကွန်ရက်ထဲလာထင်
တယ်ဆိုတာ သူမှန်ထောင်လိုက်တာပဲ၊
ကျွတ်ထိုက်တဲ့ ပုဂ္ဂိုလ်ဒီထဲမှာ အရိပ်ပေါ်လာတယ်၊ ဘုရားရှင်ရဲ့ အကြည်မှန်
ကြီးဟာ ဘယ်လောက်ထိအောင် အရိပ်ထင်နိုင်တယ်-
ဗကဗြဟ္မာရိပ်ထင်နိုင်တယ်ဆိုတာ ပေါ်ကြပလား၊ ခင်ဗျားတို့က
အရူးမှန်ရသလိုဖြစ်နေတယ်၊
အရူးဟာ ပြဒါးသုတ်တဲ့မှန်ကလေးတစ်ချပ်ရပြီဆိုမှဖြင့်၊ လမ်းကသွားတဲ့လူတွေ ထောင်
ထောင်ကြည့်ပြီး၊ ပြုံးတာကိုးဗျ၊
ပုထုဇဉ်ဟာ အရူးချည်းပဲဆိုတာပေါ်ပါတယ်။
လောအလာလို့ရှိရင် တဏှာဥပါဒါန်က-ဒေါသလာလို့ရှိရင်၊
ဒေါသ၊ သောက၊ ပရိဒေဝ၊ ဒုက္ခ၊ ဒေါမနဿ၊ အဝိဇ္ဇာ
ပေါ်တယ်၊ သစ္စာပါလိမ့်မတုံးလို့၊
ထောင်လိုက်စမ်းပါလား၊ ဟော-ဒုက္ခသစ္စာသိတဲ့စိတ်ကလေး အလယ်မှာပေါ် စေ့မယ်၊
မနောဝိဉာဏ်စိတ်ကလေး၊ ဉာဏ်စိတ်ကလေးပေါ်လိမ့်မယ်နော်၊
ဒုက္ခသစ္စာလို့သိလိုက်သည်နှင့် တပြိုင်နက်တည်း၊
လာမည့်ပဋိစ္စသမုပ္ပါဒ်သုံးခုစလုံး
အကုန်ပြတ်၊ ဒုက္ခသစ္စာသိတဲ့စိတ်ကလေးဟာ၊ တခါတည်းဖျတ်ဆို မဂ္ဂင်တွေပေါ်လာ
တာပဲ၊ ခန္ဓာဘက် လှည့်ထောင်လိုက်တဲ့အခါကျတော့
မဂ္ဂင်ငါးပါးမပေါ်ဘူးလား (ပေါ်ပါတယ်ဘုရား)၊ ဒုက္ခသစ္စာလို့
သိလုံးလေး မဂ္ဂင်ပေါ်လာတယ်၊
ဒုက္ခကလေးပါလားလို့ဆိုတဲ့ သိတဲ့မဂ္ဂင်ကောပေါ်တယ်၊ အဲဒါဒီလိုပေါ်အောင် ထောင်
နိုင်ပြန်လို့ရှိရင်တော့
မဂ္ဂင်ချည်းပေါ်နေတယ်၊ တစ်ခါကိုယ့်ခန္ဓာထဲမှာ၊ စိတ်ဆိုတဲ့ ဝိညာဏက္ခန္ဓာဘက် လှည့်ထောင်
လိုက်ပြန်တော့လဲ အရင်ချုပ်သွားတဲ့
စိတ်ကလေးဟာဘာပါလိမ့်မတုံးလို့ တွေးကြည့်လိုက်စမ်းပါလား၊ ဪ..အရင်
စိတ်ကလေးဟာ အနိစ္စလို့သိတဲ့ဉာဏ်လေးမပေါ်လာဘူးလား
(ပေါ်လာပါတယ်ဘုရား)၊ မှန်ထောင်ကတည့်ပြီး မဂ်
ချည်းပေါ်နေတယ်။
ဘုရားသခင်ကိုယ်တော်မြတ်ကြီးက သစ္စသံယုတ်မှာ
ဟောတဲ့အတိုင်ဟေ့ကြံစည်တွေးတောချင်လို့ရှိရင်
ခန္ဓာပေါ်မှာကြံစည်တွေးတာပါ၊
အခုပေါ်လာတာလေးတွေဟာ ဘာပါလိမ့်မတုံး ဒုက္ခသစ္စာပဲလား သမုဒယသစ္စာပဲလား
သမုဒယသစ္စာကို သမုဒယသစ္စာမှန်းသိပြန်လို့ရှိရင်လဲ
မဂ္ဂသစ္စာပေါ်တာပဲ၊ နိရောဓသစ္စာကို နိရောဓသစ္စာလို့ သိပြန်ရင်
ကော မဂ္ဂသစ္စာပေါ်ပါတယ်၊ အဲဒီတော့
မှန်တည့်ချင်လို့ရှိရင် ဘယ်ဘက်လှည့်ကြမယ်၊ ခန္ဓာငါးပါးဘက်ကို လှည့်လိုက်
ပါ၊ အိမ်မှာ အိပ်ကြတဲ့အခါကျတော့
