ဖြစ်သမျှအကြောင်း အကောင်းချည်းပဲဆိုတာ..သစ္စာမသိလို့ပြောတာပါ၊ နိဗ္ဗာန်မမြင် ချမ်းသာမသိ
တဲ့လူကပြောတာ၊ ကံစီမံသလို ခံကြယုံပဲဆိုတော့..ကိုယ့်စွမ်းရည်းတုံးတယ်၊ ကံကို အားကိုးတာသည်၊
အသေးဆိုးသေပြီး အနေဆိုးနေရတဲ့..ဒုက္ခသစ္စာရချင်လို့။ တစ်သံသရာလုံး (၃၁) ဘုံမှာ ဘဝမျိုးစုံနဲ့
ကိလေသာ အာရုံတွေ..ခံစားခဲ့၊ အိုခဲ့၊ နာခဲ့၊ သေခဲ့ နဲ့..အရိုးတောင်လို ပုံအောင် ဒုက္ခပင်လယ်ဝေခဲ့
လှပြီ၊ အခုလို ဘုရား အဆုံးအမနဲ့ကြုံ၊ ဆရာကောင်းနဲ့ကြုံတဲ့ လူဘဝ ခဏတာကလေးမှာ..အသေမဦး
ခင်..အသေလွတ်တဲ့ နိဗ္ဗာန်ကို ဉာဏ်နဲ့မြင်အောင် အားထုတ်ထားမှ..မိမိရဲ့ဒုက္ခသံသရာ စက်ရဟတ်
ကြီး..အလည်ရပ်မယ်။ ခင်ဗျာတို့သည် ခန္ဓာဝန်ကို ကြွေးဆပ်လို့မဝ ခန္ဓာပွားတွေရဲ့ ကြွေးလည်းဆပ်လို့
မဝကြပါဘူး။ သာသနာတွင်းတရား အားထုတ်ကြပါ၊ ဒါမှ ကျွန်စရင်းမှ လွတ်ကင်းကြမယ်၊ ဝိပဿနာ
ဉာဏ်တည်းဟူသော သာသနာတွင်းတရား ဝင်လာမှ..လောဘအကြောင်းသိလာမယ်၊ လောဘအ
ကြောင်းသိရင် လောဘ၏ ကျွန်အဖြစ်..ခံလိုစိတ်နည်းလာပြီ။
ဒီခန္ဓာ ဒုက္ခသစ္စာမှန်း မသိကြလို..လောဘနဲ့ လုပ်ကျွေးနေကြလို့..လောဘရဲ့ အပြစ်တွေ ဖော်ပြောပြ
နေတာပါ၊ ဝိပဿနာအလုပ် မလုပ်ဘဲနဲ့ သေသွားတဲ့ မသာဖိတ်ရင်..ကျွန်မသာ အရှုကြွတော်မှုကြပါလို့
ဖိတ်ကြ။ လောဘရှိလျှင် အလောဘသွင်းပါ၊ ဘုရးပေးတဲ့ အန်ဆေး သောက်ရလိမ့်မယ်၊ သမ္မာဒိဋ္ဌိ ဦးစီး
သည့် မဂ္ဂင်တရားနဲ့ ရှုလိုက်မှ..လောဘတဏှာဟာ..အန်ထွက်သွားလိမ့်မယ်။ တစ်နေ့တစ်နေ့ဖြစ်နေ့တဲ့
လောဘ ဒေါသ မောဟတွေဟာ..တစ်နေ့ကို ငရဲရောက်ဖို့ ဘဝပေါင်းမရေမတွက်နိုင်ဘူး၊ စိတ်ကလေး
တစ်လုံး..စေတနာကလေးတစ်ခု အပါယ်တစ်ခါရောက်ဆိုတော့..စိတ်ပေါင်းကလည်း မရေမတွက်နိုင်
ဘူးဆိုတော့ကာ..အပါယ်ကတက်စရာမမြင်ဘူး။ တစ်ခါတလေမှလုပ်တဲ့ ကုသိုလ်ကလေးနဲ့ ဒီကံတွေ
မျှရဲ့လား၊ ဒါတွေကို ချေမှုန်းကန်းကွက်ပြီး.."အဟောသိကံ"ဖြစ်အောင်လုပ်နိုင်တာကတော့ မဂ်ပဲရှိတယ်။
ဘဝပေါင်းများစွာ စုဆောင်းထားတဲ့ အကုသိုလ်ကံဟောင်းတွေလည်း၊ သောတာပတ္တိမဂ် တစ်ကြိမ်ပေါ်