နဖူးပေါ်လက်တင်၍ ခေါင်းအုံးပေါ် ခေါင်းကျသည်နှင့် တစ်ပြိုင်နက်တည်း ဆရာ
ဘုန်းကြီးကမှာတယ်၊ ဘုရားကမှာတယ်၊
ဘယ်ဘက်မှ မလှည့်ရတဲ့ ရှင်းပလား၊ လှည့်ချင်ရင် ခန္ဓာငါးပါးဘက်လှည့်ပါတဲ့၊
နိဗ္ဗာန်ရောက်ကြောင်းဟာ မှန်အလှည့်တတ်ဖို့အပေါ်မှာ
အရေးကြီးတယ်၊ သားနဲ့၊ သမီးနဲ့၊ ပစ္စည်းနဲ့၊ ဆွေနဲ့၊ မျိုးနဲ့ ဘက်
ကိုလှည့်မယ်၊ ဒကာ ဒကာမတို့
ပါဠိရွတ်စမ်း (ဒုက္ခက္ခန္ဓဿ သမုဒယော ဟောတိပါဘုရား)၊ ဒုက္ခက္ခန္ဓသဿ-ဒုက္ခအစု၏၊
သမုဒယော-ကိုယ်ပိုင်ဖြစ်ခြင်းသည်၊
ဟောတိ-ဖြစ်၏၊ ဒုက္ခအစုဖြစ်ခြင်းပဲ-သဘောကျပလား။
အိပ်မပျော်တာက ဒုက္ခအစကိုးဗျ၊ အပါယ်သွားမှာက
ဒုက္ခအဆုံးပဲ၊ ခန္ဓာငါးပါးဟာ ဒကာ ဒကာမတို့ ကမ်းနားသစ်
ပင်လို့ ဘုရားကဟောတယ်၊ ဘုရားဆိုတာ၊
နှစ်ခွန်းသောစကားကို မပြောတတ်သောကြောင့်ဘုရား၊ တစ်ခွန်းတည်းနဲ့
အမှန်ကိုပြေတတ်သောကြောင့်လဲဘုရား၊
မင်းတို့မှန်ထောင်ချင်ထောင်ပါ၊ ကြံချင်ကြံပါကွာ..ခန္ဓာဘက်ကိုလှည့်ထောင်
ပါ၊ တခွန်းတည်းနဲ့ အမှန်ပြောလိုက်တယ်၊
အဲ..မှန်ဆိုတော့ ခင်ဗျားတို့က မသိဘဲနေမှာစိုးတယ်၊ ခင်ဗျားတို့ ကြံလုံးသာ
ခန္ဓာဘက်လှည့်ကြံ ရှင်းပလား၊
ကိုင်း ဒကာ ဒကာမတို့ ခန္ဓာဘက်ထောင်ရင် သစ္စာဉာဏ်ပေါ်မယ်၊ သား သမီးပစ္စည်း
ဘက်လှည့်မယ်ဆိုရင် သစ္စာဉာဏ်မပေးဘူး၊
သစ္စာဉာဏ်မပေါ်တဲ့အခါကျလို့ရှိရင် သစ္စာမသိတဲ့ မိစ္ဆာဉာဏ်ပေါ်တယ်၊
ခန္ဓာမှ သစ္စာဉာဏ်၊ ကိစ္စဉာဏ်၊
ကတဉာဏ်၊ ရသွားလို့ ဒကာ ဒကာမတို့ သောတာပန်တည်တာ မဟုတ်လား၊
ဒုက္ခဿ ပိဠနဋ္ဌော-အို ဒီခန္ဓာကြီးဟာ၊
နှိပ်စက်နေတာ ပါကလားဆိုတဲ့ ကိစ္စဉာဏ်တွေကော၊ မလာဘူလား၊ ကတဉာဏ်
ဆိုတဲ့ ဪ..သစ္စာဖြင့်သိပြီ
ပေါ်ပြီဆိုတဲ့ ဉာဏ်တွေကော မလာဘူးလား၊ ဘုရားသခင်ကိုယ်တော်မြတ်ကြီးက မှန်
ထောင်တည့် ပေးလိုက်တဲ့အခါ
သောတာပန်၊ သကဒါဂါမ်၊ အနာဂါမ်၊ ရဟန္တာမဖြစ်ဘူးလား၊ အရူးပျောက်ချင်ရင်
မှန်ထောင်တည့်ရမယ်၊ ရူးချင်ရင်
မှန်ထောင်လွဲရမယ်၊ ကဲ..ကြိုက်ရာယူ..သဘောပါကြပလား။
ဤကောင်းမှုကုသိုလ်ကံ
စေတနာအပေါင်းတို့သည် အားထုတ်ဆဲဖြစ်သော
ဝိပဿနာဉာဏ်မှ မဂ်ဉာဏ်သို့ကျေးဇူးပြုခြင်းငှာ
အထောက်အပံ့ ပစ္စည်းအဖြစ်ဖြင့်
တည်ရှိပါစေသတည်း။
အရှင်ဉာဏဓဇ
မိုးကုတ်ဝိပဿနာ မင်္ဂလာမဂ္ဂင်ရိပ်သာ
ပင်မသံဝေဇနိယဌာန
အမရပူရမြို့ ။
No comments:
Post a Comment