လိုက်လို့ရှိရင်..အကုန်"အဟောသိကံ"ဖြစ်တယ်။ ဒီဘဝသာမက-ဘဝများစွာ လူသတ်သမားကြီးဖြစ်လာ
ခဲ့တဲ့.."အင်္ဂုလိမာလ"လည်း မဂ်တစ်ချက်ပေါ်လိုက်တော့ ကြွေးအကုန်ကြေးသွားတာဘဲ။ ကိုယ်သွားရ
မယ့် ငရဲကိုယ်တိုင်မြင်ပြီးသားတောင်မှ.."မဂ်ဉာဏ်" "ဖိုလ်ဉာဏ်"ကတားနိုင်တယ်၊ မဂ်တည်းဟူသော
သိမှုလေးတစ်ခုတည်းနဲ့ ကြွေးဟောင်းရော...ကြွေးသစ်ပါ အကုန်ကြေစေပါတယ်။(ဒကာ ဒကာမတို့)
ခန္ဓာထဲဖြစ်ပျက် ဒုက္ခသစ္စာသာရှိတယ်၊ ဒုက္ခသစ္စာဆိုတာ ခန္ဓာထဲမှာ ခန္ဓာငါးပါး တစ်ပါးပါး ထင်ရှားဖြစ်
ပေါ်တာပါ၊ နာတာလည်း ပေါ်ပျောက်၊ ယားတာလေးလည်း ပေါ်ပျောက်၊ ကောင်းတာလေးလည်း
ပေါ်ပျောက်၊ ခန္ဓာတစ်ခုလုံး ပေါ်ပျောက်ပဲရှိတယ်၊ ကောင်းတာလေးလည်း ကောင်းပြီး ပျောက်လိုက်နဲ့
မမြဲလို့ ဒုက္ခသစ္စာ။ ကြည်နေတဲ့ မျက်လုံးကလည်း ကြည့်လိုက် ပျက်လိုက်နဲ့ မမြဲလို့ ဒုက္ခသစ္စာဘဲ။
ပစ္စုပ္ပန်ကာလမှာ..စားစိတ်ပေါ်ပေါ်..တွေးစိတ်ပေါ်ပေါ်..ပေါ်ချင်သရွေ့ပေါ် ဒုက္ခသစ္စာချည်းပဲ။ ခန္ဓာကိုယ်
က နဂိုက ဒုက္ခသစ္စာမို့လို့ ထွက်လာသမျှ ဒုက္ခသစ္စာပဲ။ အဲဒါ သိတာ သစ္စာသိတာဘဲ၊ သစ္စ္စ္စ္စ္စ္စ္စ္စာသိပြီးရင်..
ပွားသာနေ၊ ဒီအသိရှိပြီဆိုရင်..သေခြင်းဆိုး မရှိတော့ဘူး။
နဂိုက ရှပ်နဲ့ နာမ်ကို မိမိခန္ဓာထင်ထားတာကိုက၊ အလွဲကြီးလွဲနေတာ၊ ငါမြင်တယ်လို့ ပြောတော့
ပြောတာပေါ့၊ တကယ်တော့ မြင်စိတ်ကမြင်တယ်ဆိုတာ မမေ့ပါနဲ့။ အထင် ငါပြုတ်ပါစေ၊ အပြောငါ
ကျန်တာဟာ ကိစ္စမရှိပါဘူး၊ မြင်စိတ်က မျက်လုံးထဲပေါ်ပြီး..မျက်လုံးထဲ ပျက်တာပဲ။ ကြားစိတ်ကလေး
လည်း ကြားပြီးပြီးချင်း ပျက်နေတာပဲ။ ယားတာလည်း ယားသက်ရှည်လိုက်တာ မဆိုပါနဲ့၊ ယားပြီး ခဏ
ခဏပျက်နေတာပဲ။ ခင်ဗျားတို့ မဖြတ်တတ်လို့ ခက်နေတာ။ ခင်ဗျားတို့ သန္တာန်မှာရှိတဲ့ ဘယ်စိတ်မဆို
အခုပေါ် အခုပျက်ပဲ။ ဘယ်စိတ်မှ မမြဲဘူး၊ ခန္ဓာထဲမှာ..အားကိုးစရာဆိုလို့ တစ်ကွက်မှ မရှိဘူး၊ ဒါသိပြီး
အပွားနဲ့ ဖြုတ်ရင်..ဘယ်တော့မှ အပါယ်မကျတော့တဲ့ မဟာသောတာပန်၊ သောတာပန်ဆိုတာ ရုပ်နာမ်
ဓမ္မသင်္ခါရတွေကို ငါ ငါ့ ဥစ္စာမဟုတ်ဘူး၊ အနိစ္စ၊ဖြစ်ပျက်သာ ဟုတ်တယ်၊ ဒုက္ခသစ္စာသာ ဖြစ်တယ်လို့..
သူဉာဏ်ထဲမှာ၊ ပိုင်ပိုင်နိုင်နိုင် သိသွားတာ။
ဘုန်းကြီးပြောတဲ့ အဆုံးအမတွေဟာ..ပါဠိတော်က ဟာတွေချည်းပဲ ဆုံးမနေတာ၊ ဒါ ဘုရားအဆုံးအမ
ချည်းပဲ။ ခင်ဗျားတို့သည်၊ ဘုန်းကြီးပြောတဲ့တိုင်း လိုက်နာကျင့်ကြံ ကြိုးကုတ်လို့ရှိရင်..သောတာပန်၊
သကဒါဂါမ်၊ အနာဂါမ်၊ ရဟန္တာ..ဘယ်အချိန်မဆို ဖြစ်နိုင်တယ်။ ဆုံးမတဲ့ ဆရာကဖြင့်မလိုဘူး၊ လိုက်နာ
မယ့် ပုဂ္ဂိုလ်လိုချင်လိုလိမ့်မယ်။ သူပဲငါပဲလို့ အပြောဟာ အပြောပဲလို့ သဘောမထားဘဲ တကယ်တမ်း
မိမိထင်နေတာဟာ..ငယ်မှတ်နာနေတာ အမြင်မှားနေတာ၊ အမြင်မှားကြောင့် အပါယ်သွားရတာ၊ အမြင်
မှန် ရတဲ့နေ့ကစပြီး အပါယ်တံခါး ပိတ်တယ်။ အမြင်မှားနဲ့ သေရင် အပါယ်သွား၊ အမြင်မှန်ရင် နိဗ္ဗာန်သွား
ဒီနှစ်လမ်းပဲ ရှိတယ်။ တစ်သံသရာလုံးကတော့ ကိုယ့်ဟာမဟုတ်တာကို..ကိုယ့်ဟာထင်တဲ့ စုံလုံးကန်း
မျက်လုံးနဲ့ လာခဲ့ကြတာပဲ။ အပါယ်လေးပါး ချောက်တွေက..စုံလုံးကန်းကျဖို့ ချောက်တွေချည်းဘဲ၊ (၃၁)
ဘုံ သင်္ချိုင်းဟူသရွေ့ စုံလုံးကန်းသင်္ချိုင်း၊ ခင်ဗျာတို့ကို မျက်လုံးအမှန်မှ တပ်မပေးလို့ရှိရင် စုံလုံးကန်း
သင်္ချိုင်းရှာပဲ..ဖြစ်နေကြတော့မှာပါပဲ။
မိမိခန္ဓာအစဉ်သည် တစ်ဘဝနှင့် တစ်ဘဝ ပရမတ်အကြောင်းအကျိုး ဆက်စပ်နေတာ၊ အကြောင်းပြုလုပ်
လို့ အကျိုးပေါ်တာပဲ။ တစ်သံသရာလုံးမှာ"မဂ်"ရတာကို မကြိုက်ခဲ့လို့..အပါယ်လေးပါး ကိုယ့်အိမ်ကိုယ့်
ရာ ဖြစ်ခဲ့ရတာ၊ အခု လူဘဝကိုရောက်လာကြတာဟာ..တရားကြောင့်ရောက်လာကြရတာပါ၊ မတရား
နဲ့အချိန်ကုန်မယ်ဆို အရင်းရှုံးပါလိမ့်မယ်၊ ဒီအတိုင်းနေလို့ မတော်တဲ့အကြောင်း..ကောင်းကောင်းသိ
ကြပါ၊ မသိတုန်းကတော့ မသိသလို နေလာကြတာ ကိစ္စမရှိဘူး သိပြီးတဲ့အခါကြတော့ ပြင်ဖို့ဆင်ဖို့
အချိန်အခါ ရောက်ပြီ၊ ကိုယ့်ကိုယ်ကို သနားရင်..ဝိပဿနာအလုပ် လုပ်ပါ။ ။
ဤကောင်းမှုကုသိုလ်ကံ
စေတနာအပေါင်းတို့သည် အားထုတ်ဆဲဖြစ်သော
ဝိပဿနာဉာဏ်မှ မဂ်ဉာဏ်သို့ကျေးဇူးပြုခြင်းငှာ
အထောက်အပံ့ ပစ္စည်းအဖြစ်ဖြင့်
တည်ရှိပါစေသတည်း ။ ။
အရှင်ဉာဏဓဇ
This comment has been removed by a blog administrator.
ReplyDelete